永合隆飯店

营业中

休息中

咁啱今日經過就買個叉燒燒肉飯食下，點知同以前差咁遠，難食到不能形容，叉燒又乾又韌，燒肉凍既，大家樂仲好食過佢。以前佢啲炭燒味好正，現在冇曬。唔知係唔係頂咗手，定轉咗師傅。以後唔會再去！

朋友跟我說，這是全港十間有炭爐燒製燒味的餐廳之一。每次佢都念口黃咁數呀數，有邊十間。今日佢相約我們一班愛吃之人，星期六晚我們都轉登出來吃。.怎料6:30 已經沒有燒鵝、叉燒等等想吃之菜式。原來搞手無做功課，這家店子會很早賣完所有燒味的呢！.最後我們點了只剩下的乳豬。我們還是吃完這個，先去吃別的吧。.乳豬眼見到已經十分脆皮，爆得很漂亮。而且還是十分油潤。.豬肉充滿調料香，肥瘦相間，味濃而多汁。而那皮不負聚望，十分脆口！我會再再再來吃！.

呢間飯店我由靚仔食到变老野起碼有5O年好多時会由荃灣駕車去買燒肉反每次燒肉新鲜 熱辣辣皮脆肉香不過最近發現食物差左今年初到永合隆買左1合燒肉反'發現啲燒肉凍嘅(反就熱.)初時以為係間中点知最近二次都係咁又期夲星期一下午约6時買左6份1乳豬(2佰元)另7O元叉燒但回家后(约半小時)發現乳都又凍皮又淋义燒好像燒燶樹皮肉冇法咬得入另斬燒肉啲師父問十句說話只答一句未問完就攞旧乳都比你(未经同意)自從老闆走左后就变差左希望以后有所改善

乳豬通常都係過時過節加餸先會食，出街非常少食。不過有一日突然想食，就同男朋友去左呢間傳統既燒味飯店食乳豬飯$55蚊就有大大碟飯同乳豬，正！乳豬皮好薄好脆，唔會一咬落去成啖油出黎，唔知係咪佢呢個做法令個皮好易甩皮下面脂肪唔算厚，脂肪下面有大大舊肉，非常爽滑男朋友叫左叉雞飯$55都不過不失此店燒味都唔會太咸，食完唔會覺得好口乾，幾好見店內其他食客都會叫例湯，但因為我已經食飽晒，所以無叫，下次會試下推介此燒味店，第日加餸斬料都會幫櫬的

未食過一餐飯咁嬲嬲到要開openrice食評警戒大家唔好食呢一間垃圾今日同女朋友去咗太子搵野食行行下想食燒味飯 又太肚餓唔想搵其他野食見到呢一間門面咁舊 好似好有香港味道 以為老字號信心保證 實冇死點知個飯一黎到 就知中伏我女朋友就叫左個叉燒飯 我自己就叫咗個燒肉飯 因為太肚餓嘅關係 入門口都冇睇餐牌價錢 望真啲就出事燒肉飯50蚊叉燒飯45蚊仲要冇湯冇嘢飲 不過如果好食都算個問題係個飯連狗都唔食叉燒飯乾爭爭無肉味 啲飯太霖 豉油汁得2滴 都算 可能個師傅琴日夜瞓但係我個燒肉飯 唔會咁啱掛?正式嚟講佢唔可以叫燒肉 係叫燒豬肥膏95%都係豬肥膏 勁油!!ok fine!!!!!!!我當你係特色但係食到一半 其他幾張枱都同侍應講啲燒肉全部都係肥膏明明打住炭燒燒肉嘅名號但最差嘅竟然係燒肉我真係笑而不語我認我鍵盤戰士唔敢喺店面嘈喺度講出黎希望大家唔好去幫襯呢一間無良食店 侍應態度又差( 嬲到唔記得影相直接走咗)

中午一碟燒肉飯加例湯，飯到跟本唔係燒冏肉，係肉絲or碎飯斬埋頭頭尾尾比人，50蚊一碟...20都比多佢谷氣，要佢換一碟同場有個上左年紀的女人，直情羅埋碟飯出去比個師傅，點知個師傅話：係甘架啦！個收銀女人全程玩手機由細食呢間食到大，宜家搞成甘，really disappointed~

永合隆，一個本地經典港式燒臘老字號....聽不少食友說這裡的出品已今非昔比，而且最重要是環境骯髒之餘又貴服務態度又惡劣。總之是一切可以說盡之壞話，都可用諸以論述此店....事先聲明，我是這裡的老顧客 (儘管經已多年沒有光顧了)。就算店水準是已大不如前，但我想，老店也未至於被彈得一文不值吧?!好，今天就讓我來去求證一下先....甫踏進店，發覺地下已少了那從前有的既髒又黏稠稠的可怕狀況。相對起我上趟來時，已算是大有改進....來得這裡，若不點燒肉的話，便等於是枉來了....但主食上桌之前，例必要加十塊錢喝一碗她的老火例湯....在別的燒臘舖，"例水"大多只是一勺味精水而已....但在這裡喝到的，卻是完全無添加之餘又足料的菜乾湯。除菜乾之外還有一大堆的雜肝等下欄嘢，說要加人工味的便是笑話一樁啦....接著擺在我面前的，是一大碟的燒肉鵝飯....今天真的夠運，竟在沒有加錢要脾位的情況下能吃到厚肉的鵝脾，可說是食神歸位了....鵝肉不算很嫩；皮亦不見得薄而脆。說實在，真的是很普通....招牌燒肉看上去依然不靚仔賣相粗糙，但食落去，肉不柴不韌之外皮是鬆化香脆到極。招牌不愧是招牌....但對我來講，

今天和家人到了太子，原本打算到大南街的餃子店吃晚餐，但去到了才知道店子逢星期日休息。家人說附近的永合隆燒肉很好，於是便一同前去試試。舖面很傳統，有幾位老師傅負責斬燒肉义燒...等。店內木枱木櫈，是傳統不能久坐的格局。那時下午6:30分左右，已差不多坐滿了。要試當然是點它最出名的燒肉飯。看到隣桌的菜乾湯好像不錯，也就都叫了一碗。燒肉樣子看來比較肥，吃落皮也不夠脆，飯也不夠熱。反而，十元的豬肺菜乾湯不錯。不油膩，有菜乾味。飲完發現有些羅漢果殼，應有用羅漢果煲。

好耐無食過呢間馳名的燒味檔. 幾年前仲係中學生的時候係附近補習. 所以每逢補習前就會黎醫一醫肚. 果陣燒肉陣陣芳香. 皮脆肉嫩. 食一啖就已經停唔到口!!! 繼續食繼續食事隔幾年. 今日路過太子. 又想起脆皮燒肉的味道. 不自覺地走進老店. 叫左碟叉燒燒肉飯噢. 不過阿姐話無哂叉燒. 咁唯有食白切雞燒肉飯一出場. 好大碟喎. 嗯..... 但點解d 飯咁水既... 貌似好多舊肉. 但反一反. d 雞得皮同脂肪既乍喎.... 白切雞肉鞋口又乾身. 皮硬又多毛. 燒肉皮已軟哂. 脂肪層鬆散唔實淨. 肉感硬實又太咸. 最下面的一層另加咸到變哂黑色莫講話要做到層肉層脂咁整齊有口感. 連快餐店質素都達唔到 ...仲要收貴到55 蚊 真係回憶破滅. 叫我點有信心再黎幫襯

今日早收工，忽然好想食燒肉飯，不期然便想起這裏；以前經常到這買外賣燒味，但近年水準有所下降，因此也有一段日子沒有來幫襯了。店內人流明顯比以前小，只有小貓三四隻，是否已真的不復當年勇？主要想吃燒肉，但又覺得單調了一點，那就要叉燒燒肉飯吧。叉燒燒肉飯～ 部份叉燒肥瘦分明，油脂分布平均，實屬佳品；燒肉雖然不是熱辣辣的，但皮仍然是非常之鬆脆，肉質偏瘦但唔會嚡口，水準之作。反而配角的飯是最差的，水份過多，部份還會粘在一起，有食糊仔的感覺。這樣簡單的收條（只有銀碼），現在實在少見，相信沒有一定日子的店舗，也沒有這樣用了。

好肚餓既途中，經過呢間野，就買盒叉雞飯返屋企食。佢講盒飯加野飲要$60，我有啲已經覺得唔抵，算 我未食過當試下，唉 返到屋企個盒到有隻蟻系盒面冷冷下，即刻比我整死左，我唔介意呢小小問題，哇，一食啲姜蓉撈左白飯都可以咸到咁既？啲飯仲未煮得熟，生米未煮成熟飯，太過份，憑咩收一個飯$55？啲叉燒又硬 仲要無例湯 唔係你貼啲明星相系門口就值咁既價錢。中晒伏！以後唔會再試 物無所值。

今晚放工買左個叉燒燒肉飯加例湯外賣，點知返到屋企一打開盒飯，竟然只係得燒肉！雖然一定搭兩件唔係頭就尾，但今次5舊燒肉搭左2舊剩肥膏加塊硬皮又冇肉，1舊豬骨，剩低可以食既肉只得2舊，但其中1舊硬到乾，双拼價錢買得2舊燒肉，簡直錢！！打去舖頭，一句唔好意思都冇，只係重覆講"唔係我斬"，叫我落去舖頭換！大佬呀！放左工已經散晒！買左飯盒返左屋企換晒衫準備食飯重要走番落去....咪玩啦！重問我想點！完全冇誠意！駛唔駛我教呀？你可以講"唔好意思，你隨時落黎我哋斬番D叉燒比你"，個客咪冇禁嬲囉！其實上次買已經好差，只不過因為幫襯左好多年，比多次機會佢，點知重衰！呢個價錢旺區好多地方都食到，重送例湯！唔需要食頭同尾！

我唔係特別鐘意或要推介永合隆，但久不久總要黎買下燒腩骨食。我是叉燒、燒肉嘅fans，雞係我生命，金錢雞係我童年重要一幕，只要聽聞有好燒味，上天下海都要試，目下最好味嘅燒腩骨港島區係跑馬地永祥，九龍區係永合隆，三十幾年黎佢腩骨總要貴人二、三十蚊一斤，但我和貓老爺每次總要兩條骨，未開車已經食左幾舊，但，我地從來唔會喺呢度買叉燒、燒鵝、雞等燒味，無腩骨即走，燒肉都要睇過先買。食燒肉，梗係要腩骨，唔通要又鞋又鹹嘅沙尼篤？買左都係嘥錢嘥個胃嘅quota。邊個叫你喺度買叉燒？即係等如喺tempura專門店叫壽司，同係燒味但製法大相逕庭，唔係招牌專長，盞搵黎攪！佢個地滑唔係今日，見到咁你仲坐低食？佢啲斬料師傳真係有一句無一句架，但係，師傅專長唔係答你問題嘛，佢地根本就係唔識同人溝通，否則做企堂啦，況且你問邊part好食，一定係腩骨，答你咩呢？我最初都被佢地吹到啤一聲，但以質素而言，暫時又真係搵唔到第二度。溝通係雙向嘅，講多兩句讚賞說話就有計傾，佢地唔認得我，但每次都可以講到幾句，當然啦，你唔識做，人地最忙踢晒腳嗰陣你走埋去問呢樣嗰樣，就梗係想踢你走啦，佢又真係唔憂做架喎。跑馬地永祥好啲，但都唔好得去

間中有時想食燒臘時都會來「永合隆飯店」。多數都是買一些叉燒和燒肉，而今次是買一些燒排骨來送飯。燒排骨($30) 燒排骨雖然沒有叉燒這樣嗒嗒肉，但位置上是近骨所以肉味更加香，醬汁的味道的味道更濃，雖然肉量比較少但感覺小食多滋味，用來送飯連肉汁一同食非常好食。雖然這店的水準有時都幾飄忽，有時對這店都有一些的微言，但家中老人食了這樣多年始終對它都有一些的感情，時不時都會光顧這間老店。水準飄忽但感情分加分，老店的「永合隆飯店」。

We ordered 燒肉飯, 乳豬飯, and 1 can of coke.  Although those 燒肉 contains little fat layer, the meat textue is extremly tender and juicy.  Those 乳豬 looks fat but the skin is extremly crispy and the suckling pig meat are also soft and juicy.  As a die-hard fans of Wing Hop Lung, I found no reasons for not having a meal there during my 2-weeks stay in HK.  If I can rank both Wing Hop Lung ("WHL") and Tai Hing ("TH"), I probably offer the same overall score to them.  However, WHL offers extremely high qu