法國飯店

营业中

休息中

黃金海岸環境好靚👍🏻拍拖散步約會一流😍當日黎到呢度食晚飯坐室內窗邊位望到個海仲有啲遊艇 幾寫意🙈-當日是平日晚上餐廳比較少人 都係得一兩枱客人-同朋友揀左個二人套餐Table for two $1288包括一個海鮮拼盤前菜選左香煎法國鵝肝同煙三文魚凱撒沙律配珍珠湯就係是日餐湯同魚翅海鮮周打湯主菜係炭燒美國自然黑牛肉眼扒配黑椒汁同南瓜海鮮燴意大利飯-每款都好好食👍🏻👍🏻我地兩個都食到好飽🤤🤤

下午茶時段，在海邊找間寬倘，乾淨，冇乜人的餐廳坐下。呢間餐廳 有室外及室內座位，兩者都幾好。我選了室內卡位。點了下午茶沙律餐，連凍咖啡，10% service charge, 約$90幾味道幾好，新鮮，不過份量就真的太少。雞肉比較乾，普通一點。下次叫另一個餐試下。環境很不錯，適合各類聚餐。wine list 也有很多選擇。服務也很好，侍應很有禮貌。而且，下午茶時段，人手也很足夠。聽說 假日full booking, 所以要早些訂枱。

遠離塵囂，假日到黃金海岸走一走，男朋友做足功課，選了一家法國🇫🇷餐廳用膳(≧∇≦)餐廳有室內外座位，環境舒適，氣氛一流(*ˉ︶ˉ*) Menu 食物選擇多，質素也不錯！ 我們選擇剉户外，景色怡人，感覺真的到了國外～午巿套餐價錢約$188-$418：包主菜、餐湯、咖啡🥗 Caesar Salad with duck Ragout 蔬菜新鮮，整體感覺相當清新，份量正常～鴨胸入味，不會死咸，有煙燻香味（＾◇＾）Main : 🐖Roasted Spanish Crispy Pork Belly with Honey Peach Sauce $248 有別於港式豬腩仔，這裏的古法燒西班牙豬腩仔是配蜜糖香桃汁的，相當特別，啖啖桃香(⁎⁍̴̛ᴗ⁍̴̛⁎)豬腩仔表皮烤到鬆脆，肥瘦均勻，入口即溶，餣製得很入味，但保留到肉香（＾ν＾）相當有驚喜！ 🐄Sous Vise Australian M5 Wagyu Ahort Rib $398 非常有心機的一道菜，慢煮牛小排，需要等40分鐘(⁎⁍̴̛ᴗ⁍̴̛⁎) 入口濃牛味，鎖到肉汁，完全無筋～☕️套餐包餐飲，但我們另外名加了$20點latte，結果邊吃邊聊，足足吃了差不多3小時

作為小欖街坊，黃金咁多間餐廳食暈哂，就係未食過呢間，男朋友話以前同媽咪黎食過係好食，咁就試下啦。講下野食餐包，微暖，冇味沙律，黃金咁多間餐廳最唔新鮮係呢間梅到癲田螺，還好虎蝦，黃金有其他更好選擇鴨腿，成餐飯最正常全部碟都係凍，配菜敷衍/講下服務我地坐BAR枱對出既卡位，員工喺廚房傾計既聲量係清楚到我可以參與討論，唔緊要呀我明廚房係咁，但係喺樓面既侍應都企喺離客人一兩張枱既距離傾計係咩料？2-3個侍應連經理輪流食鬼式巡空枱兼監察客人進食速度，企正喺隔離望住喎？係服務定騷擾呀？收碟收盤快到好似我地10點入黎食咁，事實係只係7點左右，仲要我好明顯想同我男朋友講嘢，我身向前傾，佢收碟，咁我咪褪後囉，收左一隻我心諗識做就轉頭先啦，我身再向前傾，佢又收碟！我又褪後！我又前傾！佢又收！我又褪！！！到底有幾想收碟！！！仲竟然行埋我果邊攝對腳入卡位！！！就係為左收碟！！！茶餐廳呀姐都唔會啦！！！！！！！我地坐既AREA冇其他客得我地一枱，好難唔令人覺得佢地俾壓力我想我地快啲走。總結經驗，黎呢間收中上價錢既餐廳，就會食到下等食物質素同得到茶餐廳服務。唔知點解OpenRice咁多好評，明明香港人咁嘴刁🙂

第一次試呢間餐廳，一開始對佢都好有信心嫁啦，因為評價好好，身邊啲人都介紹我要揀呢間餐廳，果然冇令我失望！餐廳主打法國菜，我就叫左兩樣試下~首先有蕃茄龍蝦汁海鮮意大利飯，蕃茄酸甜味道配上龍蝦汁又幾match ，兩者之間取得平衡，唔會搶左另一款食材原有味道。仲要有好多新鮮嘅海鮮，飯嘅口感又岩岩好，唔會太生或硬，撈埋啲汁食到一粒米都唔剩！然後有風乾火腿蕃茄醬焗燒春雞配紅酒汁，燒春雞烤香惹味，又可以食到蕃茄醬的酸甜味道，烤焗後雞肉質濕潤， so yummy ah 😋

第一次食法國菜，今次就去左係黃金海岸嘅法國飯店，冇乜頭緒唯有問下餐廳店員意見食咩好，佢推介左兩款熱賣嘅菜式。第一款係傳統法式油封燒鴨腿，估唔到鹹鹹香香嘅燒鴨脾真係幾好食，鹹得嚟又唔會係死鹹，仲食到啲鴨肉香味，外皮十分脆，配左佢地嘅酸梅汁更加岩我口味，酸甜酸甜嘅，超好食。第二款係風乾火腿蕃茄醬焗燒春雞，同頭先個個唔同嘅係呢個個燒春雞肉質就再嫩啲，同埋佢係配紅酒汁，酒香味中足，肉嘅份量仲唔少，食到好飽又滿足！餐廳環境仲好靚又有無敵海景，下次入去玩一定會再食過。

坐低都仲未點食物, 已有兩籃🥖熱燙燙既法國麵包放枱上, 麵包外面烘得仲好香脆, 入邊軟腍腍的, 搽上香滑既牛油🧈, 迅間即溶入麵包裡面, 好食到不得了°🥣 黑松露野菌湯係我 favourite , 好香濃既黑松露味, 仲食到超多一粒粒既菇菌, 夠杰又creamy, 卻沒有膩口既感覺, 有口感又超好飲, 菇迷必要食°🥓 煙三文魚伴鮮蝦🦐沙律中肉質嫩滑既煙三文魚🥓都係我既至愛, 夾埋鮮味十足又夠爽身既甜蝦🦐一起食, 加埋沙律菜🥬又好新鮮, 成碟都食得好清新開胃°😋🍖炭燒西班牙黑豚鞍排, 在靠近黑豚鞍排既軟肉, 多了一層層相間分明既脂肪，咬落除了肉香之外，多了滿口油脂，香而不臊，風味較豬梅肉扒更佳, 配上清甜既露筍同埋車厘茄仔🍅, 點住惹味既醬料尼食, 別有風味°😋

之前喺屯門群組嗰度見到好多人介紹黃金海岸有間幾好嘅法國餐廳，今日去開呢邊玩，所以就試吓到底係咪真係咁好食！呢個蕃茄龍蝦汁海鮮意大利飯又幾好食，份量都唔會太少啱啱好，海鮮都好新鮮，米飯吸收哂啲龍蝦汁，超級濃郁嘅味道🥰好好食！而黑松露野菌湯真係真材實料，除左每啖飲落都有好豐富口感嘅蘑菇，而佢嘅黑松露味都好香濃，啱晒鍾意黑松露嘅朋友！絕對推介大家試吓🤤跟住就係風乾火腿蕃茄醬焗燒春雞配紅酒汁，大大隻燒春雞，大大啖食落去都覺得好鬼死正！仲要啲肉又十分之滑！加埋蕃茄醬酸酸甜甜咁，就連平時唔鍾意食雞嘅朋友都話幾好食。

今日同好閨蜜一齊嚟到黃金海岸慶祝佢生日，我哋就揀咗間睇落好吸引嘅法國餐廳食法國菜，環境好靚同好舒服，望住個一望無際嘅大海，真係好啱同朋友嚟慶祝😍我地叫左一個蕃茄龍蝦汁海鮮意大利飯，價錢方面$328，海鮮選取食材新鮮，完全一啲腥味都冇，再配埋蕃茄龍蝦汁融入意大利飯裏面，真係出色又美味！我地仲叫左一個炭燒西班牙黑豚鞍排，價錢方面 都係$328，黑豚鞍排炭燒得岩岩好，而且肉味香濃，只需要簡單嘅調味已經好好味，而且質感非常之嫩滑，口入面仲有啖啖肉汁，好好食囉🥹

難得入屯門搵朋友，緊係去埋黃金海岸游水玩沙啦，但入面冇乜餐廳，好彩我地揀左呢間法國飯店，雖然價錢貴小小，但真係有返咁上下水準，好味嘅。黑松露野菌湯十分足料，黑松露嘅香味十分之突出，而飲落亦有粒粒口感嘅蘑菇，令到口感更加豐富，無論係菇味定係黑松露味道好正。我地揀左個鮮蝦牛油果水牛芝士沙律做前菜，水牛芝士令到大蝦更加惹味，而且又唔會太鹹，再加埋牛油果同沙律菜將芝士味中和得岩岩好，唔邪惡仲夠哂健康。而主食古法燒西班牙豬腩仔配蜜糖香桃汁都好食，因為豬腩仔本身怕成塊都係肥肉好肥膩，但佢呢個肥瘦比例岩岩好，再配蜜糖香桃汁酸酸甜甜都幾好味。

【 🥪燒牛肉配意大利洋蔥包 】---🍽𝙏𝙚𝙖 𝙎𝙚𝙩 配餐飲一杯($108)---*另設加一服務費*～～～📍評分：8.5/10～～～⏩ 趁假日入屯門黃金海岸chill一chill😝，見到海旁呢間幾古典風既法國餐廳，就一於試下👻！星期日三點幾去冇乜人，tea set都幾抵食👅！美中不足係服務態度就真係唔係好掂lor🤡！～～～🥪 意大利包烤得外脆內軟，口感唔錯！入面有牛油焦香，加上滿滿既餡料好豐富足料🤩！入面包住大大塊既燒牛肉🥓，燒牛肉口感一d都唔老唔柴，係偏瘦既牛肉片，食落有牛肉香又唔油膩👍🏻！而且仲有好多fresh既配料💦，有橄欖、番茄片、生菜絲、洋蔥片等等，再加埋芥末醬，食落好夠味😋！配埋香香脆脆既薯角食jeng👅，惹味又香口！又有凱撒沙律伴碟中和下油膩感🥗！～～～✅ 整體黎講，呢個價錢食到法式tea set都算幾抵食👀，環境都舒服有古典美既🕍，不過服務就唔該改改啦，坐正風口位吹到暈想要細d冷氣啫🥲！～～～性價比：4.5/5回頭度：4/5賣相：4/5環境衛生：4/5服務態度：1.5/5

🍖法式芥末野菜焗無骨鹹豬手呢款菜, 已分拆好切了片上碟既無骨鹹豬手, 味道香濃, 連同鋪上法國芥末醬, 而焗製過後表層略帶微焦, 食落更香味濃郁, 加以清淡既露筍同埋車厘茄🍅同食, 中和一下濃烈既鹹豬手味覺, 更回味；🥓風乾火腿蕃茄🍅醬焗燒春雞🐥既蕃茄汁🍅配紅酒汁🍷, 配得很合宜, 成為呢碟焗燒春雞既調味品, 沾來吃得尤其滋味, 再加上畧帶鹹香味既風乾火腿🥓黎食, 對味蕾既刺激一再提昇；🇫🇷假期的黃金海岸更見熱鬧, 致使呢間充滿法國🇫🇷風味既法式飯店🍽️更多賓客, 裝修格局得很高貴典雅, 多處有大幅落地玻璃, 室內令人感到舒適服閒逸, 室外可見遊艇一帶及岸邊迷人景緻, 其趣無窮！💓

難得嚟到黃金海岸，一定要再次幫襯呢間好好食嘅法國菜餐廳，之前食過一次已經覺得好滿意！今次就帶埋朋友一齊試吓佢哋其他未食過嘅菜式😚我哋先叫咗一個煙三文魚伴鮮蝦沙律，食好嘢之前一定要食沙律清下腸胃，全部材料都超級新鮮🤩煙三文魚都好肥美！鮮蝦好彈牙呀！之後仲叫咗一個蕃茄龍蝦汁海鮮意大利飯，個意大利飯都好好味，酸酸甜甜嘅蕃茄連埋鮮甜嘅龍蝦汁令到意大利粉更加美味～最後就係呢個炭燒西班牙黑豚鞍排，黑豚鞍排煮到啱啱好，肉質超級嫩口之餘又有好豐富嘅肉汁！真係最佳嘅享受😆

第一次食呢間屯門嘅法國菜餐廳，好想同大家share下今次嘅法國菜。因為一陣主菜比較多肉，所以我就叫咗一個清爽類的前菜，就係呢一個大大盤嘅煙三文魚伴鮮蝦沙律，首先煙三文魚同大蝦都好新鮮，仲有滿滿嘅沙律菜，食完一陣食扒嘅時候罪咎感都會少D。見佢哋個煙三文魚幾出色，所以再叫埋半生熟芝麻吞拿魚伴香桃沙沙，雖半生熟芝麻吞拿魚都好新鮮，今次呢個香桃沙沙酸酸甜甜咁，所以感覺上比頭先嗰個更加清新。之後就開始食肉啦，我就叫咗一個炭燒西班牙黑豚鞍排，估唔到咁大塊扒！同埋肉質都好嫩口，燒到味道勁香！另外都要食返啲飯落肚，所以叫咗個蕃茄龍蝦汁海鮮意大利飯，呢個意大利飯都幾好食，龍蝦汁唔會太多或者太少，啱啱好夠均勻分佈喺成個飯。

今次同表姐一齊嚟到屯門玩，表姐之前都係住喺屯門呢邊，所以佢就話帶我去食黃金海岸最正嘅餐廳，估唔到呢間餐廳竟然係咁高級嘅法國菜。睇完餐牌都好多唔同嘅選擇，心大心細嘅我哋都揀咗好耐先決定到成以下呢兩樣，好彩兩樣都好好食。第一樣就係香蒜大蝦扁意粉配蕃茄汁，香蒜爆到香香蒜味，大蝦勁新鮮又彈牙，而扁意條口感Q彈好好咬口，而且超掛汁，每條都係滿滿嘅蕃茄汁。第二樣就係炭燒西班牙黑豚鞍排，黑豚鞍排口感肉質鮮嫰，油脂含量適中，所以相當多汁，厚實鮮甜的肉汁，真係會令人一試就愛上。而家睇返啲相都仲係覺得好想食🤤決定嚟緊暑假一定要再去多次玩返夠本同食返夠本😋