沙隴餐廳

营业中

休息中

平凡茶餐廳內的驚喜魚蛋河今晚去咗大埔廣場的沙隴餐廳開餐，望到個餐牌有啲花多眼亂，選擇真係好多😅我想食啲濕濕地嘅嘢，所以叫咗碗魚蛋河加牛腩汁（$28），同埋一個魚皮（$10）。魚蛋河嚟到嘅時候，面頭淨係見到河粉。雖然咁樣放，賣相的確唔夠靚，不過勝在河粉唔會浸林晒！👍🏻聞到啲腩汁，即刻好想開動😋撥開啲河粉，同啲魚蛋玩捉迷藏先😆魚蛋河粉裏面有三粒魚蛋、兩塊魚角。河粉的確好滑溜，而且唔會林晒，加上吸收左D牛腩汁精華，都真係幾好味。魚蛋爽口彈牙，魚角更加出色，魚角有一層層嘅口感，總之就係好味道成碗魚蛋可裏面，如果要改善嘅，應該就係我唔小心叫咗牛腩汁，雖然初初食好滋味，但係食到後期，又真係有啲肥膩嘅感覺。炸魚皮（$10）正常炸魚皮咁，不過最基本冇林咗既感覺，夠晒脆。最窩心嘅係，當我食到咁上下，河粉裏面嘅湯所剩無幾😔我同職員要求想要多少少湯，職員即刻免費攞咗一碗熱湯過嚟！😍😍😍感覺真係唔錯咁就唔怕炸魚皮太熱氣啦！🤣仲可以解一解牛腩汁嘅肥膩感！真係好正喔！既然佢哋咁warm，下次都一定要再食過！

本身唔係大埔人，大約2年前同朋友大埔掃街，佢居然將呢間茶記加左係名單度，但食完覺得除左杯凍奶茶不錯外，其他野都係普通茶記貨色，真係浪費quota…再次對呢間野重拾信心係因為朋友推介呢度西多士，以前成日食西多的我，覺得西多士呢家野已經失傳，唔係乾憎憎似一早炸好晒，就係冇咩花生醬係入面，都唔知有幾耐冇食西多……但估唔到呢間西多真心掂，一上檯就蛋香撲鼻，連同檯阿姐都話乜咁香!欣賞佢新鮮熱辣之餘，成件西多都充分吸滿蛋漿又夠多花生醬!!同場加映豬什炒米，豬什呢家野又係賣少見少，不得不讚呢間既豬潤煮得超正，勁爽口，好食過深水埗果間豬潤麵既豬潤多多聲!!如果豬什有埋豬腰就更加perfect,可能豬腰功序多既緣故啦～食辣朋友記得加辣油，呢間夠香夠辣，正!食好西真係要叫中命脈~雖然山長水又遠入黎只係食茶記有d浮誇，但而家入黎的話就一定必食呢2樣野，至於凍檸茶凍奶茶就睇彩數，未必次次個茶膽都咁靚~

時菜牛展飯 $46放咗學喺大埔超級城行左一陣 諗左好耐食咩好🤔🤔好耐冇食個茶記😍😍 之後就嚟咗呢度 有成差唔多100款菜式 選擇困難症嚴重眼姐嘅我來講🤦🏼‍♀️🤦🏼‍♀️ 揀咗好耐起碼5分鐘先揀到時菜牛展飯碟頭飯飯量起碼有兩碗半😎飯粒較為硬適合做炒飯 但配汁就啱啱好☺️☺️白菜仔同牛展炒過 加入耗油造成醬汁 有數條冬菇絲 牛展味道普通 有點鹵水味道 偏鹹🙆🏼‍♀️🙆🏼‍♀️牛展有點硬 當然你可以話有嚼勁😏

早幾日放工返到屋企先知又冇煮飯，唯有齊齊落街食，今次就去咗大埔廣場呢間茶餐廳開飯，咁好然各自揀好食乜先至落單，又真係估唔到，三條人都點咗同牛肉有關嘅菜式，平時係屋企都好少食到牛肉，仲以為地戒牛肉冇得食原來唔係先來第一款係干炒牛河轉咗濕炒，咁炒每條河粉都吸收咗醬汁香味，至於牛肉肉質入口滑溜，味道不錯不過牛肉少咗D輪到第二款係干炒黑椒牛扒意，未食已聞到濃濃黑椒味道，不過我仲想食辣D再落D辣椒醬咁先至刺激，先食一啖黑椒汁夠惹味，牛扒肉質夠嫩滑到最後一款係中式牛柳配白飯，牛份量最多，至於牛柳肉質鬆軟味道香濃，有D牛柳仲相當肥美食落啖啖肉又冇骨，而醬汁酸酸甜甜夠晒開胃連飯一齊食就最完美，一晚食到三種口味

今日經過呢間餐廳見到好多人排隊，相信應該有返咁上下質素。我決定試一試，見到餐牌嘅快餐係全日供應而且唔過＄40 ,就知點解佢咁旺場。侍應介紹我食雞髀飯，但係我怕多碎骨，所以就嗌咗咖喱雞翼飯。咖喱唔算辣，雞翼好入味，有冇雪味！

以往常常也幫襯沙隴。因為奶茶香早餐又好味。今早早起了，又掛住佢杯奶茶，所以又去了沙隴吃早餐。奶茶一到，一看茶色已經吾對路。一飲落去，嘩。。。。全是奶精味，一點茶味也沒有！吃完個麵，飲多一啖，真係頂吾順叫丫姨換過杯。同佢講話無茶味好難飲，點知丫姨勁大聲話：無茶味甘米加d茶囉！洗咩換過杯jack!甘浪費！佢把聲大到全個餐廳嘅人也望住我，令我覺得很難受。講真如果個個杯奶茶無茶味都淨係加d茶嘅話，甘洗咩要廚師師傅jack？個個求其倒奶倒茶米得囉。杯後加嘅紅茶黎到仲要係凍嘅~想點~加完根本仲難飲！我離開之後因為d奶精味反胃反到我嘔左兩三次~好失望。

沙隴餐廳係大埔廣場插旗多年，不過一直都無緣幫襯，機會到喇 ﹗普通茶餐廳出品，服務、格局、環境無咩持別，不討厭。差不多十一點無早餐喇，拿拿臨醫肚出旺角返泰拳，左諗右諗最後都係出前一丁。牆上寫著黑白配，唔知什麼來的呢？咖啡加奶？腸仔火腿雪菜肉絲米，火腿正常微彈微滑微咸香，煎煎去能帶焦香就更好啦。腸仔係熱狗腸，質感實淨，味道不過咸又不嗆喉，比起一般茶餐廳用開既超咸雞肉腸好食得多。雪菜份量也不少，用幾條肉絲作點綴，混上淡口雞湯掃落肚，總括整碗米粉都幾好食。太陽蛋腸仔回鍋肉出前一丁，回鍋肉足料無欺場，有筍有肉，寬卓不寒酸。香辣鮮筍爽脆無渣，鬆化瘦肉辛辣而散發微溫。太陽蛋帶著深橙色蛋黃，蛋黃味特濃，加上微焦蛋白香口無比，好好味啊 ﹗出前一丁煮得十分出色，熱燙燙送到。軟硬適中，不過腍不過濕，爽彈帶滑，明顯即叫即做，不是一早煮定呢 ﹗湯底濃郁可口，有料到 ﹗如果讓麵條掛上蛋漿同吃，更是天下無敵 ﹗炒蛋餐肉火腿湯米，餐肉真的強差人意，預先煎定，放了段時間，出晒油而質地略硬喇，味道變得重咸味，失望 ﹗用滾湯去去油再去去咸，好多了。炒蛋尚算合格，差一點就過老過熟。空氣中瀰漫著蛋香，食落發現沒有落鹽喎，其實加

今日同太太去大埔行街街，行到攰就求其搵一間茶餐廳食個靚tea,點知就撞正一間失望嘅餐廳，完全中曬伏!!!呢間茶餐廳位於大埔廣場嘅地下，可以坐茶餐廳門口睇住出面嘅車 方便睇車唔會俾人抄牌呢個就係下午茶嘅餐牌我同太太都不約而同點左炸雞髀配沙律，雞髀明顯比較營養不良，超細隻，沙律亦唔算好多，味道我覺得唔好食， 而且隻雞肶脾多過肉太太點左熱檸蜜，啲蜜糖應該係菜蜜，超級甜，味道好差，結果大半杯冇飲到! 佢係要跟餐加兩蚊。結果最後我同太太感覺似食咗陣風，要去第二啲餐廳再搵野食，差!!

今天心血來潮來到大埔，晚飯時間，很隨便地走到一間頗多人的食店。向四周看看其他顧客的食物，不帶任何期望地點了水餃米及雞脾飯。姐姐豪氣地送上餐來，雞脾飯的蔥油味十分香口，雞脾啖啖肉，味道極佳。不久，水餃米送到，水餃材料十足，但米粉較一般，如果食河粉會更配。

有鑑昨日難忘的一餐，所以今日決定去老字號，有信心保證的茶餐廳吃晚餐。講到老字號，這間茶餐廳就以我所知，最少都屹立了最少廿幾年，所以裝橫朴素，侍應生都是熟悉的面孔，除了吃他們的美食外，還有可以感受到濃濃的人情味，也是現在香港人最缺乏的。 今晚我點了快餐，茄汁豬扒飯配凍檸茶。秘製稠密的洋蔥茄汁，金黃香口的豬扒，吃時會滲出淡淡的香茅味，而豬扒的軟硬適中，不會太硬，又不會太稔，配搭剛剛好，每一次吃的水準都是一樣的。吃完熱騰騰的飯後，再飲一杯冰凍的檸茶，簡直人生一大樂事。

今日來到大埔, 就四周圍去睇下有咩好野食啦, 見到呢間餐廳咁多人, 於是就入去坐下.我見到差唔多個個都係食呢個雞脾飯, 於是我都忍唔住叫左個黎試下.個隻雞脾係滷水雞脾來的, 滷得十分入味, 而且都幾大隻下, 夠你餸個飯.今次我食呢個飯用左$35蚊,跟一杯熱飲, 不過不失啦! 

收到特別任務，可先到大埔吃個早餐，超級城盡是名牌連鎖店，多走兩步來地道小店。大家都坐出店外，猶如元朗小餐廳一般，頗有風味。點了個百搭早餐，喉嚨痛久久不好，不吃牛肉/五香肉丁了，點了煙肉、炒蛋、午餐肉麵配茶走。等了三數分鐘便有得吃了，午餐肉有兩片，還算是合理厚度，不會薄得像紙。炒蛋也放進碗麵內，由於剛剛炒好，內裏裏熱的，加上沾到湯，外面亦熱了，蛋挺滑，又夠熱，相當美味。挺有茶味的奶茶，加一點煉奶，甜味剛好，實屬早晨佳選。

今日去咗沙隴餐廳食個豉油皇雞肶飯。等咗大約3分鐘有得食。碟飯原隻雞肶。加入好多蔥花。加上碟飯滲入好多食油。一口咬入雞、飯同蔥花。好正。隻雞肶屬原隻斬。用上等雞肉。食得出隻雞肶滲入豉油。但入口只帶點醎味。個餐加送熱奶茶。白杯上。好滑。有奶茶味。個餐只係$34。好抵食。

沙隴全日供應的豉油雞脾飯，份量雖然縮細了，但仍足夠一人食用。任何時候光顧，味道及賣相都不見重大走樣，水準比即炒類來得穩定。雞脾皮薄，厚肉滑口，件頭多，食肉獸必食。雞脾以外，白飯亦值得注意喔！米身大大粒，硬身，帶嚼頭，有飯的感覺，讚。餐飲奶茶有茶香，挺不錯。可惜質素不穩定，叫凍飲少甜或走甜，會照沖正常甜；叫少奶會變多奶，時有發生。每次飲凍飲都提心吊膽，很搞笑呢。

穩定的出品，是任何餐廳的經營來說都十分重要，不論是五星酒店或茶餐廳亦然。近兩個月開始幫襯沙隴，第一次惠顧時，令我印象深刻的，是其餐蛋米粉。雞蛋是雙面煎到有金黃色，但仍是流心蛋黃；至於午餐肉則是有足夠厚度不孤寒，煎得香，邊位還有少許脆的，以一間街坊茶餐廳的出品來說，夠晒誠意。不過，兩個月食下來，幫襯不下十次，但就出現出品不穩定的情況，例如有時一隻蛋煎得剛好，另一隻卻熟晒；今早更是兩隻都熟晒，更甚的是餐肉一塊有煎，一塊竟然無煎，就咁滾熟就算。究竟係個廚唔記得，還是貪快呢？其實那時候餐廳又無乜食客。