水門雞飯 (裕民坊YM²)

营业中

休息中

觀塘協和街一帶都有好多嘢食，自從裕民坊開咗之後就多咗更加多嘢食，聽朋友講呢度有間水門雞店幾好食，今日經過裕民坊轉車返屋企就順便買咗個水門雞外賣食，整體食物質素同份量都幾合理。餐廳喺裕民坊嘅地舖，喺大陸馬路就會見到，雖然座位唔係好多，但係都好新淨闊落，不過亦都有外賣自取服務。水門雞半隻加油飯叫咗水門雞半隻加咗兩個油飯，半隻雞份量都幾多隻雞都幾大隻，而且整得好滑，雞油味特別香，配埋佢提供嘅醬汁食更加惹味。食水門雞，梗係要食油飯！所以另外加咗$20加咗兩碗飯，每碗$10，兩個人食一定夠飽。香辣肉碎沙律香辣肉碎炒得好香，唔算好辣，但係肉味好香配一啲新鮮生菜食口感爽脆又豐富。芒果糯米飯一個經典嘅甜品，芒果份量都好多！而且芒果都好甜～糯米飯唔會太硬，呢個價錢都幾抵食。下次有時間一於試吓堂食其他菜式！

好耐冇去泰國掛住啲水門雞，今日經過見到就買外賣返屋企食！水門雞飯我自己轉左雞髀，啲肉都非常滑同埋嫩。仲有好香雞味添，雞來講唔會算好肥，薄薄地嘅白雞皮，好食！而且佢嘅香油飯都幾香，唔會太過油！冬陰功海鮮湯河好細心有分湯，裏面有青口蝦魷魚。 佢嘅冬陰功湯底比較奶，椰汁比較多，好適合又想食冬陰功，但係怕辣嘅人，酸酸甜甜幾開胃！馬拉盞肉醬芥蘭菜芥蘭菜同馬拉盞肉醬配合得好好，冚咗芥蘭菜本身嘅草青味。 而且佢個肉醬流流地鹹鹹地好好食。 斑斕大菜糕斑斕味唔算太重，而且好有咬口嘅大菜糕！ 佢仲配咗啲椰汁俾你，雖然食完好有罪惡，不過都冇辦法，個大菜糕配合椰汁太好食！🤤洛神花茶 龍眼水平時對於泰國餐廳嘅飲品覺得都會偏甜，我自己另外嗌咗少甜。感覺飲落去又真係唔係好甜。洛神花茶就酸酸尾尾好開胃，要龍眼水佢嗰種甜味係來自龍眼乾嘅甜味，唔似係自己加糖漿。而且下面有好多龍眼肉添！餐廳食物質素都好高，而且價錢都好親民。值得encore。

觀塘裕民坊地鋪一間溫馨舒適的泰國餐廳,裝潢清新簡約,營造出輕鬆的氛圍。無論是商務團體還是三五知己,這裡都是一個良好的聚會場所。首先推薦他們的水門雞飯。這道菜看似普通的海南雞飯,但店家用的卻是嫩滑多汁的雞髀肉,配上香濃的白飯,簡直美味無比。另一道非常推薦的是泰式豬手飯。豬手肉質軟嫩,帶有泰式調味的甜辣滋味,與清爽的涼拌青木瓜相得益彰,營造出不同層次的口感。接下來是店家的必點之選 - 雞肉和豬肉串燒。肉質鮮嫩多汁,入口即化,佐以泰式香辛醬料,令人回味無窮。飯後,來上一碗清新爽口的雞湯,幫助消化,是再好不過的選擇。還有店家的招牌菜 - 原隻燒魷魚。外表焦香酥脆,內裡鮮嫩多汁,搭配泰式蒜泥醬,吃起來爽口又開胃。最後,不能錯過他們的兩款特色冰品 - 芒果沙冰和菠蘿沙冰。清甜可口,是炎熱夏日的絕佳解渴良品。總的來說,這間泰國餐廳不僅環境舒適,菜品更是正宗美味,值得一試。期待下次再來品嘗更多泰式美食!

陪阿媽去觀塘裕民坊買嘢，之後經過協和街，見到水門雞飯開咗分店，見到廚窗掛滿美味嘅水門雞，阿媽即話去買外賣回家作晚餐。水門半隻雞：水門雞雞身相對比較白。但雞皮爽脆肉質鮮嫩，醬汁用咗辣椒和蒜頭以人手切粒，令味道更突出，配水門雞味道更佳。冬瓜湯胡椒味道極重，辣辣哋幾好味。雞油蒸飯：選用正宗泰國香米，加入雞湯煲，飯軟硬適中，香而不膩。鳳尾蝦炒金邊粉：炒得好夠鑊氣，又有泰式風味，金邊粉軟硬度適中，鳳尾蝦大隻爽口，加埋附上青檸、辣椒粉及花生碎一齊食，味道和口感都好好味！下午茶套餐泰式船粉（豬肉丸、肉碎）：外賣會將湯分開上，保持食物質素，麵底和食材都有得揀，怎樣配搭由客人自選，今次揀咗豬肉丸配河粉，豬肉丸好爽口，仲有肉碎和扎肉，河粉滑溜，配合清甜嘅湯底，十分美味！炸蝦春卷即叫即炸，香脆可口。跟餐雪碧汽水係免費。

尖沙咀區嘅分店已經試過，難得觀塘新開，不坊試試。餐廳環境唔算太寬敞，單邊位置需要面壁進食，中間放咗幾張連接四人枱，基本上同其他人一齊坐，位置較迫，好似飯堂嘅感覺。冬陰功海鮮湯河 + 洛神花茶 - 味道一般冇太大驚喜水門海南雞飯 + 椰青 - 海南雞肉質較乾，好彩有雞湯及辣醬汁附上，相對搞惹味。小朋友食雞飯時用不上辣醬汁，服務員主動遞上辣醬汁一碟，服務態度又好，讚！整體做街坊生意，都算幾抵食。

水門雞飯 (裕民坊YM²) 地址: 觀塘協和街33號裕民坊YM² 1樓101號舖上星期腸胃炎，今個星期依然有點不舒，想食清淡一點，食返食補充蛋白質，因過去幾日都是食粥飲湯，人都沒力氣，雙拼雞飯，是炸雞加海南雞，個雞唔會太肥，連皮食都輕鬆ok 唔油膩，飯吸收了雞湯汁味，附個醬汁同來點雞肉食三拼就是海南雞加雞腸加雞紅，腸同血都乾淨，好彈牙爽口。呢個泰式海南雞三寶是我最愛泰式豬手隻，皮肉都煮到整軟腍，個汁同白飯好夾妙絕。加份小食香茅雞翼，脆卜卜過口癮之作。#香港美食 #hkfood #hkfoodie #yummy #foodporn #delicious #cuisine #restaurant # #restaurant #水門雞飯

去左咁多次裕民坊都唔知原來有海南雞店🐥Search openrice睇下有咩食先見到😂餐廳有室外室內 位置唔多亦唔算寬敞但係好有泰式feel~咁啱仲係下午茶除左下午茶仲有常餐，份量會仲多😂😂Menu勁抵食 我地嗌左三個tea set🤣仲要有小食水門雞飯評分：⭐️⭐️⭐️⭐️⭐️呢個價錢但係份量唔細，雞肉仲好嫩滑仲要冇骨，油飯都唔會過份油膩泰式船粉-牛評分：⭐️⭐️⭐️⭐️⭐️份量又係好多嘅下午茶😂😂好大碗仲好足料，生牛肉仲要好薄好好食，仲有牛丸都好彈牙，湯汁勁惹味，忍唔住飲左好多🤣🤣小食-春卷評分：⭐️⭐️⭐️⭐️⭐️係tea time嘅小食，估唔到呢個跟餐小食都咁好食，勁香口香脆，配埋佢地特調醬汁，真係好食到停唔到小食1香茅雞翼評分：⭐️⭐️⭐️⭐️⭐️好重香茅味嘅雞翼，真係炸得好入味，好香脆可口芒果糯米飯評分：⭐️⭐️⭐️⭐️⭐️超 級 香 甜！！！芒果🥭好甜好好食，仲要份量都係好多，糯米飯勁煙韌，食完飯食個甜品好滿足😌仲有啲小食都好好食😋😋

水門雞同炸雞係佢哋嘅看家本領。水門雞皮脆肉嫩,味道鮮甜,好似雞中嘅上等貨。炸雞酥脆多汁,唔使加任何調味都好食。價錢公道,性價比高。無論你係堂食定外賣,呢度嘅水門雞同炸雞都絕對唔會令你失望。

今日經過裕民坊見到呢間水門雞飯好多人排隊，正要搵野食買返屋企，就試下呢間，真心平靚正呀。我去到都5點幾，仲係tea time，佢6點前仲係tea time 好正啊，d下午茶28元到38元，有兩款野食仲有野飲真係超值，仲有水門雞飯，泰式船粉，冬陰撈麵，吾想咁heavy, 鮮油咖央多士都有，另一款小食就可以嗌香茅雞翼，是雞全翼嚟，有兩隻，仲有牛舌同炸春卷揀，我呢4個tea set全部揀了配雞翼真係好抵呀。味道方面，水門雞飯正，果然招牌，雞很嫩滑，油飯都好食，而船粉可揀牛雞豬，我揀了牛，同配河粉，大大碗份量足，仲有好多配料例如丸等，好食，口感豐富。冬陰撈面就辣辣地，很惹味，咖央多士都超正，好多醬，多士又外脆，好味道，先28元。最後嗌多個乾炒牛河同炆雞腳比都老公，佢話超正，我就覺得雞腳平靚正，先18元，但就有八隻雞腳同好入味又淋身，整體來講very good真心平靚正，如果我家附近都有間就好了。

I recently dined at a wonderful Thai restaurant in Kwun Tong, and it was an experience to remember. The menu featured a variety of authentic dishes that truly captured the essence of Thai cuisine. Let’s explore the highlights of my visit!Iced Milk Tea I started my meal with the Iced Milk Tea, which was a delightful introduction. The tea was rich and flavorful, perfectly brewed without being overly sweet. It was refreshingly smooth, making it an ideal drink to complement the spicy dishes to come.

呢間水門雞飯，相信好多人都食過食過幾次招牌雞飯之後今次刻意試下餐牌上面，雞飯以外的選項叫左海鮮冬陰功金邊粉湯底酸甜開胃，亦唔算好辣 海鮮份量都唔少，有4隻青口3隻蝦同埋魷魚鬚另外，叫左泰北清冬陰魚片湯粉湯底望落好清淡，食落係酸酸辣辣都好惹味，有4塊厚魚片，雖然厚切但係都幾滑泰式炒通菜次次食泰國菜都忍唔住要叫既菜呢碟炒通菜調味剛剛好，唔會太濃味亦唔會好油另外仲叫左泰式腩仔 醬汁超級惹味，完全加分腩仔炸得好香脆，食到尾聲時，個皮想仲係好脆卜卜飲品叫左鮮檸梳打同埋蘋果雪梨水蘋果雪梨水好有驚喜真材實料好清甜有唔少蘋果肉同南北杏鮮檸梳打甜度適中唔記得叫少甜都唔會太甜 解渴一流今晚八點幾入座差唔多坐滿 亦見到好多街坊黎食証明呢間水門雞飯質素高，價錢亦很合理值得一食再食 ！

係觀塘裕民坊開左幾間食店，呢間水門雞飯是我最感興趣的，首先佢價錢平，又食得飽，吾錯啊。我點了水門雞飯，泰式豬手飯，泰式乾炒牛河，同一份雞雜返去比家人食，家人都讚不絕口。首先水門雞飯雞肉超級滑啊，一點都不會肥膩，又香雞味，有埋湯送，辣辣地都好好飲呀，至於豬手飯，豬手鹵得很入味，又好淋，份量都多，好食，價錢又吾貴。乾炒牛河是非常出色，河粉條條上色，少少辣，很惹味，牛份量都多，最尾都吾覺得好油，做得很好。雞雜都好出色，感覺都乾淨冇異味，份量都多，有雞腸有雞腎同雞紅，佢另有特別醬汁配食，惹味。覺得價錢又平質素又高，讚。

今晚叫左二人餐外賣，點知中左伏！水門鷄，麻麻地無味，又唔跟醬料。飯又太少，一個成年人我諗要叫兩個餐先夠食，泰式凍咖啡太甜，比外面D糖水都要甜好多，中意甜朋友可能啱飲。原隻魷魚…手掌大小味道還可以....整體嚟講咁樣價錢、咁樣嘅質量真喺唔值得。當然價錢唔係全價，佢俾佐discount、埋單嘟俾左151.4。作為觀塘街坊的我、試一次就算數、冇下一次！

經歷了一周工作的疲累，想早一些回家休息，於是到觀塘裕民坊YM²的水門雞飯外賣晚餐回家享用。水門雞飯配雞汁和湯：這是一道經典的東南亞風味快餐，以嫩滑多汁的雞肉和香醇的湯為主角。雞肉保留了原汁原味，搭配簡單的飯菜，營養均衡，口感清爽。作為主食，這道菜既能填飽肚子，又能帶來怡人的用餐體驗。雞汁濃郁香醇，湯頭醇厚，為主菜增添了肉香。而湯則帶有一絲胡椒微辣，能夠調和雞肉的鮮味，令整體口感更加協調。鳳尾蝦泰式金邊粉：這是一道色香味俱全的泰國食物。鳳尾蝦與柔軟的金邊粉交織在一起，在泰式酸甜醬汁的襯托下，呈現出迷人的風味。口感爽脆又不失嫩滑，是一道開胃下飯的絕佳選擇。馬拉盞西蘭花炒魷魚鬚：這道富有東南亞特色的炒菜，融合了清脆的西蘭花、鮮嫩的魷魚鬚以及濃郁的馬拉盞醬汁，色澤誘人，口感層次豐富，能夠為整個用餐體驗增添趣味。作為配菜，它突出了東南亞飲食的精髓。凍話梅茶和凍泰式奶茶：這兩款冰涼飲料為這頓東南亞風情餐增添了清新消暑的氛圍。話梅茶帶有微酸的話梅味，清涼解渴；而泰式奶茶則有淡雅的奶香，口感細膩順滑。它們為整個用餐過程劃上了完美的句號。總的來說，這份菜單在東南亞風味、營養搭配、口感層次以及視覺享受等方

水門雞飯⭐️香辣肉碎沙律⭐️泰式炆雞腳⭐️泰式無骨豬手⭐️豬肉串燒⭐️雞肉串燒去朋友屋企食飯咁啱路過水門雞飯，買咗幾款嘢食加餸。首先係香辣肉碎沙律，肉碎好惹味，配上生菜食，感覺健康又好味。泰式炆雞腳好抵，$18有8隻，調味同無骨豬手有啲似，可能係用咗同一款醬汁。串燒性價比都好高，$14一串。而且一打開個外賣聞到就覺得好香，食落同平時啲串燒舖差唔多，幾推薦。如果諗唔到煮咩好，喺水門雞飯買幾樣餸都係一個唔錯嘅選擇。