沾仔記麵食

营业中

休息中

一個碗細蓉。每次我去沾仔記，店鋪阿姐耳熟能詳的聲線，一碗剛上鍋的雲吞麵，一對經過洗禮的筷子，一小輟的細蔥，一口彈牙的鮮蝦雲吞，絕對系值得一試。沾仔記的雲吞是店員一手一腳包出來的，可想他們對雲吞的認真。細蓉重點推介，沾仔記。

今日落土瓜灣整少少野，見到e間沾仔記舖仔細細，但係都幾多人wor,咁見自己又有d肚餓，咁就入去試下啦，入到去，搵唔到個餐牌，自己又唔敢問，唯有周圍望下啦，望上牆，見到雲吞，牛肉，鯪魚肉同墨魚丸四款，有單併同雙併，心唸唔係呀ma!得買款咁少!但係從另外一個角度去睇，做得專業d都幾好wor!於是我就同呀姐點左個單併墨魚丸麵啦！一分鐘左右，個麵上枱啦，唔好睇佢25蚊以為係用果d台灣魯肉飯碗wor!都唔細呀！咁等我試下先!粒墨魚丸好足料wor!裡面好明顯係真係有好多墨魚膠，而且都好重墨魚味，咁d麵呀姐姐都煮到好彈牙呀！而且個湯都好濃味，不過之後都要飲好多水，承為25蚊，抵食，希望之後有機會試埋另外果三樣啦，或者一次過三併，哈哈!

沾仔記一間係土瓜灣好多年好多年嘅麵店。當年拍拖也成日去，初初去時，麵店還未裝修，好似一碗牛肉米，只是$18蚊！依家要成$28了。牛肉麵：鮮牛肉，好好味。只要有叫牛肉，啲麵湯會特別好味。我估係有味噌的，次次食完後超口渴。雲吞：呢度好出名，粒雲吞好大粒，裹面有肥豬肉同幾隻大蝦！係幾隻，唔係得一隻咁少。不過，都有敗筆，啲蝦冇通腸，啲💩💩仲係度。鯪魚肉：魚肉彈牙，好好味！次次都食，好有魚味。墨魚丸：呢個非常好味，超彈牙！但係雙拼得兩粒。菜：得一款，無得揀！一時係通菜，一時係生菜。不過，可選湯上。記住，我試過幾間沾仔記，但只得呢間好好食。

小店一間，坐位只有十多個。可能附近食店比較多，晚上7點也只坐了1/3。當然要點雲吞麵啦每碗雲吞麵入面有3隻如乒乓球般的雲吞，皮薄餡多，蝦鮮味又彈牙配上有少少肥豬肉十分好吃。另外值得一讚的是，麵很有咬口而且沒有鹼水味。 味道一流，但稍嫌份量略少。 衛生環境有待改善，有小小強陪我搭坐..... 不過一碗只賣廿五還想要求怎樣

呢間沾仔記原來係其他地區都有分店，紅磡、大角咀、佐敦都有分店，不過在中環都見到有沾仔記，唔知係咪好似譚仔米線咁，之前係同一班老細，生意好了就分家。平時我下午未到晚飯時間而肚餓，我就會到沾仔記吃碗粉麵。這裡得四種種餸提供，牛肉、雲吞、鯪魚球、墨魚丸，單餸＄24，兩餸$32，叄餸$40。牛肉－是本地牛不是肥牛，用粉醃過，有牛味，不算太好味。雲吞－蝦好多，而且大粒，不是傳統的雲吞。鯪魚球－彈牙有魚味，而且唔似係街市買返來的。墨魚丸－唔係交來的貨式，因為有馬蹄同墨魚粒，有墨魚味👍另外可以外賣牛肉、雲吞、鯪魚球、墨魚丸回家打邊爐😍仲有D辣椒油都好香辣，可以外賣，每樽$40

朋友帶我來兩次 還買了老闆自製の辣椒醬兩瓶帶回去給媽媽試試 這裡的鮮蝦水餃實在太好味啦！蝦又大 海帶絲也超愛的 🍤の雲吞也不錯啦 再加一杯凍檸蜜 實在很幸福的味道 又抵食！

在土瓜灣普通一碗牛腩麵都要$28，呢間沾仔記嘅牛肉河粉，只是$24，如果要雙拼好似＋$7，我喜歡他的雲吞，因為如果叫雲吞河有三粒，淨食有4粒，裡面有好多蝦，很少肉，雖然不是全統雲吞肥肉＋瘦肉，仍然好味，另外鯪魚球都好味道

早上來到，無需等位，鋪面細細，幾有懷舊風味~選擇亦唔算多，都係食招牌菜ga la！雲吞麵 爽口雲吞，好大粒，好多蝦；麵爽口，無重重堿水味, 湯底都幾鮮味，唔會好重味精。ps：辣椒油正！rating:7/10

食粉麵...雲吞麵一定要嚟呢間...唔好睇佢細細間...有成4個店員...坐低嗌碗麵...唔洗2-3分鐘就已經有得食...沾仔記出名雲吞大大粒...餡料十足...尤其是隻蝦大大隻...爽口彈牙...牛肉嫩滑...絕無牛騷咪...成日食麵所以今次決定轉下食米粉...一樣咁好食...啲米粉煮得恰恰好...唔會過軟又唔會過硬...咁樣雙拼都只係32蚊咋...簡直人間平民美食...

今晚經過土瓜灣，心思思想食雲吞，記得依度d雲吞好出名，就走過黎食碗淨雲吞，一碗有4粒，大大粒，入面8成蝦2成肉，但味度一般，冇咩味，湯底就味精湯，要加豆油先有味。

店內所有麫食十九蚊碗喇，油菜十二蚊很細碟（個碟），比部份麫店食麫加油菜份量差不多，當天我和媽媽柯打兩碗雲吞麫一碟油菜，麫內三大粒雲呑蝦爽肉少，但不遠亞姐在包雲吞，發現她用手在那盆涵內揀黑色條狀物體，原來是蝦腸，唔係淸理洗浄才加肉內，當堂大打折扣，其中一粒雲吞內有少許蝦腸，然後亞姐又收錢又執枱，會唔會洗咗手才再包雲吞，衛生有問題，以後唔再幫襯

好耐冇同老婆食早餐，咁岩朝早係呢邊有野做，就順手食個麵先！間鋪咁早得小貓三四隻，搵位坐底叫野！叫左個雲吞麵同鯪魚球河粉！呢家加晒價，之前15蚊一碗，呢家成19蚊一碗，好貴！一碗三粒餡，雲吞皮好滑，多蝦！麵爽口彈牙！但可惜太少喇，、幾下食晒！老婆碗河粉夠多！但佢話個鯪魚球吾好食wor!但我自己覺得都ok既！可能由細食慣既關係吧！食麵落d醋真係好味少少，喜歡的朋友可以盡情一試喔！平時老婆最怕食（簡水麵）但加左醋之後佢都大讚好食喔

$15單拼，$20雙併，$25三併，而家呢個經濟環境，真是抵食。只有四種食物，雲吞、牛肉、鯪魚球、墨魚丸。另外有豆漿$4，汽水$7（不過唔知枝定罐）。食左雲吞麵（3粒）加底$20，麵爽口，雲吞一粒有五隻蝦，好大粒，隔離位食淨雲吞得4粒，都是$15。這個價格算好食。

當沾仔記的雲吞麵,加到上$15一碗,真感嘆社會通漲得令人乍舌,上一次來三年前,還是$12一碗.這三年來,大家的人工加了幾多?先不說通漲的影響,說回個雲吞麵,沾仔的風格一向是拳頭打出個名堂,雲吞有如拳頭般大,元朗有拳頭壽司,沾仔就是拳頭雲吞.有些死宗傳統細蓉之仕,大罵沾仔雲吞嚴重扭曲雲吞自然生態,你越罵,他越好買.抵食夾大件,就是必殺技.兩者之間,其實是可以並存.雲吞例牌三大粒,內裏蝦肉多到滿瀉,味道幾鮮,感覺挺爽.雲吞湯非中環的羅漢果味道,味道比較淡,麵條鹼水味不重,吃下去也叫得上彈牙.如果麥奀賣$15一碗當然平,沾仔記賣到$15一碗,也是一個現今的通漲下,其中一個指標.物價升,人工不加,連財政預算案也令到全民喊打,大陸小農恃著自己是救世主,叫我們香港人吃屎,還要又食又拎,你說這個社會能夠和諧嗎?

九月下旬‧晴沒有胃口的日子，下午吃湯雲吞也不錯。看到這個品牌，也不用細想，吃的當然就是「乒乓波雲吞」。吃起來蝦很多，肉很少，不過感覺都幾新鮮，至少蝦肉是鮮爽的，也不錯了。值得一提的是，附送的辣椒油很有趣，是非常難倒出來的！16元，都吃得幾飽，抵食的。