汕頭澄海老四菜館 (已結業)

二個人食潮州野, 試下呢間, 叫左:1. 滷水鵝肉- 肥美肉嫩, 正!2. 煎蠔餅- 香口, 蠔仔好味3. 煎雙棗(蝦棗&蟹棗) - 蟹棗好食D, 有一絲蟹肉, 蝦棗唔夠彈牙4. 水晶飽- 豆沙& 連蓉餡- 豆沙偏甜飯前飯後兩杯功夫茶, 開胃兼消滯~~

每次食潮州菜,不外乎打冷,好少真係食餐"四正"少少的潮州菜.幾個人相聚龍城老四,在非打冷之下,一樣吃得不亦樂乎.九肚烙,糯米腸,炒糕蜾,鱔球,沙爹牛河,全部好有水準,個石榴雞更是睇得又食得.最難以忘記的味道,就係很多人唔敢吃的血"um".果種鮮甜,非筆墨能夠形容.

(2/7/05)食潮州o野, 緊係多人食先好。同男友&班朋友來左老泗酒家, 唔係係咪大家講緊既呢一間啦, 但位置係差唔多。椒絲腐乳炒通菜─無腐乳味, 但唔炒得唔油家鄉炸豆腐─外脆內滑, 味道淡淡蠔仔餅─超正!! 好多蠔, 唔會話太多蛋, 或好槳粉feel, 有點煙un。可惜唔就手, 吃左好少咋!滷水鵝─都幾大碟, 我麻麻地食鵝,吃左一舊,都ok好味o者o者雞煲─又係食左一舊, 沒什特別潮州粥─好大碗, 我鍾意食杰粥, 所以覺得哩個唔錯, 但確實唔似潮州粥服務都好, 伙計會提議有什麼好吃。但唔知點解, 我地話唔想食魚, 佢都係咁話什麼魚好, 一魚兩食好....

食物唔錯, 炸豆腐, 豆腐幾滑, 幾脆, 但豆味並不濃.蠔仔餅, 用料夠! 白粥都幾大碗.鹵水鵝就麻麻, 唔夠入味.原本想食石溜雞, 不過原來要預訂, 有d失望!整體來說, 炸野做得幾好.店員方面太熱心, 不斷介紹菜色, 但都係d貴價菜色, 不太客觀

我今日同左我女友和佢屋企去左食d間..真係好食過舊舖好多..我地叫左鵝翼,鵝腸和鵝肉..真係好..真係招牌之一..之後我地叫左蠔餅..估唔到都幾好味..值得試..and我地叫左涼瓜絡...唔係好苦但好香...另外我地叫左煎馬友.佢條魚好新鮮又整得好...真係正..一定要食..最後叫左個沙爹牛河..都ok啦...另外不可不提係佢地既服務..真係好好..招呼周到...所以今晚食得好開心..

這裏的蠔餅真的很好吃，蠔仔粥、薑蔥田雞、炸聖子、炸蝦球﹝全手打﹞、清心丸綠豆爽、糖芋頭、沙嗲牛肉河亦很好味道，炸豆腐、鵝片都不差，叫白粥又有欖菜送，但魚麵比較多油。十個餸另加兩款甜品大約$1400，每款菜的份量都很足，十個人都吃得好飽，值得推介。

昨晚去了個住在九龍城的朋友家看英法大戰，主人家出地方，另一個人就買定啤酒一打，那麼買送酒食物的責任就落在我身上。朋友在呢頭住左幾十年，佢介紹澄海老四，咁我當然樂得費事諗，就來買鹵水鵝。這裡是九龍城市政大廈隔離，衙前塱道的舖頭，呢度專門外賣，都有唔少人來買的，至少在我買野中間都有三幾個人在等。除了鹵水鵝，還有鹵水鴨、豬頸肉等。鵝隻望落麻麻，所以只要了半截上裝，一斤多買六十九，算中上價；送酒必備的鵝掌竟然賣晒，唯有耍了兩副鵝翼，十蚊一副不算貴；又見鵝頸都唔錯，就叫師傅斬了一條頸，盛惠廿蚊。跟鹵八同阿鴻小吃的不同，可能因為生意好的關係，這裡的師傅不會給人客起鵝片，只會照斬。鵝肉較實，味道略遜，比起其他鹵水店可謂水準以下；鵝翼幾大隻，幾好肉，味道不錯，早知不要鵝肉而全要鵝翼；送酒的話，鵝頸絕對是佳品，肉質入味又有彈性同咬口，未吃過的建議一試。總括來說，這個外賣舖的鹵水鵝是麻麻地，加上比較貴，未試過的不用特意來買。又收錢的阿姐可能因為生意太好的關係，是絕無服務可言，嚴格來說是有點悔氣，等我在俾錢果刻仲以為呢度的鹵水鵝好掂，原來只是不過爾爾。

今次一行七人去新舖, 即係以前漢寶o個個位~ 環境一定好過舊舖好多~ 炒糕棵, 好似上海炒年糕, 但又無咁彈牙, 雖然係鹹炒, 但無咩味, 仲奇怪到俾碟黃糖粉你點喎, 但點o左又唔覺好食...... 另外鹵水山東羊個皮好硬, 鹵水鵝雖然係招牌菜, 但唔見特別好食~ 方魚炒大芥蘭幾爽口, 竟然係咁多味最好食~ 胡椒豬肚湯我自己覺得唔夠濃(我鍾意好濃胡椒味)~ 炒魚鏢一般~ 仲有上次o係舊舖食過o既金鯉蝦同石榴雞, 同舊差唔多~ 埋單每人$110, 抵食, 係一大班人聚會o既好去處~

依兩味正確名稱應該係:石榴雞(唔係荷包雞) & 金鯉蝦(唔係鳳尾蝦)

今晚同朋友去食飯, 依然係去舊舖, 雖然環境無新舖咁好, 但勝在有保證d嘛~一行7個人order o左:鹹蟹- 生o既, 好多蟹膏, 不過依味唔敢食咁多~ 鹵水鵝片- 幾入味, ok~鹵水鵝腸- 好爽, 又唔肥, 唔錯~鳳尾蝦- 預先訂o左o既~ 入面有一條芋頭同一條西芹, 蝦好大隻, 好甜, 好好味呀~薄殼- 係一種好細o既蜆殼類, 肉好滑, 不過咁細隻, 食得幾辛苦~炸鹽水豆腐- 鹹鹹香香, ok啦~荷包雞- 都係訂o左o既~ 入面係雞肉, 菇, 同紅蘿蔔等等~ 不過個獻杰o左d~沙茶牛肉芥蘭- 芥蘭好新鮮~荷包燉白鱔- 又係要訂o既~ 其實係胡椒鹹菜"荷包白鱔"湯~ 個荷包就係用鹹菜o既葉做, 包住d白鱔~ 幾特別咁囉~ 不過我都係鍾意胡椒豬肚湯多d~ 九肚魚烙- 我唔鍾意食蠔烙, 但依個九肚魚烙我就幾鍾意喎~ 清心丸加綠豆爽- 朋友食, 幾大碗, 見佢食得幾開心~埋單$12XX~ 真係唔錯!!因為朋友同伙計熟, 招呼一定好, 但對生客應該都唔會差~** d功夫茶再濃d仲好~去依度睇相啦: http://community.webshots.com/album/124875938

呢排見之前太子道間漢寶酒樓終於有人裝修, 細看之下.... 個招牌係寫注... 老泗集團大酒樓...嘩... 發大來攪呢個時勢???? 其實我都唔知呢間老泗係米同一間呢....

當我see到上一位食評,我就忍不住為lee間餐廳抱不平la!D 態度都唔係咁差,我21/6/2003才食過,係我D friend 帶我去,佢地先前食過,仲話d服務生態度好好ga!晚上8.30我去到正係食飯time,人山人海~~我們要到附近露天車場才搵到車位,用車人士要留意啦!!!雖然好多人卻冇減服務生既效率,一見有人來,唔出聲都已help我們搵到位!仲help我們放傘ga. 之後點菜,我私人認為如果你想搵人介紹菜俾你,你最好找d女侍應(佢地真係會好認真help你),d男部長唔多老實,介紹d唔理好壞,只要係貴0既0野!!!一道名叫”薄殼”的貝殼類食物係有名的潮州家常菜!!一定要叫啦,因出面係一定冇得食架,大家亦不必see menu,因為冇寫架!!如果是潮州人,就明我講what 架啦!!lee種”薄殼”故名思義係薄殼,肉質鮮嫩,有”然西”清湯打底,唯獨食時有d難,要用舌尖或吸來食,我相信女仔會較喜歡吃~~如果想食,只要同佢地講要”薄殼”,佢地明白架啦!lee度d蠔餅蠔仔粥(即蠔蛤),蠔仔粥又係一絕!d蠔大大隻,成半吋大,大蠔仔粥有4碗份量!!! 蠔餅皮薄蠔多! 潮州人唔多食飯,多食粥,所

我介紹左個朋友去試在昨晚, 他也是約6時多去, 員工就足夠, 但友人話, 質數就多掂, D亞姐亞叔都好似唔做開樓面, 要叫或問先去招呼你..... <br> <br>友人叫了好幾個菜,就覺得它們的雞很入味, 地方都很整潔.....但招呼就十分一般, 落單寫菜時, 想要個菜牌上有的(西洋菜四寶丸湯)...侍應叔叔就話無呢味菜, 因為少人叫...無入貨......???? 唔係麻....無就唔好再印係menu 啦, 後來叫糖水, 想吃紅棗薑薯糖水.....又話今晚無做呢款, 有無搞錯丫......叫幾款野就2款無.....都唔知點打開門口做生意. <br> <br>我朋友話....野就幾好食, 但如果服務仍係甘....就唔再去啦, (老四)請指導下D服務員.....

看完12/04那期飲食男女介紹話呢間潮州野好味....又去下試試...約6:45pm,時間尚早, 唔係好多檯客, 我地叫左"香荔騷鴨"$68.00, 椒醬肉$68.00, 青瓜煮魚肚$48.00. 出菜都幾快, 而且味道都幾好, 但個香荔騷鴨就芋頭略多,略"滯"..... 最後叫左2個甜品"綠豆清心丸""紅棗xx(忘記左名稱)湯圓"每個$18.00,但此甜品係無湯圓,只係餐牌印錯.......... 本來就服務都唔錯, 但食到8:00pm,就開始門口有人排隊, D伙記就開始有少少......趕注埋單, 一送埋水果就話幫我埋左單先wor....D員工仲成日想幫我收碟,收啤酒瓶.......唉.......搞到咩mood都走晒啦.... 至於個老細(老四)就長時間在舖面遊下遊下....好似丫死鬼"陳東"...生招牌....^^呢餐飯都抵......因為....佢計少左錢......食左3小菜+ 甜品2個+ 啤酒$20.00 + 粥和咸旦都係加埋$238.00.....都唔知點計數....唔駛加一都唔岩數啦....