沙嗲王 (卓明大廈)

营业中

休息中

今晚同屋企人食飯，見我阿媽未試過，所以帶佢去試下。啲野食好大眾化，個白咖哩豬扒飯好多人食，不過我阿媽唔係好鍾意食咖喱，所以我哋冇叫到白咖喱豬扒飯，反而試咗第個石鍋豆腐煲。先來個韓國柚子雞翼，酸味啱啱好，唔會太個酸，而雞翼都幾大隻。之後叫咗個煙肉溫泉蛋沙律，溫泉蛋好大隻，配埋他他像一齊食，好好味。之後叫咗個煙肉溫泉蛋沙律，溫泉蛋好大隻，配埋它長一齊食，好好味。叫咗個蟹黃豆腐石鍋煲，配埋薄餅，好好食，蟹黃味很重。

每次食完沙嗲王都有coupon, 搞到我成日都會每隔一段時間再去食~ 而又因為野食種類好多, 暫時都未食厭! 最近呢次食完, 想寫下少啲人叫過嘅食物比大家參考, 我同個frd簡簡單單兩個人淨係各叫咗一碟野食再加個飲品, 海鮮焗飯好大碟; 年糕牛柳粒係難得唔煎炸ge小食, 食完都好飽; 個奶茶咖啡啫喱特飲都幾有新意~ 就算唔係最受歡迎嗰幾款食物, 味道都唔差㗎! 大家下次都可以試下皇牌以外嘅食物!

陪嫲嫲辦完回鄉卡後，又要趕到荃灣辦點事，辦完事後已經是差不多下午五時了，這時候我才有時間吃我的午餐，所以我亦都特別餓，只想吃一頓邪惡得來又飽肚的午餐，最終我選了到「沙嗲王」吃他們的白咖喱。大概我到步的時候，已經過了他們特別繁忙的時間，所以內裏的人不多，感覺特別恬靜和舒服! 這裏的空間感也不錯，座位亦見舒適，我都相當喜歡!既然我來到的時候已經過了午餐，那我就看看他們下午茶的餐牌有沒有白咖喱提供。剛好看到餐牌上有白咖喱香茅豬扒拉麵，所以我便不說二話把它點下來。白咖喱香茅豬扒拉麵白咖喱香茅豬扒拉麵賣相不錯，湯底富有白咖喱的香濃，同時又帶少許稠身，正是我喜歡的味道和口感。除此之外，香茅豬扒的份量亦相當多，一大塊的香茅豬扒被切成幾件方便客人進食。豬扒的香茅味十分濃郁，不過略嫌香茅味太重而蓋過了豬扒本身的肉香味，但是味道仍然不錯，加上豬扒口感鬆軟，所以吃上去相當不俗! 拉麵方面同樣不錯，吃上去還有一點咬口，配上濃郁的白咖喱湯底和香茅豬扒一起吃特別美味!凍蘋果紅茶(配啫喱)隨餐還附有飲品，只需加$2便可享用凍蘋果紅茶(配啫喱)，所以我便加了錢點了這杯飲品。這杯飲品口感冰凍，甜度中，同時又富有蘋果香，

肉醬溫泉蛋飯等咗十五分鐘 果日好趕時間 侍應又慢慢行 😫😫😫唔錯嘅 個肉醬飯 飯有啲爛 男朋友叫雞扒拉面 佢嚟咗米線 侍應:唔好意思搞錯咗 再換 又錯 嚟咗海鮮拉麵 雞扒又燶 切左濃嘅部位 都食到浸燶味炸軟殻蟹 好似六十幾蚊 有四件 兩隻都幾抵 有蟹肉食 但完全冇蟹肉足

出走🏃‍♀️到荃灣，食完餃子🥟 再約個FB去食西餐 🤣，👇咗好耐未去過嘅沙嗲王食好西沙嗲王荃灣有兩間分店，嚟咗大河道呢間， 這間分店都幾大㗎，裝修整潔濶落，大部分都係卡位，坐得舒服 如果約埋三五知己嚟食飯🍚，都不會太過侷促下午茶也有多種選擇，FB同我當然要揀好耐冇食過嘅招牌白咖哩香茅豬扒飯啦👏👏白咖哩香茅豬扒飯配脆蝦棒$49.00記憶的味道唔使多講，香芧豬扒兩塊，一大兜白色咖哩， 太值得令人回味🤤🍛 配香蒜燒雞翼$49.00🍗翼幾香蒜凍青蘋果紅茶配啫喱十$2.00👩‍⚖ 今時今日，坐得舒服嘅餐廳都好少有，食物質素又唔錯，價錢也合理，此食店開咗都有廿多年 ，陪住我哋一起成長，值得支持💪💪💪

><自從沙嗲王喺元朗開心廣場執咗就冇咩點食過 咁啱喺荃灣見到就重溫下味道泰式冬蔭功海鮮米線($57)少辣 冇咩冬蔭功湯味有蝦同扎肉 但幾大碗白咖喱香茅豬扒飯($58)熟悉嘅香味 其實唔洗分開上都可以豬扒軟腍 有香茅味+$15 印度薄餅兩件當然用來蘸咖喱食整得幾酥香鬆化 唔會話成手油但就午餐嚟講 呢個價錢小貴><><><><><><><><><><><><><沙嗲王 Satak King荃灣大河道67-75號卓明大廈地舖

大河道呢間沙嗲王比起眾安街間老舖闊絡得多，見唔少打工仔放lunch都過黎食晏勝在坐得舒服，連鎖野質素穩穩陣陣。價錢唔算好平，估唔到份量幾足面頭鋪上滿滿芝士多到漏，骰仔大細既牛柳粒都有十幾粒。醬汁偏鹹左少少，食唔出紅酒味，白飯底，但口感可以唔會太濕。仲有隻溫泉蛋撈飯，加左啲蛋香頓時高級左唔少巨髀飯要等十分鐘左右，都有成隻手掌大小，而且肉質嫩滑，睇相都知輕輕一吉就離骨，係油身左少少。飯類可以揀醬汁，見隔離食客個個揀白咖哩當然要試下白咖啡好重椰香，甜甜地好送飯，仲落左唔少乾蒜，增添風味。七十零蚊包野飲黎講性價比真心唔錯，雖然荃灣多平野食，但如果想坐得舒服，呢度係個好選擇

平時二人食沙嗲王，如果不太肚餓就會散叫，想食多一點的就會叫二人餐，今日見到二人餐比平日平，而且食得落，所以就叫二人餐。無記錯二人餐平時是$27X, 現在$253當日沒有薯仔沙律，而餐湯是忌廉湯，不太吸引，所以叫了田園沙律，藜麥都唔少，有驚喜！主食就一定要食蟹粉豆腐鍋，幾乎每次都會叫，真係好好食，呢間鋪落的蟹肉都唔少另外一個主食是黃咖哩雞扒飯，咖哩不辣而且好香，撈飯食十分好味，雞扒亦都嫩小食就選擇了脆蝦卷，8條的份量其實算很多了飲品就選擇了特濃朱古力沙冰和芒果沙冰配西米，值得一讚的是朱古力沙冰的確很濃朱古力味！最後甜品選擇了雪糕，其實食到甜品已經很飽，如果大家胃口不算太大，二人餐的份量其實可以三個人吃。食沙嗲王的好處是買單會再送現金卷下次用，而且還有XO醬送。

紅酒牛柳粒焗飯$82先刺串溫泉蛋，拌勻牛肉，令牛肉更滑更香，牛肉好似牛腩般嫩腍好咬，牛味濃郁，紅酒汁有點似咖哩，味道幾好，芝士份量頗多，好香好正。芝士白汁蘑菇牛柳粒年糕$52芝士較少，連白汁都少，牛柳粒似肉醬，份量少味道一般，年糕雖煙韌，但唔夠味同太乾身，似煎年糕咁，亦唔覺有蘑菇的口感。一口炸雞球$29細細粒好可愛，一口一粒，炸得金黃色夠香口，外脆內唔乾，都有汁，配他他醬好滋味。台式珍珠奶茶$18茶味香濃又夠滑，珍珠煮得岩岩好，有咬口好煙韌，甜度不高，好好飲。凍咖啡$15咖啡味都重，味道正常。

原黎今年已經系沙嗲王開業27年早幾年開始見到沙嗲王陸續翻新裝修環境比食客更乾淨舒適明亮既感覺每次一定點肥牛沙嗲粉絲同白咖哩香茅豬扒飯今次撞正下午茶時間， 兩個主餐加兩款小食兩杯飲品， 埋單都系百二蚊左右， 好抵食先說肥牛沙嗲粉絲， 可能改了配方同以前有少少唔同肥牛變了牛肩肉粉絲由粗粉絲變了好似米粉般幼既粉絲湯底比以前清， 雖然減低了以前肥膩的感覺但我個人還是比較喜歡以前的版本， 邪惡的美食總是很吸引白咖哩香茅豬扒飯還是一樣好食！ 白咖哩夠香， 豬扒亦好重香茅味值得一試的新產品， 鹹蛋黃炸雞翼， 雖然個樣好似好普通， 但足料既鹹蛋黃味， 雞翼皮炸得香脆， 皮下依然好多汁， 推薦推薦

今天來到荃灣逛馬莎，行畢便去了沙嗲王吃午餐。餐牌內的食物大多數是烤焗或煎炸的。最後我們選了這店的招牌人氣美食：白咖喱香茅豬扒飯和脆蝦棒。然後還點了四件蒸豬肉卷。沙嗲王27周年大回贈，脆蝦棒由33元減至27元。可惜今天的𧎚棒不太脆，沾了沙律醬，味道還可以！蒸豬卷的皮不會大軟，有咬勁的！豬肉卷上灑上豬肉鬆，頗為惹味，配檬汁來吃，味道更佳。白咖喱香芧豬扒飯果然名不虛傳，賣相吸引而且非常好吃。白咖喱汁不會很辣，用來配飯，美味無比。香茅豬扒非常淋滑，炸得恰到好處。結帳後，沙嗲王還送了一張優惠卷。原來這𥚃每$20消費便有$2回贈。若消費$250，即送沙嗲王XO辣椒醬一樽。

沙嗲王是香港另一集團式餐廳，相信好多人都食過了，對我嚟講是一路陪著80後成長的餐廳，以前係一路行串燒，小炒路線，隨著時代進步，亦增加不小日韓越菜式，當中亦有不少好吃好評的，雖然價格偏貴，但有品質保證，但最近一次去食，就有D失望，菜單小咗好多款式，連炸軟殼蟹也不見蹤影，只留下白咖哩香茅豬扒飯在菜單上，當然要食，豬扒厚切香軟，白咖哩微辣又夠多汁，唔會唔夠汁撈飯，再叫個薄餅嚟送，絶配。當然都有新嘢推介，個鐡板嬌嫩巨髀，跟飯或薯角，夠大隻又嫩滑，淨髀都飽，平日叫二人套餐較低，但紅日、六日都相對貴D。套餐有小食，飲品同甜品，五六個人去食，就可以食晒佢D推介，如果覺貴，可以食下午茶一嚐味道。但個蟹粉豆腐鍋真係偏咸，要下兩碗飯先食得哂。溫馨提示下，全日都要加一嫁～

友人常到沙嗲王食白咖哩豬扒飯，而我因不好肉肉，所以幾乎每次都叫「冬陰公海鮮米線」。由於都食過幾次冬陰公湯底，今日想轉下口味。麵餐的好處是可以選擇拉麵、讚歧烏東、粉絲、米線。湯底亦可轉清湯。我覺得鳥東係最抵食，用的是不是普通烏東，特別有口感。上次食過「沙嗲肩胛肥牛粉絲」，粉絲吸晒油油的湯，食完晚餐都冇胃口。另外，米線又煮得太淋，斷晒，很難夾起。今日叫了清湯海鮮烏東!!!今日送餐都算快。同一時間送晒所有餐來。入面有2隻蝦、2隻蜆仔、2件魷魚、1隻青口和半隻溏心蛋。味道就不會鮮啦，始終應該係急凍海鮮，唔會比D靚野你囉。但因為想輕食一點，不選擇肉類，只有食依個啦! (早期未轉餐牌係「冬陰公札肉蝦米線」，扎肉都OK，但本人覺得新款較啱食)友人的白咖哩豬扒飯，有2大塊，讚個汁調得出色，難怪咁多年來都係必食的餐點。不知如果配麵餐，會不會有點怪呢?

今日夜晚差唔多10點鐘去到荃灣睇吓有咩好嘢食，經過大河道見到有沙嗲王，佢嘅裝修真係好特別喺好遠嘅距離已經俾佢嘅招牌吸引到，於是就入去試吓啦。呢度嘅last order時間係10點半，11點鐘閂門，所以我哋啱啱好可以食到尾圍呀！入到去就覺得呢度嘅裝修同平時嘅沙嗲王好唔同，因為佢嘅光線比較充足，而且似係啱啱裝修完或者係新店！我哋叫咗一個二人餐，價錢係$253 ，包括每人可以叫一個湯或者一個沙律，兩個主菜，一個小食，兩杯飲品，同埋兩款甜品，我哋計過餐牌散嗌嘅價錢，覺得叫二人餐抵食啲，所以就點左一個二人餐啦！今日嘅湯係番茄湯，番茄味好濃郁嘅，酸味味好開胃：薯仔沙律一望個賣相好似食緊一球雪糕咁，佢裏面有少少菌類，同埋有吞拿魚，如果唔鍾意食菌類嘅朋友就唔好叫沙律喇：第一個主菜嗌左芝士焗牛柳粒飯配紅酒牛扒汁，佢有好多汁，好惹味，而且仲有一隻溫泉蛋係入面，撈埋嚟食真係好好味，牛柳粒亦都好有牛味，好軟熟：另一個主菜叫咗沙嗲肩胛肥牛拉麵，佢嘅沙嗲味好出色，好香濃郁，不愧叫做沙嗲王，肥牛就一般啦：之後就嚟咗小食，我哋叫咗韓式蜂蜜芥末醬雞翼，雞翼係炸過嘅，再配埋一個酸酸味味嘅醬都好好食：飲品方面我哋帶咗特濃朱

講到沙嗲王係人都會諗到佢個白咖喱豬扒飯㗎啦！所以我今次介紹俾大家食嘅就唔係呢個係其他啦！今次我去咗食lunch佢午市嘅餐都好抵食架又有杯嘢飲包埋！味道都唔錯添！同埋佢最好呢就係啲飯會有幾條菜跟埋！ 雖然都係多肉少菜㗎啦起碼好過冇啦！