民華餐廳 (已結業)

星期六加班放工，無野做，自己處理埋個午餐先再返屋企。攰啦，搵間餐廳醫肚先。行到石山街附近 ，見到民華，冇都冇諗就行咗入去。我叫左個豉椒排骨飯同燒賣同凍0茶。好快就送餐，一般我覆唔 到三個message就有得食​蒸飯: 熱辣辣，鳳爪用料足。原盅瓦盅出，懷舊feel，廿呤蚊，大大盅。排骨啖啖肉，肥瘦適中。飯 係粒粒爽身飯，溝埋釋放出來d豬油非常滋味!正正正燒賣:一盅四粒大大粒，食落有蝦有豬有杞子，合格貨式啦，17蚊，大酒樓口味。正正正 凍檸檬茶:茶味夠，檸檬份量夠，夾得啱啱好，爽!!!

行入民華, 二話不說, 就點了最喜歡的「常餐」​常餐的常，唔係解做平平常常，而係經常​ ​ 這幾乎是我每次與朋友聚腳的好地方呢。 一來地方舒適 乾淨企理，服務又好，當然最緊要就係食得開心​我今次常餐嘅4個隊員包括:1.牛油多士 = 很香! 很脆! 好味! 好厚度!2.火腿炒蛋 = 蛋夠滑3.鮮茄火腿通粉 = 蕃茄湯底濃稠美味，甜甜酸酸，好醒胃。火腿份量足，又有蕃茄粒食，夠健康。 4.凍檸茶 = 大愛這裡的凍檸茶，完全沒有苦澀的味道，檸檬「篤」得越多越好喝，卻又怎樣都不會過 酸。非常清甜!

星期五輪休，醒來已經下午2點幾，無無聊聊之下到四處逛街看看有沒有節目! 出到去西環，個肚已經打晒鼓，需要搵搵一些食物招呼一下，離遠見到堅尼地城站附近有好幾間餐廳，即刻行去check吓有咩好嘢。然後發現民華，呢間門面靚，入面座位好寬敞， 下午茶落去歎下都唔錯….我叫左個盅頭飯。佢地有好多款選擇，跟餐連埋杯 熱飲都係36蚊，今時今日真係好抵。我最後揀左咸旦肉餅，唔好睇佢細細盅，佢個底幾深都幾多大盅的~ 而且材料好足，咸旦又圓又大所以個飯好香，加埋肉餅鬆軟好味，佢d飯仲有米香添~ 正~整體感覺十分良好，價錢好合理。

初哥食評，如果hea咗唔好見怪，小弟都用咗心機寫㗎啦，如果有民華食客有同感，就留言啦......是日堅離地，咁啱又响堅尼地附近想搵D野食，經過見到呢度都有間民華，就黎試下啦。入到去裝修光猛，燈火通明，感覺衛生乾淨，入到餐廳就即刻有人安排我同朋友坐卡位。我地兩個人分別叫左一個常餐，加一個盅頭飯，哈，因為唔係好肚餓。上餐速度好快，值得一讚!常餐可選火腿/餐肉/腸仔配炒蛋煎蛋等，我就要左餐肉炒蛋再加牛油多士。牛油多士都幾厚，咬落亦鬆軟好吃，而且夠熱配上牛油係好香的。 炒蛋香滑有蛋汁同蛋香的。個主食，我就揀左薑絲牛肉麵，呢個幾好食喎~ 湯底有牛味，薑絲味道辛辣適，而且份量足，真係好夠薑，而且食落仲好開胃! 牛肉切得大細適中，咬落都幾嫩滑的~ 啲麵軟硬適中，整體都好食。

好多年冇去過堅尼地城，港鐵開咗就同老公去行下，見到有間餐廳新裝修，咁啱又肚餓入去試下先，裝修環境唔錯，再睇下餐牌就點左兩個餐，分別係火腿炒蛋厚多士，薑絲牛肉米粉配凍奶茶，炒蛋炒得好滑好香，厚多士烘得外脆內軟，牛油搽得好均勻，正！不過太大件食唔晒，米粉都唔錯，另一個餐點左糯米雞加金錢肚，配凍檸水，糯米雞入邊好多料，有雞翼，叉燒，好好味，金錢肚好入味，有小時候到酒樓食過的味道，呢啲點心係茶餐廳出現好小有。叫咗咁多野，加埋都係$100左右，值得推介，總結而言食物有水準，侍應服務良好，淨，不過冷氣有點凍，坐得耐不太舒服。

琴日星期六同老公豬去行山，做運動前嚟到呢間新開嘅茶餐廳醫肚。食lunch時段全場滿座，鋪面光猛，整潔企理，坐得舒服，員工態度不錯。我叫咗常餐鮮茄牛肉通粉，通粉大大碗，個湯超濃，有大大粒番茄同牛肉，真係好好味，絕對係有誠意之作。個餐配埋厚多士加炒蛋加腸仔，厚多士好脆，炒蛋好滑，包埋杯熱奶茶都只係$38 ，可以話係平靚正。之後如果想食常餐，都一定會諗起幫襯民華！老公豬就揀咗咖喱牛腩飯，我試咗少少。個咖喱好香又唔太辣，好開胃，用嚟撈飯一流。牛腩入邊仲有我至愛嘅牛筋，老公豬讓左件牛筋俾我食，好腍好入味，之後先發現原來仲有一至兩件牛筋，牛腩都有幾件，絕不馬虎！食到一半先留意到原來呢間茶餐廳仲有中式點心同蒸飯賣，既然黎到我忍唔住要叫多個排骨飯兩個人分黎試吓， 20幾蚊響邊度搵！排骨汁入咗啲飯度好香，又唔似啲酒樓咁油，排骨肥瘦適中，係有水準之作！我同老公豬都好喜歡去茶餐廳，呢間茶餐廳可以話係我心目中頭幾位嘅餐廳，佢嘅食物質素屬高水平，環境衛生舒適，員工態度有禮，上餐亦很快，價錢比想像中便宜，之後一定會再嚟幫襯！

食過民華最signature既常餐未？岩岩同朋友講起，就即刻要再食多次，當然要繼續支持我最愛嘅，蕃茄湯通粉啦雖然已經食過好多次， 但係次次來到都一定忍唔住再叫佢， 因為佢真係誠意之作！🍅蕃茄湯叉燒通粉 👍🏿 蕃茄湯特濃，啖啖原粒新鮮蕃茄，蕃茄味濃得來唔係好假嘅茄膏味。通粉唔會煮或者浸到腍。最值得一讚係啲叉燒！每粒都肥瘦均勻，好香口，又唔會好油，激讚！🥚滑蛋同多士都係用心之作。多士好脆，唔會烘到變焦，牛油搽得好均勻，每一啖都品嚐到，仲要大大舊，務求食到你飽😛 滑蛋都同以往一樣咁滑，蛋味十足😋

其實我一直都係民華嘅fans黎架! 今次真係想多d人識佢所以的起心肝寫呢篇食評!唔洗我多講大家都知佢嘅常餐同埋多士真係做得好出色。沙嗲牛麵，牛肉冇比鬆肉粉整淋，有趙口有牛味，沙嗲沙底香濃。我一直覺得沙嗲牛一定要配麵,仲要用叉食，依隻麵整得好好食嘅， 不丹子彈牙， 牛肉仲有D 汁响面，汁都係濃嘅，而且成個湯都係沙嗲味，唔同於一般仲見到白底湯既茶餐廳。話明係招牌一定有d料到嘅!! 多士堅出色，相當好味! 面包面爽口，裏面鬆軟，加埋牛油煉奶真係好好味! 我自家嘅食法係會將一塊沙爹牛肉放上多士上面 😁又咸又甜嘅感覺一d都唔怪, 仲好過癮tim!!

有啲人出去食飯，成日覺得要食啲自己整唔到嘅先至夠化算，夠抵食。但係我就唔係咁諗囉。咁如果身為一個專業廚師，佢咪唔使出街食飯🤔正所謂食得多山珍海味，有陣時都要食啲簡單啲嘅嘢嘅😂 難得唔使應酬食飯，自己一個人靜靜地，我就鍾意平平常常咁樣去享受我嘅一餐😌😌😌😌住喺呢頭附近，民華餐廳，都會一個星期幫襯好幾次。今日心情麻麻，行過又見到呢個街坊，又走去入面，見到同事們仍然好努力咁樣工作。實在忍唔住要表揚一下，佢地唔係博上位，因為次次來到都會好熱情。😏所以邊個話香港人情紙咁薄。今日我又十年如一日咁樣食我嘅常餐，今日擺入口嘅多士一樣咁脆，沙爹牛肉麵嘅沙爹牛肉一樣係充滿肉汁，軟綿綿。將啲沙嗲汁攪勻落啲麵嗰度，一啖食落去，心入面不禁講咗一句perfect。今日，我唯一一個perfect的時刻，响民華誕生😏

工作關係，成日要出街，好多時都係自己一個人午餐。已經一段時間冇幫襯呢間，今日行下行下就走左入去。 再度好平常咁點咗個常餐。 身為牛肉癡嘅我一定要點牛肉，個天灰朦朦，我就口淡淡，所以叫左蕃茄湯底，亦即係鮮茄牛肉通粉，再配我極愛嘅午餐肉、炒蛋同厚多士。佢哋嘅蕃茄湯底是鮮甜的，係鮮蕃茄嘅味道，牛肉軟軟仲沾滿蕃茄湯嘅甜味，補充番我所需要嘅維他命💃🏻一個常餐，炒蛋同多士都係主角，而呢間民華同旺角果間一樣，始終都可以保持水準。厚身多士外皮脆口熱辣辣，中間軟綿綿，塗滿一層厚厚嘅牛油，再放埋蛋香味十足嘅炒蛋上去一齊食，嗰一啖層次豐富嘅口感，為我的尋常下午增添左無限動力，戰鬥力足以捱到星期五💪🏻💪🏻💪🏻😂😂😂

話說我媽媽好鍾意食西多士，不過佢老人家又成日嫌人哋條邊做得唔好食，因為冇飛邊的說。跟住有朋友介紹我去民華， 話下午茶餐只係廿蚊又好味，咁我哋咪去試下。 果然我個朋友都冇介紹錯。佢哋個西多士的確好味。 首先係塊麵包夠厚而且鬆軟，炸得啱啱好，啲煉奶同埋糖漿份量充足。鍾意食甜品嘅朋友就啱曬。 一放落口咬一啖，啲煉奶同埋糖漿係會響你個口度 beep出嚟嘅。超正。 平時畀我捨棄嘅邊皮位今次都全部食曬。其實睇住隔離枱，佢哋叫咗多士三文治，睇落都好食嘅。因為塊面包多士做得的確掂。

上星期同朋友👭去咗堅尼地城做嘢😥因為實在太肚餓😁，所以一出地鐵站就要搵嘢食😉😉最近地鐵口嗰幾間，已經食到有啲厭， 行多兩步又見到一間未食過嘅叫做👉民華餐廳👈估佢唔到，勁好食，服務態度一流。我咁少寫食評都實在忍唔住一定要抽時間讚下佢地👍🏻👍🏻👍🏻👍🏻👍🏻我哋叫咗幾款唔同嘅嘢食😋😋😋我勁鍾意食佢個咖哩雞飯。。。啲咖哩又香又濃而且唔會勁辣😋😋😋係好多餐廳都做唔到既咖哩香味而且仲散發著 美味嘅椰香 個飯入面 仲包咗 四件雞 有兩件雞柳 一隻雞中翼 一隻雞鎚 如果一個 正常食量嘅女孩子 應該會覺得好飽好飽 不過我食曬😁特別要點名讚賞 有一位老人家 侍應 叫做文叔， 佢簡直好到你唔信。我從來未試過去茶記食嘢， 會有伙記提我小心杯茶熱😍😍 總括感覺食物好味 環境乾淨 服務一流 我好肯定我一定會再返去幫親 😁雖然我住喺九龍

之前試過其他民華餐廳了，今次路經呢間就走左入去試下先，裝修新環境唔錯，再拎起餐牌睇下先，就點左兩個餐，分別係火腿炒蛋厚多士，薑絲牛肉米粉配凍奶茶，多士大件夠飽肚，米粉都唔錯，另一個餐點左糯米雞加金錢肚，配凍檸水，自己可以配搭唔同食物，呢啲點心係茶餐廳少見的，食物選擇夠多，中式西式都有。兩個餐味道都唔錯，值得推介去試試嘅，總結而言食物保持一貫的水準，侍應服務良好，環境清潔乾淨，係可以一試再試的餐廳。

食咗幾次西環民華餐廳，覺得佢哋嘅裝修好靚，服務唔錯。今日係星期六又係幾日假期，瞓醒都中午😅，次次放假經過都好多人，今日專登晏啲先去幫襯，平時嚟都係食常餐，鮮茄义燒通係我既至愛😍餐肉炒蛋好滑好有蛋香味，最正係件即烘多士，加奶加花生醬不得了😋今次點咗我最中意嘅其中之一西多士真係正😋厚厚嘅牛油，又可以選糖漿或煉奶，外脆內軟應該係即叫即做，加杯凍啡爽啊！見到䣓離台食梅菜肉餅飯好似幾好食下次試下先😄

今天去西環探親戚，原來西環也開了一間民華餐廳，之前在柴灣食過，食過一次就比佢D即烘多士深深吸引，好耐都無食過咁外脆內軟尤其是個番茄湯底，好濃嘅蕃茄味，好胃口下次一定會再去，希望貴公司可以保持這水準