沙龍餐廳 (已結業)

好老實,呢間野d食物真係麻麻地,d set lunch又貴又唔係咁好食,真係一d都唔抵.

其實之前路過都想去食架啦, 不過一直都未搵到機會今次有na~~兩個人, 一個叫左個set lunch (吉列牡丹蝦+照燒雞柳), 一個叫左個燒豬定食. 個燒豬定食唔係我食, 但係睇落幾得. 食者亦云好味. 眼見四周的日式定食無一不是四四正正賣相絕佳的.我的set lunch. 羅宋湯細細杯但不俗, 略嫌太咸. 主菜份量足賣相好. 配菜的salad非常好. 雞扒也不錯; 但蝦就差一點, 沒有味, 和有點"淋" 了, 但尚算可口. 飯煮得很好!!我覺得大不足是, 我寧願貴一點一個餐, 但餐飲不要只有汽水選擇. 還有, set lunch的餐牌只在門外看到, miss了, 也許就不會為意有這樣一個set lunch...

呢間最近學人出釜飯,但係味道奇差,前幾人日去食午餐,叫了一客海鮮釜飯,的確足料,但d蟹腳又霉又鹹,飯又普通,但收費卻是$95. 唔值

帶小表弟到這兒的百貨公司買玩具後，到這兒吃午餐。點了一客$68 鐵板雙拼，另加$30 變套餐。埋單$108。鐵板雙拼（$68）：一塊唔夠熱的鐵板上，盛著一小塊又鞋又乾硬的白肉豬扒、兩小塊超油膩的雞扒。配菜是十條發育不良的嬰兒甘筍、兩湯匙炒洋蔥塊以及五條油油的荷蘭豆，以及八條粗身薯條。份量偏細小，質感油膩，以此價錢，相當唔值！豪華套餐（$30）：有麵包、湯、沙拉、飲品、冰淇淋。麵包藍裡有一片百吉包和一個罌粟籽法包，超市質素，冰冰冷冷。南瓜濃湯，細細杯，濃稠料多香味四溢，正！沙拉是一中碟生菜和兩粒車厘茄，倒了日式沙拉汁，口感油膩，但味道OK 啦！飲料選了壺熱奶茶，雖茶葉下了不少，水又夠熱，但仍然偏淡，大抵是因為茶葉的質素。冰淇淋選了草莓味，好表弟話唔好味，我覺得奶味不足，以致有藥水味！幸好加$30 轉餐，抵好多！那鐵板雙拼相當唔得。

從深圳工幹回港，轉計程車到這兒跟年老的外婆吃晚餐。週四黃昏，才不過五時三刻，時間尚早，僅三組食客。點了兩份和風餐點，埋單$152，價廉物美。滑蛋豬扒飯（$56）：吉列豬扒香酥、滑蛋洋蔥味道足，白飯軟滑。份量唔算多，較坊間一般的港式和食有水準。燒三文魚定食（$72）：味噌湯、海苔青瓜泡菜，味道一般。鍋物內有兩片燒味噌鮭魚、雜菜、雜菌，和香口惹味粉的牛油切片，三個字：「大感動」。那牛油和味噌應記一功。白飯大盛，拌牛油菜蔬和味噌食用，飽餐一頓。飲品餐（$8；熱奶茶）：另加八塊錢配了一壺熱奶茶，翻一次還有茶味。好抵！題外話：別以為長者只吃蒸煮食品，原來他們還相當惦念香脆的「吉列豬」和「炸豆腐」！

今日放假唔洗返工~去樂富吉之島行左陣~行到有d hungry去左沙龍食野~一入到去坐低環境算係唔差咁la~個waiter都幾nice~我叫左個三文魚ga set lunch,好快就黎到,但係個三文魚都幾多骨下,個意粉就幾好食咁la,整體上一般般la

由於住近樂富吉之島，我同老公都會經常去沙龍餐廳食飯，一來方便，二來通常都唔駛等位。好食推介︰1. 韓式牛肉石頭鍋飯- 如果怕辣既(好似我咁)可以將泡菜揀走先落汁，通常我都要多一個汁，會好味D。落左汁之後要盡快攪，如果唔係就會有飯焦。個鍋好熱，牛肉同埋D汁好好味，雖然係好大碗，但係我一個女仔都可以食得哂。2. 蒙古烤牛肉定食- 上菜時會有爐keep住D牛肉熱，加埋D醬汁如墊牛肉下面既椰菜，真係好味。3. 白汁焗海鮮長通粉- 雖然係細碟，但係即叫即焗，上檯時勁熱，海鮮有青口、魚柳、魷魚，熱辣辣既長通粉好正，細細碟哂女仔食。4. 吉烈豬柳定食- 老公至愛，豬柳唔乾，配醬汁撈飯食超正，以前有芝麻俾你自己磨仲好玩。比起POKKA CAFE(位少、要等位、裝修完D裝飾好似仲差過以前)，沙龍價錢比較平D。雖然款式比較少，但樣樣都可以保持水準，而且服務態度好(門口Receptionist除外)，會主動問你有咩需要同加水，所以我地通常都去沙龍食。

兩個人唔太肚餓但又想搵個地方坐, 跟住見佢地方唔錯就入左去兩個人只係點左一個下午茶餐, 價錢$38, 但份量都唔少, 有一個迷你白汁海鮮焗飯, 兩件咖哩牛肉飛碟, 迷你沙律, 跟一杯凍檸茶白汁海鮮焗飯幾多海鮮, 白汁亦很濃, 好好味, 而個飛碟D牛肉都好多, 一個餐兩個人食都夠

I\'ve been going to this resturant since twelve years ago. A pretty good place for dinning with family. Reasonable price and nice food. \"\"\"But they need to improve their cleaning work esp. the eating tools and the sofas. We don\'t want to see finger prints and greasy shades on the water glasses.\"\"\"Hope that their Japanese manager could read this post and could make some improvements.

昨天和兩個朋友話想來這兒食飯，又見好耐沒有去過，便在這兒開餐了．八點半去到都仲要等了一陣位.因為肚餓關係，所以好快便想到食這些食物了燒雞煙肉豈撒沙律：（＄42)個雞都做得幾好，唔算好鞋，份量也多．菜好新鮮，個沙律汁好酸好開胃半肉半生熟:（$35）,大概有八片左右,味道還是半錯呀!但唔記得了點芥辣,唔係相信仲好味．叫了個天婦飯（$60）;有麵鼓湯和一杯茶.因為我唔食炸野,所以不知蝦的味道如何,都見到三隻蝦同埋有些炸了的食物但飯都唔錯,個汁好味.最後要了個北海道海鮮火定食$92)這個鍋都可以,有一個烏冬加個白飯,一碗麵鼓湯,一杯茶.那個味道一般,烏冬好似街十元三句貨色,無甚特別.唯一海鮮都算多.環境都幾好，好舒服，服務也唔錯．有機會會再來試下其他食物

11月24日今晚同男友食飯, 因時間關係, 所以去較近的樂富搵食, 一向我都覺得樂富有幾多野食, 但就好似無較高級既餐廳, 到吉之島之後記得有一間門口好似幾得體既餐廳, 決定一試。入到去坐係卡位, 餐廳內燈光明亮, 有一些懷舊浪漫既感覺, 打開餐牌看見有日、韓、西三種類型既食物, 不錯呀, 此時男友告訴我知原來呢間餐廳佢都經常來, 然後點了佢認為好味既"韓式牛肉鍋燒飯"給我試, 而我自己就點了"茄汁海鮮意粉", 仲可以加錢變為套餐, 我加了$25(包括沙律, 湯配麵包, 雪糕, 飲品), 不錯呀﹗先來餐湯,盛湯用了一隻好似咖啡杯咁細既杯仔, 好CUTE呀, 麵包都有兩款, 不錯, 至於沙律亦用了新鮮蔬菜, D小蕃茄好甜, 可惜我唔喜歡食那些蔬菜, 由男友包辦, YEAH﹗﹗茄汁海鮮意粉—有黑欖, 帶子, 青口, 蝦, 墨魚, 材料算多, 不過起初我以為D汁係濃濃既番茄醬, 點知完全唔係, 因為用了新鮮番茄, 所以味道比較淡, 而且黑欖既味道好突出, 意粉亦好彈牙, OK啦﹗韓式牛肉鍋燒飯—有牛肉, 泡菜, 酸菜, 紅蘿蔔絲, 大豆芽, 生蛋, 仲有一小碗醬汁, 雖然我唔食辣, 但男友說

偶然行到樂富, 想行下吉之島但又唔想行太遠. 所以順手入去晚餐, 呢間餐廳好日本西餐feel, 不過都好怕入呢類型餐廳, 因為真係唔知叫日本餐定西餐好. 最後都係order左:1.特式火鉢燒牛柳扒定食: 塊扒唔算大, 不過都幾厚, 邊煮邊食應該幾好, 不過塊扒真係一般, 似乎太"un", 而且肉味一般. $98 似乎貴左dd.2. 三色三文魚飯($68) 三色既意思可能係碎三文魚腩, 三文魚, 三文魚子, 三者之中三文魚子比較差, 不過飯身仲有dd暖, 所以唔係幾習慣. 另外佢跟左一大碗烏冬, 但似乎過淋無咩口感.3. 日本煎餃子($25 5隻), 算係比較好既一味, 不過不失.地方一般, 服務都算ok, 價錢同味道比較就覺得偏.

好耐以前來過一次，那時真是好好食，不過都叫貴的。那時食牛排併焗蟹蓋78元，那時好小機會食咁貴的一餐，所以看成極品般，不過現在就不是了。現在這裡吃大概是40元以上一餐下午茶，常餐七十元左右，有日式定食，西餐据扒。我朋友說次次來都是吃日式牛肉火鍋，我看過價錢大概七十多，他說份量中上唔錯的。環境方面是西式咖啡廳，門口已經變了，服務都是唔錯的。

如果你想減肥，我highly recommend你吃豬扒定食，佢地D豬扒清淡少汁和口感十分足，吃一口包你口震牙軟加上濃縮麵鼓湯飲一啖包你下火。

午飯時間來醫肚, 叫了個鰻魚飯+雞肉烏冬定食, 定食沒有湯,沒有前菜,只得一杯茶, 鰻魚飯勉勉強強啦, 但多骨, 雞肉烏冬卻糟糕了, 雞肉太老太多油, 只是在碗上加一堆蔥便算, 但他們竟夠膽死在餐牌上寫著"最有日本風味", ?...有冇搞錯?