永富食品公司

营业中

休息中

連續三個星期六都吃大閘蟹，真是一段美好的時光！多年來都是九龍城永富蟹店常客，這間蟹店已經贏得很多圈中人的支持和喜愛。永富蟹店的螃蟹品質一直保持著非常高的水準，每次購買的蟹都是品質優良，擁有豐富的蟹膏和鮮美的肉質。它們的蟹黃更是令人垂涎三尺，充滿了誘人的濃郁味道。我鐘愛大閘蟹蟹膏之餘，更愛大閘蟹私白膏 😍 白膏係大閘蟹體內的脂肪組織，主要集中在公蟹的腹部和乸蟹的蟹黃中。白膏味道濃郁真係超美味亦係大閘蟹珍貴部位之一。這就是為什麼我如此鍾愛吃大閘蟹。這晚的蟹三隻都爆膏.....無疑給我帶來了極大的滿足，讓我享受到豐富的口感和味覺。大閘蟹的白膏，作為其中的一項重要部位，帶給我無限的美味，讓我愛不釋手。

又嚟到食大閘蟹嘅季節，又可以約埋一班蟹控朋友出來食番餐蟹宴，直頭變咗一個節日一樣，開開心心咁食住蟹，趣談番往事真係回味🤭「永富大閘蟹及日本鮮果專門店」係我每年都會買大閘蟹嘅地方，除咗夠足秤，大閘蟹嘅品種多又新鮮，佢啲蟹仲特別乾淨，返到屋企簡單刷洗即可～今年喺眾多大閘蟹中揀咗江蘇興化市大閘蟹，帶到返屋企都仲好活躍，喺永富買嘅每隻蟹都扣上防偽蟹扣以作溯源，係信心保證，食都食得放心啲！另外仲提供埋吃專用餐具，蟹醋、紫蘇包同養胃姜茶～萬事俱備，靚蟹當前，要保持強大嘅戰鬥力就緊係清蒸嚟食，咁先嘆盡蟹膏嘅原汁原味啦😉 因為大閘蟹最吸引我嘅係親手將佢拆開嘅重重感受！掀開蟹蓋後就有重重蟹黃！然後將蟹身掰開，精彩時刻就係將醋加入蟹膏✔️我哋揀咗三公兩乸，一出爐啲蟹膏已經爆瀉同入曬眼球👀 蟹公嘅膏蒸熟呈橙黃糊狀同黏黏嘴咁，鮮味兼香濃，蟹乸啲膏呈橙色較硬身，入口有質感啲，各有千秋。另外蟹腳同鉗裡面都有好多肉蟹肉，個個全程都係咁啜啜蟹膏又啜啜蟹肉，食到啜曬手指，真係好滿足呢～食完大閘蟹梗係要食返啲水果先稱得上完滿啦👀永富除咗有大閘蟹賣之外，仲有好多水果賣，眼見款款精緻水果排列得整整齊齊，都幾方便😚佐賀幸水梨又嚟

十月份開始係大閘蟹既季節，屋企人每年都會幫永富買大閘蟹，雖然出名貴但起碼有質素，不過今年買完就有啲失望，我地叫店員幫手揀6隻7兩重既大閘蟹，仲要係蟹公，每隻定價$385，六隻會有少少優惠每隻$380，依照店員既指示蒸蟹，打開唔算勁爆膏已經覺得麻麻地，點知有兩隻既蟹膏食落苦苦地，唔知係唔多人買咁大隻蟹定係點，呢個價錢食到咁既質素既大閘蟹好失望，無下次，下次試下同一條街另一間大閘蟹店既質素，應該都會好過永富，又平啲態度又好啲

在這買了1個台灣文旦$28, 1個凱特芒果, 回到家才發現個芒果底部是爛的, 爛到漏晒啲汁出嚟, 咁出名的舖頭, 沒想過會這樣, 很失望!!! 這樣怎能再幫襯, 那麼遠的專登走去買!

是日剛好要到九龍城配眼鏡 ，路經候王道，看見一整條街也是賣大閘蟹，突然勾起了我的大閘蟹慾！好吧，就買幾隻回去好了！永富記門口張貼了很多老闆跟各位明星的照片，心想，通常有明星光顧的，水準應該不錯吧！而且全港只有一間，好像比較珍貴！所以，便毅然買下了3隻4両3的大閘蟹！除蟹附送蟹醋、紫蘇葉、糖及薑！不錯！但蟹膏比我想像中的，少太多了！3隻也是沒有什麼膏，好像只是吃一隻普通蟹而已...蟹肉也不見特別鮮甜...失望...

大閘蟹季節終於來了!! 急不及待來買了3隻試試, 因為第一次來永富買, 就不敢買太多。 買了3隻大的蟹公, 蒸了約20分鐘, 蟹膏比我預期的少了一點, 不過味道仍然香濃。 他們還送了沖劑式的薑茶, 不過我沒有試, 煮了自己買的薑自己弄, 感覺足料一點。 買大閘蟹時見到圓圓飽滿的日本青提, 忍不住買了一小抽, 日本貨的關係, 這小小的一抽已過百元, 十分不便宜。不過十分清甜, 可以一試。

去年在永富買了兩次金枕頭榴槤，第一次好食，第二次硬到食唔到，浪費金錢，浪費腳力。今年給它一次機會，再買。我千吩萬咐一定要熟的，老店員話好，見他拆開入盒，榴槤肉的樣子很硬，見勢色不對，我學精了，過去按一按，嘩！硬到唔食得！老闆原來在，和老店員一唱一和，口口聲聲話這時候的金枕頭是硬的！硬過石噃，老闆！我即時表演再按一次。老闆冇聲出。說真的，專業人士話不合時令，我信﹐但明知硬到唔食得，重入盒賣給我就唔應該啦！老闆話唔會迫我買，嘩！多謝囉！皇恩浩蕩呀！一句：以後唔會再幫襯！

永富 , 最吸引我o既係因為佢地幫大閘蟹們起o既名字 , 好有趣 ^v^o係侯王道頭幾間舖 , 大大個雪櫃向外 , 分為澄湖蟹及太湖蟹 ,其實每一間都話係好平好抵係優惠價 , 其實平貴都唔緊要 , 不過我睇暈晒咁多家 , 發覺呢間真係幾平喎 , $ 40 一隻睇落都唔細於是買左兩公兩乸 , 佢地叫做 " 小皇子 " 同 " 大閘格格 " 呀 ~ 隨蟹物 : 1. 紫蘇葉 : 透明小袋裝住 , 有點枯 , 有點碎 , 另外仲包左 d o係2. 醋 : 真空樽裝 , 味道最好係呢一間 , 酸得得帶少少甜味 , 顏色較深及濃稠 , 加少許薑絲就更香 , 唔需要再放糖調配 3. 薑 : 一大舊 , 有沙痴住晒 , 無洗乾淨 , 仲連住一堆根莖 ,講真睇落真係唔係幾想用佢 , 不過切開見到個芯 , 都幾老4. 黃糖 : 係食豆腐花o個 d 黃糖 , 有兩大包 , 不過濕濕地~ $ 40 一隻 (大閘蟹公) :~ 蟹身睇落都唔細 , 其實同我買過最貴o個隻 $ 68 差唔多 ,只係 d 腳同蟹鉗係明顯細少少 , 但肉質都唔錯 , 仲嫩過大隻o個 d 揭開蟹蓋 , 飄來膏香 , 澄橙o既蟹膏,

早前發現團購有得買日本熊本露之水滴士多啤梨，$88盒，便買一份試試。我這日便去九龍城永富取士多啤梨。一盒約有10粒，聞也聞到士多啤梨的香。雖然這水準不是食過最好的，但以這價錢能買到這程度的清甜多汁，算不錯。想不到今時今日生果店也有辦團購呢！

二月下旬餐桌看百味人生，偶人生乏悶，除了吃以外還是吃的大悶蛋，還幸透過吃認識了不少信念一致的好食友，他們總不惜工本帶來自家製的心意，在席間互相分享，早前皇之家飯局時，熊貓先生，為趕赴龍城購下兩盒所費不菲的日本草莓下，就連銀包也漏在朋友車上，物輕情意重，是夜包餐一頓後，草莓吃起來也特別甜，比起美國的長柄草莓更多添一分清香，是消膩有健康的佳品，謝謝！

心血來潮想食蟹落到九龍城見試過新三陽同肥仔記又見永富咁多人就去試試點知...買左3公1乸328一斤埋單460返屋企蒸蒸完見都好似好靚但一打開隻乸都ok3隻公就唉見到就慘不忍倒根本就唔應該係一隻大閘蟹有既膏又水又無膏仲話係陽澄湖頂級爆膏咩輝皇蟹我話咪洗止意我再買下次都係去番老三陽無咁嬲我個fd同五豐行訂既半籮700都靚過佢多多聲!!

我係佢到買了5隻大閘蟹回家(2大3小),見佢執左隻無反應既比我.我就同佢講我住好遠,(其實係附近)唔好比d死既我,點知佢話無比死既我,回家立即囉返出黎蒸,點知真係有隻死左,我打返比佢只係想佢小心d,睇清左先比人,點知佢唔係好好咁話,死左咪拎返黎換囉~好似有得換好巴閉咁,

超激氣........今個星期四買左兩隻7両重公蟹, $160 x 2 = $320, 諗住食隻大d開心下. 點知...........d膏少都唔講喇, 有一隻d膏竟然係綠色!! 食咁多年蟹都未試過d膏係綠色, 好似污染左咁. 咁貴買返o黎梗係要打電話同佢理論下, 佢竟然好出奇咁話: 吓..........綠色?! 你影張相e-mail俾我睇, 你聽日o黎換返一隻啦, 咁都算幾好!!但到我星期五走去換, 見佢d 7両重公蟹唔係好黃腳, 心諗怕怕喇, 又唔靚咪死!! 叫佢換返兩隻細size俾我便算, 佢竟然求其執兩隻$60既俾我.........有冇攪錯呀!!!!!!! 我買一隻$160, 起碼都俾返兩隻$80啦, 同佢拗左一輪, 佢先肯, 真係離譜!!! p.s. 同一時間, 我都見到有另一個人同我一樣o黎換蟹.................................

家姐星期日又想食大閘蟹,她男朋友去左九龍城永富買了9隻回來.今次買的是100元三隻貨色.外表雖然細細隻.手多篤過都幾新鮮,尚未死亡蒸出來蟹肉幾實,唔鬆散.膏算幾多,幾甘香,只是回甘唔算耐.女的比男的蟹更好味,果真是九月圓十月尖呢

別人在這間龍城食品名店,買幾千銀日本四方西瓜,我就買$9一支西瓜汁,順手買多支橙汁,貴$3賣$12. 幾蚊一支西瓜汁,又點會用什麼日本溫室西瓜來榨比你?但真的是無添加,入口似吃著西瓜肉多過喝西瓜汁.一口也是鮮甜世瓜肉,沒有加水加冰,簡單直接. 橙汁就用新奇士橙鮮榨,又是無添加.入口啖啖橙肉.老實講,坊間有很多小食檔的鮮榨果汁,十居其九也是溝水溝冰,無非也是為了減低成本.一份生果三份水,你同我都懂得這個道理.無錯價錢係比較平,不過就淡出個鳥來. 用十多廿塊錢的果汁作宣傳,喝罷都係想令你回頭,光顧買貴價水果.