池記

营业中

休息中

呢間池記嘅店面比較細，不過行入店入面，店內面積都系比較大嘅~~餐檯嘅數量比較多，檯同檯之間嘅間距比較細。夜晚嚟食一般比較少人，環境清靜。兩個人食咗幾樣野，先160蚊左右，抵食。魚片粥：$51。碗比較大，份量足！味道鮮美~~牛腩麺，碗唔大，麺嘅份量唔系好多，不過牛腩就幾多。麺好細，偏硬，口感爽脆，不過唔系好入味。雲吞麵套餐，雲吞皮好薄，蝦仁好鮮甜。薏米水，由薏米、生薑、糖整嘅糖水。紅油三寶，有雲吞、鯪魚球同水餃各兩隻。點上紅油食別有一番風味~~...

今日中午本嚟想帶飯返公司食，但又突然唔想煮，日日帶飯都有少少食厭左，都唔知煮咩菜好，就決定唔帶飯返公司，中午去食餐好少少嘅慰勞下自己算喇，出街食一般穩一D系屋企煮唔到嘅菜式，去附近穩嘢食嘅時候見到池記呢間老字號，就想入去食碗雲吞麵。原嚟而家有套餐可以點，所以我就決定點一個套餐，覺得咁樣抵食D，套餐有1個主食+1個小食+一杯薏米水，主食我點左牛腩麵，牛腩麵分量唔算大，可能對于男仔嚟講，分量比較細，牛腩燜得好入味好淋，竹升麵好有口感，好有頸道，味道剛剛好，一份小食有雲吞，鯪魚球同埋餃子各兩只，三樣都味道唔錯，而鯪魚球就更加無得彈，好有魚味，好爽口，薏米水有加生姜同燕麥一齊煮，好清潤。

尖沙咀食肆林立，簡簡單單搵間餐廳食下野，最终去左池記食雲吞，叫咗碗净雲吞來填下肚仔，我特别鍾意池記既雲吞又大又飽滿，鮮蝦真材實料，雲吞皮厚薄適中，加上冇味精清湯，正到爆。

It’s been quite a while since I dined at Chee Kei so decided to pop in for dinner seeing that I’ve seen long lines recently outside this shop on Lock Hart Road. I ordered the pork chop with vegetable rice set which comes with a drink (I ordered barley tea) and veggies for HK$79 as well as their famous fish congee. The congee definitely had great texture with great consistency, true to my previous experience, but the fish wasn’t as fresh as I expected it to be. However, the pork cutlet was alot t

原本同老公講好咗去池記食晏嘅，點知臨出門佢老細call 佢番鋪頭，自己去好冇意思嘅，為有call 家姐陪我去咯。唔駛等位，環境乾淨舒適。服務算ok 喇。鮮蝦雲吞麵用料新鮮，皮好薄，可以睇到原只蝦，蝦肉爽甜。麵質感爽滑，個湯都幾鮮，不過有小小鹼水味，有待改進。蟹皇粥一上檯，我同家姐一齊講，哇！好大只蟹啊！！仲喺原只蟹喎，唔似有d地方只喺得只殼。蟹好肥好新鮮，仲有唔小蟹膏響粥度，個粥真喺好鮮甜，鎮店之寶值得推介。牛腩麵好香，牛腩又入味又稔，而且唔會話好肥。蘿蔔好清甜，入味得來又無渣，麵爽口彈牙。炸雲吞家姐至愛點可以唔點嘅，炸雲吞好香好脆，應該喺即炸嘅，仲熱辣辣嘅，而且好幹身，唔會太油。家姐食得停唔到口。

下午三點，突然間有D想食麵，啱好朋友都有D餓，就入咗來呢家池記，點咗鮮蝦雲吞麵嘅套餐，麵上咗來，碗真係細到、大概就四隻雲吞吧，不過雲吞皮薄餡多，D蝦夠曬新鮮大隻，食起身好爽，麵有夠爽口。飲料係薏米水，呢個吓咗我一驚，覺得薏米水會好飲咩，又唔係薏米糖水，邊個知人地真係好飲，加咗姜，辣辣地，冬天飲最暖胃喇，不錯！蟹皇粥成知蟹係嘅煲裡邊，仲有很多薑絲，海鮮味好濃，但又唔腥，粥煲得好粘稠，人地店裡邊嘅師傅真係夠曬有心機喇，整體上講都覺得無錯，就係雲吞麵裡邊嘅雲吞多兩隻就好喇，因為真係好正啊！

好難得今日出來轉下，天氣都幾乾燥嘅，近排成個人都幹幹地，系時候食翻啲粥喇。池記嘅楊枝甘露好甜吖，岩曬我啲甜食主義者嘅胃口喇，裡面的生果果肉豐富而且新鮮多汁，果然系十分之新鮮，食完之後甜到令人難以忘懷，好正。之前都話系過來食粥嘅，所以都點了一個好中意嘅金衣蟹皇粥，好食到吞埋條俐吖，粥入面好多蟹，好大一隻蟹，蟹肉嘅海鮮鮮味經過熬的時長之後就融入咗粥度。蟹肉即使熬咗好耐，但系都仲系口感比較彈牙，不過稍微有小小嚡嘴，用做熬粥嘅米十分之香氣，熬完之後成煲粥都系好“結”嘅，入口滑膩，而且價錢又抵，環境也令我滿意。

今晚媽子距哋有飯局，叫我晚飯自己執生，一支公唯有落街睇睇有無好嘢食喇；我記得尖沙咀附近有間人氣幾旺下嘅餐廳叫池記Chee Kei，之前有聽過池記好多人幫襯，我lee d 懶懶閑嘅性格梗喺唔想排長龍等飯食喇，所以一直未去試過，今晚終于心血來潮過嚟試試；好彩lee嗰鐘數唔算飯點，人流唔喺好多，等咗幾分鐘就埋位坐低，睇咗下餐牌，價錢不過不失喇，點咗嗰餐A：lee杯薏米水有濃濃嘅姜汁味，冬天飲就巖嗮，姜汁可以驅寒，薏米又可以袪濕；雲吞面睇起嚟雖然有d細，但其實里面份量都算OK，雲吞里面嘅蝦夠新鮮彈牙，湯面食落又幾爽口；小食要咗一份炸鯪魚球，魚球配料豐富，蘸下隔離嘅醬汁嚟食更加鮮甜，不過蘸得太多就有小小咸，lee d睇個人口味喇；

原本霖住今日下晝可以好好休息訓個懶覺，點知吖媽突然想hi tea，於是就決定來池記啦點左碗牛筋雲吞面，原本以為碗麵應該唔多，一上先知原嚟俾超多料，牛筋起碼有七八舊，啲雲吞都幾爽滑嘎，啲面就係平時食開果種細面碟牛肉丸呢都幾彈牙噶，不過就無咩特別囖，同其他茶樓噶牛肉丸味道差唔多。炸雞翼，我鐘意食。後生仔最鐘意食啲煎炸嘢，更何況係咁好食噶炸雞翼呢，外邊層皮炸得好脆，一咬落去啲雞肉好嫩，而且啲味已經完全滲曬入去雞肉入面，好入味。雞翼上邊仲有花生碎，口感倍增！最後來翻碗番薯糖水就perfect啦，真係sweet到爆！

店內裝潢的非常侷促，感覺也只適合快餐。點了牛腩面套餐，牛腩煮的味道很正，只是其中的麵條實在是無力吐槽，沒有什麼勁道的感覺，只吃了幾口就放棄了。 套餐內還有冰檸茶和紅油三寶，冰檸茶味道還可以，酸甜可口。紅油三寶最可貴的就是紅油蘸料非常香濃。 不喜食麵條，單點了炸雞翼，這個小食倒是出乎預料的好食，配料很有特色。

呢個餐廳人蠻多，全球各地都有。進入餐廳后要先點餐，最後持賬單埋單。這裡waiter服務還可以再提高一些。感覺不少waiter有些怠慢。大概是因為人太多的緣故吧。點了一份豬骨米線，豬骨很好食，燉的火候很好，非常軟爛。米粉做的也不錯，很勁道。炸鯪魚球是個美味，尤其是醬汁真的非常好食。蟹皇粥熬得非常地道，裡面是整個的螃蟹。湯里有很濃的蟹鮮味兒，加上小蔥裡面的清香，非常棒。總之，啲野好好食。

之前同屋企人去咗池記，裝修都幾靚，係度食飯都覺幾舒服虾。揀咗幾個套餐，牛腩面套餐配凍檸茶同紅油三寶，仲有蟹皇粥套餐搭薏米水同豆腐花。蟹皇粥度有成只大蟹，其實我好鐘意食蟹，但系哩度噶蟹唔會話好好味，不過啲粥味好濃，加埋啲蟹鮮味、蔥噶鹹香味都幾唔錯嚇，食落仲覺有芝士味。細佬話啲粥好好味，豆腐花好地道。牛腩面都OK好食，但系個人更加鐘意哩度啲粥咯！魚球入邊噶料好足，自己鐘意加咩料就加，可能有小小鹹，唔好加咁多。食一餐都唔貴啫，而且服務都幾好虾，有機會都係會繼續嚟噶！

午餐沒著落，就直接和同事騎單車來到這裡食了。總體比較滿意，地點很好找。房間面積不大。有幾個菜品確實很滿意。waiter很熱情。呢個菜單很清晰明了。到達店裡，侍應會給菜單，找座位，很貼心。呢個鮮蝦雲吞麵是我地最愛食的。雲吞皮薄餡大，裡面蝦仁很足，麵條很細很勁道，食的很滿足。味道總體清清淡淡，口味重一些的可自己加一些調料的。這個炸雞翼的外皮脆脆的感覺，整個味道都滲透到了雞翼裡面，上面有一些碎碎的食物，好好食。魚球裡面配料很足，很道地。裡面有些許茴香味兒，很是清心。食呢個，可以蘸海蠣醬，醬料新鮮極了。總之，啲野好好食。

我同阿paco已經好耐無見，因為佢中意食蟹，就帶佢去池記吃蟹粥……我地一向都中意去呢度食蟹粥，佢呢度果D粥好鮮甜，容易入味，反正我地一有口癮就過去食翻煲靚粥！當然啦，我地唔系單單點餐粥就算，仲點左其他小食，雲吞，特別推薦佢地呢度雲吞真系超級一流，餡多皮薄，湯汁清甜可口，食過返尋味，你唔見到真系唔知道幾大只，你未試過真系唔知有幾好味，Paco唔够饱，就食多左一碗云吞面，佢地D细面好爽口，系paco中意嘅口感而且又系间老店，更加信得过，唔单指我地两个，我地D同事都会成日过来呢度食下下午茶，过过日子，真心推荐，反正我同paco會繼續來呢度食

今天午餐份量太少了, 下午4點已經飢腸轆轆,好不容易捱到放工, 於是準時走人, 即刻去醫肚.6點這個臨界點, 剛好是晚市開始.要找下午茶, 機會真係好渺茫.就在樂道, 見到餐廳門口大大塊牌 : 下午茶供應至6:30!當然即刻行入去了.下午茶HKD 35: 一碗面及飲品我選擇了雲吞麵及熱薏米水雲吞麵-細細碗呢間分店一個套餐都六七十蚊.現在下午茶餐35元, 雲吞麵SIZE細DD!湯匙撂底，4粒雲吞上面放麵條, 以免麵條沾到湯而變腍.所以這個麵條仍能保持彈牙.雲吞餡有蝦和肉滑, 看得見蝦肉一條條的紋理, 蝦肉夾口,與某D西餐廳長期雪藏蝦的質感對比, 我比較喜歡這個雲吞用的蝦.湯底有紅紅的蝦籽及韮黃,而湯底味淡, 欠缺大地魚味道,但是因為太餓 , 麵的份量太少 , 所以連湯底亦一飲而盡.熱薏米水大大杯杯口冒煙, 色澤淺啡, 聞到有薑味.透明杯可見用料已佔1/3杯.用匙羹撈起, 有3粒蜜棗, 薏米, 麥米及薑蓉.品嚐雲吞麵後, 薏米水還是很熱 << -- 透明膠杯保溫效果很好.幸好店內有冷氣, 才能緩和.薏米健脾去濕, 蜜棗滋潤, 麥米高纖, 可是薑本性溫熱!!!!!!