沾仔記 (兆英商業大廈)

营业中

休息中

難得尼開中環就想試下沾仔記，聽人講好似唔錯，我上次就食左麥奀記，唔知e間會唔會都好食雙併 魚肉 雲吞我上次食係三粒雲吞 一舊大魚肉但我個friend今次有兩舊大魚肉。。。招牌雲吞麵 3粒大雲吞 d蝦都幾大粒架 霸曬成個碗既位 但如果大食既朋友可能會唔夠 因為個麵既份量唔係好多但對OL黎講都飽既個湯睇落有小小油 但飲落去濃味得黎又唔鹹 蝦肉唔會有雪味 雲吞皮亦唔會好厚如果要飲野就要加$10 所以想飲野但唔想額外比錢就自備水喇

行開呢頭睇中醫 趁未睇醫生仲有時間 醫醫肚先啦黎沾仔記食碗鯪魚球雲吞撈麵 有埋碗湯底 有新鮮蔥花 立刻提升成個湯底鮮味 食得出係灼鯪魚球、雲吞、牛肉既湯底 好鮮好濃 正 再自己用辣油、紅醋、蠔油撈一撈個麵 當堂好味到 食唔停口 當然個麵質好彈夠幼身又唔易斷 撈麵一流 $47咋呢個就叫牛肉同雲吞湯麵 清清地 湯底一樣 牛肉夠滑嫩身 配埋多蔥 好鮮好味 $37咋

當日諗住去大館打卡，點知落好大雨，行行下見到沾仔記，就吸引左我入去試下。入到去店面乾淨企理，店員安排左我地2人坐卡位，位置寬闊。心諗位於中環，又坐得舒適，呢位雲吞面肯定不是平民價。點知一碗雲吞只係$40有找。一碗面有三粒大大粒既雲吞，雲吞皮不厚，而且有數隻完整既大蝦。面底鹼水味不重，爽口得黎容易咬斷。湯底亦唔會好重味精，平時食面唔飲湯既我都忍唔住飲左幾啖，十分有驚喜！值得再去同推介比中環番工既朋友仔。

🐹跟鼠友週末去香港新景點—大館。未到預約時間，我們本想去樂香園先食過午餐，但原來星期日樂香園休息太失望了於是隨便就進了沾仔記。星期日下午沒什麼人，只有少量內地遊客在，菜牌上的選擇亦寥寥可數。我們點了最重點的兩個麵，鼠友太累需要些咖啡因，另加了十元罐可樂。招牌雲吞麵雲吞都算大粒足料，內餡的蝦肉餡夠鮮味彈牙鼠友喜歡配辣醬食雲吞麵，這兒的辣油很辣，點少許就很辣很香。鮮鯪魚球麵上枱一刻，真是有驚訝到，鯪魚球很大粒兩粒大大粒鯪魚球很彈牙，可以打乒乓波而且沒有細刺，沾少少辣油食很滋味。麵亦沒有鹼水味且有彈性的，加紅醋食亦不錯。🐹：30元一碗麵在中環區算是這樣吧，雖然是在做遊客生意，但都有一定水準。辣油夠辣夠香，鯪魚球沾著辣油食很不錯溫馨提示，辣油真是很辣，少少夠了，更不要加在湯底內。

This is a no-frills restaurant that serves up some of the best noodle soup you can find. Overall 5 stars for quality and price. The noodles are incredible, and I mean it. Cooked perfectly and so filling. My bowl came with the beef and the shrimp wontons. The wontons are so big and juicy and the beef was very tender. The broth had depth and I added a little chili oil to get that perfect amount of spice. Had I not been in HK for only a few days, I certainly would have returned. It was in and out b

中環出名食物貴，要搵間平平地又好食既鋪頭唔易。沾仔記好出名決定去試一試。上網睇左人地話推介食三寶面就叫左碗黎試。餐廳係中式裝修，看上去都非常整潔。當日唔需要排隊就有位，但食物的選擇就唔多。價格真係好便宜，而且味道好好。叫左三寶麵，雲吞都幾大粒，係鮮蝦雲吞，的蝦好新鮮。的麵都好彈牙，煮得岩岩好。如圖中所示，牛肉都有一大堆，牛味濃，好有咬口。鯪魚球又係大大粒，一大啖咬落去好爽！　值得一試！　物有所值。回再黎食。

在中環皇后大道中無意中發現「沾仔記」米之蓮推薦的雲吞麵！我以為自己看錯，因為一碗雲吞麵只是$30！在黃金時地段，竟然有如此抵！所以立即去試試，店內裝潢充滿中國傳統色彩，食具也是小時候用的一樣（好親切）！雲呑河的雲吞大大粒（如乒乓球般）蝦肉彈牙，無法一口KO!油菜又大大碟，不想其他食店般只有幾條菜！值得再次光顧！

中午去沾仔記食，因為空間比較大位置多的關係，我們12:45到都仲有2-3張吉枱，可以直接入座。沾仔記有三個餸可以選擇: 雲吞，鯪魚球同鮮牛肉。因為唔太肚餓的關係，剩係叫左雲吞鯪魚球河。怕麵有鹼水味的朋友可以好似我咁叫河粉。沾仔記的上菜速度好快，落單後唔洗五分鐘已經有野食。鯪魚球好大粒，有差不多半個拳頭咁大。對比鯪魚球，雲吞顯得比較細，但都比普通餐廳的雲吞要大得多。一咬開已經可以見到入面有大大隻的蝦，好彈有咬口。$36有個雙拼麵，係中上環黎講算平同抵食。食完仲可以係旁邊買茶湯會或果汁。

為了台灣朋友去到上環永吉街買香港手信後，剛好肚餓去了就走進沾仔記吃麵。舊式的裝潢，配上昏昏黃黃的燈光，充滿舊香港情懷。簡單的菜牌有賣3款餸，雲吞，鯪魚肉，牛肉。麵底只有湯麵及撈麵。我選了雲吞拼牛肉麵。先飲一口湯頭，清澈的湯頭帶有濃濃的大地魚味， 韭黃粒有點龍點精的效果，濃中一點鮮。雲吞大粒包滿，蝦肉爽口，豬肉帶出肉鮮。牛肉十分嫩滑，肉片有厚度。麵條十分爽口彈牙，沒有鹼水味。辣椒油偏黑紅色，放了少許在麵內，完全是舊有的味道。很高興今時今日發展急速的中環區，仍然能吃到懷舊雲吞麵的味道。

星期日晚上七時多，四處尋餐廳晚飯，見四周皆漆黑，唯獨沾仔記招牌打晒燈，決定試下新野。落樓梯至地庫，十分中式主調，乾淨整潔。一行2人坐卡位。沾仔記選擇集中，有3款麵食，招牌雲吞、鮮鯪魚肉和鮮牛肉；可選上湯麵或撈麵。點了雙拼招牌雲吞鮮鯪魚肉麵，都只係$36。中環地段做到這價錢，十分難得！而且雲吞入面嘅蝦落得一點都不吝嗇；鮮鯪魚肉仲非常大粒，仲好彈牙。而上湯菜心則沒什麼特別。整體抵食又好美！MENU如下

下午茶時間食平幾蚊，選擇唔多，人流唔多，選擇困難症既朋友可以去治病😂廿零蚊碗麵係抵食，雲吞內全部都係蝦，好正。自家辣椒油，更加係錦上添花。要彈既係員工都掛住傾計唔會留意客人，水都唔比杯，問員工拎都要問兩次先比，好似杯水仲貴過碗麵咁。。。。始終食物好食但係服務差既，邊有人去食呢？果日得三四個客，冇人想比錢去受氣！！

做事來到中上環附近，地下落一層嘅裝修靚又闊落！未食就心情大好！嗌左鱗魚球米同上湯菜心，鱗魚球係大粒個種，好好味！加點舖頭自制嘅辣椒醬，正點！價錢平實，服務效率高又態度好！👍這種店應該得到好評！幸福❤️

今日又同同事食飯。因為同事話自己好手緊。於是我地就去左食沾仔記。😌一落到去完全唔使等，立即有位。👍餐廳裝修比一般麵店有誠意，全部四四方方嘅木製枱櫈。樓面大，難怪咁快就有位。👏一坐底就有人過黎問要食乜。講真，餐牌都未睇完真有少少壓力。😐叫左雲吞鯪魚球麵。落左單5分鐘都唔使就上菜。效率滿分。💯雙拼雲吞鯪魚球，分量多到見唔到啲麵咁濟。雲吞啲蝦好彈牙，有蝦味🦐，皮薄。鯪魚球勁大粒，🐟從來未食過咁大粒，都幾彈牙。啲麵呢，梘水味有啲重，不過落左淅醋之後就好左好多，軟硬都適中。湯味濃郁。女仔剛剛好夠飽嘅分量。今次盛惠三十幾蚊，呢個質素黎講堅係平😋😋，就係環境壓力比較大，唔敢慢慢食，整個用餐過程唔超過半個鐘，食完仲夠時間去隔離買杯珍珠奶茶。下次月尾唔夠錢嘅時候再黎啦，哈哈。

今日出show 前經過這間麵店，下午茶27元粉麵仲要有米芝連保證👍🏻，所以就入去試一試。客人唔算多，員工就好多啦，可能剛好食飯休息時間吧！😴😋地方都幾乾淨舒服，可以坐好耐，員工服務都不錯，有禮貌及主動幫忙。我叫咗下午茶鮮鯪魚球河粉。好好食，好大粒的鮮鯪魚球；口感好好，好彈牙，新鮮感覺，唔冼呀⋯⋯正呀😻😻河粉好大碗，好滑；湯都清淡，食完不會口乾！😋😋我喜歡佢的餐具 好懷舊的感覺 也可以任坐不會趕人走✌🏻

開Ot 都要食晚飯既。。。同事帶左去呢間米芝蓮既雲吞麵店。第一次食，想試多D款，於是叫左個雙併， 鯪魚球併雲吞。一上台真係嚇左一跳，鯪魚球超大粒，搶晒雲吞鏡雲吞幾爽口，蝦味幾出，應該唔係雪蝦。鯪魚球好彈牙，食到鯪魚鮮味份量方面，雲吞鯪魚球各兩粒，麵唔算多。Total 35大元