沾仔記 (兆英商業大廈)

营业中

休息中

今天剛好要到中環， 午餐想隨便找些東西吃，剛好看到這間餐廳， 上網瀏覽一下才知道是米芝蓮推介， 看看價錢立即決定入去 試一試點了一個雙拼牛肉鍋雲吞，另外加碟油菜。 打開辣椒油芳香撲鼻！ 加一些落雲吞麵！雲吞 尺寸比起乒乓波 還要大！ 內裏滿是鮮蝦，爽滑彈牙！牛肉爽滑， 經過醃製仍然不失牛味！分量充足吃得 非常爽快！看一看這雲吞的尺寸， 巨型但仍然非常完整！ 皮薄餡靚， 餡料豐富。 入邊包裹着大地魚粉， 因此雲吞鮮味非常， 雲吞湯也是經過牛骨豬骨大地魚及羅漢果熬製，店裏雖然只賣雲吞牛肉及鯪魚球和一些油菜，但每一樣食材都精挑細選非常新鮮，油菜也值得一讚冇渣而且非常鮮甜！ 不愧是米芝蓮推介，只要用心做好一件事就算款式不多，也能 聞名中外，客似雲來！ 餐廳裝修簡單古樸，乾淨企理，空間充足而且不用排隊！經過 一定要入去試一次

這家連鎖店在香港10分有名，多年被評為米芝蓮食肆。由於我不是太餓，只叫了淨雲吞。雲吞上來的時候，我第一時候喝了一口湯頭，湯很清甜，相信是用了大地魚熬製，另外蔥花和九黃的香味也在口中迴盪。接着我便試試他的雲吞，雲吞比一般其他店要大，皮很薄，能透出餡料中有很多蝦。咬下去後，蝦肉彈牙香甜， 10分新鮮，很美味。

#沾仔記 我是超喜歡吃鮮蝦雲吞，特別是巨型雲吞，哈哈！這家雲吞專家連續八年都得到米其林指南的推薦，所以都相當受歡迎😁😁🔹招牌雲吞＋鮮鯪魚球雙拼 $40 乒乓球般size的雲吞，鮮蝦超多，皮超級薄，蝦子入口很彈牙😋 鮮鯪魚球有bb仔的小拳頭咁大，真的不誇張嗎，很巨！魚肉有彈彈的口感，吃起來會比較有咀嚼的真實感，肉質滑，很喜歡👍🏼👍🏼👍🏼沾仔記地址: 中環皇后大道中153號兆英商業大廈地庫，港鐵中環站 D2 出口, 步行約6分鐘

尋回中學時代的回憶...細細個就食佢架喇😛大大粒雲吞冇得輸雖然一碗只有三粒但配上細細碗面($34)女孩子一碗就夠❤️麵底都夠爽,,,好味道呀男生可能要吃兩碗吧！🤣要留意喔

朋友即興到中環搵我食飯，想食得清淡而且時間有限，於是決定食雲吞麵，但中環區出名雲吞麵有數間： 麥奀記、羅富記、麥文記、同埋沾仔記，最後我地思考良久，決定見邊間就腳就去邊間。最後去到中環中心旁兆英商業大廈地庫的「沾仔記」，面門有超多米芝連推介，價錢相宜，鋪面乾淨衛生、明亮光鮮、實而不華風格。至尊三寶麵（HKD 44):招牌雲吞：蝦肉大大粒、爽口彈牙、唯調味可更重手，味道吾夠濃。鮮鯪魚球：如一粒乒乓波般大，食落有驚喜，帶點陳皮香，輕輕調出鯪魚鮮味，要分數啖先食曬成舊，但食到小魚骨，需要謹慎處理。牛肉片：比較滑溜麵底湯頭：用上大地魚湯底，比較清啖。麵質爽口，不會太重鹼水味。總結：價錢相宜抵食中環區麵食之選

好記得n年前大少同我去中環食左個拳頭一樣大嘅鯪魚球面，今日去開附近唔知食咩就話食返呢間，不過就冇之前噤好食。雲吞牛肉面：湯底得甜味，牛肉用鬆肉粉醃，唔鐘意，雲吞都足料大粒鯪魚球雲吞米粉：湯底淡而無味，鯪魚球依舊大大粒，好食。辣椒油：我個人覺得呢樣係靈魂所在，但呢到既辣椒油得個咸，一d都唔辣價錢黎講2條友食2碗面加個油菜$97算平

難得嚟到中環區，欣賞到五光十色嘅街道，佈置得美輪美奐嘅購物中心。今年縱然回復返以往嘅聖誕裝飾，但係由於第四波疫情來勢洶洶，因此夜晚嘅中環區都頗為冷清。我地去咗激安殿堂逛咗一圈之後，就行過對面街口嘅沾仔記食麵，去到門口我先知原來佢係米芝蓮嘅食店！夜晚八點，食店內未有人幫襯，於是我地就坐低點餐啦。話明係米芝蓮雲吞麵，咁就當然係點招牌雲吞麵啦！幾分鐘後兩碗熱辣辣嘅星級雲吞麵送到！而且仲有三大粒鮮蝦雲吞，絕無欺場！此店並無茶水供應，但係匙羹用透明膠盒密封，十分衞生。生麵爽口彈牙，鹼水味唔太重，湯底我估係用蝦殼餚製，非常鮮味，飲曬啲湯都唔覺得太口渴！每碗雲吞麵索價$34，平過一般茶記，仲要係喺中環區喎，簡直難以置信呀！

沾仔記作為米芝蓮必比登推介，吃了很多年，地方大大的，木桌木凳，地方沒油債，餐牌乾乾淨淨的，点了三併麵，即云吞，鮮牛及鯪魚球。整碗麵份量不少，女生不一定能全吃下。雲吞很大一顆，蝦爽，豬肉份量再加一点更好，雲吞是預煑熟了，皮過軟，扣分。鮮牛做得普通，牛肉片很軟熟的代價是沒有牛味，應是用了調粉把牛肉弄軟之故。鯪魚球才是最大賣点，很大，很彈牙很爽，很有魚味，着實出色。麵條煑得軟了一些，扣分。湯底也是正常，不能叫好，中上吧。总體是中等水平，44元三併麵，不貴也不便宜。

每次嚟中環都必定去呢間老字號麵店，鍾意佢環境舒適，地方乾淨，最緊要係堅好食👍👍。叫咗個雲吞鯪魚球蛋麵$40，中環區黎講佢都算係抵食，佢自家製嘅鯪魚球同雲吞真係大得好誇張，比乒乓波還要大。鮮蝦雲吞彈牙爽口，鮮味十足，裏面啲蝦新鮮又大隻，7分蝦肉， 三分豬肉。鮮製鯪魚球滑中帶爽，食起來口感豐富，有回彈感覺，無魚腥味，鮮味十足。佢嘅蛋麵亦係叫人讚不絕口，麵條分明，爽口之餘又冇鹼水味，令人齒頰留香。食過呢個麵以後就唔會想食其他店嘅雲吞麵🤣🤣。

趁著今天來到中環工作, 可在下午茶時間忙裡偷閒, 所以便來嚐嚐沾仔記雲吞河。店舖裝潢是中國風的懷舊裝修,冷氣足夠, 坐得舒服。下午茶時間基本上沒有其他客人, 如同包場, 可安安靜靜的享用麵食, 才不用怕佔著位置。一碗粉麵只有三顆雲吞, 但每顆大大粒又彈牙, 每顆雲吞裡面有數隻蝦, 十分足料, 而且蝦腸算挑得乾淨, 吃了三顆雲吞仍覺得意猶未盡, 想再添碗呢一碗雲吞粉麵只是$34, 在中上環一帶來說, 算是非常抵食。

沾仔記呢個名大家都應該好熟悉，事關佢喺香港都屹立左好多年，加上係米芝蓮車軚人推介美食， 所以平時生意都唔錯，中環呢間分店，去到lunch hour 更加係由樓下鋪 ，排隊排到上地面 ，再轉彎😅！介紹吓呢度最出名嘅雲吞🤗今日我食雲吞米粉～🌟雲吞size大過乒乓波，每粒雲吞裏面至少有三隻蝦＋豬肉，食落十分爽口，個皮亦都冇乜鹼水味，果然名不虛傳！呢度係用上比較粗條嘅米粉，鍾意口感嘅朋友就啱哂喇！而且呢度阿姐都好殷勤，如果你叫佢多葱嘅話，佢真係會俾成碗葱你😁🌟油菜一碟只係10幾蚊，仲可以俾你揀要蠔油定係菜湯👍👍👍中環區呢個價位，食到呢個質素，CP值極高👍

今天一個人到中環選購物品，恰巧經過這間懷舊老店，早已聽過朋友讚揚這間食店，而且又拿過米芝蓮獎，我當然要入內品嚐他們的招牌雲吞麵。店舖裝潢簡約懷舊，古色古香，是中國風的格調，環境亦整齊乾淨，而且上菜速度快，才下單不久數分鐘便上桌，很有效率。招牌雲吞麵湯底用大地魚、蝦米、豬肉及羅漢果熬製而成，清甜鮮味，沒有味精，麵條幼身爽彈，沒有鹼水味，雲吞大顆，每碗有三隻，雲吞皮嫩滑薄身，用料豐富，皮薄餡足，內饀佈滿新鮮豬肉碎及蝦仁，爽甜彈牙，鮮甜味美。整體而言，環境簡樸乾淨，價錢經濟實惠，食材新鮮美味，是與朋友吃麵食的好地方。

雲吞入面有透明膠，咩玩法呀？消化唔到喎雖然係平，我亦冇諗住叫你換過佢，但你都唔係就咁由得佢吓嘛，做樣都講聲唔好意思啦。話會同廚房講番咁就算，咁我點呀？碗麵得三粒雲吞，冇左一粒係咪收平啲架？⋯⋯一流服務呀！

突然去到一家本地人吃粉面的地方！非常惊喜呢！以前吃过很多次汤面，这次试了一下沾仔记的干捞面！味道真是一级棒！三种配料可以选择，分别是云吞、牛肉和鱼肉～别看菜牌上的种类不多，但是每一样都非常好吃啊，比什么80多块钱一碗的池记不知要好吃几倍！鱼肉非常的弹牙且都非常大个儿，可以说非常实惠啦！旁边配的一碗面汤也非常好喝！淡淡的有葱花的香气～吃完捞面也不会觉得很噎

今日中午行行下黎到呢間沾仔記食雲吞麵,呢一間都幫襯左好多次,位於中環尾,上環頭,中午時段都容易揾到位,就算要等位都好快有位,因人流很快.店铺坐得舒服,冷氣充足,上菜亦很快,每次嚟到沾仔都必定叫雲吞米,它那雲吞雖然每碗得三粒,但超級大粒,粒粒好似乒乓波咁大,每粒雲吞裡起碼有三隻蝦,粒粒超级彈牙,另外亦会必叫一碗菜湯上,其實佢D菜可以選擇碟上或湯上,個人喜歡湯上,因它的湯亦沒有太多味精,飲左都不会口渴,加上D菜亦超级新鲜,而且碗碗份量都好多,所以亦是必叫的.