湯加 (形薈)

营业中

休息中

早兩天早上行經形薈看到一間食店，便入內一試。服務員沒有招呼。因我是第一次幫襯，對她們的運作不太清楚，問她們可給我兩杯清水，服務員好唔耐煩叫我自己出去攞當時人客係不多。叫咗兩份早歺， 食物一般般，冇乜特色， 亦都冇驚喜， 麥皮似飲滾水乜都冇味，食物 暖暖地似一早整定。 臨走叫咗一份早餐外賣，因當時趕時間沒有留意，服務員畀漏一杯餐茶 同埋餐具，回到家中才發現，便致電她們。她們竟然說我甘吾小心現在先發現。好似我吾啱叫我落去攞番。今時今日嘅服務態度

本來唔想寫食評，但呢度出品又貴又差，而且職員好無礼貌，真係不敢恭维。叫咗個海蘆魚餐+藜麥飯，事先講明唔好太鹹，点知上桌，完全同相片唔同，入口又鹹又腥，超難食，擺明唔新鮮，而最離譜係藜麥，得十粒八粒以後都唔會幫襯

今次是我第一次寫評語，估不到需要俾劣評。事緣我今早去「湯加」依間分店食早餐，我叫左19號「沙茶牛肉煎焗流心蛋公仔麵」。但見近lunch，不如加多個厚多士當食埋午餐。當準備埋單時，我望到我張枱的打印單厚多士是加$6 (餐牌上是放在$4後面)。我跟收銀職員查詢，佢竟然答總之現在部機寫收$6就係要收依個價錢。我話要投訴，要影低相，佢話你影lor，態度差到..........。其實係好明顯間餐廳係更改左添加厚多士的價錢(由原本$4，加到$6 )，但係佢又無作出指示或記號將此食品指清楚去$6嗰度，佢只係塗左個「或」字就算，混淆視聽。正常客人會根據佢下－行「價錢在前面，食物在後邊」嘅原則去認為厚多士都只係$4。(佢依個做法在餐牌的其他版面是這樣處理，非常普遍)又或者落單時同顧客講聲有依個更改(厚多士已變了加$6)，咁就不用有爭辯。我今次豪俾依$2俾佢，不過不會再去依間餐廳所有分店。

唔會堂食，枱面黐淋淋，抹枱毛巾好多時都有味。食物水準就一般，咖啡難飲。打12次都唔聽係咩態度？ 11點15分去叫早餐比面色你睇，仲會好多時啱啱過11點就唔做早餐。咁你就叫公司唔好做早餐做到11:30

我其實之前都有食開，呢間餐廳嘅服務態度網友提及過有問題，上星期已經去過一次，晚上九點話Last order冇得食，咁我同佢講話你出面寫營業時間至22:00，跟住又話個營業時間已經唔啱，改咗21:30，咁好啦我唯有帶住失望嘅態度離開，咁諗住今晚6月20號早啲去食，我於晚上20:40進入餐廳然後坐低咗，冇戴眼鏡嘅肥姐喺度講緊電話，講講吓同我講冇得食㗎啦! 跟住我又好好奇問佢乜唔係收21:30咩？佢話今日師傅有事早咗收爐冇得食㗎啦！你走啦！咁跟住我只好氣沖沖咁離開! 我好想知道咁樣經營係咪有問題！同埋呢間舖頭嘅服務態度係差嘅！

晚上突然想吃蒸魚，經濟實惠便去了湯加，我們一家四口叫了四款魚，埋單差不多$300。四款魚除了黃立倉都好大條，尤其比目魚，比較我以往吃的大了double。我們全部都選了鼓汁蒸，魚的鮮味不錯，不太像是雪藏魚。我係街仿，不時也會幫襯。早餐的炸魚做得幾出色。湯餸方面，黃酒牛肉出面好小有得食，冬天吃好暖身。如果想清清地，芫荽豆腐肉片係好選擇。我還喜歡這里的餐飲比較多選擇，即使係柚子蜜，柑桔蜜都不用加錢。服務方面就無期望無失望，幾位呀姐本身都唔係差，不過忙的時候。。。有一個點就差咗，以前可以免費添飯，但現在不是每款餸都可以了。

見到其他評論都話堂食服務態度差 但外賣都一樣差到sir 我地用網上外賣平台喊左三個餐 其中一個米線比左通粉 跟餐又少左腸仔炒蛋 其實已經第二次買哩間 但佢兩次都比漏 第一次就屈就照食啦 第二次覺得兩次比漏真係好過分 跟著打電話落去想叫佢地送番個腸仔炒蛋 打左四五次先聽 聽電話個店員唔肯送番上黎 又話”我地人手唔夠 下次落單再送番比你” siu4你地比錯餐 唔即時送 重想我地下一次幫襯? 未見過咁唔識do既餐廳 跟著我地都係企硬話要依家送 但佢死都唔肯 只可以話哩個customer 同 listening gap大到雷 各位potential customers真係諗清楚先幫襯

間唔中晚飯就會來呢度食，原因只因佢有我喜愛的菜式 - 紅酒燴牛尾首先餐廳環境係好一般的茶餐廳格局，樓面招呼近乎0，可以見到得一兩個侍應在餐廳走來走去，又收銀又落單又捧餐又執枱，真係踢晒腳，仲挨得住果下先好野 👍。由於人手少，執枱都係麻麻，唔見話好企理好乾淨果種，唔好期望太高。點餐都係，望極都唔見有侍應 講返食品，通常屋企人來鐘意食花膠雞湯飯，花膠質素都可以，以呢個價位仲要食花膠，叫做合格啦。紅酒燴牛尾的味道夠濃，汁都好夠味，肉夠離骨，只係肉地比較乾，可能係煮左好多日。

冇服務的餐廳，門口接待處職員完全唔理客人，態度唔好，冇禮貌加上完全唔招呼客人，唔會再幫襯，仲要受氣，食物又一般，又沒有水準，想有人幫襯都難🤬🤬🤬🤬🤬🤬🤬

依家好多地方都冇得堂食！難得形薈呢度都有幾間可以堂食，我又想食啲濕濕地嘅嘢，經過呢間就食下啦～我都明白而家疫情一個人做晒咁多樣野好忙所以我都冇特別催服務員，大家香港人都要互相體諒呀😢我哋都叫咗個湯飯我就轉咗米線，魚湯就唔夠味，冇乜特別，識落就好清嘅～正常水準喇！-我朋友叫咗個湯飯，胡椒味菜湯底，呢個就濃味啲～唔錯！我下次嚟會想試吓佢既下午茶，見到都幾抵食😊

星期六晚，行到筲箕灣形薈，最後決定入呢間食晚餐。最快到嘅係，魚肚鯪魚滑淮山麵套餐＋熱奶茶$52，酸辣湯底＋$3，味道唔錯，好足料。仲叫咗個豬軟骨套餐＋熱冬瓜茶 $58，都好快到，豬軟骨嘅汁，送飯唔錯，啲骨都軟嘅，不過杯冬瓜茶就甜咗啲。另外等得最耐係勝瓜魚肚豬肉片＋藜麥飯 $58，勝瓜就好少，肉片就好多，食唔哂，而碗藜麥飯真係好少藜麥，基本上都係白飯，以為會有好多藜麥，早知就叫其他套餐啦，起碼都有杯熱飲。總結：有自助水吧，不過啲水就唔係太好飲，食物質素都算ok，以晚餐價錢都算抵食，至於職員服務態度，就一般啦，不過睇返個收費，都算係成正比。食客都唔少，見到最多人叫蒸魚套餐，睇落啲魚都好大條，下次都可以試下。

店員極需要再度培訓，做事極慢，服務其差，如趕時間真係不要幫襯。下午2時30分落單，3點都未有得食，仲要連飲品都上唔到枱。食物一啲都唔好食，猪軟骨一啲都唔軟，硬過石頭，完全入唔到口。絕對、絕對唔會再有下一次幫襯。

服務態度極差，未落完單就走左人叫野飲，一時話有，一時話冇個經理只掛住擔心佢哋既外賣生意完全無視堂食顧客既心情落單時黑口黑面，完全就不是作為一個經理既責任！！！！建議更換經理

放假的早上，外出搵食，見店內坐滿客人，剛剛有人離席埋單，就入去試試。已經過了一般的早餐時間，原來這裡的早餐賣到11:30，實在太好！把握最後的5分鐘落單。薑絲豬潤煎焗流心蛋通粉 $31本身配公仔麵，可轉為通粉、米粉，喜歡他們把豬潤煮到少少爽口的質感頂級餐肉蛋三文治配蛋白麥皮 $29被這個厚切餐肉吸引住，蛋夠滑；可惜蛋白麥皮較稀，味道偏淡咖啡、奶茶的味道就很一般，但這裡的早餐價算是抵食而飽肚之選。