江記大排檔

营业中

休息中

我最愛嘅🥓（江記）小小食站直接位於海傍道嘅熟食中心～夜晚想買宵夜的話，絕對大大力推薦🌟🌟全部食物即叫即制（如果人多嘅話就要等耐啲）🍳雞蛋煎腸粉/🐤脆炸雞皮/🍚臘味糯米飯/🍌香蕉煎蛋餅煎腸粉勁好鑊氣，煎到出邊少少膿脆入邊仲好軟～當日為咗小朋友揀咗雞蛋，但估計XO醬會更惹味😋至於脆炸雞皮，必點！必點！必點！🌟🌟重要嘅事要講三次，炸得勁香口鬆脆，加少少淮鹽調味已經好好食～由於佢哋嘅雞皮係非常之搶手，如果想叫嘅朋友可以落船前就訂定～佢哋嘅臘味糯米飯，亦都料足軟糯，煙煙韌韌～尤其是凍冰冰嘅時候食返碗熱辣辣嘅糯米飯，簡直一絕👍🏻👍🏻最後香蕉煎蛋餅🥞，呢一款我又係超級鍾意嘅甜品🩷佢嘅蛋餅煎到微燶，配上香蕉、蜜糖⋯甜甜地少少鹹，勁好味😋😋

郊膠遊系列係去郊遊既過程，都不忘食住膠、食住遊文同圖就無咁精細，但保持悠悠心情慢慢食、慢慢膠郊黎到長洲我每次必必必食既唔係長洲大魚蛋，而係滷味！！！排檔旁邊，賣既係各樣豬既內臟同豬肉，當然都有雞翼個啲聞住滷水味揀野食平時潮式滷味店都係斬完過幾過滷水汁再俾包汁你拎走整黎食，依度就會揀好切好後再幫你浸一段時間再加熱，等你即刻可以拎住食浸幾浸，雖然望落唔太深色，但其實已經上晒味，一包香噴噴熱辣辣嘅滷味ready識食梗係食豬耳，夠味又掛汁，配埋啲軟骨既口感實在正另一個正既就係五花腩，係你面前切片，汁夠晒味食肥瘦均勻嘅五花腩，滑得黎唔硬，細細塊好爽仲有食生腸雞翼個啲，都好味既因為滷水汁既，最正既位係成個食法，真心係必食會係長洲過夜既千祈唔好諗住玩完夜晚先買返去宵夜，因為賣晒就無！#其實佢個排檔就唔太吸引但依個滷味超班#多人食會好啲因為一斬就要一隻耳一條腸咁買

疫情期間無得出外旅遊.唯有入長洲3日2夜.呼吸一下新鮮空氣.正題.兩人晚飯後準備回渡假屋休息..奈何同行友人話“唔知仲有無野食”做宵夜，可能因爲我地平日去..發覺大部份食店早在10點左右關門..行到去碼頭對出買左碗仔翅..左望右望好似無其他宵夜檔口..隨口問姐姐：呢頭夜晚仲有無其他野食？姐姐帶霸氣式口吻：右邊直去江記丫..長洲碼頭右轉正行5分鐘後見到..江記大排檔..宵夜睇落只有粥係不二之選..本人食過無數皮蛋瘦肉粥..呢間稱得上神級.除左皮蛋咸肉外..驚喜既係竟然粥底有少量魚肉..不經不覺食曬成碗.同行友人一向少食粥品..試了兩啖都覺得驚艷三個字講：無得輸..神級既地方在於佢既控制咸肉味道..咸肉加粥一齊煲..稀釋原本咸肉味..令本來粥底更上一層樓.$30一碗..性價比及味道..相信係全港數一數二！遺憾由於行程問題..未能在江記晚飯小菜..評分只能俾粥品..粥底.材料.味道⭐️⭐️⭐️⭐️⭐️..5星最高

肉碎蠔仔粥 ($36)粥底都好綿密 蠔仔既份量都幾多但蠔仔帶酸味 仲有少少腥味 唔系太推薦🤭海魚粥($36)呢碗粥相比起蠔仔粥就相對出色 海魚既骨唔多 因為同左店家講可唔可以小骨 佢話可以盡量幫我地揀靚啲既部位🐟海魚幾鮮甜 肉質唔鞋😋值得提一提店家既服務態度真係超級無敵好👍又問你洗唔洗攞多張凳你放袋又會幫你攞個冰桶說住支啤酒一有少少雨滴仔就即刻幫你推入張枱😊

晚上行完沙灘 唸著食d嘢 九點行到根記個度發現收嗮檔 見到隔離江記仲開 坐低嗌咗個蠔仔粥同乾炒牛河 跟住就中伏！d牛肉口感有d黏黏d 原以為係生粉多咗 跟住食咗幾啖發現唔對路！d牛肉唔止黏仲有d酸！驚食壞個肚就冇再食！ 再試過蠔仔粥 d蠔仔一樣唔係好新鮮！唉！同隔離根記差唔知幾多！！唔新鮮嘅變質嘢仲攞出來賣真係離嗮大譜！預備向食環署投訴！再來講下環境 d環境真係唔掂 使用過未清洗個d餐具擺係隔離 睇落真係 冇眼睇！差評！差評！差評！

唔推薦耐無入長州 諗住入去搵食 點知伏左叫左幾樣菜 味道差 蠔不新鮮 因為食得出店家想用酒遮掩蠔腥臭 其實廚師是否有心煮都會feel到 客人整碟菜只吃了一口 正常有自有要求既廚師會諗下點解但完膳後,告知職員 但只被膚衍一句 哦！好的.唯有買個體驗。————Taste bad, not recommended at all.What the restaurant served us “impacted” my taste bud. I ordered 3 dishes (fried rice, pan-fried oyster omelette, oyster congee).Unfortunately,a tasteless fried rice and the dishes containing oysters taste really weird. I told this situation to staff. The staff only responded nothing. The dining experience was not good.

極伏！！本來諗住間舖位咁當眼 而且又咁大間普通大排檔嗌餸食都應該唔會死得人完全冇想像過長洲會有一間咁伏嘅大排檔食到一肚氣啲嘢食一係就無味 一係就極鹹下次餓死都唔會再食依間垃圾

秋天的假日，最適合到郊外走走。忽然掛念長洲的美食，即興地踏上甲板，吹吹海風，過一個寫意的周未。在香港，想去那裡也可以很隨心，也覺得很安全。遊走了小島一個圈，本想吃海鮮，雖平但明知將價就貨，最終放棄念頭。長洲已去過很多次，滿滿是街邊小吃，故打算正餐輕食，想吃粥又想吃小炒，最終試了一間未嚐過的食店。肉碎蠔仔粥 $32，蠔仔多，粥底、味道也不錯，但最錯是忘記了走芫茜，蔥在粥面，而有大量芫茜在粥內，我和友人也是不喜歡的。韭菜豬紅生腸 $62，很惹味，和平時酒樓和大排擋有些微不同，多是有辣油浸著、這個沒有，是醬油的味道。驚喜是生腸，很爽很脆。更窩心的是店員溫馨提示，叫我們落些胡椒粉更好吃（不過友人早已知道這心得😬）椒鹽鮮魷 $72，正正常常，不過不失吧！大排檔大多是大枱，所以我們倆就要搭枱了。不過看到其他人點的餸也很吸引，一樂也。另外，也有一壺少少的茶，比起那個大大的透明膠壺，感覺乾淨一點。

長洲碼頭右邊，除左海鮮，粥都好出名。有2間大排擋有粥食，見都夜了，所以食埋野先返屋企。上次試了第一間，今次就試一試這間江記。好多客人食緊，咁多人一定唔差啦！這間除了粥品，還有鹵味、小菜、炒粉麵。好有鑊氣，見師傅好有技巧炒炒炒，好勁好有力，炒出來好香！見其他客人好多叫豉汁炒蜆，香度十足！今日我們叫了粥及炒米粉（大），另外好姊妹喜歡雞，就叫了半隻發財蜆芥雞1. 莞茜蠔仔粥熱辣辣，見婆婆在煮粥，好綿綿香香的粥，好多蠔仔又香莞茜，下一下火（蠔仔有少少殻，小心食）2. 炒米粉平時好少叫，因為怕硬同乾！點知一點也不乾，好夠味道，又多材料（火腿、菜、蛋、芝麻）又幾好味哦！唯一是米粉比較細碎了點3. 發財蜆芥雞（半隻）好大碟，好多雞！雞好滑又嫩身！蜆芥比較咸，配白飯會好適合，估唔到發財是髮菜，好耐無食過！

唔~~~好有獲氣 朋友特別中二佢個辣酒花螺而我就最愛椒鹽鮮魷店主會記得你系邊個 食開咩 又會推薦你今日有咩好食咁 我覺得好好 因為呢家既香港好小餐廳做到衛生同環境的話 同一般大排檔差唔多 但唔會話好熱瀨尿蝦好好味 夠香炸子雞 皮脆肉滑乳鴨後來掛住食都唔記得影相2個辣酒花螺1個腐乳通菜1個聖子

辛苦完一個星期, 約左朋友仔去長洲hea返2日先 , 食完早餐拿拿林去中環搭船 , 入到去租埋屋都天黑了, 出去醫肚先, 行到街市附近有2間大排檔 , 入左間比較多人既, 好 唔講咁多 上菜, 叫左2個小菜 菜蒲炒蛋同幹炒牛河 , 個菜蒲蛋都唔錯 唔太喊牛河味道都ok, 不過好多油, 再加2碗粥 , 本身諗住清清腸胃, 點知黎到個粥都幾大碗同多料, 其中一碗脆魚腕粥可以推介, 個粥本身已經煲得唔錯 夠綿, 再加個脆魚腕有驚喜, 魚腕好新鮮, 肉質實正, 有咬口

今晚食粥。江記，我第一次試。相信海未必次次一樣。今日是實肉少骨的鱸魚。以往食鱸魚經都帶少少腥，所以加蠔仔。粥綿帶鮮味。蠔仔鮮甜，每粒都圓姑碌。剛好熟鱸魚如往常都非我所愛。客觀點也是可以的。

食完覺得人生一個晚餐QUOTA又浪費了，唔開心。叫枇杷豆腐，冇，叫榣柱扒柚皮又冇。落單又要落兩次。唯一係比較平，三舊水唔洗埋單。基本上每碟都係五六十蚊。我以為叫得穩陣野食冇衰，點知黎到先知衰。每樣都唔好食:榣柱扒菜膽，中式牛柳，楊州炒飯，椒鹽鮮魷，胡椒豬肚湯中式牛柳。係出面食牛柳普遍都係一塊塊，呢到就一舊舊，仲要舊舊都咸到抽筋。榣柱扒菜膽。我以為菜膽係指芥菜，小唐菜之類，有個膽你睇。點知黎到係一塊塊生菜。自己認衰，之前冇問係咩菜，唯有照食。椒鹽鮮魷，係夠香口夠脆，鮮魷應該都係新鮮既。不過又係咸到抽筋，非一般椒鹽的咸。楊州炒飯就應該係最難入口了，食落有飯焦，硬到咬壞牙，有幾啖仲有燒焦味。神奇係碟飯好似冇落鹽，其實係冇味，搞到我地好懷疑，係咪落鬼錯左調味去第二碟到，咸味打孖上。胡椒豬肚湯，算係最正常，不過都食到冇晒MOOD先黎。係出邊食過咁多大排檔，呢到的食物比較起黎真是差太大段。

以為來到長洲，都會想係海邊的餐廳食飯。想浪漫一下，又想可以感受到長洲的氣氛。不過今次有點不按傳統做事，沒有揀出面的餐廳，而是內街的大排檔！話到明係大排檔，當然就有大排檔的風味，的確，衛生情況有很大的進步空間。當天食客比較少，店員很快安排我們兩人坐大檯。因為天氣有點寒冷，一坐下我就想食煲仔飯，但落order的時候，店員說起碼要等半個小時，反正我們也不趕時間，所以就無所謂了。先來的是黃金鮮魷 HKD 68.00比起椒鹽，肥膏推介了黃金。而這個黃金鮮魷也真的不錯。新鮮即炸出來，熱辣辣上檯，粉漿酥脆，而鮮魷就很新鮮。火喉也是大排檔該有的，這就是鑊氣了。胡椒豬肚湯 HKD 58.00好大一煲湯！真係好大煲。原本以為會是兩三人份量，怎料是家庭裝的湯。而且這個湯好足料，好多豬肚同鹹酸菜。有很多胡椒，另外又加了薑來加辣，飲完成個人都暖番晒！最後來的是煲仔飯。排骨飯 HKD55.00一上到檯，我同肥膏都呆了，份量這麼大！？白飯煲得剛剛好，是我喜歡的硬飯。排骨雖然不太好味，又帶點略肥，但重點是排骨的油脂落到去白飯度，白飯好好味。不禁食多了幾口。最後因為趕船，沒有食晒所有食物，做左大晒鬼。不過，這樣的一餐總

因為位置好，光猛，人多，以為最少不會難吃，便決定在此用餐。態度很好的給我們找坐位，茶水，跟進。人多，等30分種左右才有菜到。重點是，好難食！魚頭豆腐湯一d魚味都無，變左菜湯。焗魚腸過火，黑左，好苦。只吃中間無黑的地方，＂煋＂到痴左線。避風塘炒蟹，變左炸，一碟有幾蟹但只有一個蓋，個蟹蓋＂趣＂到爛左。蟹極細，每隻蟹連腳最多只有一隻手掌大。炒花甲，ok. 唔係特別好食。