江浙滬 (京華大樓)

营业中

休息中

這間江浙滬已經去過很多遍呢！地点容易找👉處於怡和街又是地舖，很「就腳」呢！通常我們逛一逛街之後，再到這裡用膳的。江南美食離不開上海菜，而這間我又覺得價錢相宜👉兩個字「抵食」。首先，侍應會送上一種叫「蕎麥茶」給客人飲，很特別又有益呢👉據說蕎麥有（生津止渴）之效用。喝一口茶後，我們定叫江南小米糕，熱騰騰送上一籠四件，又新鮮又好味。若沒猜錯的話，很可能是用粟米而造的。 它們有另外一款甜点：桂花糕，我本人覺得幾好味（桂花適量又不很癡牙👉幾過癮； 跟著要提及它們的肴肉（一碟有八粒只需$58元，厚肉又有口感，不錯。点一点黑醋，份外滋味👉爽。還有，我們很多時會点「楊州炒飯」，飯底不太咸而落足料，感覺很是滿足呢！它們的雪菜蝦仁炒飯也不俗（味道十足，我喜歡）。有款飲品名為「檸檬薏米水」；有凍有熱的，很消暑解渴的，薏米又有祛濕之用，正！其實，它們的「雲吞麵」也只不過$60元（有4粒左右大大雲吞兼有一大碗正宗上海麵，飽肚之餘又可試下湯汁呢。淨陽春麵也是$32元，您可一併叫其他小点作陪襯喔。它們的招牌小籠包，也曾是我們的桌上点心：一吃有很多湯汁，又熱又好吃。總括而言，我喜歡這食店。希望在不久將來，其他地區又

泡菜牛肉麵位於銅鑼灣嘅 鬧市 渣甸坊嘅江浙滬 出名嘅江浙菜 加上 一點新元素風味一碗擺盤平凡 只有 泡菜牛肉蔥點綴卻令我想回味 一次 🌸最欣賞：用上牛腩切成 條狀 好入味肉質好淋湯底看似清淡 但係 卻有意外好香濃食落唔膩清新 最後 連湯帶麵都食曬泡菜只係用黎 點綴 實質作用唔太大佢好似一般茶樓咁 有一壺靚茶飲邊享受美食 邊同三五知己閒聊地址方便 就係地鐵站F1 出口隔離 步行約兩分鐘就到 隔離又有商場行 行得攰就可以坐低食野認真方便又好食💕💕💕

喺OpenRice見到comments唔錯，所以去試吓。去到叫咗個小籠包，酒釀丸子同$148嘅砂鍋雲吞雞。小籠包不過不失，個皮略嫌厚左少少酒釀丸子唔會太甜 味道幾清新雲吞雞啲雲吞麻麻 太厚皮 湯好鹹 隻雞仲要只有雞殻 成塊肉比人割走咗去煮其他嘢食 咁樣收$148 +10% 。之前從來冇去過一間餐廳會淨係比雞殼，感覺太偷工減料。🥺😢Overall 唔算太推介。因為個價錢話平唔平，如果比呢個價錢，應該可以有更好嘅選擇。

到下午茶嘅時候,又係我肚餓嘅時候想食上海菜嗌咗個生煎包外賣帶返屋企食返到屋企嗰陣生煎包仲係暖嘅生煎包總共有三個每個上面都有少少蔥仲附埋啲醋可以陪生煎包一齊食生煎包個底係仲脆嘅配埋啲豬肉餡整體都幾好食

第一次幫襯已經印象深刻，價錢抵，環境親民，食物質素高，製作認真👍👍，今日唔要食環境，要食真功夫。擔擔麵 $46擔擔麵最重要係麻醬湯底夠香濃同唔稠，呢度做得到😍😍。微辣而富有花生香味，好多花生碎及肉碎，基本上每一口麵都沾滿花生碎、肉碎及濃湯，口感非常豐富，十分惹味。上海麵爽口彈牙，食到尾都不會變糊。生煎包 $46底部煎得乾脆金黃，十分香口。大小恰到好處，皮薄鬆軟，肉餡份量充足，肉汁豐盈，油膩感唔高。

牛年大年初一，我地相約去利園影新春賀年靚相。有桃花同金牛任影唔嬲，途人都影得不亦樂乎！影到差唔多下午茶時間，開始有啲肚餓，我地就去附近搵食喇。行到怡和街，見到有幾間茶記，其中一間竟然要收加二服務費，於是我地再搵吓有冇唔駛加二嘅餐廳。就喺隔離鋪有間食上海菜嘅，只收加一同茶錢，似乎唔錯，於是就揀咗呢間啦！甫坐低，服務員就殷勤地遞上餐牌，跟住先去斟兩杯茶俾我地解渴。餐牌裡面嘅嘢食望落都頗精緻。我揀咗淨雲吞，男友就揀咗雞湯煨麵，我再揀咗個海蜇頭冷盤做小食。淨雲吞有六粒，都幾飽滿，啲湯清清地唔算好鹹。雞湯煨麵係用細幼麵，腍腍地，而湯底就好有雞湯嘅鹹香味，唔知係咪用鮮雞加上火腿嚟熬製呢？海蜇頭好爽脆，麻油同浙醋都配搭得恰到好處。我地坐咗大約個半鐘，慢慢嘆。只係隔咗一陣之後，有確喉嘅感覺，是否落重味精就不得而知了！

肥姑姐飲食推介 - 特色上海煎餃 及 擔擔麵1）環境衞生小型上海店，茶餐廳的格局，不是會坐得很舒適的餐廳，很可惜服務就差左d，可以算是無服務，叫左3次refill茶水，但無人理，最後自己出手。2）食物質數點了特色上海煎餃及擔擔麵，兩款也有些意外的好吃，整體很高質。特色上海煎餃是用餃子皮捲着豬肉白菜餡料，再放鑊上香煎，整體不油膩外型有點像春卷，餃子皮香脆煙韌，而餡料完全沒有放味精，有點像在家吃到的餃子味道。至於擔擔麵我要的是走辣（食得辣的朋友可以不走），擔擔麵醬顏色好深很濃，充滿花生香有不少花生碎及豬肉碎在內，非常可口，而擔擔麵亦頗有嚼勁，就算食到最尾亦不會軟淋淋，配合醬料非常的夾。呢碗算是我吃過最好味的擔擔麵。3）價格HK$108 (已包括加一服務費）4）再恵顧指數👉🏻（因為無服務所以扣了一粒星）

大家有沒有發覺，現今在香港想食到正宗傳統的上海菜，只有什麼什麼會或高級貴價上海菜餐廳，而一般坊間中價的上海菜餐廳的食物水準差別很大。令我想起兒時，父母經常帶我去一品香、一品樓或品香樓之類的上海菜館，這些菜館在入門口旁邊的位置，一定有一個做涼菜和小菜的開放式廚房，放着各式各樣的上海涼菜，鳯尾魚、熏魚、烤麩、熏蛋、鹵豆干、黃泥螺等等，讓你隨便揀你喜歡的食物、我記得我最喜歡走到門口這個開放式廚房，望見都開心，成日幻想著全部每一個菜都要食！這類菜館的服務員多數是上海「言」，講著帶有上海口音的廣東話，雖然我不是上海人，但有份莫名奇妙的親切感。現在真的很難食到這種味道了！有日在微信看到好友珠女發放的照片，她和一班朋友食上海菜，好奇心㩒入去看看是什麼菜式，一望之下，全部都的菜式都有一品香的感覺，立即至電珠女，查詢一番，大家都講起舊時尖沙咀金巴利道的一品香十分懷念，二話不說，珠女十分有心邀請我到這間菜館一起午餐。「江淅滬」位於銅鑼灣渣甸街，交通十分方便，原來老闆繆志強師傅是前王家沙總廚，也是上海人，這𥚃地方簡潔舒服，走大眾化的路線，價錢合理，繆師傅親自出馬，帶領自己團隊做出高質正宗傳統上海菜食式，我們

想食上海菜，行左個圈 搵到呢間～原來尖沙咀開左新既分店睇睇個餐牌先茶 - 我地黎個時 冇上到比我地～問佢拎會比你，服務態度好好，會講番唔好意思 （應該唔記得左上茶）酸辣湯麵 -好好好大碗 食唔晒 小龍包 - 4粒 同埋 白菜仔 正！小龍包有小小汁流 鴨血粉絲湯 $48/1碗呢個湯既味好似 福字米公仔麵個個湯底味😂 係懷舊既味道雞絲粉皮 - 好夠麻醬 但食得多會好膩人均100幾 服務係幾好，開放式廚房，見到師傅好用心工作 ，打晒仗咁，但店員服務都好好，坐得都舒服，食物不過不失!可以一試

呢間係第二次食，第一次係外賣返屋企覺得食物質素唔錯。今次出開銅鑼灣順便食埋晚飯所以今次就揀咗呢間。同朋友兩個人，叫咗回鍋肉上海粗炒麻婆豆腐+1籠小籠包不過小籠包係變壞咗。😰真係好無奈。先講上海粗炒我覺得幾好食回鍋肉係除咗係太油之外味道我覺得還可以不過不失只係欠缺啲香味。麻婆豆腐都還可以。到我最期待嘅小籠包時候朋友食咗一啖即刻吐返出嚟，佢話好臭。當我好小心試食嘅時候好少咁咬咗一啖，入邊嘅湯汁都係臭嘅，臭嘅程度係要即刻吐出來嗰種。我相信呢個小籠包啲肉應該變壞咗所以先會有咁嘅味。其實我都明嘅而家疫情可能食肆少咗人食有啲嘢擺耐左變壞都未必會察覺。之前食開都冇乜事我諗今次應該係一時錯失。因為趕時間所以都冇影相。只係希望店家見到留言會小心提點員工食物新鮮程度。

在銅鑼灣吃平價而又有水準既上海菜，必想到這裡，鄰近地鐵站，地鋪多位。今次我們點了三款食物：1. 上海小籠包：咬落去多汁多湯水，皮薄餡靚，豬肉味好特出，食到lam lam 唎2. 酸辣湯面：酸辣度剛剛好，面質爽滑彈牙，而且湯內碎小既配菜都好多，菇仔，豆腐等等，好惹味3. 魚湯蒜子白菜仔：平時吃開津白，今次試白菜仔，都好新鮮，魚湯好濃加埋蒜一齊煲，好食有加一服務費，2人吃得飽飽的。港島地區，平民價，高質食物，要支持

冷盤醉雞，一黎到好大陣酒味，但食落肉質無酒味，似白切雞煮好再後加酒，而且唔夠凍。另外d骨切到醉晒，食既時候記得要小心！小籠包，裡面有肉汁，但肉唔香，肉亦十分無口感，好普通話梅骨，呢個餸最好味，非常好餸飯。話梅味同排骨好夾，排骨有走油，亦有調味有肉香，係細碟左少少。堂食有九折，加埋二百二十蚊左右，二人食唔算非常飽。服務方面，我地大約七時左右坐低，樓面客人未過一半，我地想落單叫左好耐都無人理，扣點分。

我是上海人，所以對江淅滬菜情有獨鍾！此店之前也光顧過，一般水平！今日路通匆匆再吃就十分失望了，燻魚炸過了頭似柴皮（如图）！菜肉雲吞餡無味，海蜇头量少，雪菜肉絲麵勉强接受，小籠包内冇汁餡似粉團！唉！真令我失望，今後又少光顧一間了！

我用Openrice買外賣自取。去到我話想D冷盤分開袋，個女侍應已經好唔客氣,係咁問「咩話？」。跟住我問佢入面有份醬料係咩嚟㗎？嘩。依位阿姐好似重來無人敢問佢野咁，瞪大隻眼話，醬囉！我同佢拗，佢球其話，「醬油阿！」後來我再追問，佢先入廚房check, 知原來比錯order我。等我走嗰時血壓又高了。飲食業係好艱難，但係唔洗係客人身上出氣啊？

本人點了以下餸菜，食評如下。花雕醉香雞， 雞肉不夠酒味，肉質嫩。鮮菌炒鱔糊， 味道不錯，不過鱔肉感覺少一點。紅油抄手， 皮薄肉嫩，味道錯。豆沙鍋餅， 餡料平均，外脆內軟。