沖繩二段料理 (大本型)

营业中

休息中

今天在大本營逛街，剛好是下午茶的時間，我跟老公都沒有吃午餐，見咗這一間餐廳的下午茶有湯麵吃，而且不用等位置，所以便來試一試！下午茶只有一個主食，小食和飲品。我點了豚肉壽喜燒湯面，紫薯甘栗酥皮酥，黑糖熱檸水。老公點了牛肉壽喜燒湯面，黑糖雞翼，黑糖熱檸水。小食先來黑糖雞翼- 偏甜，加上雞翼有紅色，不太熟紫薯甘栗酥皮酥- 這一個小食反而有驚喜，收皮很鬆化，而且入面有原粒栗子，亦有微微的紫薯味，對於紫薯控的我，我是十分喜愛的牛肉壽喜燒湯面- 牛肉比較少，而且肉味不重。湯底亦偏淡，普普通通。豚肉壽喜燒湯面- 跟牛肉壽喜燒湯面一樣，豚肉份量都是偏少，肉亦比較鞋黑糖熱檸水-個名咁靚令到我有一啲期望，但原來係普通熱檸水，再加黑糖另上可能係我諗太多，哈哈！總括來說，下午茶要50多元但質素只是普普通通沒有很大的驚喜

今日喺大本營試咗呢個下午茶， 食咗沖繩辣豆醬餃子（兩隻）, 黑糖雞翼（兩隻），牛肉壽喜燒湯麵，芝士蕃茄炊飯，凍黑糖檸檬茶，可口可樂。 下午茶同晚市嘅份量一樣, 所以喺下午茶時段到享用係最經濟。環境舒適服務都唔錯。1. 沖繩辣豆醬餃子（兩隻）： 咬到餃子入面嘅一粒粒， 感覺好得意。2. 黑糖雞翼（兩隻）： 雞翼食落後第一時間食到黑糖嘅感覺，都幾得意。不過我嫌隻雞翼冇乜肉瘦咗啲。 3. 牛肉壽喜燒湯麵： 第一時間飲咗個湯底先，甜豉油味唔錯，配埋有啲牛肉片， 配料竹湯底夠濃。4. 芝士蕃茄炊飯： 番茄味同意大利飯十分配合，其中有兩隻款嘅芝士芝士都可以分開上，根據個人嘅喜好。

懶傭傭既星期日訓到中午先起身出得門口都夠鐘食下午茶去左屋企附近既商場搵野食平時知道佢有二段蒸食 都幾抵食估唔到依家出左下午茶 唔知係咪出左好耐呢因為都無試過下午2點零鐘黎食過下午茶賣既其實都係個類野不過就無左上半部份既肉類揀但就有款跟餐小食 有雞翼、餃子、薯餅等等我揀左芝士蕃茄飯食食開二段蒸既都知芝士係可以無限添加但不知道係下午茶定轉左做法店員話依家無得免費添芝士了 好可惜濃濃既芝士湯撈埋芝士有點似意大利飯不過米粒當然不同 所以都唔係煙un既口感但芝士迷可以試試 蕃茄湯酸酸地令到芝士唔會漏但食完一半都已經好飽 好滿足跟餐小食都好味呢到既炸物都唔錯仲有杯餐飲我揀左黑糖凍檸茶糖水係用黑糖沖既 會另上加左入檸茶都飲到好濃黑糖味亦不會太甜 不錯整體黎講我都係鐘意二段蒸多D不過下午茶咁既價錢都算幾抵！試得過

濃蝦壽喜燒湯麵 整體味道普通。蝦肉份量十足，咬落彈牙爽口。但湯底欠缺蝦味，反而似沖淡左既冬蔭公湯。沖繩蒸餃子餃子用先炸後蒸的形式，所以食落有少少奇怪。豚肉鳥冬相對蝦拉麵，味道較為好。湯底味道清甜，同烏冬配合。烏冬口感都非常爽口彈牙。黑糖檸檬茶原來黑糖同茶會分開上，所以可以按照個人口味調配。第一次飲黑糖檸檬茶，味道有驚喜，略帶苦味的茶加入黑糖，都幾配合。整體：唔太推薦。第一，以油塘區物價黎講，60蚊已經有好多其他選擇。第二，餐廳食物質素一般，性價比唔高。

與阿囡行油塘大本營商場，見到一家打正「沖繩二段料理」旗號的餐廳，未試過，抱住一試心態入去試試，因為正值晚飯時段，要等半小時先有位入座，總括係食品味道不錯，價格合理，有驚喜。不過值得一提係：佢哋點菜係用marker寫落張過咗膠嘅食品選單上，用完擦咗去就得，真係夠晒環保，有諗頭，值得一讚！👍🏻餐廳裝修有啲特別，環境舒服。二段定食上蒸下煮，有主食+小食+餐飲，我點咗個甘甜黑咖哩湯麵配粟米雞定食 $68，雞肉好嫩滑，黑咖哩味道有啲似豉汁味，不過都幾好味，麵身有點林，我則比較喜歡爽口嗰隻！阿囡就點咗個豚肉壽喜燒配冲繩蒸餃子 $68，豚肉好林，餃子好夠味。小食就點咗：南瓜芝士脆皮餅，芝士味濃，配上南瓜蓉，外脆內軟，一口咬落去，芝士會流晒出嚟，味道不錯！不過都唔夠黑糖蜜蕃薯條好味，表面脆甜，蕃薯味超濃，簡直食唔停口，超正！😋😋餐飲就點咗凍檸水和凍檸茶，原來兩款凍飲配黑糖糖漿都好好味㗎！而且呢間餐廳只有黑糖糖粉，係冇白沙糖㗎！最後阿囡叫咗個海鹽焦糖雪糕冬甩 $32，雪糕凍、冬甩熱，真係有冰火嘅感覺，勁好味！

呢次係陪家姐去食呢間，其實只不過係第二次黎，當時只係12點正就只有兩檯人，至到我哋食哂就滿哂人（1點幾），呢到係有套餐式同單叫，套餐係會有一大碗燉飯、一個餸、一個小食同一杯嘢飲，盛惠68-88蚊。本身想叫炸紫薯餅同椰汁咖哩飯，但佢話賣哂黑椒炸雞、蕃茄芝士燴飯、黃芥末豚肉片、黑糖檸檬水***黃芥末豚肉片不鬆散，放在一起，一團東西似的，當中芽菜是最好吃**黑糖檸檬水：如果沒有倒入七成黑糖是無法嘗到黑糖的味道😄😄整體來說是可以接受，但卻很昂貴，未試過的人可以嘗試喔！😄😄

一個人因工作關係來到油塘，對呢個地方不太熟悉，不知食什麼好，見到這間餐廳坐滿人，裝修別緻，就取飛等位，一人關係好快就有位，侍應給了我一支marker及餐牌，我有點摸不着頭腦，marker用來做什麼呢？原來是用來點餐用的，我點了一個套餐及小食，還有甜點，非常滿足。用marker 在這餐牌點餐，點餐方法幾特別。飲品不是用普通沙糖，是用沖繩黑糖。我叫了豚肉壽喜燒麵配蒸較子，沒有特別，味道一般，但小食黑糖蜜蕃薯條就好香蕃薯味，配黑糖好正，食唔停口！這個甜品叫海鹽黑糖雪糕冬甩都好好味！第一次來油塘竟然帶比我驚喜。

因家人居於油塘，大本型自然是常逛之商場。早年曾淺游沖繩，苦瓜味，初接觸海葡萄的口感，阿古豬的香依舊如新，對沖繩頗有好感。見證此店由上手結業，裝修到新店開幕，也抱好感，今天獨個兒有空檔，是機會來懷念一下沖繩味。這店賣的沒有我的回憶，卻主打二段料理，即下層為煮物，可能是燴飯或烏冬，利用蒸氣蒸煮上層的食材。我在沖繩沒有逗留很久，真是大鄉里，又增長知識。店內有套餐比較相宜，不過餵口不合，所以散點了幾層。前菜不到五分鐘就來了，不過只是惡夢的開始。點的是流心豬柳酥餅之類的名字。本身以為和蘇格蘭蛋相似的料理，可惜內容不過是普通調味豬肉免治餅，放上半蒸煮太陽蛋，沾上麵包糠，為怕蛋過熟，就只能淺炸。如此做法，第一吸油太多，因為沒時間調高油溫炸第二次，沒能迫出油份。第二表面不夠脆，第三內裡也不夠熱。我是今天第一位客人，所吃到的也不過溫熱而已，想必廚房一早就備了不知多久。然後上的是主菜。我點的是蒸咕嚕燒賣，蕃茄芝士燴飯。店員送菜來的時候，一開蓋，我真的有想離店的衝動。蒸燒賣塾底的可能為了美觀，用上了彩椒和芽菜，可惜兩樣東西都沒有預先處理。芽菜需以白煱煸透，波椒也應過油，兩樣都沒有加工，蒸出來一股菜腥味，而且

大本型之前開咗間新嘅餐廳「沖繩二段料理」，仲未有機會試。星期六係同層順豐速運拎件，見唔係好多人等位，望望餐牌，款式都算多選擇，價錢亦可接受。 一坐低見就到有2張menu，可以喺上面剔嚟落單，環保方便，圖文並茂，清清楚楚, 枱面上設有小柜桶，可以自助取餐具第一次食，所以叫左人氣No.1既燒賣椰子咖哩飯及黑咖哩雞烏冬，埋單要二百幾，但食物賣相唔及餐版相吸引，雖然味道不錯，但賣相減分。燒賣好軟，可能係蒸既關係，賣相差d，但感覺好健康，唔肥膩。椰子飯味道很濃，口感像湯飯，就咁食都食哂成煱。黑咖哩烏東，有點黑椒既辣味，咖哩湯很濃口。整體都不錯，但性價比，未必會再食。但反而，定食送既甜品，donuts 係cafe 入面既主打，堅好味，係上面塊朱古力有點難食送既檸茶都還可以。整體味道不錯，尤其是烏冬彈牙。肉方面，豬肉味道比雞肉好，味道算一般

多年前係mikiki 分店食過，估唔到咁多年都冇變，只係價錢貴左。朋友話想食呢間，雖然覺得味道普通，都入去食。以沖繩二段食招來，其實只是普通食材同配搭，所謂二段食，就係分別叫一飯/noodle, 再加一個主食，分開兩盆上檯就是了～朋友話唔hungry, 佢只叫了上段 「蕃茄湯烏冬」烏冬差點痴底，湯又太少～我就叫了兩段食，個主食同朋友share~南瓜粟米雞，全部食物都係白恰除左個雞，有醬汁同炸過！加小食：粟米蕃薯餅，正常味道，但太細粒沖繩黑糖檸檬茶，竟然係普通熱檸檬水，然後叫你自己加黑糖落去～ OMG! 如果唔係陪朋友，係唔會食lor

此店主打二段料理! 二段料理即是上蒸下煮!亦即是上面是用蒸籠蒸熟食物,而下面則是用鍋煮熟食物!!基本上佢有套餐 和 散叫 二種!! 當然套餐就抵食D 和不用煩要去選擇!! 而散叫則比較個人化, 安自己喜好選擇食物, 但就比較貴!!雖然佢主食是二段料理!但估不到雪糕冬甩比主餐更出色!!個冬甩外皮很脆口, 甜度不會太甜, 較合亞洲人口味!! 雪糕就是普通的雪糕!!二者合起來就好好食!!自選小食併盤, 可選3款食物, 但食物配上甜味的汁, 有點特別, 但喜歡與否就見人見智!二段料理都叫做幾好食, 個烏冬是在鍋內煮熟的, 因為烏冬在鍋內黐底。 其實2款烏冬都好食, 不過個人覺得牛喜燒比咖哩烏冬好味!整體而言, 主食食物屬於中間但偏向上少少, 不算十分特出! 但個雪糕冬甩就真係造得出色!!最後, 待應服務算不錯, 很有禮貌，要什麼都比! 可惜人手不足, 你要叫到佢就要花點時間!!

服務態度差，食物又要劣食，千祈唔好呢度真心🤦🏻‍♂️真心好難難難難難難難難難難難難難難難難難難難難難難難難難難難食，唔信你地可以過嚟自己試吓，快啲過嚟試伏啦大家😂😂

呢日喺大本型返工，好日都唔過呢邊一次，真係唔知有乜好食，當然要OPENRICE下～因為唔想去food court同人逼，又得自己一個食，所以揀左呢間裝修似露天CAFÉ，感覺坐得幾舒服既沖繩野未去過沖繩，風味正唔正宗就不予置評啦，但餐牌上既食物係幾新奇既，特別係呢個二段炊飯，感覺有啲似蒸汽石鍋。我去既時間係三點幾，所以有下午茶選擇，價錢唔算平但份量多。我揀左個檸檬蜜糖芥末豚肉芝士蕃茄炊飯($58)，定食包一杯餐飲。話明沖繩野一定唔少得黑糖，但黑糖檸茶檸水其實都係俾樽黑糖黎自己加，無咩特別主角既二段炊飯～～～芝士蕃茄炊飯湯底濃郁，蕃茄味濃，唔係茄膏溝水，飯粒索哂蕃茄湯既精華，綿綿地，夏天食起黎感覺無咁滯。面頭大大塊芝士，但湯唔夠熱，大部份都坐唔溶，勉強有拉絲效果，但同蕃茄味係夾既，塊蕃茄就偏生所以無食到。檸檬蜜糖芥末豚肉配菜有芽菜、秀珍菇同蕃薯，健康啲之餘加落飯度可以增加口感，但菇感覺唔算新鮮，有啲草腥味，蕃薯幾甜但得兩舊略嫌少左啲。豚肉大約有六舊，肥瘦適中，檸檬味唔出，主要都係食到蜜糖芥末既味，反而加左肉鬆有啲鹹鹹甜甜咁，味道幾夾幾驚喜。整體黎講如果想食得豐富飽肚啲又坐得舒服，係個唔錯既

尼一間之前已經想試,但上次唔餓,怕食唔晒,所以無試 今次終於可以一試喺門口㩒兩人的飛仔等待, 等左大概10分鐘左右,本身都係未入得, 但另一邊4位的只有一個人在等, 唔知係咪要過半數先入得, 所以我就即刻入得了同另一半叫左兩個餐, 不過大家對黑糖都無特別興趣,揀野飲個陣都有d擔心,因為除左可口可樂外, 就係黑糖的冷/熱檸檬茶/水 不過原來擔心係多餘的, 因為黑糖係另上的,自己添加叫左個 蜜糖漢堡扒豆腐芝士蕃茄炊飯個漢堡扒一入口, 我的另一半第一句是 M記, 但係陣味似, 不過好鬆身,唔會死實實,亦好厚身 但個飯其實好博, 因為加左羅勒葉(九層塔), 不是人人接受得到, 幸好我兩人都可以接受 , 因為另一個餐。。。。都係芝士蕃茄炊飯檸檬蜜糖芥末豚肉芝士蕃茄炊飯個豚肉最好係攪拌完個飯再加豚肉落去, 一係叫佢地換左佢啦 我的還好, 算係暖,但後面有檯表示已經凍左,要求換 最後的最好食的,亦係最多人讚的冬甩真係好好好食 尤其係個冬甩本身煙韌又熱熱地,加被冬甩熱溶左少少的雪糕,再加左少少薯蓉雖然係好飽,但忍唔住外帶一個 尼個多好多紅芋, 係唔夠熱, 如果熱返少少就更正 總括 套餐偏貴, 散叫比

一坐低見就到有2張menu，可以喺上面剔嚟落單，環保方便，圖文並茂，清清楚楚~枱面上設有小柜桶，可以自助取餐具~食炊飯有教學，初體驗都無有怕！CBUN咖哩包$22~外面炸到酥脆內裡香濃咖哩，份量唔係好大，三個人SHARE，一人一口嘗一嘗!感覺出奇地唔油膩!餐配飲品只有2個選擇~1.凍蜜桃紅茶2.熱玄米茶我選擇咗熱飲~只係一般茶包沖出嚟，無咩特別~L12黑咖哩雞肉烏冬HKD68L9沖繩蒸餃子配牛肉壽喜燒湯烏冬HKD62L2岩鹽蒸雞壽喜燒飯HKD56我選擇咗呢個SET，初初見個飯好似比好多汁浸住咁，以為食落好似粥咁，點知撈撈吓又唔會水汪汪喎！個汁同啲飯融為一體，個壽喜燒汁都好入味，最鍾意係佢有南瓜、芽菜同菇類，成個餐感覺健康啲~而個雞肉有少少辣，非常夠味，灑上一啲汁，好開胃呀！呢個價錢同份量，似乎喺夜晚食比較適合。