水門雞飯 (厚福街)

营业中

休息中

夜晚路過厚福街，見到入面都幾熱鬧，決定入去食下呢個泰國的雞飯。招牌雞飯，要了雞胸，不用特別加錢，雞唔算特別滑，甚至其中有一兩塊有啲韌，整體正正常常，醬汁甜甜酸酸，雞本身沒什麼味道，比較寡淡，叫做對得住50幾蚊價錢，不算特別驚艷。泰式炒金邊粉好食，乾爽不多油，風味充足，蝦新鮮爽口彈牙，比雞飯出色。青木瓜沙律失敗，調味太辣，木瓜太硬崩牙程度，不好吃，不值得order。整體平價可以一試，期望值不用太高。

尖沙咀的美食寶藏尖沙咀是香港著名的美食聖地，這裡有無數令人垂涎欲滴的餐廳和小吃攤。而其中一家不容錯過的地方就是位於尖沙咀的水門雞飯。這家餐廳以其獨特的烹飪技巧和新鮮的食材聞名於城市中。水門雞飯的招牌菜之一是脆炸雞翼。這道菜以其酥脆的外皮和多汁的雞肉而聞名。每一塊雞翼都經過精心調味，然後炸至金黃酥脆。咬下去時，你會感受到外皮的脆度和雞肉的鮮嫩，配上微妙的香料，絕對讓你回味無窮。另一道必試的菜品是豬頸肉。這道菜以其肉質鮮嫩多汁而受到食客們的喜愛。豬頸肉經過特殊的處理和調味，然後烤至外焦內嫩。一口咬下去，你會感受到肉汁在口中爆開的美妙滋味，配上豐富的香料和醬汁，絕對讓你垂涎欲滴。此外，水門雞飯還以其海鮮喇沙聞名。這碗熱辣的喇沙湯擁有豐富的海鮮味道和辣椒的香辣。湯底以新鮮的海鮮熬煮而成，配上豐富的椰奶和香料，味道醇厚而濃烈。喇沙湯中的海鮮包括新鮮的蝦、蚌、魚和蟹肉，每一口都令人驚艷。除了以上的招牌菜，水門雞飯還提供多種其他美味的菜式，例如烤鴨和燒味等。無論你是喜歡雞肉還是海鮮，水門雞飯都能滿足你的味蕾。水門雞飯的用餐環境舒適，服務態度親切。無論是和家人一起享用晚餐，還是和朋友一起聚餐，這裡都是

穩陣好食快飯😂平價水門雞，雞嫩飯香，惹味酸辣醬汁最正🤌🏻！・・・・・・・・・・・・・・・・・・・・🍛 水門雞飯 HK$58・味道：油飯幾香口，蘸酸辣汁吊起咗個雞味同油香，想像到嘅好味。同埋鍾意佢唔係室溫，係暖的XD，個人最麻麻呢類雞飯嘅溫度，都係prefer熱嘢。・口感：雞夠滑～🥤 蘋果雪梨水 (跟餐)・味道：冇蘋果味，普通雪梨水XD・口感：都幾清甜，冇咩好講。🍢 雞肉串燒 (2串) HK$24・味道：睇落好老好劣，實際又唔差喎。燒到好焦香嘅雞，配埋幾重花生味嘅沙嗲醬食，惹味上癮。・口感：竟然是嫩滑的XD。・・・・・・・・・・・・・・・・・・・・🤰性價比：高～🤰9衝度：9衝～🤰結論：不過份量偏細，女仔都係啱啱好，男仔建議啪兩碟！・・・・・・・・・・・・・・・・・・・・

今日同朋友出咗尖沙咀，想食水門雞，發現原來尖沙咀有2間水門雞飯，只相隔一條街，最後我地去咗厚福街分店。店內有多張枱，主要4人枱同6人枱，空間闊落舒服。我地點咗2份午餐（水門雞飯、冬蔭公湯雞絲湯粉），2份小食（泰式腩仔、馬拉盞肉醬芥蘭苗），1份甜品（斑蘭大菜糕），2杯飲品（泰式奶茶、泰式鴛鴦）。水門雞飯 $62水門雞飯餐包有一碗湯同泰式醬，午餐仲包1杯飲品。水門雞份量都幾多，雞肉夠嫩，點埋泰式醬食好惹味。冬蔭公湯雞絲金邊粉 $60泰式辣雞絲湯粉午餐可以加$6轉冬蔭公湯，湯粉有河粉、米粉、金邊粉等選擇，我點咗金邊粉，份量好多，冬蔭公湯底味道正宗，小辣，夠惹味，雞肉唔韌，配搭冬蔭公湯好夾。馬拉盞肉醬芥蘭苗 $24午餐可以加$24點一份芥蘭苗，芥蘭苗夠嫩，肉醬味道唔錯。泰式腩仔 $52腩仔炸得夠脆，肉質肥瘦各半，可以配搭醬汁食。斑蘭大菜糕 $321份甜品有3塊斑蘭大菜糕，每塊糕有2層，上層是斑蘭，下層是大菜糕，糕上面淋上椰醬，整體口感好夾，味道唔錯。泰式鴛鴦 (左)泰式奶茶 (右)

今日和朋友去行尖沙咀, 朋友說想吃泰國菜, 於是行完後去左這間餐廳吃午餐.六星鮮蟹肉炒飯 ($108)個飯炒得好香, 不會太油! 蟹肉又夠多夠新鮮, 好鮮味, 不錯.真的很好吃. 而且蟹肉份量夠多, 都抵食.生薑蜜 ($22): 薑味好重, 冬天飲真係岩哂, 夠哂暖, 幾正.這是餐廳新推出的和牛串燒 ($20):真的好好食, 食到和牛果種獨有的牛味, 幾正. 吃完一串之後我和朋友還想再吃, 於是還再多叫了一串.個醬汁少少辣, 自己根據個人喜好看看是否需要點醬汁, 但即使不點醬汁, 直接吃和牛串都已經很好吃.泰式腩仔 ($52) :燒腩仔燒得很香口, 好好食, 脆卜卜幾正. 個醬汁應該同上面和牛串燒個汁一樣, 都是根據個人需要和喜好決定是否需要點. 即使不點, 直接吃也已經非常好食同香口.蘋果雪梨水 (熱) $22:好滋潤, 清甜, 幾好飲, 不錯.

其實依間食過好多次平時lunch tea 唔知食咩都會揀佢水準穩定，同夠快，又好食今次人多去食，試左好多新野所以share 比大家睇下雞飯果d 唔多講一個字，好食個汁同個飯都係一定要有成件事太match試左勁多小食單骨雞翼正正常常燒腩仔，邪惡但好食，脆又juicy烤麵包再加個調味醬，勁邪惡最後個和牛串不過不失兩杯野飲都係正常發揮依個lunch, 真係好似番左泰國咁水門雞飯(厚福街) 地址: 尖沙咀厚福街3號華博商業大廈地下2-3號舖

厚福街多野食就係人都知，見水門雞飯兩點幾都咁多人，就知有質數保證！一於試下先！😋脆炸香茅雞翼雞翼經過炸至金黃酥脆，外層香茅香氣四溢，內裡肉質嫩滑多汁🤤炸雞皮未食過咁大塊既炸雞皮 超有驚喜炸至酥脆嘅雞皮，外層金黃，一口咬落去，口感酥脆😋和牛串燒和牛肉質鮮嫩多汁，燒完都保留到肉質嘅鮮味同香氣每一塊和牛串都燒得好好，質感好好，$20 黎講係超水準🤤泰式無骨豬手豬手份量超多 肉質鮮嫩多汁食琴滿滿既骨膠原超值之選😍水門雞飯呢到嘅招牌菜鮮嫩多汁嘅雞肉同香濃嘅醬汁，每一啖都超正😚米飯口感綿密 仲有個湯送，好潤喉🥰馬拉盞肉醬芥蘭苗芥蘭苗爽脆嫩滑，配合馬拉盞肉醬，惹味👍🏽值得encore的餐廳!性價比高❤️

今日放假行左成日尖沙咀，諗住行到攰早啲食飯😝好多人嘅尖沙咀，好多食肆嘅尖沙咀，眼花撩亂真系吾知食咩好🤔剛剛行經厚福街見咁多人幫襯這間『水門雞飯』應該唔會差👍打開OpenRice 睇吓，原來好多分店，口碑都唔錯👍，就入去試吓啦🤭『水門雞飯(厚福街)』地址: 尖沙咀厚福街3號華博商業大廈地下2-3號舖5點都未系正宗食飯時間，入面都好滿，好彩剛剛有幾枱客食完走，如果唔係可能要等位入面好乾淨，連個開放式廚房都好乾淨整齊👍行左成日口渴，先叫左兩杯凍飲🥤「洛神花茶」和「龍眼水」好味😋😋😋見好多人食雞飯，但餐牌上面嘅食物太吸引，尤其這個「海鮮冬陰功湯河粉」太吸引了😅入面有好多海鮮，大大隻魷魚大大隻蝦大大隻青口仲有炸腐皮及蘑菇，個湯底海鮮味十足，冬陰功酸辣剛剛好，河粉爽口，美味😋😋😋跟住又好想食這個「泰式腩仔」燒腩肉入味香脆鬆化，再配埋個泰式酸辣汁，絕配😎朋友仔又話好想食這個「燒原隻魷魚」無敵嘅製作，口感一流👍配多個冇得輸嘅「香辣鳳爪沙律」😋太飽了，沒法再食了，錯過咗水門雞飯添🤦🏻‍♀️，唯有下次再嚟食過😜反正太好味了，食多幾次都唔厭✌🏻，而且價錢大眾化👍

一直都好鍾意幫襯「水門雞飯」，食物有水準之餘，用料亦唔馬虎，正宗泰國風味。今日嚟尖沙咀 Shopping，心血來潮想食泰國雞飯，醒起金馬倫道同厚福街都有分店，經常大排長龍，即刻去新店厚福街分店碰下運氣。餐牌選項非常豐富，除咗招牌水門雞外，仲有沙律、泰式船粉、水門撈麵、串燒、小食同甜品等供應，花款多不勝數，令人目不暇給🐣🐣🐣水門雞飯黎得水門雞飯當然唔可以錯過雞飯，雞飯大大碟😯，送上時還附有冬瓜湯一碗，入口胡椒味好重，飲完好暖胃👍🏻，清熱解毒又降火，雞肉皮薄肉滑🤗，入口脂肪唔多，同喺泰國食到嘅雞十分相似😃。泰式嘅海南雞飯，個皮都比較淺色，食落冇咁油膩。師傅已經起晒骨，🫨所以啖啖肉。油飯選用了泰國茉莉香米🍚，米飯尖長，粒粒分明帶油光🍗🍜海鮮冬蔭功蛋麵海鮮🦪同蛋麵🍜嘅份量都幾多，鳳尾蝦🦐🦐很有驚喜，好新鮮食落爽彈有蝦味。冬蔭功酸辣惹味💕湯底鮮香濃郁，酸酸地非常開胃，配上蛋麵吸湯力強勁，吸收湯底精華，口感絕佳，每次食我都差不多連湯飲光光😋🥗泰式辣肉碎拼生菜喜歡吃辣的人必點🌶️🌶️🌶️，因為口感非常香辣及味道偏濃，沒有胃口時的確會讓人更愛吃辣，比一般餐廳的辣肉碎更加香辣，豬肉肥瘦度均勻🐷泰式燒腩仔估唔到

水門鷄給人一種正宗泰式料理的感覺。餐廳的裝潢和氛圍營造出泰國的風格，餐廳提供了多種經典泰國菜品，讓人能夠享受到道地的泰國美食。泰國炸鷄飯：這道泰國炸鷄飯是一道經典的泰國街頭小吃。炸鷄皮脆肉嫩，外層的酥脆與內部的多汁相得益彰。海南雞半隻：這道海南雞是一道受歡迎的泰國菜品。雞肉嫩滑多汁，搭配著醬料和香米飯，給人一種濃厚的口感和美味。雞肉的煮熟程度剛好，保持了其嫩滑的口感，而醬料的鮮香提升了整體的味道。牛丸生牛肉湯粉：湯底鮮香濃郁，牛丸和生牛肉肉質鮮嫩。湯粉的口感滑順，每一口都能帶來滿滿的滿足感。泰式腩仔：這道泰式腩仔是一道風味獨特的菜品。炸得非常脆口，肉質唔乾，有四層肉，非常有口感，搭配著泰式醬汁口感豐富而美味。泰式炒通菜：這道泰式炒通菜是一道清爽的菜品。通菜炒得剛熟，保持了其脆脆的口感，搭配著泰式醬汁和香料。泰式芒果糯米飯：這道泰式芒果糯米飯是一道受歡迎的甜點。糯米飯軟糯甜美，搭配著新鮮的芒果和椰奶，每一口都能帶來濃厚的芒果香氣和糯米的口感。而家芒果係泰國芒果這道甜點非常適合作為一餐的結尾，給人一種滿足和甜蜜的感覺。

水門雞飯開新店啦，今次開係厚福街好方便，呢條街出名多野食!入面位置都幾多，坐得舒服。每次黎都會叫既 水門雙拼雞飯 加雞雜，白切雞件好滑，佢個汁絕對係靈魂!! 一定要點。炸雞就配甜辣醬，好食! 雞雜份量都幾多。原來而家叫泰式炒通菜，可以有多D option，因為想健康D，簡左少鹽少油。通菜份量多，調味岩岩好，唔會太咸。鳳尾蝦泰式金邊粉蝦肉彈牙大隻，個人鐘意撈埋辣椒粉同埋花生落去，食落香口好多。豆腐乾好食! 金邊粉有少少甜味，食落層次豐富。野飲方面，因為天氣太凍叫左杯熱美綠，仲可以簡少甜多奶!! 落單時有得簡特殊要求，岩自己飲好多。鮮檸梳打飲落好fresh~

水門雞飯 食水門雞是去泰國必食之一，hkd 十來元一碟, 我11月去了泰國玩，都食了兩間在曼谷水門市場附近，返到來香港都想再食，search 了呢間都有很多分店。午餐水門雞飯包飲品，個雞唔會太肥，連皮食都輕鬆沒負擔，個飯一流，吸收了雞湯汁味，一流很推薦，我覺的媲美泰國食，仲有個湯同特製沾醬$48雞雜有雞紅，腸同雞賢，沾汁好好食。$52泰式腩仔 豬表炸到很香脆, 咬時卜卜響, 連埋個泰式風格酸甜辣蘸汁, 解下油膩感。西蘭花炒魷魚，彈牙可口奶茶好甜茶香濃郁。#香港美食 #hkfood #hkfoodie #yummy #foodporn #delicious #cuisine #restaurant # #restaurant #水門雞飯

平時海南雞飯就食得多水門雞飯我就未食過睇相見到水門雞飯雞既顏色比較白午餐價格算係中等，就打算去試下水門雞飯散叫$54午市套餐$62 包湯包野飲用QR code落單，入面選擇好詳盡，可以簡要幾多飯 要唔要青瓜etc水門雞飯既醬汁淨係得一款但係用嚟撈飯同沾雞都一樣惹味好食湯係冬瓜湯 仲飲到有啲胡椒味 都幾好飲雞都好夠滑 好食野飲叫左凍既龍眼水 唔洗加錢係幾驚喜諗緊會唔會唔好飲好淡 又唔會 都夠味 仲有龍眼肉欣賞佢比外賣杯 飲唔晒都可以拎走仲有埋單果陣 都唔洗加一唯一唔好無紙巾提供，要比錢買但有機會都會再嚟試下佢地既麵食！

同朋友仔響附近買完衫，2個都極之肚餓，厚福街呢條街出曬名多野食。呢2日天氣濕濕凍凍，所以勁想食湯麵。朋友仔推介去新開架水門雞飯。我地2個人叫左3樣野share : 泰式清湯腩船粉 (必叫)由於我真係好鐘意食湯麵架人，同埋次次食都好要求多湯同埋要好熱。呢個清湯腩船粉就真係完全fit到我架要求啦。佢一來到真係熱湯即上咁，超級夠熱。船粉我好少響出面叫到，食落去又真係幾晤錯。腩同白蘿白好林好入味，好好味。下次再去都係會叫!!!招牌水門雞飯 (必叫)招牌果然係招牌，真係算係我響香港食過最好味架雞飯暫時。雞香雞嫩，成個雞飯架精髓就係個靈魂醬汁，令到個雞飯由90分直上100分!!! 我同朋友都覺得個雞飯係完美架!!雞串燒呢個雞串燒其實都係好食架，即叫即燒，不過由於個船粉同雞飯實在太出色了，將佢比下去~------------------------------水門雞飯 (厚福街)尖沙咀厚福街3號華博商業大廈地下2-3號舖

呢間雞飯喺泰國好出名，經常要大排長龍，有過江龍嚟到香港，當然要去試吓啦！不過要留意佢喺尖沙咀有兩間分店，當日👧🏻約咗👦🏻喺尖沙咀厚福街新店等，👦🏻不知路咁去咗隔籬街間分店，問話點解到咗都見唔到👧🏻，好彩兩間分店只係相差一條街，所以要留意清楚係約咗去邊間分店啊😆水門雞飯間嘢叫水門雞飯，最出名嘅當然就係水門雞飯~雞可以選擇部位，想健康啲嘅可以選擇雞胸，想好食啲嘅又可以選擇雞髀，我哋選擇咗雞胸去試真佢，因為雞胸最易分高下，有少少差池就好易煮得好硬，但呢度雞胸都煮得好鮮嫩。而雞飯超級香，可以算係我食過最香又一啲都唔油嘅雞油飯。香辣紅咖喱牛肉飯雖然名度寫香辣，但係我哋食落都一致認為個咖喱只有好香，反而唔係太辣！啱晒我呢個本身怕辣嘅人食😋呢度菜式絕對係成餐嘅焦點，我哋本身都冇預計過會咁好食，但係個紅咖喱真係好香，配埋油雞飯撈埋食真係一絕，一定要試吓！鳳尾泰式金邊粉碟金邊粉炒得好香，顏色鮮艷望落已經好開胃，食落去酸酸甜甜，而且好足料，有四大隻鳳尾蝦，雞蛋，芽菜，豆腐乾等等嘅配料都好多，側邊仲有檸檬同埋花生自由配搭，又係必嗌！串燒雞肉&豬肉串燒不嬲都係我哋嘅至愛，每次食泰國菜都必定會嗌，呢度嘅串燒本身