沖繩二段料理 (大本型)

营业中

休息中

一行三人去到油塘大本營辦點事情，未開始前先食個午餐。原來這商場也不算小，食肆臨立，單是食日本菜的也有好幾家，因為有事要辦，所以也不會逗留很長時間，最後我們選了這家連鎖式的沖繩二段料理。所謂二段料理，就是主食與菜式分開盛著送上。食店的裝潢一看便知是提供日式料理，食店的位置在商場的中間，並不是靠牆，外圍以矮的間隔代替密封式的實牆。既然店名亦包含Bakery，當然少不免有餅點，而且有著各種平常少見的造型，別具特色。中午時段，食店以二重鍋套餐為主，也就是二段料理，包括一份鍋燒餸、一份鍋燒飯麵、一份甜品及一杯飲品，而且價錢不算貴，都是$78，做推廣還可以減$10。我們一位要了柚子鍋燒咕嚕雞及芝士蕃茄鍋燒炊飯，一位要壽喜燒鍋煮北海道黑豚及芝士蕃茄鍋燒炊飯，另一位就要照燒鍋煮雞扒及壽喜燒湯鍋烏冬鍋。甜品是海鹽焦糖冬甩雪糕，飲品就一杯熱黑糖菊花茶、一杯熱黑糖檸檬水及一杯凍黑糖菊花茶。熱飲的黑糖是分開上的，上完飲品後，就每人兩鍋都一齊上，每個鍋都有一個木製的盛器裝著，頓時把小小的桌子都擺放滿了。壽喜燒鍋煮北海道黑豚湯底帶甜，配以椰菜，黑豚肉切得很薄，都有很多片。芝士蕃茄鍋燒炊飯以蕃茄湯做底，上面放了車打

今日去食蟹個個火鍋，原來係無火的，食曬鍋d野再就咁浸個烏東落去......另加左番薯條都幾好味同埋送個甜品（冬甩+雪糕）都好味，但係個火鍋真係失望，因為上次食牛個個係好味的

最近大家為左疫症都避免外出用餐，大多改為外賣。有餐廳為左吸引食客光顧都推出唔同優惠，就連我平日唔會外賣的都比呢類優惠吸引左～ 呢日經過見到外賣買一送一，加上店員介紹餐牌，令原本打算買餸回家煮飯既我頓時改變主意以仍支持～有6個款式，每款有2種煮法我地點左壽喜燒鍋煮美國牛肉配紫菜紅豆蒸飯，另一份配北海道黑豚。每個餐分別有一盒紅豆蒸飯，一盒係餸，紫菜一包半價左同買個蒸飯差不多，又唔馬虎真係好抵食～

拜完山見肚餓，但時間太尷尬，大本型部份鋪頭過左下午茶，但又未開始晚市，見到呢間鋪仲有下午茶，就入去一試。因為客人唔多，店員俾我地自由選擇自己感覺安心ge座位。落單係自己嘟QR code自己禁，呢度下午茶餐好抵食，$88一個二人下午茶，可以選兩個主食、一個小食、兩杯飲品。是日優惠有$19一客雞翼。午餐都係$74一個主食，一個小食，一杯飲品仲有個冬甩雪糕送。因為佢地啲野食係用鍋上，結果我地3個人但枱面放左6個鍋。佢下午茶份量都唔細，感覺食左個晚餐咁。食物味道都不錯，冬甩口感好QQ

一開始睇錯咗以為68蚊a加b配嘢飲原來係68蚊起 🙄個濃蝦壽喜燒湯麵超級難食，一放低已經聞到一陣好奇怪嘅味， 超級重薑味所有辣味都係來自薑, 同個湯底嘅蝦味完全唔夾。 個湯底一啲壽喜燒味都冇食落去係好似有蝦味嘅薑汁🤢 個壽喜燒湯烏冬同樣超級難食，又係一啲壽喜燒味都冇然後超級重薑味，呢個直情一路食一粒粒薑粒喺度。兩個餐嘅配菜即係牛肉同豬肉分量超級少,只係得四五片,每一片都薄過打邊爐嘅肥牛而且超級細塊。 如果平都唔緊要問題係成一百蚊個餐竟然分量少又難食😞跟set送一份海鹽焦糖雪糕冬甩, 味道正常就係一舊冬甩加雲呢拿雪糕加焦糖醬。 叫店員想甜品嘅時候態度唔係幾好,等咗十分鐘都未有甜品就問問店員, 佢話而家幫你執埋張枱咪同你上囉... 喺門口考慮入唔入嚟食呢間嘢嘅時候個店員態度超級好,食完嘢叫佢上甜品嘅時候啲態度即刻180度轉變🤗

呢間主要係食沖繩二段料理🧑🏼‍🍳二段料理即係上菜嗰陣時分開兩兜野上層係新鮮嘅蔬菜同肉類！下層就係飯或烏冬配😼唔同嘅湯底/配料 eg 芝士！！😛我試咗蕃茄芝士炊飯🍅🧀可能抱有太大嘅期望所以食落肚感覺普普通通 好似普通湯飯😂😂但都ok嘅 好大份好飽肚🤪-介紹返今日嘅主角——海鹽焦糖冬甩雪糕👅😋我係中午時間去食嘅佢menu後面話嗌咗一份二段料理可以免費有海鹽焦糖冬甩雪糕/包含麻薯或其他口味嘅冬甩🍩呢個係波提冬甩！咬落去好脆入面好煙韌，雖然有少少油膩但因為好香口所以你會忍唔住一啖一啖食晒佢🥰加埋個甜甜地嘅雪糕同鹹鹹地嘅焦糖醬簡直一流🤩仲有一粒好細嘅紫薯蓉🤣都幾好味-評分：8.5/10 (甜品only）價錢：冬甩係二段定食贈送 （原價：$38）📍Antoshimo Cafe & Bakery 油塘大本營分店📍

人大左 生日正日多數同男朋友過😆但屋企人從來都無忘記我生日🎂今次佢地帶左我黎到沖繩二段料理由於成十個人去食 叫到成枱都係我決定介紹幾樣我推薦嘅料理😋1.麻花鍋燒撈麵 呢個麵可以話係超正少少辣加特製嘅醬汁 我地encore再encore😋2.黑椒棒棒鍋燒餃子 好惹味 皮薄餡靚👍🏻3.柚子鍋燒雞翼 淡淡柚子味配上嫩滑雞翼天作之合 令我完全愛上左佢🐣最後‼️黎到一定要食嘅係海鹽焦糖冬甩雪糕‼️係超級❗️超級❗️超級好食😋😋😋大大個雲呢拿雪糕淋上暖暖的焦糖醬面頭散上少少海鹽 味道有啲似拖肥一啖雪糕一啖冬甩 prefect match❤️P.S 要讚下經理 落手落腳服侍我地枱服務勁周到 下次一定會再去😳-裝修環境：✨✨✨✨✨服務態度：✨✨✨✨✨食物質素：✨✨✨✨✨(5個✨為滿分)唔信我嘅可以自己去試試😂

原本想去隔離既客家好棧 但要等位，見呢間有位就來試下壽喜燒點知成個壽喜燒湯都只有薑味 每啖食落口都勁多薑粒同薑渣其他野食都無特別 份量適中。唔洗等位又無乜期望既可以一試。但我應該唔會再來👋🏻

呢一間餐廳新開嘅時候我同同事見到出面寫住沖繩兩個字 咁就諗住係食日本菜啦但係我哋一坐低見到個Menu就覺得非常之奇怪 我哋完全唔覺得似係日本菜甚至係唔知係似邊一個國家嘅菜式而且我哋仲有叫到啲嘢食嘅味道係非常之古怪

我本來是翻上手手提電話「開飯喇」戶口的舊賬，光顧位於油塘「鯉魚門廣場」裡面的某間連鎖食店，食回我在西貢墟舖頭無法享用的牛肉飯，可惜那間「鯉魚門廣場」連鎖食店位店員告訴我，牛肉飯已經售罄。我被迫在「鯉魚門廣場」跟旁邊的購物商場「大本型」裡面尋找，尋找一間還有牛肉可以食，我以前又未曾幫襯過的「油塘」餐廳。結果我真的找到了，找到以前在「大本型」都沒有發現的新餐廳。這間位於油塘「大本型」商場裡面餐廳的名稱，叫做「Antoshimo Cafe ＆ Bakery」，「Antoshimo Cafe & Bakery」還有其他分店，我之前曾經光顧過位於鑽石山「荷里活廣場」的分店。「Antoshimo Cafe & Bakery」屬於走「沖繩風」的日本菜餐廳，由於「沖繩」屬於位於「太平洋」的列島島嶼，天氣比較溫暖，所以「沖繩菜」大多數以比較開胃的菜式為主。例如「Antoshimo Cafe & Bakery」裡面有一款麵包，屬於類似「冬甩」的甜味糖圈食品，名稱跟坊間的「冬甩」沒有分別，只是食法不一定需要直接享用，可以配雪糕變成甜品。另一方面，或許是因為「沖繩」氣候相對比較溫暖，盛產「黑糖」的關係，所以「

以前食沖繩料理都是以苦瓜海葡萄為主。麵食主題還是第一次，在店外見到得意的甜品就被吸引去試。下午不太多人，還有點陽光幾舒服。食店有不同套餐可選擇，今次選了餃子麵，柚子雞，雞翼，流心蛋豬柳。印象中雞翼一般，沒什麼特別。但餃子麵甚有獨特之處餃子皮薄又軟滑，上面的汁帶少少芝士味，不濃不淡幾夾，肉嫰可口。湯汁濃味恰到好處，面頭小蝦雖細，但原來十分鮮香，麵彈牙之餘亦夠軟滑，原來裡面更混入了些少米粉（似馬來西亞蝦麵），令口感更Q彈。真的超出預期的好吃另外就是要讚讚流心蛋豬柳 外面薄薄一層脆皮。裡面流心蛋還有蛋汁流出，夾埋豬柳一起食，熱食好得意的口感，味道也不錯。反而柚子雞沒什麼特別，柚子味不太濃，皮覺得太厚，整體太油。飲品叫了黑糖檸茶感覺幾好，味道覺得較平常的清淡健康。

餓住個肚去拜山，又凍又餓食左個幾鐘頭風，一落返山馬上要搵食！好幾年前曾經係朗豪坊分店（已執）食過佢既炊飯，印象中一般，不過濃蝦控既我見tea menu有呢個蜜糖芥末餃子配濃蝦撈麵$45，又好似唔錯喎🤤又餓又凍唔諗咁多，就一於試下！加$5重有黑糖熱檸水，waitress係俾啲黑糖你自己落，檸檬好新鮮，因為督完超酸😂感覺即時增加好多維他命C🤣。落完啲黑糖成杯檸水帶有淡淡黑糖香，好味！因為waitress話個撈麵即整要等耐啲，等左十五分鐘終於黎喇！面頭有好多蝦皮，雖然話撈，其實都算係湯麵只不過少湯啲，湯有啲橙色既油，飲一啖😮😍係熟悉既喇沙味！幾重蝦味👍🏻食食下見到有啲喇沙醬原來未撈勻，重有啲煮到好淋既芽菜。餃子食落唔脆不過個餡幾好食，入面有豬肉同椰菜，配料除左有餃子重有兩塊鳴門卷同粟米粒。賣單加埋一$50食飽飽都幾抵！

喺油塘收工唔知食咩就去咗大本營食呢一間見到佢分量唔算好多。我就叫左一個番茄烏冬配蒸魚柳個魚樓係幾好食嘅但係估唔到佢係一啲煎過嘅，之後有一啲芽菜南瓜同埋雜菇，但係冇乜味，好清淡。而咗個番茄湯底係有少少立幾惹味嘅個烏冬亦都煮得岩時間，不過由於個煲比較熱個湯底就不停熱住，有少少痴底。另一份就係牛肉壽起燒烏冬配沖繩餃子。個牛肉係好強嘅雪藏味而且個湯底有啲鹹所以食落去唔太吸引沖繩餃子亦都係一般。最後晚餐係會有送上甜品同埋配一個餐飲嘅呢一個甜品係海鹽焦糖冬甩雪糕。要讚一讚佢嘅冬甩係做得唔錯嘅佢係嗰啲有咬口煙煙銀銀嘅冬甩配埋個凍冰冰嘅雪糕好食不過整體上我認為呢一間餐廳只係一般

今日情人節出去食飯一定好多人，於是去咗唔係油尖旺果啲鬧市區，嚟咗油塘覓食。見呢間情人節限定叫餐送甜品，決定試下。二段料理原來解上蒸下煮，煮法都幾新穎。濃蝦壽喜燒湯麵配沖繩蒸餃子（微辣）-湯底有少少喇沙味道，甜甜地辣辣地又有啲鮮味。蝦都算幾大隻，而啲麵原來係拉麵加米粉，參參咁真係估佢唔到。餃子個醬加上食入面啲肉碎好似食緊炸醬咁，配搭幾新鮮。芝士蕃茄炊飯配魚柳，芝士都幾濃味，蕃茄飯酸酸地好開胃，好似食緊泡飯咁。熱黑糖檸檬水，原來係自己加黑糖代替砂糖，有gimmick海鹽焦糖冬甩雪糕-最有驚喜，冬甩外脆內軟，口感似牛脷酥，海鹽焦糖味又咸又甜原來味道都幾夾，好過癮。埋單兩人$200，都唔算貴

上次在午膳時間因為超級多人，等了差不多40分鐘仍未能入座，所以今次選擇在年初一下午茶時間入座，真的很少人，相信大部分人去了拜年！我特地安排要座在角落位，自在些！起初以為二段鍋的份量很少，但原來很足夠！芝士蕃茄炊飯配漢堡扒豆腐：首先我根據指示把芝士放入炊飯攪拌均勻，然後再加入自己喜歡的菜後進食，味道及口感真的不錯，而漢堡扒好厚又多汁黑豚秋葵鍋燒沾飯：第一次食秋葵，被星星的型狀所吸引，口感也特別，黑豚鍋也配上芽菜、嗚門卷！柚子鍋燒雞壽喜燒湯麵：燒雞的肉很入味，而且外脆內嫩配上清清的燒湯麵🍜，十分適合！最驚喜的是海鹽焦糖雪糕冬甩：我們用刀切開一粒粒冬甩再配上焦糖雪糕食，十分好味