永合隆飯店

营业中

休息中

於旺角辦事後，想找地方午餐，行致太子不没有揾到心意食店，唯有上開飯啦揾食，見永合隆飯店，但惡評如潮，巳多年没到竟變得如此差，心裡有點忐忑，二話不說轉身往永合隆飯店進食，印證此店是否如食評般差。不用十分鍾已坐於飯店内。來到永品隆，必吃其炭燒燒肉，我點了碟燒肉，加碟肥义雞飯，當然還要例湯。菜乾例湯先_上枱，湯如過往清湯味濃，味濃是因大量下欄食材，再加上小火煮幾小時才可有此顏色，湯裡有肉味還有羅漢菓清甜味道，在這乾燥的天氣絕對是抗乾湯水。燒肉到了，目視皮脆，肥瘦適中，一口咬下，真的咯咯有聲，皮脆鬆化，三分肥七分瘦肉，還隱若透出幽幽的炭香味，有肉香没有死咸和過量的五香粉醃制，不如食評般的差。肥义雞胸飯放顆顆上枱時，飯的份量可真大碟，對我這些不湊米氣的人可真要命，後悔忘記叫減飯，這是的錯與人無由。但我最欣賞是舊式店鋪的飯夠熱，我巳受夠坊間那些不温不火的飯，毫無飯氣，夾著肥义一口熱飯放在口裡，米飯的熱氣将肥义的油香溶於每一顆飯裡，真的百般滋味在心頭。可惜我叫的肥义變了瘦义，事前斬手師傳已跟我說只剩最後一碟瘦义，問我要與否？否則要等半小時才有义燒可吃，我等不了，瘦义就瘦义吧！但習慣了肥义的口感，入口

特別推薦大家✅炭燒燒肉《炭燒燒肉》芝麻皮係特別脆，肉質好嫩滑，有肉汁，肉味香濃，好新鮮，肉同肥膏比例啱啱好，一啖食落口😲層次分明，今次我哋勁好彩，成盒都冇下爛野😌💰~$370 三條骨 🦴 🦴 🦴 💰~$120-130 一條骨 🦴 *通常我哋around 4點去到，燒豬都會係熱熱地😌**Take away會磅重量睇價***食唔哂第二日返蒸都好食😛唔會韌

永合隆燒味垃圾中的垃圾, 65蚊一碟燒肉雞飯, 隔夜燒味唔新鮮, 成碟飯冇舊好肉,薄切片燒肉, 咸到死, 白切雞皮包骨, 鞋口鞋面, 比較深水埗15蚊一個飯盒還要差,其實深水埗15蚊一個燒味飯盒味道不錯, 永合隆燒味靠明星效應, 浪得虛名,奉勸各位不要中伏, 嘥時間.. 

2/5肉質好正，鬆軟非常，但保留應有口感。但係偏咸，同個皮完全唔脆，好失望。見到佢有金錢雞，不過已經賣晒，下次再去試其他。The meat is good and soft, but it should retain the taste. But it was a bit salty, and the same skin was completely crunchy, so disappointing. Seeing that there are money chickens in Qu, but they are already selling sun, I will try other things next time.#queenbeoly_comdine #foodblogger #foodporn #food #foodie #foodphotography #instafood #foodstagram #foodlover #foodgasm #yummy #delicious #QueenBeoly

呢到買左盒叉雞飯細合到死仲要無野飲價錢要成60蚊質素同普通燒味鋪差唔多賣咁貴但去唔到60蚊既質素有鬼用佢啲叉燒太瘦做唔到肥瘦均衡效果食落有啲孩口即使用炭火燒都無用口感唔好會好影響到味道白切雞完全唔掂無肉仲要無乜雞味如果呢個飯係30蚊一盒咁都仲可以講但60蚊要求緊係唔可以咁低呢間嘢入到去見到發哥都有食過但明星效應對我黎講無用食野緊係要食物質素同價錢為主要考慮一兩張明星相係動搖唔到我對食物既要求希望本店接受意見作出改善

諗住試下去飯下燒鵝飯，點知全碟鵝都係骨同皮，稍稍一件有肉，但肉都係又乾又難食好似柴皮一樣，個例湯仲要煲到有𤓓味都賣比人，中晒伏，食d咁嘅垃圾仲要收得貴，咁嘅質素我求其街邊搵間燒味店都好味過呢間咁差嘅嘢

今日心血來潮，要去試一下他們的燒肉。燒肉來了，樣都很好，燒肉有半肥瘦。但味道真的一般，只是皮夠脆。例湯太咸，喝了一半便放棄。如果不知道燒肉是用碳火燒，這間便是一間普通的燒味舖。

今日去開太子好想燒味，即時諗起老字號既永合隆飯店，其實個名聽左好耐但一直都冇試過🤫🤫🤫餐廳維持一貫傳統既裝修，入到餐廳係有種好街坊既感覺，夠貼地🤝🤝門口旁邊係玻璃既廚房，望到形形式式既燒味，真係令人食指大動🤪🤪不過你之前上網睇到啲食評個個都好似話麻麻地，所以都唔係抱住好大嘅期望入去食😎😎😎餐廳有好多唔同選擇既燒味，今次我無跟飯，就咁嗌咗叉燒同炭燒乳豬另外嗌咗碟菜😍😍😍上枱賣相已經相當吸引，叉燒開頭望落去好似太瘦，點知食落先會知道原來岩岩好，唔會某部分一大嚿肥膏咁😛😛最特別係佢既製法唔似叉燒就咁用麥芽糖浸完黎燒，食落去係有一陣荔枝既煙薰味，所以特別香同惹味，真係好正呀☺️☺️真心係我食過暫時最好食嘅叉燒😍😍😍炭燒乳豬既皮真係好脆，咬落去脆卜卜又夠香，皮下脂肪既比例唔會太多，有一侵薄薄的脂肪加埋香口既燒肉，我覺得食落去每一嚿都係享受呀，炭燒嘅果然係唔同啲😍😍菜心好新鮮，而且唔會太老，食完燒味加多個菜係感覺健康啲既總體黎講我覺得永合隆既燒味係高質，我要為你平返一次

本身以為佢老字號仲生存到，應該都有料到，點知⋯⋯叉燒又乾又鞋，仲要硬到石春咁。燒肉又肥，皮又淋曬，唔係話要24小時脆皮，但係都俾返少少咬口。燒肉連皮食就好似食蒸包唔記得搣走個張底紙咁。飯又煮到爛曬。例湯要加$10，話豬肺菜乾湯，但係我只係見到豬骨同菜乾，仲要飲落有豉油味。係咪倒瀉左野落煲湯度？其實，唔好浪費食材，$70一碟飯+例湯，咁ge價錢，大把更好更抵食ge選擇。預期咁花成本地浪費食材，不如環保d la

行過搵飯食 見好耐冇食燒味 入店試試 一見餐牌 50-60蚊一個燒味飯 諗住好食都冇所謂 我食既係叉燒燒鴨飯 點知 叉燒又干又硬又瘦 味道唔掂 燒鴨唔香又干 個飯冇咩汁 如果要係依個飯上面加一個價錢 我希望係20蚊 （冇野飲）

話說早排同朋友見面佢話帶我去食一間好好食既燒味飯話係老字號，一於去試下啦！位於📍太子砵蘭街392號永合隆飯店雖然外表同內裡都好舊但就因為咁先有舊時原有風味我地下午2:30pm左右去到，可能平日關係唔算多人燒肉切雞飯 $50燒肉件件都好有層次外皮香脆，肉質鮮嫩，好正切雞配姜蓉無得輸乳豬叉燒飯 $50聽講此店乳豬成日好早售罄我地幸運地叫到👏🏻乳豬皮薄又脆，咬落去d肉裡帶汁一d都唔乾身叉燒肥瘦分佈好平均而且叉燒d汁好入味，真係餸飯食一流

今日來到太子，原本想吃餃子的，但是太多人，因為趕時間，於是放棄，行下附近仲有乜好食，見到呢間燒臘飯店有我偶像＂周潤發＂到此一吃的照片，諗住應該唔差掛⋯⋯ 點知入到去坐低都冇人招呼，之後要叫：阿姐唔該唔該。先至有人問我食乜，因為我阻住佢同其他人吹水，所以佢好似有啲嬲嬲哋⋯⋯ 我叫咗碟燒肉叉燒飯，啲飯到咗之後，發現啲叉燒乾到好似柴咁，啲燒肉全部都係肥肉，而燒肉皮係咬唔開嘅，啲飯都係不熱的，豉油都只係得幾滴咁，咁樣可能健康啲，唔係糊仔飯已經多謝晒啦，跟住我想要碟芥辣，跟住佢就咁比一包芥辣我，碟仔都唔比隻我，我想要隻碟仔但係佢冇理我，我唯有就咁搣開包芥辣淋落去啲燒肉度！呢碟燒味飯要$60真係完全唔合格，品質仲差過一啲連鎖快餐店，但係人哋價錢俾佢平仲有嘢飲喎！跟住我隔離有啲人似乎係熟客，一來到坐低飯都未叫，即刻有杯茶同埋有一隻碟仔俾佢，我先至發覺除咗碟仔之外，我茶都冇一杯招呼，而佢嗰碟燒肉飯似乎係正正常常都幾好喎，跟住我發現原來周圍大部份都係熟客，睇嚟呢間野只係做熟客生意已經足夠，我呢啲生客似乎唔係好在乎，算啦！我都唔會再嚟幫襯㗎啦！唔知＂周潤發＂係唔係熟客呢？

昨晚在太子永合隆用55元買1燒肉飯回家倒出微波盒叮飯發覺差到連街边燒味廿幾蚊盒飯都不如、以往在太子返工经常在堂食燒肉反例湯都感覺很好、估不到現在咁差、是否老人家老細不在、換左年青人坐柜位連斬燒肉伙記都管唔到、肯定會溜失舊客、老闆真的要好好訓示斬燒肉果個、唔好當日係大陸客揾人笨。

行過突然想食個燒味飯，就諗住入去平平地試下，心諗見佢呢種裝修都唔會貴掛，殘殘舊舊，試左碟叉雞飯，原來都成$60個雙拼，仲好有希望以為呢種禁舊既鋪d燒味會有保證，衰就衰在無睇下openice先行入去；原來勁多負評話難食。。。介紹下碟飯先D叉燒比哂d頭頭尾尾硬到爆果種，有兩塊係正常既，個薑蔥咸到爆，列入「可一不可再」系列餐廳。建議去太興食好過，都仲有杯野飲送，坐都坐得舒服d。再唔係就咁行去隔離都有間食燒味既，價錢差唔多，但都好食過呢間野。

本人是第一次光顧這一間燒味店，室內的裝修及傢俱比較殘舊，冷氣亦不夠。一個人跟其他人搭枱，並點了一碟切鷄飯。基本上任何燒味飯均是以$50為起點。首先，賣相相當普通，切鷄份量不算多，而且是鷄翼加頸部，淨睇已經扣去一半分數。鷄肉不多但不算肥，而且有鷄味，可惜肉質比較差。配合、的醬汁只有咸味，沒有鮮味(即沒有特色)。最失敗是薑䓤，實在咸得不能入口，而且是佈滿所有鷄肉，我需要將過多的推走才能進食。如要比較同區域的燒味店，永合隆絕對合格。價錢是花園街街市的一倍，但份量及質素比之更差。我並不明白，以這個價格，這間店舖為何仍然有人光顧? 或者是靠什麼馳名燒肉吧!