江川壽司 (已結業)

唉, 我比雜誌及他們的宣傳騙0左去食呢間0野! 又話間0野好大呀! 好多師傅呀! 又話有d好有特式以花為題0既壽司, 最緊要就係0個個金"撲"飯團, 試完之後, 一d特別0既感覺都無!0個日諗住去試下啦, 以為會好多人就book定位, 佢0個到d服務及態度都幾好, 不過唔知點解有好幾位waiter係著便服, 好怪, 一入到去, 好少人! 仲要入到去之後, d decoration好simple, 唔覺得特別大!食物真係無乜特別, 一打起個menu, 我就想同個朋友講想走! 好似入0左黑店! 因為d壽司係周街都有得食0個d, 最特別就應該係0個個金飯團, 就試試啦, 一試: "無味"的, 入面有粒三文魚, 唔知食0左乜入去, 連飯味都無! 好恐怖!佢0個到又有一賣點就係多師傅, 但係我0個日見到d師傅無0野做, 係到打牙交, 仲要係到飲O茶, 你眼望我眼! 梗係啦, 都無生意, 咁多師傅係到做乜呢? 比著我係D師傅都會你眼望我眼, 都唔明點解佢0地要放咁多師傅係D BAR TABLE到! 好怪, D師傅又唔係好PROF0個D, 都唔知做乜!呢個咁0既環境真係令我有想走0既衝動! 食完之後

新開壽司店, 因有折扣咭所以去試食。裝修一般無特別不是迴轉壽司但有bar枱, 壽司師父比較後生(似不夠經驗, 頭髮又長), 侍應服務態度幾好, 不停為客人加茶。壽司價錢比想像中平, 但質素麻麻, 壽司飯團size細易散, 魚生味道不夠鮮味, 紫菜不夠脆。炸物即叫即炸味道ok。

上個星期五我同朋友二人去左食江川~ 一入去, 個帶位都都好好禮貌聲明“淨係收cash”….不過咁大間野…淨係收cash …有少少怪…至於d裝修同服務都一般la~ 不過不失~~其他ge waiter可能比較green la~~但又冇話黑面服侍你咁…係差少少笑容~ 望下個menu, 價錢都ok很合理但少款~至於d 食物質數…叫左三文魚, 鳗魚, 芥辣八爪魚, 龍蝦等等壽司, 炸雞軟骨&日本甜薯…etc…d飯團唔太實…易散…味道都ok la ~ d炸雞軟骨一串串咁上,有三串, 又是太油,係份量少左d~都pass ge~ 最ok ge 係日本甜薯~佢係切到好薄片再焗~仲加入左桂花糖漿~所以好香~好脆~最後埋單一百五十幾~

一load到呢版都有d驚訝，原來評得咁差，但就我前幾日所試，又未至於咁差。我0個晚叫左三文魚、帶子、江川吞拿魚、鰻魚、花之戀、蟹子沙律壽司，size都適中，味道ok，當然無可否認0既係未到「笑臉」級。但服務質素真係快d要改善，好似我杯茶飲哂好耐都冇人識過黎沖，要我叫先黎添茶，另外冇得碌卡真係好唔方便，尤其如果食得多，分分鐘唔夠cash找數wo~

想起也反胃. . . 幫襯完想起一定要上黎向各香港市民反映下, 千祈唔好去黎間野, 點知. . . 原來已經有咁多惡評!!!真係架, d 壽司點可以係"暖"架, 超唔衛生, 好彩冇肚痛咋!! 壽司件件都好細, 又冇味, 連飯都冇味, 真係唔知食左d 咩入口, 一入去仲去左鬼咁多野食, 又唔係平, 好搵苯!! 裝壽司隻碟又唔平, 有d碟仲要係有缺口架, 聽講間野係新開, 可解d碟係咁, 莫非. . .係2手野??? 壽司BAR d 所謂師傅, d樣真係衰衰咁, 想起d壽司係佢地用手握左2分鐘先拎出黎俾我食, 真係想嘔!!千真萬確, 生熟食物都唔掂, "待應" 就更加啦, 有一個女待應真係全程都黑面架, 我都係埋單時才知唔可以用credit card, 我地兩個人都食左4百幾, 好彩有cash咋, 個女待應sorry 都冇句, 只係話唔可以簽card , 當然都係黑住臉講, 超冇禮貌!!野又難食, 服務又差, 去一次都唔想, 唔得了, 想起都反胃!!

本人已可算是一名垃圾口,但凡食得飽嘅嘢我都會食(只要食我唔死嘅都無問題)....但我真係無諗過世間上會有如此難食的東西~江川壽司!!!所有用料極其差勁,完全無鮮味可言,還要比任何一間超市貨式還差.加上它的價錢不算便宜,所以一點也不抵食. (直頭係有啲厄人嘅感覺)唔怪得有電話訂位服務啦.嗰啲飯係暖嫁!!!現在想起加上以上朋友之食評(師傅握了夠飯成兩分鐘,好唔衛生)....我有啲想嘔.仲有就係嗰啲所謂貴價壽司,一啲都唔貴囉,金萡壽司雖然可自選一款料(我選了海胆),但食落"無除無味",啲海胆少到不如唔好落啦,就咁一夠飯上面有啲金萡咪算囉都唔知佢想點.另外那款生帶子壽司,我在吉之島買的比它還好食(人地都係賣緊8蚊件咋).最嬲的還是那件"特大帶子壽司"了,之前在其他壽召店食的都是一件超大size的生帶子壽司加飯,但我發夢都無諗過呢度會係一片係熟嘅薄帶子然後上面有啲汁囉,仲要收成30蚊一件,你唔好去搶!!!好嘞諗住求其食飽埋單算數(已經一肚氣嫁啦),仲要話我知無得碌卡???有無搞錯呀大佬,如果唔夠二佰無得碌就話啫,我食咗成4佰幾喎....結果要左搵右搵嚟埋單.我諗以後有人請都唔會再嚟,就算佢免費任

前日同朋友行尖東, 行到地, 兩個人咪走食入去試下囉... 入到去, 環境都幾好, 好有好feel...食物黎講, 佢地既神戶牛真係好得, 同我係日本食既係差唔多... 魚生都幾新鮮...服務態度都唔錯, 我比較奄尖, 所以都係果句, 可以再好D... ^^ 下次帶多幾個朋友, 咁就可以試多D新野喇!!!

-見裝修幾好, 入左去食, -奇怪有d waiter 冇製服著.-本人最愛三文魚, 但e 度三文魚比supermarket 更差, 冇味, 又薄, 我即刻同我朋友講如果我一生人only 食過e 度既三文魚, 我會好憎食三文魚-壽司飯握到好細, 唔知佢係未特登-魚子壽司, 有d 魚子竟然係碟度.....-漏單係一定既, 漏完仲可以再漏-冇得用credit card, 佢話o岩o岩開, 未有, 差d 唔夠錢, 都痴線......

相隔一個星期就加$2, 加價之外, 定食仲要少左炸蝦, 照燒雞扒乾到可以當雞乾咁食. 壽司set lunch 唔抵食, 比玉子等既平壽司, 問左係有邊款先叫, 日日唔同! 魚生飯, 不是魚生粒,是魚生片飯! 失望!

見佢賣廣告咁勁，lunch咪走去試下lor，叫左個sushi lunch set，嘩細件得佢丫...個湯又鬼死咁咸，點飲呀...呢d不特止，服務態度真係差到爆!!1) 落order d waiter要manager叫先識行過黎同我落2) 我坐bar枱既，岩岩有班ol入黎，我聽到有個高高地整壽司既男仔爆左句'索女'，之後眼甘甘咁望住佢地，我就睇住佢at least成十幾秒，停晒手，唔駛做啦，坐係度'目及'女就得啦!!3) 我坐bar枱坐開左少少，條waiter拍拍我張椅話'坐埋少少唔該'(當時佢係我後面行過，冇企定講架)!! 喂!呢度茶餐廳呀?咁串都有既..呢間野以後都唔會再去!

星期日(16/3)，同太太行完海港城，特登行過o黎試下這間新開的手握壽(最重要無迴轉帶)。一入去，侍應有禮貌地招呼入座。我立即點了馬刀貝、象拔蚌和江川吞拿魚。過左15分鐘，都未有得食........俾我遲入座的已食緊了，正常找人追單，有位貌似經理的人過來問我D野食o黎左未.....大佬，間鋪得o個五枱客，得我將枱空空如也，你問我D野食o黎左未？好啦~再等....o係等候其間，見到其中一位師傅o係度握飯。一舊飯足足握左2分鐘......我和太太心知不妙了。之後，壽司終於送到，論壽司外表，是合格的。先試馬刀貝，E.....無...無...無味o既？算！飲口茶清清味蕾，再試象拔蚌，一入口，好溫暖的感覺，整件壽司都是暖的........而象拔蚌都有些微的鮮甜味，但口感是豪不爽脆的..........而論味道，江川吞拿魚是最好的了，起碼似吞拿魚先！之後，我不怕死地落2ND order，立魚、三文魚、劍魚腩、蟹子盛合。溫度唔講喇！除左蟹子盛合，全部無味o既........我同太太決定BLACK LIST 呢間野！埋單時，我想用visa，o個經理居然話card 機未得......咁o既大話都講得出.

友人見廣告此一家為新店, 賣相也不差, 又可以訂座, 便試試, 點知. . . 中計!!先入店, 有黑臉的侍應先招呼你入座, 當時晚上七時都未到, 未客滿, 我們一行三人, 竟然要我地坐bar位. . . . !!! 算了!! order 一些簡單壽司食, 見狀. . . 包住飯d紫菜, 件件都飛開, 完全包唔到d飯, 一夾. . . d 飯散開, 食落口更加啦, 魚生係暖, 冇鮮味, 連三文魚都係冇魚味, 又何況係其他材料呢!! 超唔得, d 飯仲衰過係鄉下地方食, 唔係日本米不但只, 都係冇飯味, 超難食!! 所有包壽司d紫菜都係彈開架, 比P 牌超市賣個d更差!!d 炸物, 油味超重, 炸雞軟骨超油, 好似食緊"炸雞脂肪" 咁. . . 食左其他幾個"燒物" 及"炸物" 都係咁, 生同熟的食物都唔好!!最後. . . 仲要消費500以上先可以用credit card, 門口/ menu 及店內完全冇提及, 如果真係冇cash係身點算!! 食物又唔好, 侍應又黑口黑臉, 又冇笑容, 都唔知點解個侍應要係食店做, 唔想做咪唔好做囉, 我地仲要用成3百幾蚊黎食野,仲要睇佢臉

試過一次, 以後不會再試, 從雜誌看到, 價錢好像很合理, 壽司款色吸引, 便去一試, 點知:1. 食物質素差, 飯團一來就散晒.2. 食物送到, 但芥辣未到3. 想去廁所, 但話塞左4. 態度其差5. 食品不算新鮮

前兩日, 和女朋友2位試試這間新店, 晚上7時許, 不用等位, 座位尚算ok, 但有隻蚊滋一路騷擾到我地食完都仲係到~~女友如廁出來後係咁話恐怖, 因其馬桶塞了, d水滿溢~野食叫了壽司和一些熱食,熱食還可以(esp. 金菇牛肉卷), 但三文魚好簿, 帶子唔靚又細, 基本上全部都係細細舊, tst間板長好食同大舊好多~職員唔知係咪唔熟, 細細間鋪但叫耐一耐都唔應, 執張table 要成幾個人一齊做, 真係激死~總之無下次!!!

星期五和男友到江川一試，見網上它有不錯的評價，於是便前往晚饍．結果令我們大失所望！！！非常難食，用料亦非常差，飯是熱的又太淋，我覺得吉ｘ島４蚊件的也比它好食．那件所謂特大帶子．．．只是一件熟帶子加啲汁在飯上，要成３０蚊？？？有無搞錯！！！而其他的壽司和魚生也非常普通，只是一般貨式，那件所謂金萡壽司不試也吧．總括今次食評：唔試無損失，食咗實後悔！！我一定以後都唔會再去，簡直有點搵笨！（食完之後，我們覺得很氣憤，真有被騙的感覺！）