汀汀烤活魚 (已結業)

🐟 烤桂花魚鍋 ($348)今次收工專登同朋友過嚟 #汀汀烤活魚 食宵夜😚 一直都好想試呢間烤魚好耐，仲要開到凌晨兩點，可以同三五知己慢慢食慢慢坐☺️一嚟到就梗係叫條烤魚啦，我哋揀咗桂花魚，一魚兩食(+$22)，估唔到條魚比我想像中大條，肉質好嫩滑，食得出都幾新鮮👍🏻 叫咗微辣加酸，調味調得啱啱好，酸辣味好好食但又唔會蓋過魚嘅鮮味，唔錯👍🏻 另外佢仲將條魚嘅一半切成鮮魚片，可以自己淥，幾得意。另外我哋叫咗碟豉椒炒花甲($118)，花甲大大隻，鮮味又惹味，唔錯👌🏻

最近天氣又凍凍地，我哋就去咗屋企附近嘅三坡方度搵嘢食，見到呢間餐廳，又可以食烤魚又可以食雞煲又或者打邊爐，我哋就決定入去試吓。原來除咗雞煲同打邊爐之外，仲有小菜可以食。我哋就叫左一個豬骨窩，同埋啲打邊爐嘅材料，仲有我想試吓炸蝦餅。呢個就係汀汀豬骨煲啦，都非常之大煲，面頭仲有好多芫荽蔥，入面好足料。除咗有豬骨之外，仲有豬肚豬腸等等...仲有粟米添。佢嘅味道好重胡椒味，可能要劈咗啲腥味。我叫咗個烏冬，烏冬好煙韌同滑，吸收晒湯嘅味道。仲叫咗個芝心丸同埋黑椒牛丸，黑椒牛丸非常之重黑椒味，仲有啲辣添。呢個就係炸蝦餅啦，都幾大塊㗎，炸得好鬆脆好香，蝦肉仲好爽口添。

毫無幹勁嘅星期一決定收工去食餐好嘅回復體力！夜晚黎到三陂坊呢度食嘢一定好熱鬧！今晚食汀汀烤魚，先黎個小食花生配豆，估唔到咁好食。第一次食已經切片好哂嘅桂花魚二食。感覺好新奇，湯底係我好鐘意嘅麻辣湯，味道好特別，好似食到羊腩煲嘅味道加上有啲藥材嘅味道，成個煲好養生咁味道真係第二度食唔到！桂花魚都好鮮味，魚質口感好滑！另外二食揀咗椒鹽魚腩，重口味人士岩哂！夠哂入味。食完一舊又一舊，送酒一流！ 咁正嘅湯底一定要配竹笙吸哂啲味先夠滿足！竹笙大大條，夠足料！今晚點少得椒鹽魷魚酥，真係好惹味！唔會太咸！今晚真係大滿足呀！

又係烤魚呀，又係我最中意食既野呀，一坐底緊係要啤啤佢👍🏻👍🏻👍🏻😍😍😍😍😍我地揀左烤魽魚半條，麻辣小辣。其實除左烤魚之外，仲有雞煲打邊爐，一啲精美嘅小菜俾你選擇，所以唔一定係食烤魚架，雖然佢個餐廳名叫汀汀烤活魚😆😆😆而且冬天仲有古法羊腩煲食添，鍾意食羊嘅朋友可以過嚟一試。👍🏻👍🏻👍🏻因為我唔食羊嘅關係，所以就冇order啦。另外，除咗上面嗰啲小菜啊打邊爐之類嘅嘢食外，仲有一啲冷盤小食又或者一啲送酒嘅小食，可以俾你即時叫即時食，因為呢啲係廚房已經整好曬嘅。👍🏻👍🏻👍🏻唔使好肚餓但又要等啲魚煲，雞煲，打邊爐食物。當你食完烤魚，雞煲之後，你可以選擇一啲打邊爐嘅餸菜去食，我自己就最鍾意食萵筍，因為朔買個烤魚辣汁之後特別好味，唔夠飽嘅朋友，餐廳亦都有提供白飯，出前一丁，烏冬或者紅薯粉俾你Order。👍🏻👍🏻👍🏻

同朋友去咗荃灣食飯，朋友提議食烤魚，食完烤魚，仲可以打邊爐添。可能平日關係，餐廳食下都唔多，最緊要係冇限時，大家都可以開懷暢談。烤桂花魚（麻辣酸菜） $366雲吞，韭菜餃雙拼 $68貢丸墨魚丸雙拼$48粟米、娃娃菜、皇帝菜響鈴$32手切牛魔王$198。桂花魚比想像中大條，差不多有兩斤咁重，而且肉質很嫩滑，亦都唔多骨，啱晒我，鍾意食魚，但係又唔識得食骨，我哋揀咗麻辣湯底，越食越辣，不過真係幾惹味呢！餐廳服務真係幾好，魚黎到嘅時候，仲細心地幫我地分開，而且老闆娘仲幾好傾添。另外要一讚手切肥牛，新鮮好食，肉紋靚，脂肪均勻，牛味濃郁。其餘嘅火鍋配料都不過不失，大家傾得興起，仲帶咗個雞煲，估唔到呢度有雞煲都OK喎，下次可以再嚟。叫咗微辣，食到最後真係辣。仲好惹味添。

荃灣搵野食，五花八門任君選擇。之前聽朋友講，荃灣汀汀烤活魚可以一試，今晚連朋友一行四人就決定去呢間試一試。平日晚飯時間唔算迫爆，坐得舒服。今晚餐單主角烤桂花魚（麻辣酸菜-微辣），賣相吸引，味濃量足，都唔錯；尤其烤魚起骨都乾淨，減少麻煩又食得滋味。另外我地都有叫火鍋配料，用烤魚湯底打邊爐，蔬菜新鮮靚賣相，手切牛魔王肉質油脂一啲都唔差，入口柔嫩滋味，朋友滾到熟晒都唔老，就抵攞一個讚。食下食下唔夠喉，大家想試埋雞煲。於是叫左半隻雞，咦！又有驚喜喎！入味又炒得有鑊氣，唔洗十五分鐘，清煲，連配料都食埋😂額外一提，老闆娘風趣健談，員工服務態度都幾好，餐廳本身唔限時，同朋友聚舊又食飽飽，今晚整體感覺良好，食得開心，推一個。

晚上在荃灣辦完公事，和好友相約共聚晚餐❤︎荃灣地膽的老友負責帶路，左穿右插地帶路到這家「汀汀烤活魚」嚐鮮<3 入座時，時間尚早，舖內還算空蕩。過了一會兒，客人陸陸續續光顧，想說那麼多人怎麼坐得下，沒想到還有二樓！位置多得很，非常適合大伙兒聚餐先點了一個招牌菜「烤魽魚鍋」，自選湯底配搭。眼見附近的客人大多都選了麻辣鍋，鮮紅辣椒配料份量十足、香氣四溢，可惜我們都不吃辣，太可惜！最後選了店員推薦的酸菜鍋，弄來一個酸菜魚上菜時好大一盤，魚身側切一開二，配上大量酸菜香菜豆腐卜，泡在奶白色的魚湯中(應該是！)。湯滾起筷，魚肉十分幼細嫩滑，連同酸菜入口，好惹味❤︎ 湯底鮮甜，不想浪費於是另外又再點了芽菜、二人份牛肉和甚為少見的黃喉放落鍋一起煮！黃喉非常新鮮厚重，煮熟後嚼勁十足，彈牙爽口 <3飽餐後和老友繼續摸杯底談天說地，點了個麻辣鴨舌和烤菠蘿佐酒❤︎ 鴨舌口感獨特就不在話下，搭配麻辣調料，香口痺辣得過癮，佐酒一流！另一道烤菠蘿，酸酸甜甜，正好中和麻辣味，無懈可擊〜要讚一讚店員們服務十分周到，主動加湯收碟，一眼關七下次一定再來光顧 <3

想試烤魚好耐, 想朋友講呢間幾好食, 咁就去左試下.叫左個酸菜魚. 個酸菜幾好食, 唔係譚仔果D垃圾貨色. 另外個魚都肉厚, 有油香, 好滑.個湯有小量豆卜, 豬皮去吸個湯, 再去食幾好味. 不過個湯有小小淡味, 再濃番小小再好好多.食完條魚就可以加湯打邊爐, 個店員幫我到加左D奶白色既湯, 應該係魚湯黎.叫左碟牛肉, 黃喉. 牛肉好新鮮好滑. 黃喉就真係好少地方有, 你係識食你一定會叫. 好爽脆同滑.另外再叫多左個痳辣鴨舌佐酒, 好大碟, 比外面正常份量多. 唔會太辣, 好惹味.食晒咁多野叫左個飯後果, 燒菠蘿. 係新鮮菠蘿黎, 即叫即燒.我地2個人食, 放左個烤魚之後都比較難放其他, 如果座位可以有番D就prefect la.不過店員都好貼心, 好主動俾左D椅我地放野

明明早幾日天氣好熱，依幾日又涼返D，放工即刻想揾D熱野食，所以就同朋友去咗汀汀烤活魚食啲熱辣辣既野。餐牌有好多種火鍋配料有烤魚鍋，雞煲，麻辣火鍋，幾種唔同既煲或者鍋可以揀。最後，我地揀咗半份重慶雞煲($148)，雖然係半份，但係都好大煲，兩個人都唔係好食得哂。啲雞幾野味，同埋幾嫰。自家雙拼(自家魚皮餃+自家鮮蝦雲吞)($68)牛柏葉($38)，夠爽口，同新鮮二人肥牛 ($78)半份油麥葉($22)半份唐蒿($22)黃金蝦餅($48)，鬆脆

今晚帶媽媽黎到荃灣覓食☺️冬天梗係要食雞煲！有朋友推介呢間餐廳質素不錯無論烤魚/雞煲一樣出色所以今晚就請媽媽試下佢個雞煲！除左烤魚 雞煲餐廳仲有好多火鍋配料選擇價錢相宜仲可以揀要半份/ 一份非常適合女仔！見到小菜選擇都好多唔夠飽可以encore小菜🥰對於我呢個咁眼闊肚窄既人見到有花甲雞煲呢個選擇😍一次過可以滿足食雞煲+海鮮既慾望正啊！涼拌萵筍$38萵筍切絲上，切得好幼，充分吸收涼拌汁既味道，酸甜開胃花甲雞煲 $188半隻份量剛剛好，仲可以留肚試其他小菜雞件切得大塊，食落啖啖肉，非常爽雞肉醃得入味，夾埋洋蔥等等既配菜，好香花甲無沙，肉質鮮甜，每隻都吸收到雞煲既微辣味道，好惹味👍🏼鬼馬雙拼（蝦膠+墨魚膠）6件 $58大愛呢個小食！油炸鬼釀埋d蝦膠一齊炸非常脆口，而且完全不會油膩點埋個泰式酸甜醬，惹味可口薑蔥炒魚卜 $98媽媽見到有魚卜食即刻心心眼果然無令佢失望用上大量薑蔥去除魚卜腥味份量亦非常多豆卜吸曬d汁，好好味蝦乾竹笙浸西洋菜 $68份量好驚人，呢碟大概係5人份量十分抵食配料都好大方，有鮮冬菇、雞比菇、金針菇、秀珍菇，西洋菜好新鮮滾出來個湯好鮮甜！解膩小菜👍🏼

今天相約朋友來到了汀汀烤活魚試試。我們8點多來到，已經差不多滿座。我們點了半隻麻辣重慶雞煲。雞煲調味調得十分出色，雞肉鮮嫩，而且麻辣味剛剛好，我和朋友也搶住吃呢。吃完雞煲，店員就為我們加湯，開始打邊爐。我們點了一份炸魚皮。炸魚皮十分香脆，而且份量又多又大份。我們又點了一份自家製鮮蝦雲吞。自家鮮蝦制雲吞有6粒，中間的蝦十分彈牙爽口，而且皮薄。我們又點了一碟椒鹽九肚魚。椒鹽九肚魚香味十足，椒鹽味濃郁，九肚魚肉質厚實肥美。我們再點了一份燒菠蘿。燒菠蘿有7塊，燒得十分香。而且十分juicy，一咬下去菠蘿汁就溢出，十分鮮甜。今天真的很滿足，下次會再來試試其他菜式。

我跟朋友都很喜歡吃酸菜魚，但總是難約到去深圳大吃一餐，但兩人都心癮起，決定下班去吃酸菜魚。我們點了一條烤魽魚鍋，配麻辣酸菜味，原來除了酸菜魚，這裡也可以吃到雞煲，過了一會，期待已久的麻辣酸菜魚到了，上面舖滿大量莞茜、香芹菜、酸菜，也有香茅和辣椒，如此多材料，所以十分香。我們先把魚一煮，讓魚都吸收到湯汁醬汁才享用，我們點了一些配料煮。皇帝菜很新鮮很翠綠炸嚮鈴十分鬆脆還點了我們最喜歡的牛骨髓，滑溜溜的感覺，份量也挺多，煮久一點入味後很棒😎酸菜魚配薯粉也是必需的，煮到透明就可以享用了鴨血很香，價格比其他火鍋也平最後兩人吃到飽飽很滿足。😄

今日同朋友一齊去荃灣食鼎鼎有名的汀汀烤活魚，餐廳招牌相當搶眼我們很快就找到了。友人一早就book左位，所以很快我們便安排了入座。人坐後店員遞上小食（花生及炸黃豆）。黎到無理由無食餐廳招牌烤活魚！！！所以我地叫左烤沙巴龍躉。烤魚有幾款湯汁可以選擇：香辣味，豆豉味和酸菜味等等，因爲友人不能食辣，所以我就就叫左酸菜味。不過店員好像知道我喜歡吃辣，就拿了辣醬給我！說沾著吃更惹味服務很貼心。沙巴龍躉很大條!!應該也有兩斤重！鍋内的豆卜吸收酸菜的湯汁，十分美味。除了豆卜鍋裏面也有很多其他的配菜。食完魚肉後更可以加湯打邊爐！！我地兩個人食完魚肉都差不多飽了，就叫了生菜和粉絲。粉絲吸收湯汁後特別美味。

今晚和家人來到荃灣的汀汀烤活魚食晚餐！這裏最出名係食烤魚，但係除左烤魚仲有好多其他的鍋物！例如花甲雞煲，羊腩煲等等。餐廳7點幾裏面已經坐滿人，想食的朋友要提早打去Book 位穩鎮D。今次我地叫左羔蟹雞煲！醬汁都選擇左蒜香味，如果鍾意食辣的朋友都可以揀香辣味的。蟹雞煲隻蟹好大隻 ，煲裏面有滿滿的雞件！香味四溢。羔蟹雞煲：羔蟹雞煲的蟹夠大隻，蟹肉結實絕對唔係水蟹！！加上蟹膏豐滿，橘色的蟹黃膏帶有顆粒口感，吃起來非常鮮美。餐廳十分細心！預先已經將蟹鉗的外殼整碎，方便客人食用。雞件：雞件肥瘦適中亦很嫩滑，雞件加上蒜香醬汁惹味無比，平時好挑剔的屋企人都話好。原來餐廳仲有小菜可以叫，今餐啖啖肉，所以我地仲叫左個油麥菜平衡一下！

昨午和太太在荃灣愉景新城看電影，晚飯去了荃灣頗負盛名的三陂坊，此處食肆臨立，位於沙咀道和眾安街附近，環顧四週終於踏進一間川菜館名叫汀汀烤活魚。此店地方不算太大，勝在環境和衞生都不錯，由於時間尚早，我們被安排一張四人枱就坐，看看餐牌，發覺菜式都相當豐富和合口味，我揀選了薑葱炒田雞、蝦干竹笙浸時菜和招牌菜烤活魚。炒田雞在香港的酒樓比較少見，都算是懷舊菜式，主要是將薑葱先行起鑊，再將新鮮的田雞放入鑊裡猛火炒，下調味料炒勻，蓋上鑊蓋煮至汁收乾，今次的無令我失望，香噴噴兼熱棘棘的炒田雞，不但色香味倶全，田雞鮮嫩香滑，火候控制很好，田雞炒得不過火，不黏牙，薑蔥十分冶味。蝦干竹笙浸時菜，選用大隻蝦干，有竹笙和各種菇類，菜選用皇帝菜，配以濃湯，清甜可口。最後的主角終於出場，烤桂花魚鍋，一條重約二斤的桂花魚經走油後放在一個鐵鍋上，加入蒜頭、酸菜、葱、芫茜、豆卜、薑、芹菜等配料，加入預先煲好的新鮮魚湯，即場在枱上煑約十分鐘，芬香撲鼻的魚鍋實在令人垂涎欲滴，即時食指大動，短短半小時，已將原條桂花魚吃清，桂花魚又稱淡水老鼠班，肉質鮮甜嫩滑，通常都以果皮清蒸，今次的吃法，頗具創意！