沙嗲王 (新都城中心二期)

营业中

休息中

新都城沙嗲王係好多新都人寶琳人嘅飯堂 由細路仔學生時代窮到褲穿窿，幾個閨密聚腳一齊慳慳地食白咖哩豬扒飯， 飲住杯凍檸茶少冰少甜係咁傾傾傾，至到而家同一家大細，沙嗲王都係咁好食， 好感動佢絕對係陪伴住我哋咁多香港人成長嘅飯堂，我覺得佢真係好好嘢keep到個品牌咁多年 真係唔容易座無虛席叫咗個二人餐次次嚟到一定要蟹粉豆腐鍋 因為實在太肚餓食咗 食四分一碗飯先諗起影相沙爹牛肩胛米線牛肉唔多但係最好味係個湯底濃厚的沙嗲湯底 啲細路嘅favorite仲用嚟撈飯添 冇眼睇不過我個人喜歡揀粉絲多啲避風塘軟殼蟹提提大家一上嚟菜 千祈唔好立即咬落去外面炸到脆卜卜 咬入去真係會辣到嘴裡邊中好juicy添這個是新咗兩個月的菜式炸雞拉絲芝士拼盤真係拉絲㗎不過超好熱氣要好多人share先好食性價比最大化搵食攻略 -叫二人餐基本上餐牌入面有的都在裏面你可以揀得到所以二至三人都可以食這個餐二人餐平在計過條數你當送飲品給你如果你一家四五口的話炸雞唔好在二人餐裏面叫另叫 埋單時影埋門口隻雞 可以減十蚊埋單時餐廳仲會送你xo辣醬添仲有一招就係做會員因為每次啲積分下次用返你當等於唔使畀加一

假日到新都城逛逛，見到有沙嗲王就直接選擇這間，等位時間唔算耐，叫了兩個午餐，一個巨髀咖哩雞飯，另一個厚切吉列豬扒飯。一杯特飲及凍奶茶。味道同份量都充足，上餐時間很快。

好耐冇食過沙嗲王啦，難得今日一個人出嚟食lunch，就嚟咗寶琳呢間沙嗲王～梗係要嗌我最鍾意嘅白咖喱豬扒飯💕因為過左lunch time時間，唔使好耐就可以入座👍上菜速度都幾快，食物溫度熱辣辣，正😋咁耐冇食，味道依然一樣👍豬扒煎炸過，微微脆口，香茅味非常入味，好香口好好食🫶🏻白咖喱汁入口有淡淡既咖喱味，係好香甜嘅咖喱，呢個味道真係好令人上癮😍食左10幾年仍然都係咁好食😍😍超讚😋😋😋

今日嚟到寶琳食沙嗲王我就叫左一份白咖喱豬扒飯✌🏻✌🏻白咖哩果然係鋪頭嘅招牌！🤤食落口味道比較甜，亦都有一種咖哩香，溝埋豬扒食真係一絕！😛😛豬扒亦都係無骨(非常好👍🏻)，同埋有少少脆口，點左汁即刻咬都保留脆脆地嘅口感😙😙非常好食！！

食過N次依然覺得好味道的招牌♡白咖哩香茅豬扒飯，至愛。下午茶時段，$56包熱飲，份量十足，有3塊豬扒。豬扒香茅味十足，白咖哩多汁及充滿椰香味，豬扒有炸過，脆口彈牙，有食完想再食的感覺。今次略嫌配的白飯偏硬。加$12有烟肉娃娃菜，啱晒經常外出用膳又想食下蔬菜的我們。娃娃菜上枱夠熱，軟硬適中，整體味道不錯。至於飲品，熱奶茶不用加錢，奶茶夠滑，不用落糖都無苦澀味。餐廳環境夠大，多卡位，都：幾好坐。整體感覺滿意，會再黎光顧。

係因為有朋友大讚沙嗲王嘅早餐，好好食，所以就過去試一試。沙嗲王晚餐周不時都會食下大早餐真係第一次食櫻花雪菜肉絲即食麵配糖心蛋，蒜蓉烤餅 -$36份量黎講同出面嘅茶餐廳差唔多但質素係中上，首先，肉絲好粗身亦有走油，平時茶餐廳雪菜肉絲嘅肉絲大多都係白恰同幼身，而且沙嗲王嘅肉絲同雪菜比例有1:1 算係幾難得👍🏻炒蛋又可轉糖心蛋，糖心蛋無花無假真係流心，有時連某啲日式拉麵店都做唔到流心，但沙嗲王做到喎👍🏻最後食蒜蓉烤餅唔夠熱，一來好早就黎咗烤餅，等咗4-5分鐘先到麵, 無耐性嘅朋友要考慮下，因為佢出餐嘅速度幾慢，唔知關早餐時段廚房唔夠人定係撞啱今日係咁😅

好開心呀，今日同個朋友去游水，先發現原來寶琳呢度開咗間沙嗲王。記得以前喺觀塘都有一間分店，細個成日同屋企人到觀塘加勒比海盜主題嘅沙嗲王，走既時候就會送辣椒醬，同薄荷糖。眨眼間幾十年，小飛象，蓮香樓嗰啲都執咗，但係沙嗲王依然屹立不倒，但係經典嘅辣椒醬就冇再送啦，有啲可惜。以下係Menu不過我覺得配飯係最好食，於是都冇諗其他選擇。仲有好平嘅小食。份量都幾大🌟蟹粉豆腐鍋（$83）🌟呢個菜式可以講係餐廳嘅招牌菜，僅次於白咖喱豬扒飯，不過對我嚟講呢個係我心目中嘅the best! 介紹番，食物上枱嘅時候仲係bulub bulub ,熱騰騰嘅豆腐仲有香濃而且一啲都唔吝嗇既蟹膏，再配埋蟹肉，三樣簡單嘅材料，味道卻令人樂而忘返，番兜10次都冇問題，而且打卡都好靚。❤️❤️❤️❤️❤️💕💕💕💕🌟 印度烤餅配黃咖喱（$26）🌟黃咖喱一啲都唔辣，有啲甜甜地，非常港式，雖然入面冇薯仔或者任何餡料，但係味道唔錯，而且個烤餅脆卜卜，比起我平時係印度餐廳食嘅千層餅更加金黃香脆。 加$26可以食到咁正咁大份嘅烤餅真係唔錯。❤️❤️❤️❤️❤️好老土都要講句，沙嗲王真係永遠唔會令你失望😂

小編來到寶琳一間連鎖食店「沙嗲王」，其主打菜「白咖喱香茅豬扒飯」曾一度衝擊小編的味蕾😂 「沙嗲王」稱得上是學生時期的回憶，曾經是與同學聚腳的好地方，如今重拾曾經熟悉的滋味✨「鐵板黑椒巨髀薯條」以鐵板上菜，原隻巨型雞髀已拆肉，雞皮經過烤焗捲起，夠香脆帶微微焦香☺️ 厚身的雞髀油光潤澤，一切開油脂肉汁湧出，皮脆肉嫩，入口不油膩，配上黑椒汁更加惹味😍 加配太陽蛋，半熟的金黃蛋汁流在雞髀上🍗 配菜有粟米和薯條，薯條香脆可口，與烤雞髀肉配搭完美，簡直是滿足各位嗜肉者的一餐🧡必食「避風塘炸軟殼蟹」🦀 以鐵板上菜，軟殼蟹味道香辣又惹味，軟殼蟹外皮炸漿夠酥脆，爆炒的蒜蓉的獨特風味浸透蟹肉🧄 大大啖蟹肉吃得夠過癮🔥🍽 ：鐵板黑椒巨髀薯條；避風塘炸軟殼蟹👅好味指數：7.75/10；7.75/10💰消費：HK$79；HK$65📍地址：沙嗲王 (新都城中心) (將軍澳)將軍澳貿業路8號新都城中心2期2樓2001-02 & 2087A號舖

沙嗲王 (新都城中心)又嚟到星期五嘅晚上，為咗好好獎勵自己又完成咗一星期嘅辛勞，就嚟到沙嗲王食返個九大簋二人餐。-------------------------九大簋二人餐 $258前菜/餐湯🌽是日餐湯係粟米忌簾湯，粟米好香甜，湯好creamy，好飲。🥬前菜揀咗煙肉上湯娃娃菜，煙肉幾香，娃娃菜清甜，吸收埋煙肉鹹香，唔錯。主食🍜沙嗲特選肩胛肥牛粉絲肥牛份量唔少，幾軟滑👍湯底超濃沙嗲，粉絲好幼好掛湯，啖啖都有好濃郁嘅沙嗲，夠重口味，我鍾意。🥘蟹粉豆腐鍋飯 +$10以前成日都會叫豆腐鍋，所以今次都特登加10蚊轉咗蟹粉豆腐鍋。依舊有好香濃嘅蟹粉汁，中間仲有唔少蟹肉，配埋嫩滑豆腐，口感豐富，送飯一流。小食石鍋清酒煮蜆哩個有驚喜，每隻蜆殼入面都有肉，唔會成碟都係殼，蜆肉新鮮，去沙去得乾淨。加埋清酒煮，蜆肉更加鮮甜。飲品🍫特濃朱古力配寒天波波個名形容得好貼切，果真特濃。好濃郁嘅朱古力，口感厚滑。配搭埋帶有嚼勁嘅寒天波波，推介甜品🥭鮮芒果椰汁西米露芒果香甜，仲有煙煙韌韌嘅蒟蒻西米。食完重口味嘅主食，好啱食返碗清涼嘅甜品。🍨Häagen-Dazs 雪糕今次剩係得士多啤梨味。哈根大師，品質保證👍好濃士多

筆者最喜愛既家庭餐廳之一，如果未食過既超級推薦白咖哩豬排飯，當然其他款都抵又好味。平時晚飯時間有幾大機會要排隊，建議可以download沙嗲王個app黎排隊。餐廳環境光猛而乾淨，茶記餐廳黎講坐得夠闊又舒服。點餐同好多其他連鎖一樣，都係用手機落單。如果兩個人一齊去，推介點二人餐。餐湯通常栗米湯，次次都熱上味道可以。都可以選擇加錢要薯條，都幾多下味道都唔錯。個牛柳焗飯一流，牛柳非常爽口，但個份量比佢地其他飯少左d。沙嗲烏冬夠哂濃沙嗲味。埋單三百蚊出頭，有幫襯開會有coupon可以有大概9折。值得一再幫襯。

每次食沙嗲王都好有回憶因為以前放學經過都經常食今次叫左set餐，今日仲係粟米湯🌽又ok喎！每次黎親都會必叫既白咖喱豬扒飯真係食極都唔厭😆小食叫左蝦棒幼幼長長好易入口同埋叫左椒鹽豆腐食，佢啲豆腐超滑好正今次終於叫酸菜魚試試味道唔同平時食果啲一樣，佢係另一番味道🤣避風塘鮮魷我都好鍾意❤️因為佢啲避風塘脆脆好特別，好好味😋仔仔親叫滑嘟嘟鰻魚飯，又真係幾滑喎鰻魚仲好大件

這次經驗發生在2022年2月，疫情第五波期間禁堂食，看openrice 折頭吸引，剛巧在店舖附近，很乖的到店舖下單4人份，店面禁堂食，外賣只有兩個人排隊，順利下了單，誰知價錢是正價竟然貴openrice 幾成，詢問店員，發覺只有經openrice 才有折，同是外賣，經店面下單並沒有折頭，本來見折頭吸引，才考慮幫襯，誰知道陪了夫人又折兵！我承認經驗不足，但店員為何不在下單時對我說明？明白食肆疫情中經營艱難，但可以做到位一點嘛

平日夜晚唔係好多人，所以即入唔洗等位~叫咗肩胛肥牛粉絲、蟹粉豆腐鍋飯、蟹肉扒西蘭花肥牛粉絲真係好正🤤粉絲夠幼細會索晒啲沙嗲汁🤤蟹粉豆腐煲想食好耐🤤由於我只係想食蟹粉豆腐所以冇食飯，但其實就咁食比較鹹，攞嚟送飯應該會好啲🤔蟹肉西蘭花就一如既往地好食😂令我最意外嘅係啲店員服務態度勁好😳有個姐姐見到我哋好似食完咁就過嚟問要唔要收咗啲碗佢，但其實我哋未食完所以話唔洗😂之後我哋想要啲熱水加落水壺就問另一個姐姐，佢特登攞壺熱水過嚟，仲勁好態度咁幫我哋倒落個水壺到😳我實在覺得要寫上嚟表揚吓佢😂👍🏻然後收銀個姐姐態度都ok~

好耐冇食過沙嗲王今日突然間想食有啲懷念白咖喱豬扒飯同埋蟹粉豆腐煲白咖喱香茅豬扒飯同想懷念當年嘅味道都差唔多，不過都係一年食一次好啦，食得多真係會濟蟹粉豆腐煲就真係比較失望，幾年前食係好鮮香，反而而家啲蟹就真係比較霉，食得出有浸”宿味”同埋偏腥，而且味道都好淡白咖喱香茅豬扒飯同想懷念當年嘅味道都差唔多，不過都係一年食一次好啦，食得多真係會濟。😕😕😕蟹粉豆腐煲就真係比較失望，幾年前食係好鮮香，反而而家啲蟹就真係比較霉，食得出有浸”宿味”同埋偏腥，而且味道都好淡。豆腐煲跟咗兩個薄餅，不過呢兩個字係港式酥皮海鮮湯嗰啲酥皮咁，其實同蟹粉豆腐煲唔係好夾。之後有機會先再試啦但短期內都唔會再食了😂

行山前當然要食個靚早餐，今次係寶琳站出發，就去左新都城中心既沙嗲王食早餐。而家既新餐牌無左米通同沙嗲湯要另外加錢，早餐主要分左四類：炒滑蛋、溏心蛋、歐陸扒餐、黑松露炒蛋同三文治餐，今次就先試扒餐！叫左C1厚切吉列豬扒 配 香腸、茄汁豆、滑lulu蛋、蒜香烤餅（$38）同D2黑松露滑lulu 蛋 配 燒雞扒、香腸、茄汁豆、蒜香烤餅 （$44）。吉列豬扒切左做三大塊，炸得幾脆，厚唔厚就真係見仁見智。烤雞扒面頭有少少蜜糖烤到焦香，幾嫩滑。炒蛋好大份同好滑溜，黑松露都幾重手，但最驚喜係有烤餅食，多士、餐包食得多，早餐配Roti真係特別，食到好想加咖哩！總括黎講，沙嗲王既早餐性價比算高，每次食仲會回贈現金優惠券俾你下次用，如果下次行開新都城都可以再食白咖哩湯麵！