永生冰室 (已結業)

星期日返大澳一定人山人海處處都是遊客，行到累又好肚餓當然去食好西，當好多特色地道小店都要排隊唯獨這間水餃店吾駛等只得一兩枱客，但我地好肚餓又吾想等位既當然即刻入去坐。但一入到去就即刻起哂幹，我地拎架bb車入去叫我地放出店外話阻住條路，但入面只坐了一兩枱客及走廊好濶，最後我地當然有放出去，但這不是重點。係我地未叫野食之前我bb不小心倒了一匙糖落枱面，個樓面見到即係兇神惡煞過黎好大聲鬧左我地一句，話比左好多野佢做,要佢抹枱。Fine！原來呢間食店咁歡迎一家大細有小朋友有baby，bb吾小心畢了一匙糖係枱面，有時大人畢糖也會偶然失手吧，吾駛咁既態度大聲喝罵吧！好恐怖，所以我地即刻拉隊走人，咁吾歡迎bb小朋友只中意做外地遊客生意！冇下次！最後我們去了斜對面間冰室，人地態度好好比我地放bb車，蛋治西多牛肉麵多多選擇又好味，建議各位一家大細親子團既朋友就吾好去呢間食店，佢地好吾歡迎帶bb車有bb既朋友。

難得放假一日，決定比自己放鬆下，一於走入去大澳hea下。去到東涌仲要坐大約五十分鐘巴士先到大澳，一落車就已經好肚餓要搵野食，我記得之前T先生講過話大澳有間水餃冰室幾好味。終於比我搵到佢：永生冰室。入到去就好有懷舊冰室風味，由於今日係平日，加上已經接近兩點半，得我一個客人。冰室由一對老夫婦經營，去到既朋友記得佢地冇炒飯、炒麵，只有湯麵及小食。一坐低就梗係試下佢既「水餃米粉」，份量對於女仔黎講應該幾飽，同埋真係幾大碗，成個碗都係米粉同水餃，水餃有四隻，唔怕辣既可以加少少辣椒油，會更加好味。水餃米($35)味道：❤️❤️❤️❤️價錢：💚💚💚💚💚 (總評分：4.5/5)

現在寫的已經是舊年的事(2018) 冬季聖誕前, 這天又是人母A的自由行(東大古道) 天色比較陰沉, 去到大澳經已兩點,想去的CAFE 星期日會休息的, 真的是比較意料之外, 可能家庭比$更重要! 在香港人(大城市)而言這真是十分難得,  隨意在附近找找, 見這店乾淨又沒太多客人, 何妨一試, 現在睇返食網上的食評, 都差不多一年無人提及, 或者寫食網嘅客人會覺得沒什麼好寫, 沒有突出的做形, 漂亮的外表, 豐富的味道變化, 又或者複雜的AFTER TASTE, 究竟我在形容一個人? 一只動物? 一杯咖啡? 一碟小菜? 從何時開始我們變得如此執著外表,? 拒絕平凡? "普通"就等於"原罪"? 簡單如糖水鋪(從前的稱呼) 現代稱之為"甜品店" 已經不賣紅/綠荳沙的已經超過一半了, 不賣沙冰/ 布丁/ Mini Pancakes 的聽執笠? 我們都明白紅/綠荳沙無理由賣到$38! 因為這價位無人會食紅/綠荳沙了, 而賣不到38蚊一碗的糖水又交唔到租! 這是多麼矛盾又荒誕的場景, 開鋪的老闆一般都用了大部份儲蓄來賭這一鋪但8/9成捱不到一個租約, 捱得到的也只是苦撐, 員工吃的多是愁眉飯,

這間冰室在大澳，感覺也是亁淨唔舊的地方。我們去的時候一個人也沒有，有個男的問我們係咪食飯，因為他們只有麵，沒有飯，又說自己不是那些無良店舖，莫名其妙……他說水餃米好靚，我們就叫了一碗水食餃米，奶油多同火腿通粉。他口中好靚的水餃米賣相一d也不吸引，好普通的樣子，完全透明的湯底，感覺冇味，米粉碎身好淋，湯冇甚麼味道，水餃也只是豬肉，四粒，好實的，有些葱花罷了……真的唔好食，29元好唔抵……奶油多不是好脆身，一般味道，價錢十元合理。估唔到火腿通粉也一般，火腿絲也多，仲有白菜，湯底唔夠味，有些葱花，通粉有些硬，唔夠淋身，同是29元。相信不會再來了！！

走進冰室已覺老板是一個有要求的人, 永生比其他大澳的冰室/茶餐室整潔。顆記推介他們的米粉比麵勝, 於是點了兩碗水餃米。上菜時其貌不揚, 但咬了一口水餃真是驚為天人！超級爽口及濃濃的冬菇香味, 很久沒嘗過這樣好味的水餃; 湯㡳似沒有味精, 完全係住家制的味道, 十分窩心。不要忘記問攞辣椒油, 十分香。令本來只點醋吃水餃的我也不得不讃好！

放假最好做乜？除了行街食飯睇戲，仲可以去郊外和離島，甚至出外遊阜，但是今日選擇了去大澳半日遊，順道食下嘢。選擇永生冰室，是因為時間已來到兩三點，可以不用食得過份。冰室的出品，多以粉麵和三文治為主的，沒多樣化選擇，可謂簡單。餃子餐肉通粉是一個較為特別的通粉，餃子內的鮮肉頗為鮮甜，皮也不厚，餐肉沒有煎過，因此夾起來軟腍腍的。不過湯底卻有點心思，味覺上是有點牛奶的味道，與一般湯底不同，故可一喝而盡。熱奶茶是今餐餐飲，一杯茶香而醇厚的奶茶，是最合心意的，加上這奶茶香味和茶味都是十足，是一杯不錯的茶。一個簡單的下午茶，可以補充體力，繼續行程。

長州已經好耐冇去喇，即使想假日或節日入去也不敢入去，因我太怕超多人到已感受不到了這地方，於是我選擇已有一年沒去的大澳。去到東涌等11號巴士，哇！搞乜吖又會多又咁多人架，等了三架巴士才上到巴士，去到大澳又熱又肚餓，於是行去找下食物，找了一間平平地的有冷氣的餐廳，一入去員工已說這樣只有麵食，店員推介叉燒水餃米線，便點了一份同一支大可樂，米線不是普通食開個D，這米線彈口有咬口，叉燒不太肥也太廋，餃子有冬菇味道不錯

黎到大澳，反而唔想食海鮮~因為感覺上係旅遊區實會比人"湯"~時常抱住行到邊，食到邊的心態，咁岩經過呢間門口貼左好獎狀的冰室，就入去了~一入去，老闆好NICE咁講話得粉面食，無炒飯果D~呢度係舊式冰室的裝修，可以自己係港島舊區住開，時常見到舊式餐廳，所以無咩特別感覺~老闆話呢度有3-40年了~入座後，又話自己的叉燒同水餃好出名，我就點左叉餃米了~呢度只有公仔面，通粉同米粉~個湯底真係好清，水餃都足料嘅...入面係豬肉"9"菜~好就好在無味精，同份量都多~特別係叉燒~但叉燒偏硬，感覺上好似隔左一日咁~另外叫左菠蘿冰，D菠蘿係放過係冰櫃，個杯已經唔大，多冰，仲要裝唔滿...係度食感覺上有D搵笨，有SET叫的只有早餐，但36...

永生冰室的水餃非常有名，門外還貼上大澳區飲食比賽的勝出獎狀，喜歡吃水餃的朋友一定不可錯過。水餃皮很薄，內餡為豬肉、蝦肉、雲耳，結實之餘又夠爽口，加上水餃本身的材料新鮮，所以味道不錯。其實這款水餃有點像「媽媽的味道」，簡單卻美味。

來到大澳後急不及待先吃了雞蛋仔和沙翁等甜品，之後才施施然找茶餐廳吃正餐～雖然大澳出名吃小食、海鮮等，但從未聽聞過有名的茶餐廳，我們隨便走進大街上的其中一間食店。門外的玻璃上貼有食店在大澳區飲食比賽的勝出獎狀，看來這裡以水餃聞名呢！當天門外還有正在熟睡的狗狗，很悠閒。正值下午茶時段，但座上客不多，我和baka二人坐在四人卡位，蠻寬敞，整間食店仍保留小村莊裡舊式香港的感覺，不過環境衛生一般。當天baka先點了樽裝可樂解渴。既然水餃是得獎食品，當然要一試呢！我點了一碗水餃米（＄２３）。共有四顆水餃，米粉上有少量青蔥作點綴，湯底看來十分清淡，很有家的感覺。小巧的水餃有點像雲吞，水餃皮很薄，裡面的肉餡蠻入味且香口，不俗。米粉跟我們平時吃到的有點不同，麵身較曲和軟腍，不彈牙，但口感綿綿，有趣。baka則點了水餃通（＄２３），其實真的是普通不過的家庭式粉麵。當天所見有幾個家庭一行十餘人步進食店用餐，看他們跟年老的廚師伯伯有說有笑及其對話內容，應該是認識多年的食客們吧？聽著聽著只覺這間位於大澳的小店人情味十足，頓時為這平凡的一餐增添不少色彩。

無味精，清淡雞蛋通！ 唔係另外個間冰室坐爆左，真係唔想食呢間！一入去見到都係得好少選擇$22 元一個通粉(不包野飲),因為肚饑只好照叫.一來到見到有蔥花應該係心機之作,誰知淡到傻左.食到中段,個阿姐可能見我地無叫野飲,個樣又有少少不悅.就主動俾左兩隻杯及一個水壺.另外,的服務都好般.有一班年青人入到黎,坐左兩分鐘,個阿姐就大大聲問:擇好未?其實,當時仲有好多位,因為時間還早,十一點多沒有太多人到大澳.之後,個班年青人就因為姐姐一聲,立即變得鴉雀無聲.唉....好在不是我們被破壞大好心情!!!

行到攰，隨意走進了冰室。一進門口阿姐便極力推介水餃，於是便叫了一碗水餃米。店內裝彉是舊式茶餐廳格局，做的也是街坊生意。地方尚算寬敞，坐卡位不會太擠迫。水餃米很快便上枱，暖暖的米粉蓋著5隻水餃，$21來說是足料的。水餃體型不算太大，餡料太多而爆口，露出裏頭的雲耳，其貌不揚。一口咬下吃到豬肉、蝦肉、雲耳及麻油香。餡料是足的，可是味道有點怪。蝦肉不爽脆，有點過腍。豬肉混有較多肥膏，不合我口味。米粉口感奇怪，曲曲的麵身短而散，不爽口。米粉沒有平日吃到的米香，湯底味道亦很淡。說水餃出名真的有點太過，並沒有使人慕名而至的質素。作為一處歇腳的地方卻是合格的。

行到超熱，我同男友都頂唔順，就求其行入一間冰室，一推門，見到門口貼住左幾張獎狀，話D食物拎左獎坐底左，老闆知我地熱，就開左風扇俾我地涼，仲拎左一壺冰水tim ~ 大澳的人普遍都好好客老闆同我地講叉燒水餃米係拎獎的，好正，甘我地就叫左一碗食住先，因為都5太餓。仲叫左個腸仔炒蛋碗米粉黎到嚇左我都一跳！甘大碗?！ 好彩叫左一碗姐。真係幾抵食 ＄26叉燒幾林，有D甜味，我幾中意。水餃無咩特別，但個米粉就真係幾特別，唔同平時食開的米粉，呢隻好有彈性，好煙un,唔會long 住個胃。個腸仔炒蛋太濃啦，燒焦了＞。＜走之前去個toilet 哈哈，好surprise, 好搞笑，係直接「排」落水到架！！

由於有外國朋友, 想俾佢睇下冰室係點,加上掃街都掃到有D累,所以就入佐去啦一入到去, 先見到間冰室都拿過獎, 而水餃係最出名我們由於都食到飽飽D, 所以就只係單叫一碗水餃可能因為佢地太好生意,唔憂做啦, 佢地的SERVICE唔係咁好, 好似嫌我們叫得少食物咁佢D水餃的確唔錯, 大大粒, 皮薄, 豬肉都幾新鮮。仲有木耳TIM, 令到口感更爽口....不過以幾蚊一粒去講, 就真係太貴啦其實我們在門外是看到他們貼了一份介紹這冰室的報導的,那時候$24有12隻水餃, 見價錢合理先入去, 現在竟加價至$38得10隻。就算宜家香港通脹,都加 得太多了....加上佢地咁既態度,應該唔會再黎第二次

看門口有松松姐姐報導：拍<大澳的天風>經常光顧的茶餐廳。那時候$24/12隻水餃，現在加價至$38。門口也貼了一些關於最有營養的獎狀：水餃蛋米店出名了，價就加了。只有一對老伯老婆經營的茶餐廳，印象中的服務只有成日叫人飲紅豆冰。哈哈。ICE檸樂($15)：好飲，因為冰凍好DRINK。冰凍的檸檬也嘗了一口，檸檬都唔係好酸，有四塊，嘻嘻。水餃通粉($20)：四隻水餃BB，細細粒好似雲吞。老闆娘親自包的水餃好好味，皮薄，用料有新鮮豬肉，一口一淡，好有住家FEEL~但通粉好林，好普通沒有特別。湯也是清淡無味的。辣椒油：香油，讚。嘗了一小淡，先有微微的香油味，再有小小辛辣感覺出現，點上一口水餃，好味!(P.S辣椒油又是老闆自製的，GOOD)總結：水餃好食，可以TRY TRY