民華餐廳 (已結業)

今天去西環辦事，中午就去石山街果問民華餐廳食Lunch,入內見裝修好企理，感覺整齊乾淨，這裡有好多卡位，亦頗濶落！兩人點咗兩個午餐，一個係切腩片頭豉油撈粗麵，一個係豬軟骨旦飯、再加一碗五寶紫菜湯！套餐跟一杯餐茶！撈麵爽滑，果D切腩香而夠腍，魚片頭就夠咬口彈牙，跟撈麵果碗上湯好正，好多蔥花，湯底味道甜而不覺是味精製作！不可錯過！五寶紫菜內有魚旦，魚片，墨魚丸，牛丸，魚餃等，味道鮮美可口，很有水準！豬軟骨煎旦飯，豬肉炆得夠腍，五香汁送飯一流！再來那杯奶茶也十分香滑，不會有澀口的感覺，食咁多嘢埋單才$134，不用加一服務費！真係覺得好低食！

今日去左堅離地城地鐵站附近嘅民華餐廳食午餐，呢到嘅物價同地點名不一樣，一啲都唔離地🤪常餐（$38）選擇頗多，A-C任選一款，超豐富！選了茄牛公仔麵，拼餐肉炒蛋再加即烘牛油多士。多士值得一讚，面包皮焊得恰到好處，外脆內軟，其份量亦大小適中。紅豆冰（+$12）好飲過好多紅豆冰！坊間普遍既紅豆冰奶味同紅豆唔夾之餘仲淡而無味，但今次嘅呢個紅豆冰真係無得輸，紅豆同奶融為一體不特止，再加上紅豆嘅軟身得嚟又完整，令到成杯紅豆冰好有口感👍回頭率超高🤘🏻🤘🏻45蚊可以食到飽，性格比咁高你話可以去邊到搵呢?

As soon as the Kennedy Town shop opens, now the Man Wah is taking over both the east and west end of 香港 Island. I was already a big fan of man wah and this time Im gonna test the quality of this newly opened branch. I ordered my favourite tomato char siu noodle, ham with stir fried eggs, toasts and iced 鴛鴦. I would say the standard is there, i guess pretty much the same SOP. One point I dont like here is the over sweet of the iced 鴛鴦. I guess the 水吧 needs to keep up the standard from other shops

早餐食乜好? 香港人文化梗係去茶餐廳啦～今日嚟到民華餐廳，食個靚早餐先，來一個番茄叉燒通粉、炒滑蛋、火腿、牛油西多士，配杯熱檸檬水，再加多個中式點心燒賣。番茄叉燒通粉，有香濃的番茄味，番茄煮到一粒一粒，夠晒味兼不酸，很好。另外叉燒彈牙，帶BBQ蜜糖的甜味， 番茄及叉燒兩者味道非常夾，配上健康的通粉，十分滿足。炒滑蛋、火腿、牛油西多士比較普通，應該每間茶餐廳都有，但民華的炒滑蛋，沒有重奶腥味，反而是重雞蛋香，好滑溜，不愛奶味之人士必會愛上，火腿合格，多士脆口，牛油勁多，非常好味，一件不漏，食得乾乾淨淨。至於中式點心燒賣，大家都唔會陌生，民華的燒賣食到每隻大蝦，豬肉滿滿的，口感彈性，味道比舊式茶樓更足料，健康及可口。

同朋友去此店，坐低決定叫茶樓盅頭飯同點心，個friend好似覺得我在M記叫叉燒食咁驚訝 。but is that impossible? 其實分分鐘自己屋企自家製叉燒仲好食過太興都未定！有水準邊度應該食咩要限住？最後朋友點了西多士，我就叫左至愛嘅排骨飯同鮮竹卷。 個蒸飯用盅上，原汁茶樓風味，排骨大概有五至六粒，個豉汁係精華所在，飯夠軟夠熱，一啖排骨一啖飯好有滿足感，鮮竹卷的汁都毫不吝嗇，餡同菜比例都幾好。至於朋友份西多，我試左一件仔，應該係佢迫我食一件，話茶餐廳代表唔喎，味道算可以。 可能我個人唔鍾意舊思想，點解要去酒樓先可以食盅頭飯啫，去呢間，兩個人入黎食飯，各取所需，各點所想，一舉兩得。

尚記得，以前青蔥的中學時代，很多時都會食西多士做加樽裝凍朱古力做午餐，那時沒有卡路里及熱量的數字提著我，故吃的異常開懷。 反觀現在，人大了，西多等經常在高卡食物排行榜出現的食物，我只會將我的quota用在真正好味的茶餐廳。 民華，是其中一間我會選擇肆意食西多的茶餐廳。這裡的西多士外表已經好吸引，炸至金黃色加上脹脹的，包面有一大塊牛油，又佈滿煉奶，牛油用刀輕輕推開，不消數秒便因包的熱力而溶入西多中，與煉奶的味道一鹹一甜成為絕配。 民華西多是值得一吃再吃的，就算有時肚子太餓，我也會點一份常餐，另加一份西多與人分享。

又一個星期三，又係工就返左幾日但假又未放咁，所以lunch食咩都冇咩idea，先落去行個圈再決定。咁啱經過，見到民華餐廳，就一於食番個常餐，淨係揀A+B+C就可以，啱晒我呢D唔想諗太多嘅人。A就揀左個薑絲牛肉通，再加B嘅香腸炒蛋配C嘅花生醬多同凍啡走奶，搞掂，一個常餐咁就完成可以等食喇。 幼幼的薑絲加上牛肉, 令人食慾大增, 一上枱就忍唔住要飲番啖湯先，飲得出湯底係用牛肉和薑絲「滾」出泥，湯底少少辣而充滿薑的香氣，真係飲一啖即刻醒一醒神呀。再加一啖牛肉，夠淋唔會硬，通粉亦軟硬適中恰到好處👍🏻 最後一杯凍啡走奶，用咖啡因keep住呢份衝勁返公司繼續工作喇

由細食到大，到而宜家都勁鍾意沙嗲牛麵，無論早餐午餐晚餐定常餐，有沙嗲牛就係必然之選。呢間餐廳嘅招牌餐係常餐，今次經過就一定要入黎試下，睇下符唔符合我要求嘅味道。見到伙記好熟手，坐落即刻有人過黎落單，然後一陣就有得食。沙嗲牛麵嘅牛肉最重要係要夠汁，呢度做到，足夠令湯有汁時肉上面嘅汁唔會被分薄，而且牛肉質地嫩，唔係嗱過龍嗰種。至於個配角多士同炒蛋餐肉，食麵前我先食左大半，多士有飛邊，入口仍是熱辣辣脆卜卜，我加嘅煉奶分布得啱啱好，啖啖滿足。而個炒蛋，一睇就知嫩滑，食得出點解出名。餐肉就最普通，我用來送麵食。

久唔久都會好想食好味嘅潮州魚蛋，想係屋企附近搵間好食又方便唔太遠嘅，我通常都會去附近嘅民華餐廳。雖然佢地最出名都係常餐，但係佢地嘅粉麵都有番一定水準嫁!泥到通常都會嗌番碗魚蛋河，我好中意食呢度既魚旦，因為魚蛋咬落有好突出嘅魚味，唔係死實實，又彈牙又好味。而且河粉好幼滑，與別不同，湯底清甜，食後唔會有口乾感覺。錦上添花嘅係叫一碗魚蛋河入面除左魚蛋之外重會有埋魚片頭，魚片同炸魚皮，炸魚皮重暖暖地食落好香脆，有卜卜脆嘅聲音，魚蛋粉碗湯可以浸下啲魚皮，最重要係佢冇炸完再返炸嘅萬年油味，就算浸左落湯食都仲係脆嘅。一碗好食嘅魚蛋河重可以食埋片頭同炸魚皮真係令人好滿足了!!

係芸芸燒味之中,小妹最鍾意嘅一款，就係叉燒,食過咁多叉燒,每次嗌民華常餐嘅叉燒米,仍然都會俾到我一種驚喜. 呢到既叉燒都係半肥瘦,燒得剛剛好,食落口好林，雖然未去到入口即融，但基本上唔洗點咬已經吞得.肉仲保留到肉汁，令佢入口除左本身既油脂香同蜜香之外,仲多左一層好回味既焦香,令你食完一舊又一舊都唔會覺得膩. 就算係放入同樣濃郁既蕃茄湯,都唔會掩蓋到叉燒香甜既蜜汁味同焦香味,反而夾埋蕃茄湯酸酸甜甜, 有相得益彰既效果.同行友人都大讚佢塊午餐肉好厚切，唔似出面餐廳咁會薄到透光,而且炒蛋好嫩滑,加埋杯凍奶茶,茶香濃厚入口香滑,加上甜度剛好, 值得推薦!

好耐無黎西環 未食過呢間叫左份餐蛋治 加奶茶 嘅外賣由9點08分等到9點半 等左四個字都無唔知要用咁耐時間整人地堂食都食完埋左單如果外賣係等咁耐 唔該佢早啲講無下次 唔該哂

自從上次食完之後，今日又再訪民華餐廳，一個人最方便，三分鐘內已經可以入座，今日晚餐食飯好似太多，所以我叫左呢到嘅招牌常餐，即係港式all day breakfast。落單後冇耐已經上餐肉炒蛋多士，我最鐘意食佢地嘅多士，真係唔係間間餐廳多士好食，唔係太乾就太薄，但呢到多士烘得啱啱好，唔會話過火，而且厚度非常之好，再加埋牛油搽滿成塊麵包面，食落去啖啖都有牛油嘅滿足感真係非筆墨所能形容!!跟住黎嘅鮮茄牛肉通都係我心中都佔一席位。蕃茄通粉的湯底不錯，顯然是用了唔少的新鮮蕃茄黎製作，真係好濃郁，好有口感，食到一啖啖蕃茄蓉，酸得黎好開胃，唔會只係加茄膏個種盲酸。始終都係呢個常餐最得我歡心，搞到我成日一支公都心思思想黎食。（今日電話唔夠電無影到相，下次先補番，哈哈！）

OT後已經九點，雖然已經過晒Friday嘅happy hour咁咪整個happy Friday dinner等自己開心下囉。話就話要happy下，但為健康著想九點過後都唔應該大飲大食嘅，就食個light d嘅常餐，開心得泥又節制下呀ma。常餐就叫左我嘅例牌：雪菜肉絲米+餐肉炒蛋+凍華田。呢個組合我發夢都識背呀!最鍾意佢D肉絲一D都唔嚡，但唔會好多肥肉，雪菜又惹味，咸咸地配埋米粉簡直係一絕!!! 而佢D米粉都比出面茶餐廳好味D嫁....用料真係唔錯!重點一提，佢地嘅凍華田唔係平時又加水又加冰得個色但飲落口完全冇味道嘅華田，佢地嘅華田沖完都重係好濃好好味，一D都唔係hea沖俾你嫁!

民華，香港人一定會知道的連鎖式大型茶餐廳。 識食一定會叫個鮮茄叉燒通。通粉軟硬適中。而且淡淡都係番茄同叉燒，最後我會毫不留情地飲哂個茄湯，因為佢係鮮茄湯，係鮮茄，蕃茄有益呀 !!! 湯飲哂之前會留返少少比個多士用，一脆一林，多層口感！多士就烘得好鬆脆，加埋牛油就真係超級正。建議大家一定要襯熱食~ 擺耐左冇咁脆就浪費左啦 ~ 炒蛋係整到好嫩滑同香，重點係份量夠多。今日杯熱奶茶仍然好滑，茶味足!! 。38蚊食到咁有水準既常餐，真係回哂本 ~~ 呢度絕對可以做你嘅食堂!

是日係自租office後首次出外「見客」，有生意就邊度都去！而開工前就醫醫肚先！茶餐廳競爭好激烈， 要迎合我呢種好多工作做，事事要求快靚正的香港人，最緊要係要夠快但水準又要有。近年有個現象，好多茶餐廳主力推銷有炒蛋多士加粉麵的常餐，一般一個餐近四十蚊，已經好普遍。咁究竟點解民華餐廳嘅常餐可以咁得我歡心呢？我再三確定多次之後（之前幫襯開另一間分店），我可以好肯定咁講，因為佢嘅質素好！我揀民華最主要是被個常餐餐牌吸引，因為粉麵選擇都頗多元化。除了茄牛 沙爹牛、雪菜肉絲、榨菜肉絲、叉燒、火腿，仲有薑絲牛肉。 雞蛋同多士嘅做法都有好多款式，太陽蛋、炒蛋、熟蛋，任君選擇。今日天氣熱熱地，點了雪菜肉絲米跟炒蛋火腿。個多士面好脆，入面就軟棉棉，成塊都好厚身；牛油分量搽得剛好，唔多又唔少，非常適中，真係好正！炒蛋好滑，蛋味香濃。雪菜肉絲鋪滿米粉面，分量好多，肉絲沒有我不喜歡的「豬膻味」，味道夠濃郁。整體保持一慣水準，真心不錯，飽肚又滿足。