沙田安全駕駛中心餐廳

营业中

休息中

今日嚟到沙駕，見有食堂就試吓食個午飯。估唔到，價錢意外便宜，午市一個炒貴叼連飲品都只係$45，份量唔少，質素雖然唔係話好好食但都唔算差。餐廳環境都算唔錯。服務就冇乜，都係要自己攞餐，食完就自己收去餐車。不過呢個價錢都唔預計仲會有咩服務😁有嚟開沙駕都推介試吓😄

駕駛學院入面間餐廳，真係對學生嚟講係一個十分好嘅食堂。除咗超級方便外，價格親民，味道可以接受，我前前後後都幫襯咗幾次，包括早餐、午餐。港式早餐（$33），雙料加餐包，配單餸麵，餐飲，試咗兩三次，味道正常。奄列早餐（$29），大大塊冇粟米嘅粟米火腿奄列，加件丹麥多士，餐飲。是日午餐連凍飲（$48），白汁雞皇飯，雞肉、白汁、飯底都多，大碟夠飽肚。

通常學車或者師傅先會黎食駕院同外面餐廳都有返咁上下距離學車前有少少時間攝一攝食個快餐，快餐黎講呢度都真係好ok！係比想像中好食，價錢同出面茶記差唔多所以性價比我比滿分，價錢對得住質素

呢排都要密密練車因為就考今日早左黎到沙駕就唯有食個C餐個餐等左十分鐘就有得食估唔到質素好過一般茶仔多士烘得幾脆 平時唔好多士既我都選擇食哂成塊塊雞扒煎得好香脆！ 塊皮勁脆，入面又d肉keep到幾juicy..炒蛋應該有放3.6,好有牛奶香味,好滑腸仔就無咩特別 應該都係廚師腸個茄汁豆係冰凍既！唔知其他人係咪會唔鍾意，但我就覺得幾fresh !加埋杯凍華田, 今日完全夠哂精神去揸車呀

就快考車要補下鐘，所以假日都晨咁早入去沙駕學車，預早小小時間入去「富駕師廚」食返個早餐，等自己醒醒神神唔好炒車！早餐A($33+$3)早餐A有：腸仔+煎蛋、沙嗲牛肉+通粉、牛油方包，加杯凍檸茶+3蚊。其實個個凍檸茶杯好令人不安，可以睇到個杯好多坑同紋，第一個反應係「嘩！唔個積積埋埋幾多菌」，所以杯野我拎吸管飲算。建議佢地轉一轉個杯，因為洗唔乾淨真係好易出事同上報。個通粉送果條配菜黃黃黑黑咁，本身以為係煮過火同煮得太熟，點知食落係脆口嘅，果下就知呢條係就快爛嘅菜嚟😓😓。不過，佢知沙嗲牛肉幾好食，咁啱有小小筋位，所以食落幾好咬口👍（但唔鍾意食筋嘅朋友仔可能會覺得好韌，所以見人見智啦）價錢價錢方面都算有良心啦，同出面市區位價錢差唔多，唔會因爲見周圍無食肆，等我地入到嚟劏人一頸血，所以價錢過得去啦。食完記得自己放返個餐盤去架車仔道啦😉😉

基本上黎學車先會黎食，附近要行約10分鐘先有其他餐廳，趕時間就得呢間餐廳醫肚。雖然獨市但品質都唔錯，正常茶記質素，平靚正。剛好趕到早餐既尾會，11點多叫左個魚柳飽早餐。吉魚夠脆，面積幾大不過唔算厚，包有略略烘底，其他配料夠新鮮。呢度另一樣好處係，係學院內唔會趕人走，坐幾耐無人理，環境幾好。學車趕時間醫肚不妨試下。

雖然係小小嘅canteen, 但早餐選擇還算多，麵餐、扒餐、三文治。另外11:30後午市有飯餐，2:30後有下午茶。自助形式，買飛後坐定定等叫。$31，魚柳即炸，大大件脆卜卜熱辣辣。炒蛋就未夠香滑。星期日休息。

名稱: 沙田駕駛學院食堂地址: 新界沙田區小瀝源沙田圍路 138 號 營業時間: 7:30AM-7:00PM最近去沙田嗰邊學車發現入面的食堂轉左手做茶餐廳。老實講入面D 野食都係普通茶餐廳的食物。但勝在價錢平民化，唔算太貴(廿幾蚊有個早餐，三十幾蚊有午餐)最大賣點係D座位好舒適，完全唔會趕你走，坐幾耐都得。仲有WIFI俾你免費無限上網。雖然間餐廳係駕駛學院入面，但外面的人亦可以入去食，住係附近或者去學車的同學可以一試