民華餐廳 (已結業)

小妹除左鍾意悠閒地食西餐同日本菜之外，茶餐廳都係我嘅快靚正首選！我個人特別鍾愛民華餐廳，因為佢除咗有一般茶餐廳食物，仲有各式點心蒸飯，中西合璧，任君選擇蒸燒賣豬肉燒賣大大粒，豬肉食落唔多肥膏粒，感覺健康點咖喱牛筋腩煎蛋飯個咖喱汁好香又惹味，牛筋腩份量好多，牛筋牛腩全部大大舊，而且炆煮得好入味，牛腩肉質軟腍，牛筋富有膠質，每啖都充滿着咖喱香！配埋煎蛋飯就perfect啦火腿炒蛋配牛油方包食常餐最期待就係呢碟野！微微煎香左嘅火腿帶有肉香！炒蛋好嫩滑，充滿着蛋汁，一定要配埋超鬆軟的方包一齊食，簡單又好味雪菜肉絲米粉呢個係常餐裡其中一項食物，質素正常，米粉爽滑，雪菜肉絲都幾鹹香美味熱奶茶最後有杯熱辣辣嘅港式奶茶作結尾，奶同茶嘅比例啱啱好，茶夠香濃，奶夠滑

之前去西環碼頭等睇日落 未夠鐘就係堅尼地城食翻個茶記下午茶 估唔到民華又幾高質下午茶餐 $35沙嗲牛麵 + 腸仔 +炒蛋 +牛油多士 +熱檸水35蚊嚟講算抵食 又夠飽肚 炒蛋好滑溜 又有蛋香 沙嗲牛汁如果再濃啲就perfect!! 西多士 $23連熱飲 嘆茶記下午茶點可以唔叫西多! 好香脆 又有蛋香 個人認為好ok 山竹牛肉 $17茶記都有點心食 好神奇!岩哂三心兩意嘅人 牛肉球都算大粒 蘿蔔金錢肚 $17好鐘意食金錢肚 呢度夠濃味 啲金錢肚索哂啲汁 好正 唔使去酒樓都食到

今晚約了媽媽吃晚飯，點知老闆又請吃lunch 及tea, 去到放工仍未肚餓。 媽媽建議去上次經過堅尼地城民華餐廳，從門口向內望見到室內裝修舒適感覺。 再看看餐牌，價錢十分扺。 媽媽叫了一個豬軟骨河粉，好細心把粉與湯分開上，而且豬軟骨份量多又燜得非常稔。 我也要了一個常餐，是叉燒通粉 丶炒蛋香腸跟烘多士 及一杯熱檸檬茶。 多士烘得很香，炒蛋也炒得很滑。 原來餐廳也有點心和蒸飯供應，忍不住又叫了鵪鶉蛋燒賣和鮮竹卷。 兩人豐盛晚餐也只是120多元 ，感覺非常超值 。 而且餐廳很明亮潔淨 ，給人很舒服的感覺。

香港茶記有好多，但做得岀色又係連鎖經營的茶記有可數，其中一間我認為好食又有特色的茶記，就係民華餐廳。今日我就去左堅尼地城分站食午餐，呢間分店雖然鋪面不大，但設計簡單型格，擺脫傳統茶記殘舊欠衛生的形象。打開餐牌，選擇不算多，都係正常茶餐廳食物。因為今天幾肚餓，於是打算叫較多較多的飯餐，最後叫了民華招牌的-豬軟骨飯，單叫$47。豬軟骨份量只有幾舊很少，味道尚可。因我本人習慣每餐都有蔬菜食，於是以跟餐價加$10叫了一個魚湯時蔬，蔬菜鮮味，份量多，抵食。

呢間民華好光猛，又幾新淨。有湯粉麫，有碟頭飯，有蒸飯，又有茶餐；搞到試完一樣，再蒞試第二樣，暫時試過嘅味道OK份量足。一、煎蛋牛肉/鳳瓜排骨飯($27)：雖然味道一般，牛肉質感似點心牛肉球，鳳瓜排骨味道又係似點心鳳瓜排骨，但係佢平，性價比高，仲可以加十文要碟菜。二、魚蛋河($28)：以為得魚旦？年輕人，你實在太年輕了，有魚旦，魚片，魚角，爽口彈牙；仲有兩條菜；最重要係佢有非常好食嘅 炸 魚 皮三、咖哩牛腩飯($47)：夠香而不過速，夠濃可以撈飯，牛腩唔靭而不過坺。

今晚約咗阿姨去西環一出地鐵站就見到呢間餐廳所以就直接入去食啦好得意呀雖然佢哋嘅餐廳但佢有得叫點心食㗎我哋叫咗個燒賣試試佢夠熱夠香幾好味之後呢我哋就叫咗個常餐多士又脆又香😽😽炒蛋都幾滑配左個雪菜肉絲米超多雪菜仲叫咗個咖喱牛筋腩飯咖喱香濃而且份量好多有埋隻炒蛋俾你撈飯仲叫咗個湯煮菜成件事好健康因為我哋同埋表妹一齊食表妹佢哋就揀咗食西多士西多士炸得夠脆夠香濃同埋配合買煉奶一齊食好過加糖漿冇咁甜同埋冇咁膩，

民華餐廳週末，森仔又同女朋友四周搵食。今次去開西環行開街同影相。甘去d就腳既荼餐廳:民華餐廳。餐廳非常就腳，就係地鐵站堅尼地城附近😂😆餐廳既裝潢幾新式和光猛，令人坐得舒服。和一般連鎖既茶餐廳一樣，座位幾大，讓人舒服談天。而餐牌亦十分新淨和過了膠，清楚展左食物的賣相👍🏼👍🏼值得一讚🤓🤓當天，森仔和女朋友都好肚餓，所以叫左好多野食。滋味常餐當中有好多選擇，比一般餐廳多好多😆👍🏼森仔叫左鮮茄火腿通粉，湯底夠茄味，亦很濃，岩晒森仔的濃味怪😂再配左午餐肉炒蛋，午餐肉煎得香口好味，而炒蛋更是很滑口，重蛋味。應該用左靚雞蛋🥚和牛乳來炒😆🤓而焗多士，森仔加左2蚊變左果占牛油多土😍😍好味到爆，焗得香脆，又酸酸甜甜的，真係好好食。連森仔不愛食麵包的也愛上😘另外，叫左招牌咖哩牛筋楠。森仔食盡不少地方餐廳的咖哩，這間的咖哩也算係茶餐廳中頭三位的，佢既咖哩夠濃夠辣👍🏼👍🏼而牛筋腩亦炆得夠林身，牛味落左咖哩到，而牛筋腩更吸晒咖哩汁，正🤓🤓🤓飯面仲有一隻煎蛋🍳美中不足，係隻蛋係全熟。如果係流心蛋或大陽蛋會更正斗。最重要份量夠晒一個成年男人食。另外，森仔仲叫左3個點心小食。秘製金錢肚，e個又係森仔至愛😍😍醬汁味道一流

民華餐廳喺堅尼地城地鐵站一出就係, 不過b出口會比較近啲, openrice寫c出口會行遠咗少少。 餐廳門面比較細好容易會錯過咗， 不過入面裝修幾靚， 估唔到港式茶餐廳都可以裝修到好舒服， 好企理同好乾淨， 餐廳嘅便有卡座亦都有圓枱唔會逼逼澀澀。今日叫咗啲嘢食，常餐叫咗火腿通粉，餐肉炒蛋配煉奶多，同埋熱咖啡。火腿通粉勁大碗，而且啲雞湯都好濃， 濃得嚟又唔會過鹹， 又唔會淡茂茂淨係得滾水。餐肉炒蛋個蛋非常滑， 餐肉係厚切嘅，呢一點非常好。煉奶多即叫即烘熱辣辣，杯咖啡雖然唔係即磨嘅但係都非常濃郁。而媽媽就叫咗個牛丸拼墨丸米線， 牛丸原來有五粒非常多， 墨丸非常彈牙， 米線嘅份量多到阿媽都食唔曬。另外我哋仲叫咗個咖哩牛腩飯， 咖哩牛腩飯咖哩汁非常濃味， 而且牛腩同牛筋嘅份量都好多， 最正嘅係碗飯都非常大碗， 上高仲有隻煎蛋㖭， 非常不錯。最後我哋仲叫咗個雞扎， 繼續非常多料，另外芋頭有兩嚿，仲有魚肚同雞肉， 同佢酒樓食點心嘅價錢差唔多，係呢到食又唔使俾茶錢，正！

勞碌一星期，終於等到星期六可以好好休息一下，享受一頓久違的早餐時間。走到士美菲路時本身想隨意到漢堡連鎖店，但原來旁邊開了一間餐廳 - 民華餐廳。餐牌一目了然，清晰易明。沒有多想便點了常餐 - 《滋味常餐 $41》最吸引我的是鮮茄湯底，於是點了鮮茄火腿通粉。鮮茄湯底果然夠濃，而且有啖啖蕃茄肉，味道帶點蕃茄酸香，早晨醒胃。蛋可以選炒蛋配腸仔、餐肉或火腿，但我還是選擇了兩隻煎雙太陽蛋。喜歡看到太陽蛋的朝氣，橙黃大只而且流心。最喜歡將太陽蛋放上自選走油的即烘牛油多士上，香脆厚身的多士加上滑流蛋漿的口感很不錯，又不會入口太乾。另加點心一客《山竹牛肉 $17》牛肉球鬆軟。餐飲點了一杯熱檸茶，滿足的早餐。

我成日都會去民華餐廳。今次黎到堅尼地城呢間, 我地叫咗點心，有蘿蔔金錢肚($17)、鵪鶉蛋燒賣($17)、鮮竹卷($17)。先講個蘿蔔金錢肚，蘿蔔一擺入口，已經有個香甜既味道，只有新鮮蘿蔔先做倒。金錢肚比較爽口，嫩滑既金錢肚一咬落去，啲醬汁係口入面隨意飛濺，重點係個汁同金錢肚融為一體而且不油膩，又無搶到本身白蘿蔔既鮮甜，師傅係呢個位都落咗唔少心機。再黎到個燒賣，好足料好抵食，大大粒鵪鶉蛋系上面，燒賣既肉汁係牙逢間滲出黎，整個口感都好豐富。燒賣既選材都唔馬虎，採用新鮮既豬肉，蒸出黎絕對無彈牙，無咗個種翻蒸既霉味，呢個位真係有頂級中菜既功駕。另外，我地仲叫左一個常餐($41)同淨牛筋腩($46)，性價比都幾高，啱曬香港人的口味。荷包蛋配腸仔，看似平常，一食落去，驚喜滿載。荷包蛋既蛋汁芳香，成個放入口後用脷輕輕一壓，個蛋黃頓時爆開，果種澎湃感再配上佢啱啱好不燙口既温度，就好比一股幸福既暖流從喉嚨直達腸胃。啱啱烘起的多士，餐廳係兩塊三角形既包上面都塗上厚厚既牛油，食物既温度將牛油溶解，滲透包既纖維，令香溢可口既味道傳遍整個多士，每食一啖就會有一種想食埋下一啖既衝動。呢間餐廳系香港有好多分店，快

依家出去食個早餐，有質素的都離不開$4、50蚊，放假經過黎到呢間餐廳，門面裝潢都好光鮮，不是普通的茶餐廳格局，而是有系統的，估唔到早餐只需要$35大元鮮茄叉燒通粉 $35份量十足的，對於一個早餐黎講，叉燒仲有一定的厚度，不是薄切，好味我選了多士、炒蛋、餐肉多士仲要不用加錢不喜歡炒蛋可以選擇太陽蛋另外如果唔想食餐肉、火腿，可以選雙蛋去茶餐廳食早餐，一定要配熱奶茶，但反而奶茶稍為遜色，太‘’鞋‘’口了，不夠香滑。整體來說，是一個性價比高的早餐

今日去文民華餐廳食嘢見佢逢星期六日都排大隊決定夜晚去試下有咩好食嘢店舖客人唔係好多, 座位寬敞而且光鲜整潔,有別於一般茶餐廳嘅感覺 選擇上雖然多但係所謂貴精不貴多點完力推介咖哩牛筋腩 同埋豬軟骨湯河店員話佢哋嘅豬軟骨係有一條獨門秘方泡製然後另外再嗌多咗碟菜大概 五分鐘就已經上臺,上枱嘅時候呢月已經聞到陣陣嘅椰香咖哩味 牛筋亦都非常軟熟, 就算係老人家冇呀我諗都可以食到 薯仔亦都非常入味,煲咖哩一定係煲左多個小時後先有呢個效果另外豬軟骨都真係好似中咗化骨綿掌樣入口即溶 最令我喜出望外嘅就係嗰個魚湯菜心菜開頭以為都係普通味精湯點不知個魚湯一啲味精都冇搞到我老婆係咁飲飲唔停佢話仲好咁酒樓啲例湯總結 民華餐廳快靚正 而且食物水準非常高絕對可以下次可以在早餐午餐來試下睇下會唔會又有另一驚喜!!!

今日工作到香港大學附近，同事本來諗住食香港大學嘅canteen， 已經成為老人家，當然無機會，所以我就去咗附近食。獨獨食。餐廳距離地鐵站大約一分鐘路程，十分方便，但是近食肆很多， 如果唔係睇其他地方食過，都唔會咁有信心。我點了滋味常餐， 一個有很多組合的， 而我就選了自己的最愛。叉燒通粉， 一碗通粉四塊叉燒，通粉軟硬度合適， 當然重點就係湯底，特濃雞湯。餐肉炒蛋，炒蛋香滑味美，蛋味濃厚，入口口感出色，餐肉最驚喜的是因為厚切，識食一定咁食。即烘牛油多士，新鮮熱辣，外脆內軟。熱咖啡，香港本土特色。下次其他區見。

女友要求到西環泳棚拍攝黃昏女神照，出發前於 堅尼地城港鐵站附近的民華來個快靚下午茶。L 選了一客滋味常餐，有鮮茄叉燒通粉、餐肉炒蛋及即烘牛油多士當然不少得一杯熱奶茶。 多士烘得很香脆、配上牛油更非常之香口。炒蛋很嫩滑、油亦不算多。而鮮茄叉燒通粉的鮮茄湯底蕃茄味很濃，叉燒肥瘦均稱，肉質嫩滑，唯獨是通粉稍硬了一點。將炒蛋放於鮮茄叉燒通粉內一同吃非常好味。奶茶茶味不算太濃但茶奶比例算恰當。至於女友則點了了一碗紫菜五寶湯河、當中有魚蛋、魚片、牛丸、墨魚丸及魚皮餃配凍檸茶。牛丸及魚蛋很爽口魚皮餃亦很好吃。凍檸檬茶杯高杯身，杯口亦很闊。即使不用飲筒亦很方便、很環保。另外有四片檸檬加茶味特濃的檸檬茶，至愛!

西營盤站一出就望到民華餐廳，餐廳環境光鮮企理，感覺挺時尚。店員推介咖哩牛筋腩飯必食，牛筋軟滑彈牙，口感豐富，牛腩炆得剛剛好，軟熟有嚼口，配上特製咖哩，美味可囗，果然係皇牌推介。鮮茄叉燒通粉都係好推介，叉燒不過不失，蕃茄湯才是重點，食第一啖就知道蕃茄足料，啖啖濃濃的蕃茄湯，推介特別喜歡蕃茄的人。西多士一直是茶餐廳的經典菜式，每次食茶餐廳都會點一份，大大塊牛油搽係面，平時茶餐廳只有糖漿，這裡有得選煉奶，西多士加上煉奶和牛油，這個搭配真的有驚喜，食起來又香又甜，喜歡吃西多士一定要試。