影片
更多
2024-06-25
178 浏览
水門雞飯 （24/6/2024）今天約了朋友去觀塘一帶行街食飯，不經不覺已到食晚餐的時間，經過一間泰國菜餐廳，朋友喜歡吃泰國菜， 就入去食，餐廳叫水門雞飯，位於觀塘協和街33號裕民坊101地舖，港鐵觀塘站A1出口，步行幾分鐘就到，非常方便。 門口的招牌「水門雞飯」十分有創意，隻雞好卡通化，店內裝潢簡約，好有泰式設計的風格，枱櫈擺設整齊，地方都寬敞，坐得舒適，亦有很多嘅美食的相片和枱櫈在店外，餐牌內的食物選擇都多，有主食、沙律、小食、泰式船粉、甜品、飲品，以QR code 點菜，十分方便，店員有禮貌，服務態度好，來這裏食都不錯。 水門雞飯就係呢一間餐廳嘅招牌菜，當然要叫來食，仲要轉雞脾肉，先奉上冬瓜胡椒湯，胡椒味濃，配上冬瓜，飲落都幾清新，佢嘅雞皮煮完之後過咗冷水，所以好爽同埋好彈牙，雞脾肉份量不少，新鮮嫩滑、無骨、冇肥油，唔會油膩，雞肉味香濃，配上自家醬汁，很美味，啲飯係油飯都食到好香嘅雞油味，令口感好惹味，果然是好食嘅招牌菜。雖然一定要叫水門雞飯吃，其他食品都好想叫來食，尤其是冬陰公雞湯河，湯底味道剛好，唔會太濃食到後面會覺得膩，而且只係少少辣，鍾意食辣又食唔到太辣嘅就啱晒，加上冬陰
今天約了朋友去觀塘一帶行街食飯，不經不覺已到食晚餐的時間，經過一間泰國菜餐廳，朋友喜歡吃泰國菜， 就入去食，餐廳叫水門雞飯，位於觀塘協和街33號裕民坊101地舖，港鐵觀塘站A1出口，步行幾分鐘就到，非常方便。
門口的招牌「水門雞飯」十分有創意，隻雞好卡通化，店內裝潢簡約，好有泰式設計的風格，枱櫈擺設整齊，地方都寬敞，坐得舒適，亦有很多嘅美食的相片和枱櫈在店外，餐牌內的食物選擇都多，有主食、沙律、小食、泰式船粉、甜品、飲品，以QR code 點菜，十分方便，店員有禮貌，服務態度好，來這裏食都不錯。
水門雞飯就係呢一間餐廳嘅招牌菜，當然要叫來食，仲要轉雞脾肉，先奉上冬瓜胡椒湯，胡椒味濃，配上冬瓜，飲落都幾清新，佢嘅雞皮煮完之後過咗冷水，所以好爽同埋好彈牙，雞脾肉份量不少，新鮮嫩滑、無骨、冇肥油，唔會油膩，雞肉味香濃，配上自家醬汁，很美味，啲飯係油飯都食到好香嘅雞油味，令口感好惹味，果然是好食嘅招牌菜。
雖然一定要叫水門雞飯吃，其他食品都好想叫來食，尤其是冬陰公雞湯河，湯底味道剛好，唔會太濃食到後面會覺得膩，而且只係少少辣，鍾意食辣又食唔到太辣嘅就啱晒，加上冬陰公雞湯底附有菇菌，配上泰式海南雞，雞味濃，肉嫩得黎唔柴，亦用上白皮雞，感覺一啲都唔油膩，真係食到一啖接一啖，令口感豐富。在飲料方面，我們點了話梅茶同柚子蜜，話梅茶酸甜開胃，清新怡人，味道鮮美，而柚子蜜又係令人酸甜開胃，好配合去食泰式食物，非常不錯的選擇。
食泰國菜點可以唔食串燒呢，有豬肉同雞肉可以選擇，我哋兩樣都叫，以香料豐富沙嗲醬裹覆在豬肉同雞肉上，亦加埋秘製嘅泰式調味，然後串在竹籤上烤熟，香氣撲鼻，串燒配埋嘅沙嗲醬完全唔辣，食到香濃嘅咖喱味，記得一定要點埋好有味嘅花生醬，仲有一碟仔嘅紅椒、洋蔥、青瓜一齊來配搭食，真係好香好食。最後叫埋個炸蝦春卷小食，酥脆之餘入面嘅蝦肉都好彈牙，將脆皮鮮嫩蝦肉同蔬菜包裹，搭配甜辣醬享用，可口又有口感。
這間位於觀塘嘅傳統泰式食肆，食物種類的選擇多元化，有好食抵食，食品水準高，價錢實惠大眾化，仲沒有加一，最好係落單後好快將食物就送到枱上，真係好值得向大家推薦去食。
张贴
