沖繩二段料理 (大本型)

营业中

休息中

好多年前試過呢間沖繩二段料理幾次，當時感覺麻麻地，價錢只係平而家少少但係食物普遍冇味又難食，一直印象都幾差哈哈😂以當年嚟講都算貴夾難食😂😂😂到咗最近忽然心血來潮想食多次，本來冇抱啲咩希望，但見長期都幾多人食，經過門口又好香，冇理由咁耐以嚟難食都咁多人幫襯架，咁咪再試吓囉。點知又真係有驚喜喎。食物全部直接試曬落肚，本身冇諗住寫post，唯有下次食再補番啲相😂😂午餐個set$78預你一個人食，但我哋真係冇人食得曬，抵食到爆😂個set有：A：MainCourseA（自選鍋肉）B：MainCourseB（自選鍋烏冬/燴飯）C：好大件嘅冬甩加雪糕D：飲品全部熱鍋滾住上👍🏻👍🏻重點係食物質素大進步！有幾樣嘢食特別鍾意MainCourseA：1）蜜糖芥末豚肉鍋甜甜地豚肉入味又Juicy，炒椰菜配搭得啱啱好，個蜜糖味令佢一啲都唔膩，超正！2）黑掓雞扒鍋黑掓辣得好過癮，雞肉超嫩滑👍🏻留意：真心辣3）柚子炸雞粒夠香脆，雞肉水嫩MainCourseB：基本上全部都係單食已經係一餐1）櫻花蝦濃湯烏冬湯頭好濃郁，拉麵係十分濃度，呢碗都有七分，蝦湯搭咗唔少配料，每一啖都食到好豐富嘅味道，烏冬挺身彈牙👍🏻👍🏻👍🏻2

男朋友放工經過大本型見到啲冬甩🍩色彩繽紛好靚$30/2個，最後買左兩個番屋企同我開心share😘我呢個係阿華田味，輕輕灑上阿華田粉配白朱古力醬，食落其實無阿華田味。冬甩口感好煙韌，質地鬆軟，食完唔會覺得甜同膩，好食呀！而冬甩上嘅沖繩風獅爺朱古力片就最有標誌性，因為佢係沖繩守護神嘅象徵，去沖繩旅行時周圍都會見到佢嘅產品🤗至於男朋友嘅黑白朱古力味，對比之下賣相就較為吸引，配上香濃朱古力醬令味道更豐富。

和朋友相約午飯，選址在油塘大本型商場。我們都很少在油塘食飯，朋友在openrice search了一輪後，就揀了Antoshimo Cafe & Bakery這家餐廳！接近2pm才來到餐廳，不用等位就能入座～～午餐menu主打$78的沖繩風「二重鍋」自由配定食，二重鍋分別是鍋燒餸及鍋燒飯/麵，定食還包甜品及餐飲。二重鍋的選擇充足，有10款餸及8款飯/麵可自由配搭！我選了牛油蜜糖芥末鍋燒黑椒炸雞+壽喜燒湯鍋烏冬。牛油蜜糖芥末鍋燒黑椒炸雞，炸雞份量看似不多，但一人食就絕對足夠！！炸雞脆口，但脆漿稍稍硬了一點，肉質亦算嫩及帶有肉汁。黑椒的味道不會太濃烈，配上牛油蜜糖芥末醬，幾惹味～～～壽喜燒湯鍋烏冬，餐牌介紹是用稻庭烏冬，配料相當簡單的只有鳴門卷﹑粟米及海帶。烏冬份量足夠，質感都夠滑溜～不過壽喜燒湯底與我平日嚐到的有點不同，沒有那陣香濃得來帶點甜的味道，反而是帶薑味！雖不至於難吃，但總覺得叫做壽喜燒湯就有點怪怪的～～甜品是沖繩海鹽焦糖冬甩配雪糕 ，點餐app顯示可選擇走雪糕，我和朋友當然沒這樣做！！這份甜品完全是今餐午飯的焦點所在冬甩暖呼呼的，外脆內軟又帶蛋香！！海鹽焦糖醬也是暖暖的，不會過

嗰日行過油塘大本營，見到啲冬甩好吸引，好多唔同造型，但係原來有一部份已經唔再出售，但係都有五六款揀，最吸引我嘅係好立克冬甩，店員會即刻整返熱，之後再喺上面裝飾，店員好貼心，因為我外賣所以將個朱古力牌放喺中間，冇咁容易溶化，冬甩好鬆軟，唔會好甜，個朱古力好味😋買兩件平啲。

大本型沒有什麼好吃，這間已經是我們比較喜歡的一間，其實都已經食過好幾次，突然即興想分享一下。😁食物選擇可以參考以下的餐牌，主要都是套餐，一個主食加飯或烏冬，跟一杯指定飲品，還包一份雪糕donut，也是我最喜歡的，donut新鮮暖暖的，配合雪糕一起吃，喜歡啊！價錢合理啦！環境就一般，我會選擇非繁忙時間去的。總括來說，大家來大本型時，沒有什麼主意吃什麼，不妨試一試。

因為媽媽冇煮晚飯嘅關係，所以第二日冇得帶飯返工，唯有同同事出去食飯，同事帶咗我去呢一間餐廳食午餐，話又抵又好食，試完之後我只能講一句不能認同更多😋其實之前已經有介紹過佢嘅冬甩🍩不過去食佢嘅正餐我都係第一次。呢間餐廳嘅裝修風格好日本，加咗好多紅燈籠喺門口，右邊就係專賣冬甩嘅地方。入咗去之後發現佢嘅防護措施做得好足，因為連凳後面都加咗膠板🤣同事推介呢度嘅午市套餐，$78可以揀一個餸、飯或麵、甜品同埋嘢飲🧃🎈黑椒牛油蜜糖芥末鍋燒炸雞配櫻花蝦濃蝦湯烏冬佢嘅炸雞好香脆，加咗粟米、蔥同埋芝士，雞肉都好嫩滑，而且每一舊雞都好大舊，數量好多，最後我係食唔晒嘅。呢個烏冬我都係強烈推介❗️佢嘅櫻花蝦味好濃郁，烏冬能夠掛湯，煮得好入味，而且會食到一啲櫻花蝦嘅蝦乾，個湯都好好飲！🎈芝士蕃茄鍋燒坎飯我朋友叫咗同樣嘅餸，所以唔另外介紹。不過佢就嗌左呢一個飯，呢個飯嘅芝士好多，佢加咗蕃茄同埋一啲辣醬，所以唔食得辣嘅人最好就嗌其他嘢食。我試過佢個飯之後，都係覺得烏冬好食啲。🎈 鍋燒蜜糖芥末雞軟骨餃子（4隻）呢個雞軟骨餃子都係好食嘅，餃子皮好脆，其實咩嘢食都好，只要上面加咗芝士都會特別好食😂🎈天婦羅拼盤單點拼盤入面有炸薯

終於發現到香港有好食嘅冬甩🍩🤩平時去旅行好鍾意買mister donut 好多亞洲地方都有 但係好偏偏香港冇😣有日經過喝間日式餐廳見到有眼花繚亂嘅冬甩 即刻買黎試下😋🍩冬甩外賣 $30/2件我揀咗黑白朱古力味同埋阿華田味。🍫我係試咗黑白朱古力先。一咬落去勁煙韌 係我最想要嘅東甩口感😍再加埋上面嘅黑加白朱古力醬 成個口感好滿足 有時出面冬甩會好死甜佢唔會🥰實在太好食😍😍😍阿華田味就比較失色。雖然冬甩一樣煙韌 但係佢係就咁將少少阿華田粉撒上去個冬甩度 所以完全食唔到阿華田味 只係食到朱古力醬嘅味😅😅如果佢成個冬甩都係阿華田醬就好了😅

呢間餐廳主打二重鍋，即係主食同菜式分開上，而主食就有啲Risotto，只係日式料理版本嘅Risotto。蜜糖芥末煮豚肉 + 芝士濃蝦湯燒炊飯 $78蜜糖芥末煮豚肉個湯底好正😍啲菜索曬湯味，配菜比主角豚肉出色🤣芝士蝦湯飯，啲飯索曬蝦湯味👍🏻美中不足就係芝士可以拉絲但無咩芝士味，如果加多款車打芝士增添風味可能會更好🙈沖繩天婦羅·牛肉壽喜燒烏冬 $108天婦羅拼盤樣樣出色，番薯條、紫薯春卷，蕃薯紫薯控會❤️嘅小食。牛肉壽喜略嫌烏冬煮得有啲淋，如果縮短煮嘅時間會有咬口好食好多😛

上一次，帶女兒行山，完成後去食晚飯，有海鹽焦糖冬甩雪糕，女兒超級喜愛，忘卻了行山的辛苦。所以今日行完山後，又帶她們去回味。下午五時半，趕及在限聚令六時關門前，只是叫了五客海鹽焦糖冬甩雪糕。一件熱冬甩，上面加雲尼拿雪糕，下面有焦糖汁。這個冬甩不簡單，用空氣炸鍋即叫即做，不油膩，脆卜卜，加上雪糕，好好味呀。 熱熱的冬甩，配上雪糕，好。海鹽和焦糖汁，味道昇華。 總評味道：雪糕好好味呀環境：在商場大堂的一旁，餐廳內部不大，座位有點逼；服務：電話 QR code 落單，服務員主要負責帶位和傳菜，上菜速度一般；衛生：OK抵食：海鹽焦糖冬甩雪糕不便宜 沖澠二段料理 Antoshimo Cafe & Bakery油塘高超道38號大本型2樓211號舖

大本營哩間餐廳除左有得食正餐之外，仲有好食又好睇既冬甩🍩賣，同同事食完午餐後，好多時都忍唔住買返個返去食。今次我地就買左四個share，咁就可以試多啲唔同既味😋😋😋佢既冬甩底基本上係一樣既，全部都煙韌好咬，黑白朱古力同士多啤梨味最好食！冬甩唔會太甜，而且每個冬甩都會送一塊朱古力，個樣仲好得意😆買完記得趁熱食，凍左口感會無咁好。

趁著假日搭懷舊小輪到三家村、礦石場感受60年代香港打石業的文化後，附近油塘地鐵站享受現代商場的便利，真的還好三家村這帶的歷史區域都有被保留著，讓在都市生活中還有一個能讓人快速隱世的空間。遠遠的我就被門面甜點櫃的冬甩給吸引，很湊巧的前幾日還在問朋友，香港是不是沒有Mister Donuts ，原來早先年是有的，終於有機會在香港也能吃到日式Donuts的滋味啦！店內的空間佈置滿滿的沖繩石獅像，增添店內滿滿的沖繩風情與可愛感，加上聖誕裝飾，都可以來這好好感受日式風情的聖誕感🎄特別的二段料理，可以點上一份主菜+主食，所以兩個人就會有四個料理可以一同Share，整個就是超豐盛大餐，但其實套餐組合都只要78元，CP值超高我今天點了壽喜燒鍋煮美牛+超番茄烏冬有種在吃涮涮鍋的感覺，有清爽的青菜與牛肉，配上濃稠的番茄湯，烏冬的口感嚼勁十足，份量充足，絕對飽食。甜點就是今日超期待的冬甩🍩，原味冬甩、香草雪糕、森宇牛奶糖醬、紅豆泥，日式的冬甩其實就很像蛋糕，鬆軟又帶有麵粉的W彈口感、溫熱的配上香草冰淇淋，另外配上牛奶糖口味的醬，好似回到童年時代，或是與香醇不膩的紅豆尼一起搭配，口感也是超好，一個冬甩可有四種

每次行過大本型，都忍唔住要買一粒去醫肚。而家外賣做緊$30/2件，即叫即做，保證熱辣辣！今次食咗焦糖味同黑白朱古力味。基本上個冬甩底味道一樣，但面頭的裝飾會有不同。當日買完外賣，見到餐廳唔係好多顧客，大膽問店員可否改到餐廳進食，店員二話不說，把冬甩放在碟盤，再送至我的座位。超級好，大讚冬甩的口感十分煙韌，味道不會太甜，現在因疫情關係冇得外遊，就當自己的味蕾去左次日本～每粒冬甩上面都會附上一塊朱古力，同樣不太甜！有一次我仲買咗返公司同朋友分享，因為真係太好食！

星期六lunch time路經大本型，間間餐廳都要等，睇吓要等幾耐。經過呢間沖繩主題餐廳，被佢地裝飾吸引咗，好彩唔係等好耐。餐廳位置比較窄，而且人好多，睇吓有咩好食先。選擇都好多，亦可以有不同嘅配答，有飯有烏冬，任君選擇，熱鍋亦有多款，有辣有唔辣，價錢合理，唔使$100 ，有埋甜品和飲品。食物質素，可以接受，高級茶餐廳feel，呢個價錢，不錯選擇。甜品，沖繩海鹽雪糕加冬甩，必食。沖繩黑糖飲品，亦可一試。由於時間太趕急，所以食得有啲急，好不過都係一個唔錯嘅選擇。

結婚周年個晚去左朋友介紹的餐廳食我們的晚餐去到又唔算多人簡單裝修都舒服佢落單好先進係俾張單你掃瞄QR Code自己落單架睇下食乜先😋A: 黑椒牛油蜜糖芥末鍋燒炸雞B:超蕃茄濃度8湯烏冬鍋（小辣）A:壽喜燒鍋煮美國牛肉B:壽喜燒湯鍋烏冬鍋感覺好有氣勢賣相都ok味道正常唔難食好岩我烏冬控食餐飲：凍黑糖菊花茶 加三元，叫左個凍黑糖檸檬茶甜品： 海鹽焦糖冬甩雪糕呢個甜品，朋友話佢爸爸媽媽最愛，黎呢個餐廳食飯，就係為左食呢個甜品，睇佢賣相平平無其，食落唔甜，真係好好食，連老公大人都忍唔住讚呢個甜品，話食完之後，成件事都好完美💕總結： 環境唔錯，沒有豪華裝修，簡簡單單，平民化的裝修，服務都ok，價錢都算經濟，以晚餐黎講，有野飲，有主食，有甜品，食物質素正常，但食到你飽飽，野飲感覺用黑糖相對會健康d,個甜品食完真係有種小確幸的感覺，讓人好滿足,諗起個甜品，好想再去食多次😋

今日同朋友lunch試咗依個set，$78一餸一主食加飲品同甜品，我點左芝士濃蝦炊飯真係好香cream cheese好creamy，餸的話仲意香口嘅我會推介大家試吓炸雞，飲品我叫左熱黑糖菊花茶，糖係自己加嘅，最後甜品donuts係最好食嘅，donuts外脆內熱配埋雪糕球冇得輸😛😛