沛公甜品 (已結業)

今日響銅鑼灣Time Square食完飯，朋友又話要食甜品，於是我地就上Openrice 搵到呢間距離時代廣場只有3分鐘路程既沛公甜品。我一見到個menu真係雙眼發光，好多唔同種類既榴槤甜品，真係睇到眼花瞭亂，最後我都係揀左最鐘意既千層班戟，睇下佢同另一間千層班戟好出名既甜品店有咩分別。<貓山王榴槤千層班戟 $88>雖然沛公有好多唔同口味既千層班戟，但呢個係最吸引到我！呢個班戟比其他貴出差不多一倍，原本都有啲唔捨得食，但食左一啖之後完全改觀。每層班戟中既榴槤忌廉非常軟滑，而分隔忌廉的班戟皮煙軔薄身，吃起來時增添口感。榴槤味道十分突出而香濃，如果你係榴槤粉絲一定唔可以錯過！《楊枝甘露》朋友的楊枝甘露亦非常吸引，份量不少之餘仲有好多芒果果肉，新鮮香甜。

成日都話甜品有第二個胃真係無錯 話說今日放工食完飯係銅鑼灣行行下街 明明已經好飽但見到呢間甜品舖都俾佢吸引左入去坐 舖頭以綠色為主調 位比較窄 係呢區ge食肆都係咁上下 佢個menu有成四五版 入面ge野食種類多到本小姐真係眼花瞭亂  係我乜都想食ge情況下我決定嗌兩樣平平地ge過下癮第一樣就係白衣天使($36) 佢係腸粉黎一碟有兩條 個皮係椰汁做的好香  但比較厚所以有d飽  至於入面就係士多啤梨filling 好fresh可以中和返頭先食完飯ge飽飽滯滯 唔錯如果入面可以再d多士多啤梨就好了另一樣就係榴心朱古力($35) 呢個真係有驚喜其實我都唔知自己點解會叫左本身唔係太好朱古力 但結果出到黎佢朱古力個陣味唔會太搶 反而係食到好香好滑ge貓山王榴心 果然唔係用普通榴槤係濃好多

銅鑼灣區一向都好多甜品舖亦都各有特色 今日我同個fd睇times square睇完戲就去左附近搵甜品舖啦 行行下去到耀華街就見到沛公甜品 睇一睇menu原來佢地係專食榴槤的 咁岩我地兩個都係好榴槤之人就決定入去試下  佢有好多唔同榴槤食品 除左甜品之外連咖喱角薄脆個d都有 我地頭先都食左飯就無打算食鹹野啦我就叫左個最凍ge榴槤雪條($68) 除左係因為出面天氣熱之外其中一個原因當然係因為佢比較平d用最低價試到貓山王 正呀  食落去真係feel到佢有用貓山王因為佢好濃味我個fd就叫左榴槤crepe cake($88) 佢食得好快係我支雪條仲有三分二ge時候佢已經KO左個crepe cake我問佢點解佢話每一層個個班戟好薄同埋榴槤好滑 食到停唔到口 睇黎佢個個仲正過我呢整體黎講佢食物質素淨講榴槤真係好好同出面普通有好明顯分別 但真係太貴了 真係一分錢一分貨 下次都係要搵個藉口叫個fd請先得

踏入炎炎夏日，總會有股念香的味道，因為又係貓山皇當做的季節。係時候四出找尋榴槤佳品。佢就是我的方向，最初由千層蛋糕做起，到現在發展成貓山皇專門店。一直研製各種與榴槤相關的甜品。但也有其它甜品今次我點了榴槤蕉糖燉蛋，這個有少少失望，可能是在燉蛋過程中蛋水已滲透入榴槤肉中 ，所以食落蛋尚算幼滑，但榴槤肉就顯得水水，無了creamy的口感榴槤芝士餅 ，這個就好得多，因為榴槤同芝士能融為一體，食著芝士有榴槤味，食著榴槤又有芝士味最後不能錯過當然是貓山皇千層蛋糕，算算當然沒有千層，但已經做到標準的18-20層。而且每塊也煎得簿又濕潤，個人認為貓山皇：忌廉比例是3：7，所以味道也夠濃。有滿足感

千層蛋糕起家的沛公，最近多了很多榴槤甜品，由最普遍的金枕頭到香港人可能還未接觸過的黑刺也有，真令人心郁郁想去試一下今次一次過試齊榴槤愛好初階版，資深版，同另類版！貓山王千層蛋糕 $88班戟皮色澤金黃，每片薄薄的，濕潤不乾，大概十六二十層吧，忌廉比例較多，整個感覺較漏，貓山王榴槤味不很重，是初階榴槤愛好者的好選擇~純貓山王千層蛋糕 $138這個餡是純貓山王肉，沒加忌廉的，所以榴槤味極濃，甘甘甜甜，適合資深榴槤愛好者品嚐~由於全果肉，成本相對高，所以size較前者小~榴槤咖啡 (熱) $88平時接觸到多是榴槤香精三合一咖啡粉，這裡的是用榴槤肉的~黑刺雪條 $98黑刺真的比較少見，榴槤味道同貓山王一樣濃，但帶點苦味，做成雪條凍冰冰又creamy 很不錯~

完來沛公出左好多榴槤甜品，我緊係要試下喇，不過見到價錢比較貴，味道都唔錯！貓山王榴槤pancake $88估唔到沛公既千層pancake同lady m有得揮！數之不盡既pancake，夾住層層既cream同榴槤肉邊個話榴槤臭架？不知幾香，幾正榴槤milkshake , 好杰榴槤布甸，中間啲榴槤好好味，不過布甸就爭啲楊枝甘露，估唔到係甘既味！好重奶味，唔錯！荔枝沙冰，炎暑一流食翻碗中式糖水補一補，紅棗桂園雪耳，女仔岩飲

吃完晚飯沒事閒閒逛，就逛到沛公，想說好久沒吃甜品了，突然就嘴饞了柯打了一些芒果製品跟榴槤製品（沛公的menu有一半都是榴槤製品）「沛公主義」第一個上桌分別有楊枝甘露，芒果糯米捲，芒果法式燉蛋，雲中落日，每個都小小的，一次能嚐4個不同甜品法式燉蛋好好吃面一層烤焦糖好脆，甜度恰到好處，邊吃邊覺得小小一個不夠吃了芒果糯米捲是外皮是椰汁，包裹著芒果肉，椰汁腸米皮沒有很甜，包著芒果粒，好滿足「心花怒放」一上桌我忍不住「嘩」一聲。好漂亮芒果片排成玫瑰花瓣，跟花球一樣，都不忍心戳下去了果然賣相也是很重要的一環（忍不住相機先食）上面是片片芒果，下層有芒果布丁。芒果布丁好滑不過我覺得有點太甜。基於芒果法式燉蛋太好吃，所以後來又encore了一份榴槤法式燉蛋焦糖一樣烤得脆脆滿滿地都是榴槤肉，跟燉蛋配在一起口感也太融洽了吧榴槤好香，啖啖肉一點也沒有「呃稱」榴槤迷要來試試喔吃著吃著店裡也愈來愈多人，從一開始只有我們一桌變成客滿，也不好意思再坐著閒聊了真是很令人心花怒放的甜品

夏日炎炎最好食凍冰冰的甜品 今日人在銅鑼灣所以去左沛公甜品可能時間太早關係店裏的客人只得我們 所以我們可以從餐牌內慢慢選 選擇困難症的我拼盤確是一個貼心好選擇    拼盤內有4款甜品      沛公主義:   (重點...全部都係芒果主題甜品 )楊枝甘露 酸酸甜甜醒神開胃芒果糯米糍 芒果肉大大粒又夠甜芒果法式燉蛋 芒果肉都係大粒又甜 + 脆脆的焦糖及CREAMY的燉蛋雲中落日 甜品中的腸粉!!!! 白白滑滑的皮包著芒果肉這個甜品樣子超靚!!!!! 朵花係由芒果片一塊一塊砌成!!!!! 食手工錢都抵番 心花怒放:芒果同樣夠甜!!!! 因為季節對嗎?!?!?!?!?花底下的疑似PANCAKE 其實是PANCAKE皮包著芒果布甸所以其實這個甜品嚴格來說係芒果布甸 榴槤法式燉蛋:  (榴槤愛好者的評分)其實榴槤控應該更愛這間沛公甜品 因為佢好多甜品都係以榴槤做賣點好似這個榴槤法式燉蛋!!!!! 看!!!!!!它榴槤的足料程度真是不兒戲!!!!!!脆脆的焦糖及CREAMY的燉蛋下啖啖都係榴槤肉!!!!!!!!!!!!!

第一次食沛公...第一個感覺係成個綠色frame ... 睇真又幾match喎，因為主題係貓山王榴槤。食物櫃內大多數係榴槤食品 Menu上故之然有不同榴槤甜品，當然又有其他款式甜品。選擇咗喜愛嘅燉蛋加榴槤...上檯時唔覺有榴槤，但好香...睇落中央個面好似有D綠綠色，就係榴槤了...好香榴槤味，食落又很濃味...正 食完咁濃味飲杯清清地三檸沙冰...三檸應該係，檸檬、咸柑橘、青檸，幾清新。食後，本人覺得比起同一條另一間甜品店好味。

食飽飯當然要食返個飯後甜品喇，由於朋友愛食榴槤（小翼最憎），所以我地揀去沛公，滿足吓佢榴槤產品多到呢……芒果千層 - 去沛公點可以唔食呢個，淡淡芒果同忌廉椰汁芒果黑糯米 - 同我想像有啲唔同，比較杰身，好耐都未試過食到杰身嘅黑糯米，因為出面好多都係黑糯米已經加埋椰汁、椰奶煮開，比較稀，呢個真係唔錯

晚飯過後，自然要來個甜品時間。這甜品店的貓山王系列，絶對是不容錯過。這次來個千層班戟，真係超正。每一層都有榴槤夾着忌廉及蛋皮，榴槤的味道充滿在每一口中，齒甲留香，久久不散，真的回味無窮。而吃過濃味的食品後自然要來一杯清淡的飲品，這杯杞子桂圓蜜清得來甜，給人清新的感覺，也有提神的作用。

聞名已久的千層班戟，今日有機會同友人一齊食喇! 打開 Menu，有很多榴槤有關的種類，但無奈友人不喜歡榴槤，所以我只好忍著不點榴槤類。。。楊枝金露大大碗的楊枝金露，材料極度重本，每粒西米都大大粒，柚子很爽甜，重點的芒果都很香甜，每匙入口都很大滿足!芒果千層班戟千層班戟共有八層，薄薄的班戟皮將每層分格開，每層都有滑溜的忌廉及香甜的芒果，每啖都很綿滑，食了整件都不會好膩啊！下次有機會一定要試榴槤類的產品，特別係「茶榴」套餐！

這真是一個榴槤愛好者的天堂。裡面的食品都是榴槤甜品和一些不太常見的中式甜品。我好鐘意食榴槤，所以成日都去沛公甜品，但去左三四次，倒係第一次寫openrice。等我介紹下幾個常食既榴槤甜品先。這個貓山皇雪條真係好好好好味。成口榴槤味但又唔係太重口味。真係降溫既最好選擇！另外就係呢個榴盤。個名好得意、份量好多、好飽。個份量足夠2-3人一起share～嗰千層榴槤蛋糕好多cream，但榴槤肉一樣咁多，一層cream，一層榴槤肉，層層分明。再加埋個燉蛋、裡面都係充滿榴槤肉。名符其實 啖啖肉！！最後，呢杯榴槤椰奶昔，真係大滿足！味道好濃，口感好滑。真係可以幾個人一起share都得。

早前放工後, 去了銅鑼灣食飯後, 想食一點甜, 所以去了食甜品. 今次就去了沛公甜品食.坐下後, 一見到餐牌, 有多款榴槤甜品, 即時令我眼光撩亂, 不知怎樣選擇, 最後, 我選了貓山皇千層班戟.上枱時已聞到飄來榴槤飄香.一共有十七層的班戟, 好考師傅的技巧.每一層班戟之間搽滿了由榴槤整成的cream,非常細滑, 而且仲食到榴槤肉, 口中滿滿是榴槤的香味, 非常好味, 令我食不停口.用貓山皇整成的cream,的確和一般的榴槤有所不同, 榴槤味道特別香濃, 仲特別甘香.鍾意食榴槤的朋友, 來這裡要試一試這個.食完班戟, 要點番一個燉品來滋潤一下喉嚨, 這裡的燉品款式選擇也有不少, 最後, 點了蟲草花燉雪梨.當中有整個雪梨, 蟲草花, 蜜棗, 雪耳, 材料好豐富. 不過蟲草花較少, 若果再多一點更好.個雪梨好腍, 而且好大個, 只食個雪梨已經好飽.個湯好清甜, 飲完喉嚨好舒服, 又夠滋潤.

最近終於知道銅記除他她食之外重有邊度有糖水食啦✌🏼️✌🏼✌🏼耀華街有兩間 其中一間係⋯飄來榴連之香嘅沛公😍😍今晚約左兩個都好愛榴連嘅老友陪食😋一踏入舖頭榴連味已經迎面而來好搞笑 岩岩先知原來佢地出左榴連套餐由甜點咸點到飲品 都係榴連組成😋睇黎下次可以一齊食tea喎！一人一款 我㨂左榴白 榴連鮮奶燉蛋白原本以為係熱嘅 點知凍嘅 失望左⋯吃一口榴連 希望立即返左黎😁香濃又鮮甜嘅榴連蓉 同啪左一粒榴連無分別師父毫不客氣咁將榴連蓉鋪落整個蛋白面蛋白無味顯得榴連味更濃 堅正!50:50嘅黃金比例 邊有得輸啊識食當然少不了食主打嘅千層班戟老友話普通嘅佢唔食 㨂左貓山王version 偷食一啖 哇 又一無得輸代表作班戟皮薄之餘 貓山王味道超濃 果然係大佬！另外個位老友話要試新野喎 榴連焦糖燉蛋表面睇落同普通燉蛋無分別 食落都係一樣😂宜架份量唔算大只係加左一半榴連蓉落去⋯燉蛋非常嫩滑 但略嫌焦糖嘅甜蓋過了榴連⋯埋單平均每人$100 糖水黎講唔算太平不過如果係榴連控 間唔中食一次還可以嘅😅