江記大閘蟹專門店

营业中

休息中

今年都係江記，老友們話想試試我食開依間大閘蟹質數如何，大家咁有興趣的話，我就搞一次啦！大閘蟹公 6 兩，散叫要 $140 蚊架，叫滿半蘿先 $100 蚊隻，包送貨包葉包醋包糖包薑。成班朋友一齊叫左四十幾隻，抵食呀！我都叫左 5 公 5 乸呢。阿媽扭親腳，話唔食得蟹。阿爸又話怕寒涼會咳，怕膽固醇超標，食 1 隻夠。阿妹話今晚好飽，留返聽晚先食。我攞左 10 隻返屋企諗住每人兩隻麻，依家蒸得 3 隻囉。無緊要，我擺兩隻走聽晚食，其他您地架啦。因為今晚回老家食飯，所以全部食物都由阿媽出手。大閘蟹蒸 15 分鐘，出爐！江記大閘蟹公 6 兩，剛蒸起郁唔到佢一根腳指，等一等。但蟹味飄香，流住口水、忍住激動情緒地等待。放涼左半響，殺呀！一開膏香味直擊腦袋，暈得一陣陣，好香呢！公蟹甘香軟膏彷似狠狠地大巴大巴咁車落黎，您好快啲吞晒我落肚，等咩呀！急忙清理乾淨，掉晒肺、掩、心，再張佢肢解去晒腳，大力擘開！我黎喇！控制不了舌頭跟嘴巴，直衝蟹公黏口軟棉既蟹膏！爆膏濕潤，漿住您整張嘴，甘香鮮甜非常，啜個不停。還有大量蟹膏躲藏係蟹蓋邊緣，當然不能放過，挖得乾乾淨淨，蓋都差不多爛喇！***江記大閘蟹公 6 兩，聽聞

年年我都係 order 尖沙咀江記，自從幾年前同事介紹後一直無變，我一向都最專一架啦，當然大閘蟹水準、價錢、服務都要令我滿意。成班老友齊齊食，叫左四十幾隻 6 兩大閘蟹，$100 蚊隻送埋陳醋、紫蘇葉、老薑、紅糖，仲有港九新界速遞服務，抵砌！前日訂蟹，琴日五點未夠已送到黎大埔喇，我要左 5 男 5 女攞返屋企，不過阿爸阿媽都唔多好大閘蟹，怕膽固醇超標。我自己消滅左兩隻公，兩隻乸留返今晚同朋友們一齊開餐，其餘都留返晒係屋企。大閘蟹乸 6 兩，加紫蘇葉水滾蒸 15 分鐘剛剛好。鬧鐘響！新鮮出爐，正到痺，勁香濃蟹香呀！香噴噴，口水直溜，我已經預備好起動喇！剛蒸起熱到辣手攞唔起呢，唯有攤佢一陣先，好心急！琴晚食完兩條仔，爆膏黏口好味到暈，蟹肉勁鮮更甜更多肉汁，唔知今晚依兩條女咩質數呢？大閘蟹乸 6 兩，今餐由史老闆操刀蒸起，時間剛剛好無長又無短，保持大閘蟹係最美味既狀態。開呀！打開個蓋，澎湃既蟹膏令人為之一振！爆膏滿瀉一手黃油，好想即刻塞晒入口呢。出盡力抑壓貪吃既情緒，去腳去鉗去肺，最後去埋心臟，搣開兩邊，一切準備就緒喇。肚圓既蟹乸較蟹公細隻少少，不過蟹膏跟公一樣甘甜美味，香濃無比。乸膏較結實

話說這個大閘蟹季節，算是我食得最多的一年。家人每年都一定會購入半羅蟹，每人至少分上一隻半。蟹痴嘛，這個肯定!! 今年和媽媽經過加連威老道時，見到冮記，便早一個星期訂下了半籮，共26隻，一隻6両!家人對今年的大閘蟹都讚不絕口!! 6両蟹除了大隻，只愛食公蟹的我們，一開時的蟹膏是橙黃色，一呻口中全被蟹膏張著嘴，蟹膏又甜又香又滑，蟹肉更非常的嫩口，美味得每人都吃上三隻呢~

是日brother-in-law買了江記大閘蟹,筆者有幸可分享三隻, 真開心. 這次的貨源全是雄性, 每隻重量大概有四両, 全部也是活生的, 感覺不錯.加了江記提供的紫蘇葉蒸了二十分鐘後, 終於可以開餐. 蟹膏分量一般, 不是澎湃的一種. 色澤呈金黃色, 試一口, 味道甘香軟滑, 肉質雪白沒有霉, 水準可以.

身為大閘蟹狂熱份子，很快酒樓的大閘蟹套餐已經滿足唔到我去年開始，我喜歡到不同的"大閘蟹專門店"買蟹回家煮上年我買大閘蟹的策略是買很便宜的，但多買幾隻因為我覺得2隻小蟹的膏總比一隻大蟹的多但後來發現，一來拆蟹真的太累，二來一打開大蟹蓋見到超多膏能夠給我更大的滿足感上年吃過江記，最初食只因就腳今年再來是因為上年的蟹質素不錯而且這間依然是最就腳的蟹店這家店好旺呢，等左好耐先"捉"到一個人幫我攞蟹店家有售太湖蟹，也有售少量陽澄湖的我買了$180隻的太湖雄蟹(6-7兩)廢話就不講太多了，蟹的質素有圖有真相膏夠香，肉也結實，我想下一年我也會再幫襯

約左朋友開個大閘蟹宴，架捕o係尖咀，為左方便就o係江記買蟹。去到發現哇比正常貴咁多….前幾日o係九龍城買$70一隻差唔多size嘅蟹，呢度竟然要$120…灰左…不過冇計尖咀得佢一間較為出名，買左5隻加埋3套工具，埋單$645。不過o個度d姐姐都好好人，見我地好似傻下傻下咁，都好好心咁教我地點整蟹。番到架捕買埋三文魚，叫埋pizza一齊食，$120一隻蟹同$70一隻蟹果然如我所料質素差不多，哈哈，不過大家食得開心又買得方便就算啦！

好耐無食大閘蟹了 ~~~對上一次已經係生囡囡之後個年....2009年了....第一次買返屋企食大閘蟹時,都係幫襯 江記的, 所以今次都特登返去幫襯, 之前都有d心動 想去買 老x 陽 團購,不過都係無買到.去到叫伙記幫手選左 18 隻 ,8 隻雌蟹, 10 隻雄蟹.伙記都好快手幫我地選好,跟住送埋醋,薑 ,紅糖,紫穌葉畀我地.回家即刻幫佢地洗白白,隔水蒸佢 20分鐘,嘩~~~期待已久的大閘蟹出來啦 ~~~質素同第一次食既時候差不多~~算係唔錯的 ....老公豬鐘意食雌蟹~~話 d 膏正d ....d 肉 實dd ................我就愛食雌蟹~~~d 膏香 dd .....哈哈~~老公竟然唔覺唔覺食左 4 隻....佢仲話咩唔係食左三隻姐咩.....我都食左 三隻~~真係大滿足呀 ~~~一年一次~~~正呀 ~~"江記" 我下年再黎過 ~~~

其實朋友每年都會幫襯江記, 今次就幫忙搭單買埋星期五晚攞左蟹第二日就去享用.我地星期六下午大約6點就從雪柜攞的蟹出黎準備蒸, 的蟹仲眼仔碌碌.我地食5兩蟹, 首先食蟹公, 打開蟹蓋已經黃甘甘,的膏爆晒出黎.另外蟹乸, 的膏去到個蟹蓋度添我地每人食左3隻, 好滿足 總評 : 膏就好爆, 不過唔夠香味, 而且蟹公唔太漿口, 蟹乸反而比較好

聽見朋友推薦,上openrice又見comment唔錯,咪order半籮6襾size的大閘蟹, 因為半籮免費送貨...點知收到之後, 肉眼一睇已經知唔足磅..個樣同5襾差唔多大細....之後用磅稱..連草都唔夠6襾...好唔得lor....而且食落d膏又唔係好香..買大閘蟹真係要親身買先得...Remarks: $82一隻所謂6襾

After having afternoon tea in Azabusabo, my husband and I walked along the Granville Road for 大閘蟹 shop. My colleague recommended 江記 because of their high turnover of inventory. When we arrived the shop, we were surprised by the size of the shop. That may be the one of the largest local crab shop. The service was excellent. Since my younger son has skin allegry on shell and seafoods, we grabbed three male 大閘蟹. Since my husband pretty like 大閘蟹, his crab is the largest (from the "HK$400 cate

約七襾. $115/隻 ($280/斤)已經係特大蟹, 七襾重, 再上係蟹皇 ($320)今日要左特大試左先.隻蟹唔似有七襾. 睇d腳已經好細=_=條草重only.膏都ok多, 但唔夠香. 蟹肉亦唔夠甜.....比起往年. 今年真係爭左少少.

29-OCT 今晚放工立即出尖沙咀買蟹, 一心都諗住去江記, 因為雜誌介紹過去到唔知揀邊隻, 想買D靚D既同阿爸阿媽一齊食....老闆問我想要邊種, 我預大約@$60隻啦, 佢就幫我揀左6隻, 隻隻五兩幾重, 仲好生猛咁, 買完即閃...連邊到出既都無睇到, 實在太心急 返到去即刻煮嚟食....一開蓋, 嘩.......勁多膏, 好鮮味, D膏又多又漿口, 真係好正...

我睇完大家啲食評, 今日特登去江記買蟹滿心期待, 點知煮完隻蟹, 見到有啲青色野......打開隻蟹, 蟹膏有啲鴨屎綠色, 啲水全部都係屎綠色........都唔知係江記問題, 定係我唔好彩, 不過, 隻蟹係店主幫我揀........隻雌蟹都$60隻........

秋風一起，又係食大閘蟹嘅季節。自問並唔係食大閘蟹嘅專家，一年都只係一隻起兩隻止，主要旨在都只係大家一班朋友拆吓蟹傾吓計，食蟹反而係其次...前幾日太座嘅朋友call攪蟹局，冇任歡迎...淨係睇張相都知D膏有幾澎湃la...蟹拎上手夠重身，肉地夠多，膏亦夠甘香....不過間唔中都食到有D嘅膏比較死實，但總括嚟講，水準算係唔差...今年食夠quota la...^_^

江記我已經幫襯左佢三年啦！價錢真係好抵，你買平既佢一樣歡迎，我試過淨係買2隻，每隻40元，共80元。一樣係送埋醋，薑，葉‥‥等等，而且40元一隻的公，都有五両咁上下。啲膏仲好正。認真抵食！