永合隆飯店

营业中

休息中

人生第一次用50蚊ge價錢食一碟難食過美心嘅叉燒飯。一怒之下就登記openrice寫食評令更多人遠離伏店。我一行入間舖，夥計雖然有招呼周到，但衛生欠佳，侍應竟將餐具直接落枱，真係連餐紙巾都慳番，香港普遍茶餐廳都冇佢地禁慳，厲害。都算，反正大排檔衛生都差吾多，食物先係重點。講反個飯，首先，五十蚊既叉燒飯竟然係冇任何配菜，真係得飯同叉燒！(難以置信)同時，個餐係冇包野飲，wtf？Fine, 我就安慰下自己，或者D燒味好好食呢(笑)結果一食落，D叉燒又硬又吾香，重要係涷冰冰，食落都反胃，完全係無法接受。白飯方面，飯有點爛，不過都算合格啦。食完碟飯，我心不甘情不願地俾左50蚊，行出門口，我發誓以後吾再幫襯呢間野。

街客啲嘢食真係唔掂。豬頭骨。唔好來食。假如用60蚊的價錢食雙拼飯。可以食得連街市二十几蚊都好过佢的嘢食。你地真係唔好諗住來。我呢世人食得最差就係呢間。等執笠啦。

街客燒肉飯的燒肉肥及頭頭尾尾的肉，小而細。但熟客是燒腩位，多而靚。坐我對面的一對夫婦的焼肉飯,一樣小及頭頭尾尾的肉。 我們互相對望都非常失望及憤怒。這間貴而對客人不公平的飯店，以後不再去。一間知名老舖,這樣手法做生意，不要得。其後都聽到其他人都有我這樣的經歷，真令人憤怒.😡😡

睇完壹仔介紹，忽然好想食燒肉飯，特登搭地鐵去。地方乾淨，招呼都好，但係碟飯，無論賣相定味道都完全唔合格。俾埋啲邊同散嘅肉，亂晒龍係碟飯面，味道都係唔得。例湯唔得。中伏！

話說我耐唔耐，即係至少半年或以上，先會幫襯一次，每次都係冇啖好食😓❗️早幾日經過，買咗盒燒肉飯同例湯外賣，諗住會有好結果，點知返到屋企，一打開個飯盒😱❗️燒肉得6嚿，仲要散開晒😱，即係砌唔番一條出嚟啦😡，仲要得兩嚿燒肉係有皮😓❗️見到啲熟客，影相出嚟，擺碟，完整性，都有過之而無不及😓❗️講真，$65都唔算貴，但用埋晒呢啲咁嘅手法經營，真係好有問題囉😓❗️我唔係冇比機會佢，係佢地自己唔珍惜每一個客人，係咁佢地繼續去做熟客啦，生客嘅話，去之前停一停，諗一諗先呀👌😓❗️

這已是第三次....給生面口客人一些差的燒肉部位，我同枱的燒肉全白色有皮、而我那碟全深色、大部分不連皮！太差的服務，以後不再幫襯！還有提醒各位斬料千萬不要切，尤其焼肉、否則回家不知道為什麼原本揀好的只有3/4，1/4變成深色或骨！

70蚊= 一個雙拼飯+ 一個菜乾湯燒蠟飯香港人應該食唔少， 去到呢個價錢 應該對啲產品都有少少期望，口味嘅嘢好主觀， 唔寫得太多， 個人感覺比大家樂更差。客觀上無論食店內環境，職員態度及衛生情況均達至危殆級別， 雖然以上三種問題會令到你食唔曬啲飯， 但係你都會覺得好飽， 因為條氣頂到上心口。我評分全部畀五粒星係因為冇得畀零分， 個人認為此食店集合曬所有最差條件於一身， 如果想搵交嗌不妨一試。

相信年過 40 的朋友們都曾經聽過 " 食燒味，梗係去永合隆啦 " 這個於收音機廣播的廣告 .... 這間位於 太子 - 砵蘭街 的 永合隆飯店 , 算是一間老牌的燒味飯店 , 曾經獲得各界傳媒追捧 , 多位城中名人 , 官商巨賈 , 曾經慕名而來幫襯 .... Menu ~ 燒肉叉燒飯 $ 60 : 老老實實 , 在 砵蘭街 一碟 叉燒燒肉飯 收 $ 60 並不便宜 , 個碟是又崩又爛的 , 外觀上已經大打折扣 ; 我點的是肥叉燒 , 但結果給我的竟然是沒有肥肉的叉燒 , 兼且叉燒的肉質又乾又硬 ; 燒肉的確是皮脆肉嫩 , 味道卻是鹹到一個點 , 感覺就是中伏 ~整體來說 , 食物味道就是大不如前 , 真失敗 ~此外 , 店舖的環境污糟邋遢 , 地面油立立的 , 店員的服務態度亦有待改善 ~本篇完 ~

多年前吃過一次中伏，叫了一碟燒肉飯，是完全沒有燒肉皮的尾位，我向老闆娘說：我是聽到人說這店最出名的是燒肉，專程搭車來吃的，是不是因為我是生客就給我這樣的燒肉飯？投訴後，她立即斬了一碗淨燒腩給我。經此事後我已多年沒再光顧第二次，但昨晚經過剛巧又肚子很餓，所以決定給他第二次機會。怎料叫來的叉燒燒肉飯，叉燒是全瘦的，量是夠但是一點肉味都沒有，燒肉有5小塊，一塊是極小，一塊有一半是骨，其餘全部是尾位，能吃到脆皮的面積不到5平方厘米，燒肉味淡完全欠燒烤味連腌料味也沒有。飯是熱的但下水太多，基本不合格。叫了碟蔥油，一吃下去真的大鑊，鹹到恐怖級別，一小啖應可送半碗飯的鹹度！55大元，真的不要去吃！ 比他便宜十元質素好得多的燒臘飯店一街都是！

都不太清楚，為什麼這間燒味店，好像非常之出名，對上一次來應該都已經很多年前，想不到，它仍然能夠屹立不倒。有天，在太子等候朋友，亦都因為完成了一些工程，獨自來這間燒味店吃個飯，也當作慶祝🎉吧。點了個叉燒燒肉飯，因為近來都好像吃到不少比較乾、比較瘦的叉燒，一心諗住，進去這些名牌燒味店，應該會吃到些質素比較好的叉燒。想不到，又錯了，叉燒非常之瘦🤦🏾‍♂️，完全沒有肥的部份。沒錯，我沒有叫肥叉燒，亦都沒有叫半肥瘦，但也想像不到，這些叉燒竟然瘦得完全沒有脂肪。燒肉的質素也非常之普通，非常瘦，雖然燒肉皮夠脆，但是肉也非常之瘦，只是一大舊瘦肉🤦🏾‍♂️，與其他燒味店的五層燒腩，可說是天淵之別。白飯還算不錯，最少一粒粒，不算太林不算太硬，沒黏著一團。而旁邊的那瓶豉油，又好像只是鮮露，只覺咸味🤦🏾‍♂️，毫無好一感情，毫無誠意。結果，我也忍不住，要叫一碟薑蔥，用來送飯。上週親友到楊屋道買的燒肉，可輕勝這所謂名店的燒肉，那兒的有肥有瘦，皮也夠脆。其實燒味店的燒味那麽頹，而收費不平，有甚麼理由會比起街外買飯盒貴三倍呢？我尋回昔日寫過的食評，原來上一次寫，今年是2009年，當時售價＄35，現在收費$55，足足貴了＄

今日叫左碟叉燒，燒肉飯。 諗住叉燒普通野，燒肉話自己出名， 碟飯一上台真係由心內𨳒到出口。 忍唔住影相俾朋友睇，朋友問係咪用來餵狗 D燒肉同叉燒仲瘦過索馬里D人乾。 食之無味道。。。總之心情差到極點。如果唔係怕浪費食物真係想倒佢落地。埋單時我俾佢老闆聽朋友語音, 同時話佢咁既垃圾都可以賣出來真係痴x線。因為要夠200字先可評分， 我為左可以有評分權利要再打多d字出來。 以下內容可以唔睇， 回想起幾年前都試同樣情況所以都有好幾年無幫襯，今日咁啱經過又想食飯諗住無理由咁黑仔既。。。點知難食原來不會是偶然。。。 真係不要再去。

做燒味黎講真係小學雞都不如，港式燒味由細食到大，鋪面間間都差唔多就唔講，講服務先，應該唔駛講根本無服務，叫極唔應，串過碼頭個批。講食物，就必須睇個師傅掂唔掂啦！人地做燒味做到賣相同碟頭攞位都整齊吸引，可惜今日得見六國大封相咁，見到都已經扣一半分，到食物，一碟乳豬拼燒鵝飯，乳豬件還可以但唔鬼俾醬，燒鵝全部係皮同骨，有肉個兩件可惜是臘鴨味，應該係放了很久的，硬身無肉感，無味，難食。五十五元碟飯老實講一定唔會再傷害自己囉。人地話做左咁多年燒味的店一定有返咁上下，如果班師傅阿姐收錢同老板唔係個種以為食老本可以一世不求進步的店就係嘅。眾觀環境，服務，食物，賣相各方面都做得咁出色的老店真係香港唔多了。希望他們會進步吧！

永合隆對於我嚟講唔算係老字號，因為我出世嘅時候都未有佢！後嚟幾歲大先睇住佢開張。不過隨住自己年紀增加，“唔算”老字號都變成老字號了！永合隆係少數一開張已經要排隊買燒肉嘅旺舖，我細個嘅時候喺深水埗，買义燒就去西湖(荔枝角道/北河街)，買燒肉就去永合隆。難得永合隆四十多年都保持舊貌，多年幫襯感覺依然。雖然燒肉最出名，我自己反而最愛叫雞什飯，可惜佢話依家都冇新鮮雞何來雞什，噢！可惜呀～唯有嗌番燒肉飯。另外一樣出名嘅係佢嘅幾十年不變例湯 —— 菜乾豬肺湯，D料多到滿瀉，真係就咁叫多個白飯都可以當一餐。埋單一飯一湯收成六十，梗係算貴啦，但其實佢不嬲都貴，已貴足四十幾年，真係“嫌貴就唔好幫襯吖笨”！講開燒肉，細個嗰陣爺爺(外公)會帶我哋一家坐船去梅窩游水，嗰度榕樹底有檔D燒肉係一生人食過最好食嘅燒肉，每次阿爸都會買燒肉同豬耳過對面飯店坐低食。後嚟深水埗碼頭由通州街搬到冇雷公咁遠，就再少有去梅窩食燒肉。三、四十年前聽人講檔燒肉搬咗上市政街市，請問有冇人知檔嘢仲存在否？

同事上openrice見到呢間燒尾好正咁~~~咁就特登係MK搭MTR落太子買啦!!話近唔近話遠唔遠，不過呢個天氣大熱天時下午點幾鐘都幾係野!!!!去到門口見到間鋪同幾個名星影過相諗住穩陣架啦~~~叫左6盒外賣，叫既時候佢話鵝貴5，OK無問題+俾佢，返到公司一打開嘩........1盒鵝飯得皮包骨無肉食唔知以為自己食緊片皮鴨!!!!另1盒鵝肥過肥豬肉完全食唔到落口，姐係呢1盒入面1舊半舊係咁都冇咁著~~~最慘係舊舊都係咁成盒都唔洗食!!!!切雞飯，成盒得雞骨冇肉!!!再講肥叉飯，買果時已經講左肥叉盡量所以呢樣冇得投訴。另外2個乳豬叉燒飯，乳豬唔係乳豬，皮唔脆，格硬食都食得落既!!!!叉燒又瘦又硬真係送俾我都唔會食果隻總結盒飯又貴又難食~~食左半盒淨飯頂唔順掉左~~~真係食唔落口!!!!最慘係佢都唔係叫平架!!!雙拼55元但俾埋D咁既燒味你!!!!仲要鵝係要+多5元但都係俾埋D頭頭尾尾食骨頭~~~~~!!!唔會再去食~~~重要係靖都唔食LOR!!!!!

食物 3分環境 1分衛生 0分服務 1分 （服务員識攞嘢，不懂清潔）價錢 1分 （双拼65元，一条菜都冇，只有鼓油） 今時今日，咁嘅償钱可以食到咁嘅嘢，善哉善哉！！！！無下次。