波仔記車仔麵

营业中

休息中

本人真係好鐘意食車仔麵, 一直都有聽同事講街市有間車仔麵成日都好多人而且仲好好食.!!今次終於搵到機會放工行開哩頭順便食個車仔麵!聽我同事講波仔記已經有好多年歷史, 老闆係由以前手推車開始做起, 睇黎佢來頭都唔小!佢入面有個必食推介, 車仔撈！我同事話佢食過晒全部都真係可以叫必食推介!不過我果日就想食返D有湯嘅麵,就叫左魚餅,魚蛋,牛腩。不過真係真係真係要推介！！！！魚餅！！！！超好食！我覺得可以喺街邊D小食店做生招牌！煎得又香，又有魚香味，唔會好似出面平時食果D好多粉！另外要讚嘅係個湯！無咩味精feel,食完唔會渴！我成碗當湯飲哂！！！今次真係大滿足。

由我細細個香港都未回歸阿媽拖我來食到我結埋婚拖個女來食都成三十年,過左咁多年都仲可以食番返三十年前嘅味道,真係好感動,好似坐返時光機返去童年咁,豬皮依然都係咁爽又冇油益味,蘿蔔又入味又冇渣,豬油撈粗香口兼零簡水味,個份量重大過以前,事頭婆一如既往建談,好有人情味,波仔記嘅車仔麵可以食出人性嘅味道同歷史嘅味道, 係三十年前嘅香港味道, 對我來講冇任何車仔麵可以代替波仔記

真係一試愛上本時湯底車仔麵就食得多，有無食過車仔撈！仲要係幾十年傳統嘅車仔！在下真係孤陋寡聞，所以今日真係經朋友介紹特登去試一試！一試難忙！有別於出面嘅撈粗，難怪哩度大部分嘅客都係食撈！麵彈性唔會太林，又無鹼水味，撈起黎加上車仔麵嘅餸本身嘅汁真係天衣無縫！真心推介，值得一試！之後我朋友都叫左個湯麵，sure食完之後發現哩間車仔嘅牛腩雞腳都好食過好多平時上雜誌/網上報導果d！夠林夠入味，不過奇怪嘅係咁多年歷史，又咁好生意，竟然如此低調。不過怪可能係街市內，報張雜誌未搵到上黎！小小街市鋪！真係禾廣襟珍珠。

車仔麵係香港特色之一, 雖然好似只係幾個餸煮埋一碗麵簡簡單單, 但要煮一個令人回味記憶猶新嘅車仔麵就一d都唔簡單。呢間車仔麵係朋友介紹嘅，去到發現好多熟客，老闆店員同顧客嘅關係非常好，一入到鋪坐低已經好有親切感，同事感覺到應該有一班長期嘅忠實fans，灣仔銅鑼灣咁多嘢食，都可以見倒好多OL特登過嚟食呢碗麵，心裏面已經開始好期待。碗麵一到飲咗啖湯，味夠濃以不渴喉，豬紅亦都好滑，夠入味，最正係個魚餅！應該有生意來去好快，所以煎炸得好香，亦冇擺隔夜嘅味道( 最怕車仔檔啲嘢好似擺咗好耐到老晒咁)! 雖然環境係街市但係別有一番風味，亦都聽朋友講老細係由幾十年前推車仔開始做起！做到依家見個後生仔幫手，我諗應該好快傳落下一代！

我一向很喜歡吃車仔麵，平時經過見倒有車仔檔都第一時間考慮先，不過今日特別要推介哩間。我九龍難得今日放假都走過去回味下，lunch time 有時都要搵下位先有得食，哩間車仔麵最正係食完唔渴，唔似出面果d咁多味精，食完要飲勁多野，不過唔使擔心個湯冇乜味，仲要係勁好味！每間麵檔無論係中式日式，湯底永遠都係一是便知真功夫！另外要介紹嘅係呢度嘅魚餅，基本上次次黎到都例牌實叫！所以要食好嘢，不妨行多兩步，捐窿捐啦會發現好多低調好食嘅野喺你附近。

今日放假同老婆上左去波仔記食野 不嬲都成日有人講起話好好食 咁就去試下 我同老婆都叫左5餸一面 魚旦 魚餅 豬皮 牛腩 菜心 油面同米線 講真真係好好食 尤其係豬皮同魚餅 D豬皮好靚好爽上晒色 D魚餅好香 原來佢地話續塊煎 勁！魚旦彈牙 牛腩正常不過不失 最恐怖個份量真係驚人 都係44蚊 加埋杯野飲51蚊 100蚊滿足晒🤤

做完運動當然要食野啦﹗上去鵝頸街市見到呢間車仔麵好正咁，又叫波仔記（好似叮叮飯），就坐低左。等得一陣，個姐姐好好禮貌問我食乜，叫左個豬樣大腸魚餅麵試下先。好耐冇食車仔麵，又真係有驚喜喎﹗XD超好食、豬皮爽！成7，8塊，好誇張﹗D麵彈牙有咬口，D湯味道剛剛好，而買相都好得。正價比高，超滿足，底食﹗冇想過可以咁正，仲有杯凍奶茶實在不得了~值得推薦XD埋單都係38蚊。平靚正就係呢D。下次去開呢頭，真係要去食多次。

銅鑼灣很難找到有平又好味嘅車仔麵！👍🏻👍🏻👍🏻👍🏻這間車仔麵是朋友介紹的！今日出去銅鑼灣行街就試到！朋友介紹到天上有地下無🤣🤣我都唔信、點知試到真的好好味！👍🏻👍🏻👍🏻👍🏻牛腩好淋又好入味！😍😍😍冬菇好好味！😋😋😋真心推介冬菇！因為我真係好鍾意食😋😋😋連支大可樂好正！！價錢又唔貴廿、三十蚊！香港真係好少再食到這些有良心嘅鋪頭啦！下次一定帶埋其他朋友一齊來！！😝😝

好鍾意食車仔麵因為可以揀N樣餸, 好適合貪心而且有選擇困難症的我.我多數會揀三樣餸, 兩個又有啲少, 三個好似剛好.去波仔記食車仔麵, 必食魚餅, 魚餅是自家製的, 好香口, 邊位仲脆脆的, 還有牛腩也是每次必吃,炆得夠腍, 最後一個餸, 有時我會揀蘿蔔, 但夏天收成的蘿蔔始終麻麻, 最後要了冬菇, 冬菇同樣有誠意, 炆得入味.可揀湯麵/撈麵, 我比較喜歡撈麵, 豉油+腩汁...😋無敵.仲有記得飲大檸樂, 因為有大枝裝樽裝可樂, 超正!

雖然返工之後係忙左D,但我地2個仲係形影不離既好姊妹,所以仲係KEEP住每星期見2-3次嫁今日就一齊去左食飯我地去左波仔記,食左個撈車仔麵加奶茶撈車仔麵好夠味又唔太油,好好食,油麵真係唔錯嫁我地每人一碟先夠食呀奶茶都好濃,好滑,不過稍嫌太多奶,小返D會balance小小

於這個熟食市場內有兩間車仔麵鋪, 這間我比較喜歡, (因調味較濃較似舊式), 雖然種類選擇不多, 但每種食材也用心去煮 , 撈麵用的豉油汁帶點微甜, 不會過咸, 蘿白入味冇渣, 還食得出甜味, 豬皮爽口, 鯪魚餅尤其出色, 沒有粉粉的感覺, 只有鯪魚的鮮甜, 不腥 , 牛腩亦ok, 這裡午飯的不錯之選!!

要在銅鑼灣找便宜美食, 同事一直都推介鵝頸街市熟食檔. 今次終於有機會嘗試, 果然! 物超所價! 豬腸魚肉菜心米粉 $27沒想到27個大洋, 份量會那麼大!豬腸鹵得非常入味, 不會太稔也不會太韌, 真的是剛剛好!魚肉大大件, 挺甜, 也不錯~菜心不會老, 有好幾條!每樣餸都超出想像地多, 結果真的捧著肚子走!$27晏仔可以既好味又滿足, 已經列入最愛! 

繼肥仔記之後，再在銅鑼灣尋找平價午餐，今次同事帶小人到鵝頸橋街市樓上的熟食中心吃車仔麵。這家走進食堂的車仔麵店名為波仔記，看見正在吃著的食客每碗份量都不少，賣相也討好，應該沒有來錯。小人的魚蛋、豬皮、豬紅、魚餅、生菜拼油麵，麵條柔靭，配料多而爽口，又夠入味，令人不期然大口大口地飽吃一頓。同事是日狀態欠佳，只點了三餸豬紅、豬大腸、豆卜拼油麵，雖然是三餸，配料也相當豐富，夠滿足。食物是無可挑剔，不過地方實在是太骯髒了點，偶然來一次還可吧。肥仔記、波仔記……莫非叫作「X仔記」的都是賣經濟味美的食品益街坊? ★^o^★

回想起第一次吃波仔記是已經二十多年前的事。時隔那麼多年，最surprised的是在煮麵的（應該就是波仔吧！？）師傅還是二十年前的那個，在旁邊幫手的還是他的太太（只是猜猜而已嘻嘻）。在這裡自己選料，有湯麵和lo麵。lo麵我覺得是最好吃的，雖然比較肥，應該是用了豬油lo在一起。寫好了還點了一杯凍「燕鴦」小甜。lo麵我點了菜心，牛根腩，魚皮餃，魚蛋，齋跟幼麵。啊姐放低碟麵幫我拿對筷子說：啊妹，嗔熱食，慢慢食。我突然覺得很warm很有親切感，比起同一個街市另外一間車仔麵的服務好很多。雖然另外一家的openrice review多好多，但我反而覺得波仔記的lo麵是比較好吃，料也比較多，真誠的態度更加是無價啦！我喜歡再加兩圈的甜醬，肥C啦，但真的超超正。最多晚飯吃小點喔。。。在香港現在真的很難找到那麼有人情味的店鋪了。波仔記是一間我首選吃車仔麵的小店。

自上星期同事介紹我食呢間車仔面之後, 我這個星期沒有帶飯的日子都來了這裡食, 因為平, 抵同好食。$24 有3餸1面, 加一個餸是$6, 好像跟出面的都差唔多, 甘點解我會話係平呢?因為佢真係大大碗, 又多料, 一定食得係飽, 而且真的唔錯。最重要的係, 佢真的有好多菜可以CHOOSE, 生菜,通菜, 菜心, 芥蘭。 LUNCH首選。。