河內越式料理 (村南道)

营业中

休息中

今次去圍方睇破地獄，不過想食啲平少少嘅嘢，所以去火車站另外一個出口搵食。咁多間舖頭，都有啲人，好彩呢間味道可以之餘，出餐幾快，所以完全趕得切。睇下有咩食先生熟牛肉湯河粉 $69牛肉有肥牛同埋牛腩片，肥牛放多一陣變成半熟，令夠甜嘅牛骨湯底多左少少油份。河粉好滑，如果想多啲香味，可以落少少辣椒碎同埋青柑仔，湯底會更多層次。素春卷撈檬 $68大條春卷切半，份量都大過一般越南春卷。見到裡面材料相當豐富，木耳、甘筍、芋頭粉絲，甚至胡椒都有，淨係無左豬肉碎，口感已經足夠。撈埋酸魚露同蘿蔔絲，非常開胃，可以一路食。香茅雞翼 （2件）$23因為有叫主食，可以跟餐要半份。雞翼炸得乾身香脆，有香茅味。但之前已經食左兩樣好嘢，就唔會覺得好特別啦！香茅沙嗲串燒豬頸肉 （3串）$72沙嗲串燒，同燒豬頸肉都食得多啦！但撈埋一齊都幾特別，因為醬碟好淺，所以點完已經有兩種味道啦！本身豬頸肉燒得乾身爽口，香料味足，所以香茅味唔算好濃味。點沙嗲之後，就會有花生香同微辣嘅感覺，加埋本身嘅香料，成條串燒味道更多層次。蜜糖柑桔冰+$12飲品色水好清澈，仲有幾個青柑仔，應該無落濃縮青檸汁，酸酸甜甜好放心。熱情果梳打+$12半杯熱

我阿媽不嬲嚟大圍都鍾意食呢間，不過呢間嘅質素的確係幾好！越南嘢嚟講係呢啲價錢，我嗌牛肉湯河，調味超正，原來侍應話全部湯河都係用牛骨煮㗎下午茶嘅話要好晏2:30後，我哋今日就唔會等啦我一定係嗌生牛肉湯河！牛肉份量唔算太少都幾好，金邊粉勁多佢個湯食完都唔會話好口渴，不過都有少少阿媽嗌嘅豬扒撈檬同埋河粉同阿哥一齊試吓，佢個豬扒又係香茅味整得好出色㗎呢間舖頭唔知係咩人開嘅呢，都幾多分店同埋質素OK環境都唔差，仲有獨立廁所侍應嘅服務態度都唔錯平民之選

✨又約左好朋友去大圍車站附近搵野食，今次係食越南菜🇻🇳✨河內特色綜合河粉🍜$95真係勁大碗，有生牛肉、牛腩片、扎肉、雞絲、香葉卷。生牛肉同牛腩片牛肉味十足，口感軟腍，河粉份量多又滑身。而個人最鍾意就係個湯底，上菜時會另上一粒青檸同辣椒🌶️，唧少少青檸汁同加辣椒落湯底，味道一流👍🏼湯底除左牛味同青檸味完全唔覺有味精。✨濱海伴香茅牛肉$76真係好抵食，有五個米粉餅，牛肉醃得好好味，食法係將生菜包住米粉餅同牛肉，好似食生菜包咁，真係好飽肚👍🏼✨香茅沙嗲串燒（豬頸肉）🍢$72極推介呢個豬頸肉串燒，豬頸肉爽口彈牙，每咬一啖都充滿油脂但一啲都唔膩；靈魂醬汁就係點個沙嗲醬，只係三串串燒，基乎點哂成碟醬😋✨越式香茅雞翼$46 外皮炸得鬆脆，內裏鎖住肉汁；蒜蓉味同香茅味突出。✨餐飲：跟主食叫了越式青檸冰🍹同熱蜜糖柑桔☕️好好飲，唔會太甜，飲落好清新潤喉。

呢碗河內生熟牛肉河粉真係好味！湯底清甜，牛肉新鮮，生牛肉切得薄薄，煮下就熟，肉質鮮嫩。河粉滑順，吸收咗濃郁嘅湯汁，食落去非常舒適。配搭啲新鮮嘅香草和檸檬，令味道更加清新，整體口感非常豐富。每一口都令人感到滿足，真係非常適合想食一碗熱辣嘅河粉嘅朋友，強烈推薦！

越南野食真係又平又好食,呢間餐廳好有河內既感覺,牆上有單車,有特式既裝飾,好正!我叫左越式生菜包,調味、煮法都同平時果d好唔同,佢有少少肥豬肉,個口感會再特別d,同埋佢較乾身,唔錯唔錯。小食就叫左牛油雞翼,佢既做法係厚粉d,牛油味好重,好香,雞翼肥美,好食。整體黎講價錢實惠,如果想食生菜包就要預多少少時間等,都唔算等好耐,但佢真係即叫即做。呢個下午茶時段好多人都叫pho為主,但我中意食生菜包多d,真係幾唔錯。

好抵食嘅越南餐廳叫咗一份蒜蓉包雖然冇蒜蓉喺上面，但係個味好出，食完想再食，食到停唔到口😂一份牛油雞翼只有四隻，超級好食！大人細路都鍾意😝生牛肉湯河雖然係每間越南餐廳都有嘅菜式，但係唔係每間越南餐廳都做得好食 呢度嘅生牛肉湯河味道不錯，值得推介！咖喱牛腩飯本身以為會好辣，但係咖喱味道甘口，絕對好食過好多連鎖餐廳！牛腩嫩，飯嘅份量亦都非常夠最後叫咗個豬頸肉檬粉個汁酸酸甜甜，配埋豬頸肉，簡直係絕配！價錢非常抵食，下次會再去！

食越南料理最心心念念一定重口味雞翼，今次嗌嘅法式牛油雞翼份量十足，外皮炸得好香脆，咬落仲啖啖肉。諗住叫多一個小吃，但擔心太Heavy，就叫咗一個平時少叫嘅青木瓜沙律，出面食嘅青木瓜沙律好多都硬骨骨，而今次呢個沙律咬落脆而不硬，食落非常清爽。嚟到主食方面，蟹膏湯檬就一定走唔甩啦，湯底蟹味香濃，豆卜吸飽湯汁，十分惹味。撈檬方面豬扒亦非常出色，食落唔會太乾，質地亦算鬆軟，配料配合醬汁非常開胃。最後我哋仲嗌咗青檸冰同埋三色冰解解渴，值得一題係好耐冇飲嘅三色冰，椰汁唔會好稀材料亦都好足，直頭係有細個飲嘅味道啊！

收工經過周不時會食呢間嘅撈檬貪佢輕盈又多蔬菜。呢度嘅撈檬好多唔同嘅組合，可以慢慢試。我食過嘅香茅豬扒、香茅雞翼、越式春卷都好食。但d魚露汁嘅狀態唔係幾穩定，可能我唔小心加得太多/ 有時唔太新鮮，會影響整體味道。不過九成時間都係好食嘅。有時冇乜胃口，諗唔到食咩，撈檬可以一試。

大圍除了圍坊，在地鐵鄰近還有好多地舖食店，今天去了這間河內越式料理，好在早少少食，走時見到大排長龍，果然是熱門餐廳。點了幾個熱門菜式～河內小食拼盤 $135，大包圍幾款重點小食：炸手打蝦餅，越式春卷，香茅雞翼，扎肉，鮮蝦米紙卷，幾款都唔錯，手打炸蝦餅都幾彈牙，外脆內彈；香茅雞翼，有肉汁煮得啱啱好，好嫩滑；值得推介越式春卷新鮮香脆，加越式酸辣汁用生菜包住食，超好味。另外點了一個越式牛柳粒紅飯 $120，(另加$21 可加一碟油菜），見menu介紹好吸睛，紅飯都幾特別，點一個試試，紅飯是蕃茄飯，酸酸地都幾開胃，另洋蔥三色椒牛柳粒炒得幾香，牛柳粒肉質夠軟身（帶點中式風味），整體都唔錯。點了一個特飲，鮮芒果西米露 $30 (跟餐只+$12），好香椰汁味，正！

好多時放工都會買外賣返屋企食，好多次買外賣返到屋企都會流晒，啲盒都會有湯有汁。今次好想讚下呢個內河越式料理，包得好好之餘醬料都好齊備。我地叫左生牛肉湯河粉，本身都好怕返到黎啲河粉唔好食，但竟然唔會之餘個湯底仲好好味，啲牛肉都幾多同埋係好味嘅，而河內越式三寶飯，有豬扒、雞翼同埋札肉，好多送，豬扒同雞都即炸好香脆，份量都好多好夠食，順化牛肉蛋飯，食佢牛肉好入味好淋，配埋飯真係好一流，仲有我最愛嘅青木瓜沙醬，佢個汁好啱好啱我口味，唔會太辣又夠酸，而且仲好大盒好多，重點係個青木瓜好新鮮好新鮮，勁正，再加左個小食越食豬頸肉，佢燒得好香，盒野一打開就聞到燒肉嘅味道，今次屋企個個都話我揀嘅呢間餐廳正，每樣野都睇到佢用心做。

好多時放工都會買外賣返屋企食，好多次買外賣返到屋企都會流晒，啲盒都會有湯有汁。今次好想讚下呢個內河越式料理，包得好好之餘醬料都好齊備。我地叫左生牛肉湯河粉，本身都好怕返到黎啲河粉唔好食，但竟然唔會之餘個湯底仲好好味，啲牛肉都幾多同埋係好味嘅，而河內越式三寶飯，有豬扒、雞翼同埋札肉，好多送，豬扒同雞都即炸好香脆，份量都好多好夠食，順化牛肉蛋飯，食佢牛肉好入味好淋，配埋飯真係好一流，仲有我最愛嘅青木瓜沙醬，佢個汁好啱好啱我口味，唔會太辣又夠酸，而且仲好大盒好多，重點係個青木瓜好新鮮好新鮮，勁正，再加左個小食越食豬頸肉，佢燒得好香，盒野一打開就聞到燒肉嘅味道，今次屋企個個都話我揀嘅呢間餐廳正，每樣野都睇到佢用心做。

自從鐵路亙通，多了機會來大圍轉車食飯。不想入商場消費，可以轉到一街之隔的餐廳，價錢經濟選擇又多。越式三寶湯河包括生牛肉，牛丸及牛展，各有兩片。另外有一杯調味配料，九層塔、青檸等等。當中牛肉和牛丸的質素達中上的水平。生牛肉粉嫰，可以由客人自己浸湯浸至喜歡的熟度。肉片肉味豐富，牛丸亦多汁爽彈，相比之下牛展就相對平庸，可說是爽口未夠淋滑，但份量方面滿意。最讓我驚喜的是湯底的味道非常貼近越南河內口味，清新的牛湯帶洋蔥的甜，實在令人懷念旅遊時在河內的時光。椰汁紅豆冰椰味濃，紅豆冰沒有過度的加糖水，甜度剛好。紅豆本來就帶點甜味，整體調味不錯，豆蓉很幼滑。嫩滑的bb通菜，吃起來沒有咬不斷的感覺實在很重要。蝦醬的咸香恰如其份的融入通菜中。逐熱蝦醬香撲鼻而來，美味的通菜一舜間便已清碟。蕃茄牛腩法包肉量大方，沒料到法包已沾上蒜蓉牛油，焗得香脆的包邊浸汁非常吸汁。牛腩煮得軟淋，有適量的脂肪是簡單的comfort food。還有這主食沒有比湯河貴，價錢差距很少，實在是經濟實惠。湯河可以內優惠價加配小食，小份豬頸肉都有六七片。現場見更多男士選擇另一份小份豬排，是一整塊的。食物味道舒服不渴挺正宗，難怪不見外國人都

之前都食過呢間越式餐廳，但係其他分店到，印象好深刻，因為性價比好高，啲野食又好食🥹今次同朋友係大圍搵野食，又見到佢，就到去食下，睇下唔同分店有無咩分別🤔結果係一樣都係咁好食 咁抵同好好坐🤣👍🏻👍🏻👍🏻 生牛肉湯河粉湯底好鮮甜，食得出有用咗牛骨熬製，牛肉片薄得嚟好嫩，啱啱放落去嗰陣最正🤤配埋啲配菜，味道層次豐富，食完暖笠笠！越式豬頸肉撈檬呢個仍然係我嘅最愛😆豬頸肉煎得啱啱好，嫩滑又入味，撈檬夠爽口，加埋酸甜醬汁，食落去好開胃😋越式炸蝦餅炸蝦餅外皮炸得脆脆地，咬落去真係滿足🤤🦐越式香茅豬扒呢個係我再encore嘅選擇🤤香茅味道好突出，豬扒煎得岩岩好，肉質嫩滑唔會乾👍🏻椰汁綠豆冰椰汁好香濃，綠豆冰清涼解渴，炎熱天氣飲返杯真係透心涼👍🏻熱蜜糖柑桔呢杯香甜可口，我特登叫左少甜岩岩好👍🏻

今晚想偷懶一晚，所以嚟到大圍村南道嘅河內越式料理買外賣🥡番屋企做晚餐。大圍附近其實有唔少餐廳，但河內越式料理店內係完全full house ，睇睇餐牌就明白哂😆價錢相宜，份量亦不欺場，外賣自取仲有9折🤭🤭越式咖哩牛腩飯🍛一打開蓋就聞到超香嘅咖哩味，辣度唔算好高但相當惹味，牛腩亦夠哂軟稔，撈埋咖哩汁真係飯都食多幾碗😋越式蝦餅撈檬🦐炸蝦餅即叫即炸所以番到屋企都仲係脆嫁🤭手打蝦餅口感彈牙，檬粉份量足，重點係甜酸汁份量夠哂😎🤓招牌越式三文治🥪招牌越式法包🥖當然係用上越式札肉，加上新鮮生菜🥬爽脆口感嘅醃菜，份量之大係一口食唔哂嫁😆😆香茅牛肉三文治🥪越式法包🥖相當有份量，面頭放滿香茅肥牛片相當惹味，法包包住仲有醃蘿蔔絲、炸蒜、芫荽，酸酸甜甜咁都幾開胃越式炸蝦餅🍤上湯灼田園蔬🥬惠顧主餐牌可以加配價加多個小食，炸蝦餅、春卷、香茅豬扒、田園蔬菜🥬都有齊

經過大圍呢間越南野好多人排隊，所以今次都同朋友試下✅極品牛三寶湯河粉是一道以牛肉為主要材料的湯河粉。牛三寶通常指的是牛肉片、牛建同牛丸，配料都具有嚼勁和鮮美的口感。極品牛三寶湯河粉的湯汁可能使用牛骨熬製而成，帶有濃郁的牛肉風味，與嫩滑的河粉搭配非常美味。順化番茄蟹肉扎肉湯檬這道菜可能受到當地料理的影響。番茄為湯汁帶來了酸甜的口味，蟹肉和豬肉則提供了豐富的蛋白質和口感。湯檬可能是指加入了檸檬汁或檸檬片，使湯的口味更加清新。安南鮮蝦米紙卷蝦肉和蔬菜為餡料的越南卷。越南卷是一種將生菜、新鮮蔬菜、蝦肉等包裹在米紙中的輕盈小吃。這道菜通常搭配甜辣醬或花生醬一起食用，口感清爽、健康。酸辣無骨鳳爪雞爪先去骨，然後經過烹調和調味，使其具有酸辣的口味。這道菜通常帶有微辣的風味，口感豐富又多汁。上湯灼田園蔬保留了蔬菜的原汁原味，提供了清脆和營養豐富的口感。