波士冰室

营业中

休息中

因為我老公以前喺「波士」附近工作，所以佢成日都會過嚟食下午茶餐。自從佢帶過我嚟一次之後，我亦都愛上咗。自此過開嚟灣仔，都一定會揀「波士」食下午茶… 而今日終於的起心肝寫食評。呢度最好嘅地方係下午茶時段係2:30pm-6:15pm我試過6:05pm 入嚟都冇問題，職員仲好禮貌咁叫我埋咗張單先慢慢坐。推介下午茶餐：手打牛肉煎蛋漢堡 - 漢堡真係佢哋自家製作的，所以唔會好似出邊茶餐廳咁有雪味或者乾硬。而薯條上邊已經落了味粉。炸雞髀配雜果沙律 - 好多地方已經食唔到咁好味嘅炸雞髀。你唔會見到碟上面有油，炸粉不會太厚，咬開雞肉非常juicy雜果沙律就簡直係童年回憶順帶一提，呢度嘅職員無論什麼年紀都非常有禮貌，你叫佢攞杯熱水都好樂意招呼

灣仔放飯時間 好多人 黎左波士冰室 環境似新式茶記 唔太迫叫左是日午餐 日式吉列豬扒蛋包 $65 賣相都唔錯 就咁唔食豬扒 咖哩都可以送哂全個蛋包飯 個飯係炒飯底 豬扒都唔薄 又大塊 同有肉汁灣仔區食lumch $65 蚊 都可以一戰

好耐都冇黎呢度食常餐... 見到佢新加左個沙嗲牛麵常餐... 諗都唔諗就揀左佢黎食... 點之中晒伏...! 個沙嗲牛完全係冇味... 而個炒蛋唔知係咪冇左北海道牛乳嘅加持... 所以唔香又唔滑... 總括黎講真係好失望 : (唯一可取嘅... 係服務... 基本上呢... 唔駛點等位... 出餐速度都算係咁啦... 付款流程亦都好暢順咁... 店員都幾有禮貌嘅... 但作為一間餐廳... 食物質素應該係最重要吧~

返工日常， 每朝都賴床每日都非常趕， 但係唔食早餐又冇力做嘢。 所以今日匆匆忙忙喺公司附近搵早餐， 行咗好遠先發現有一間茶餐廳， 即刻衝去排一排隊， 早餐時間， 舖頭又唔多都幾多人等位同嗌外賣。 入到去都坐得好滿好逼， 不過明白既！！ 我哋叫咗兩個早餐， 一個帶子火腿通粉配炒蛋多士， 另一個係沙嗲牛麵配櫻花蝦炒蛋多士。其實都係好普通嘅早餐， 不過最特別嘅係多士。 呢度係用丹麥厚多士做餐包， 好香好好味， 成份早餐即刻高級咗❤ 櫻花蝦炒蛋其實就同普通炒蛋一樣， 不過上面加咗櫻花蝦，完全冇特別。🤣不過佢如果以茶餐廳早餐嚟講，都幾精緻。 唔錯唔錯～

價錢偏貴嘅冰室，加埋凍飲，一個常餐都差唔多$60，應該係地段問題🥲anyway好少係食評應用到”一啖砂糖一啖屎”，今次終於用得着🥲.🍞瑞士雞翼撈公仔麵+北海道牛乳炒滑蛋配丹麥多士炒蛋份量偏少，味道正常✨個多士係岀奇地好食，焗得又香又脆，比一般方包好食好多🥳不過。。。個瑞士雞翼撈公仔麵真係世界級😑完全冇瑞士汁味，得少少麻油味+滾水味，寧願食味精湯都好過咁🥲雞翼應該有味喇掛，點知都係冇味🙃點知都係滾水味真係誇張咗🥵個多士幾好食都無用，主食咁樣真係接受唔到.🍞香煎豬扒銀絲米粉+ 北海道牛乳炒滑蛋配丹麥多士個豬扒煎得幾香口又夠曬大塊，不過後期比湯浸淋咗，分開上會好啲😗睇圖可以見到碗米粉好plain，除咗豬扒乜都冇，但都好食過撈公仔麵唔知幾多倍😂.🍽味道: 1.7/5 🏙環境: 3/5‍👨🏼‍🍳服務: 3/5💧衛生: 3/5💰價錢: 2/5

星期日經過灣仔，搵左好耐邊度有茶記，原來灣仔無咩茶記，好難先搵到呢間波士冰室，比我食個下午茶餐。炸雞脾薯條（$40）雞脾大大舊，熱辣辣，香脆可口，好多肉汁，雞肉好滑，皮炸得好脆，好好食。特別想讚下個薯條，佢唔似普通茶記薯條，佢加左d椒鹽，令到個薯條好惹味，好好食，好想瘋狂食佢個薯條。$40有雞脾有埋薯條好抵呀！粒粒花生醬西多士（$30）熱辣辣嘅西多炸到金黃色，配上適當嘅糖漿同埋牛油，好好食，而且價錢都唔算貴。另外，杯凍奶茶好有茶味，好好飲，可以試下。

一碗好食嘅沙嗲牛麵 真係唔容易！ 早晨： ☀️ (7am to 11:30am) 📍#灣仔 1. 沙嗲鮮牛肉公仔麵🍜 + 2. 櫻花蝦炒蛋🍳+ 3. 丹麥多士🍞 with #鴛鴦 ☕️ 💰 $39 everything is good ! satisfying ☺️☺️☺️

🔱今次要介紹嘅食物就係位於灣仔！📜”波士冰室 (灣仔)📌 地址: 灣仔莊士敦道35-45號利文樓地下A號舖 🕐營業時間: 0700-1830🍽分店地區: 荃灣 📝評價💬📢 1️⃣波士瑞士雞翼撈公仔麵常餐 $53茶餐廳既常餐一d都吾陌生😆😆😆有日經過又肚餓就去try try😍 瑞士雞翼真係冇得輸😍😍好喜歡喔💕又多汁雞翼又肥美🥰正！好正！不過係等既時候耐左啲🤣朋友差吾多食完先到🤨 都值得既 好味既食物係要等下😋😋KS評分 5分最高🏵環境指數:⭐️⭐️⭐️⭐️🏵味道指數:👅👅👅👅🏵抵食指數：💰💰💰💰🏵回購指數:❤️❤️❤️❤️

我唔係幾鍾意係茶餐廳食lunch，因為黎黎去去都係個幾味，不過今次唔係好肚餓，所以唔使食好多嘢，茶餐廳都照食啦😂。呢間茶餐廳環境乾淨，地下同枱面都唔油膩架！侍應全部好有禮貌。食物質素偏好，價錢以灣仔區黎講都叫正常啊，所以我都會再食🤤。常餐B號，煎豬扒公仔麵 丹麥方包 北海道牛乳炒滑蛋 $54價錢方面可接受嘅，不過以男仔來講可能唔係好夠食，都係食返午餐會比較着數啲。上菜嘅時候塊豬扒大到遮住咗所有公仔麵😂，唔講以為公仔麵貴過豬肉。豬扒煎得唔錯，食落去熟透得來又唔會話好硬，例如切嗰啲骨位嘅時候唔需要好用力，就咁慢慢切開就可以，唔知係因為佢落咗鬆肉粉定真係咁鬆化🧐。公仔麵係正常嘅公仔麵，唔會話煮到淋晒，軟硬適中。丹麥方包同炒蛋份量唔係好多，塊丹麥方包就好似手心咁大，聽落好似好唔抵咁，不過食落真係好好食，好鬆脆，好重牛油味，食落唔油膩💕。同平時個啲烘底方包完全唔同，所以就算細塊啲都唔緊要啦，至少食落好食嘅🥳。炒蛋偏細份，點解發現？同行朋友將炒蛋轉成煎蛋，點知佢有兩隻煎蛋，但我睇落炒滑蛋嘅份量係一隻蛋😆。好彩既係，一望落去炒滑蛋嗰度就知真係滑，因為佢仲未完全熟透。擺上台嘅時候仲會動L動L咁樣，所以

每次經過都係勁多人排隊，終於忍不住都去排下，見到有特式裝修，少許香港🇭🇰懷舊風情，希望食物都一樣帶來驚喜🧐———————————————————————————🍽常餐A💬 瑞士雞翼入味腍滑，麵用麻油撈過都幾香，配滑蛋同厚多士，整體不錯😌.🍽芝士汁肉片撈烏冬🍜💬見到芝士汁係幾掛身，濃郁而唔算膩，大大碗幾抵食😅.🍽咖喱🍛吉列豬排飯💬淨係塊大吉豬都夠份量，剛炸起幾香脆，咖喱汁算是香濃，略鹹些少但夠滋味😌.🗣以普通茶記冰室黎講算是不錯，企理乾淨有隔板，間中都要回歸平淡😏

疫情突然嚴重起來， 近期日日都留在家抗疫， 昨日因為要到灣仔辦點事， 所以就順便食個午餐。 今次到位於灣仔莊士敦道35-45號的波士冰室， 很快就點上兩個午餐，照燒汁豬扒司華力腸飯$58、咖哩薯仔牛肉飯$58、凍咖啡加$3。照燒汁豬扒司華力腸飯～ 因為賣完照燒汁，所以轉燒汁， 燒汁味道普通， 司華力腸有半條， 豬扒都算有份量。咖哩薯仔牛肉飯～ 薯仔切成粒粒狀的， 我比較喜歡薯仔切成塊狀的口感， 牛肉嫩口，但咖哩味比較淡，只食到辣。凍咖啡和啡走～ 飲品反而唔錯，咖啡味香濃。整體食物質素可以， 在午餐時段又要趕住返工最緊要就是速度， 食飽即走。

是日想起灣仔有間boss冰室，叫左外賣3個吉列豬排2個，豬扒1個，配搭咖哩汁，回到公司同事開餐，咖哩汁有酸味，打電話去問，好有趣答我話可能滴到水，跟住又話可能生水問題，如果生水有問題即係店舖內所有水有關的食物同飲品都有很大件事，去到店舖內又同我講可能罐頭椰汁問題，做為一個廚房大廚或廚師，每次制做完醬汁不用試味？所有貨品不用留意使用日期？是否過期食物係呢個疫情之下俾顧客食用？對於貴公司經理給我的解釋猶豫氹緊小朋友可笑之極！

晨早落灣仔搵食，第一次試呢間位於莊士敦道嘅茶記。裝修光潔明亮，伙記姐姐亦非常有禮。細看餐牌，order左呢個非常吸睛嘅珍珠帶子粒火腿通粉，湯底濃郁，帶子粒粒也非常豐富，最正係成碗通粉上枱仍熱辣辣，加埋份北海道牛乳炒蛋亦好有層次👍🏻

兒時的茶餐廳己進化為冰室，裝璜靚咗，坐位舒適咗，最重要是環境衛生好咗，食客食得開心又放心。粒粒花生醬西多士即叫即做，新鮮熱辣，黃金色澤！麵包軟熟有蛋香，夾心的花生醬不多也不少，恰到好處，還有粒粒的口感。不油不膩。瑞士雞翼平時不太喜歡瑞士雞翼，因怕調味醬汁太過鹹，但店員的極力推介下，試了。瑞士汁沒有想像中鹹，夠入味。啖啖肉，好味。奶茶茶底香濃，不嚡口。絲滑的感覺。間中偷懶出去嘆食番個下午茶，人生樂事啊!

地方清潔👍🏻，用料新鮮🍲，員工友善👨🏻‍🍳，價錢合理💰。餐牌亦明顯用心思考過，菜式有加入新原素。總括嚟講，值得再去。希望能繼續保持質素！💪🏻💪🏻💪🏻