波士冰室

营业中

休息中

新會展站終於開通，真的很興奮，搭東鐵由大西北出去快好多，一於去打下卡，然後逛下灣仔，睇吓玩具。灣仔最多Boss出沒嘅地方就係呢間Boss冰室⋯⋯⋯嘅旁邊 haha⋯⋯富豪飯堂。食住晏晝等朋友，懷舊老香港裝修，坐得舒服，乾淨衛生。波士常餐 Boss Set常餐B香茅豬扒銀絲米粉 $55超力銀絲米粉真係童年經典，好似個碗咁大大大塊的香茅豬扒，好惹味。炒滑蛋整到好似雪糕球咁，配搭牛油味極濃的丹麥多士，超級好味道。加配瑞士🇨🇭汁雞翼（2隻）$15嚟到冰室又好想試吓瑞士🇨🇭汁雞翼，果然讚！甜甜蜜蜜肉滑多汁，仲有好香嘅麻油味，真係色香味俱全。特飲-懷舊紅豆冰 $12餐加配懷舊紅豆冰真抵飲！大大杯，香滑有咬口的紅豆冰，回味無窮。下午茶餐脆炸雞髀伴沙律 $442:30pm 有下午茶，朋友啱啱到步就可以食到個炸雞髀啦！香噴噴熱辣辣，炸雞髀皮脆不會油膩，肉質鮮嫩。加配丹麥多士 $6丹麥多士真係好味😋一於encore。加配花生醬西多士（半份）$8見到好多嘢都想，又食唔晒咁多，可以加半份西多士真係感恩，花生醬西多士足料好味。加配薯條（細）$10仲可以滿足埋我想食粗薯條嘅願望，灑上調味粉，即刻升級左去酒吧的感覺

波士冰室 環境懷舊香港裝修，適合打卡影相.座位衛生光猛早餐有11款之多有傳統中顯貴價的珍珠帶子粒火腿通粉健康的五殼蛋白麥皮蕃茄薯仔排骨螺絲粉吉列魚柳，西冷牛朳，香煎豬朳等....選了I餐 11吋法蘭腸拼櫻花蝦炒滑蛋+丹麥多士 $37丹麥多士好酥好香，熱辣辣飽塗上牛油完全滋味，有圖有真相法蘭腸堅長配有茄汁，最喜歡法蘭腸外皮煙韌脆口和普通香腸口感不同.櫻花蝦炒蛋令全個早餐升級櫻花蝦賣相已經漂亮,如果滑蛋份量再多少少就完美啦！因為我是蛋控，很喜歡吃蛋難得有檸檬利賓納，增加維他命C，全個早餐很滿意！一個心曠神怡早餐好重要！

好耐無試過咁早起身食早餐啦今日特登早起同媽咪去sogo thankful week買護膚品！所以就去左間我好鍾意嘅冰室食完早餐先去掃貨呢間環境好有傳統特色早餐：味菜豬扒銀絲米粉塊豬扒勁大塊煎得好香，筋位、脂肪都無㗎‼️相信師傅一定對每一塊豬扒都處理得咁details肉質好軟嫩，有彈性不過美中不足嘅係米粉並唔係銀絲米粉，銀絲米粉幼好多～～丹麥多士熱辣辣又脆又鬆軟最鍾意就係食呢種丹麥多士！同埋牛油香勁豐富

性價比：⭐️⭐️⭐️回頭率：⭐️⭐️⭐️滿分為5⭐️金鐘搵食難，撞到同事仔一齊行過去灣仔佢就叫咗午餐🥣，應該係豬扒飯我就叫咗常餐B 豬扒米轉埋出前一丁同凍飲 $66有炒蛋同丹麥多士，炒蛋份量唔多，丹麥多士算幾脆，豬扒大件但有少少鞋。整體ok 可以再試

👉今日要食個快飯，去咗方便又就腳嘅《波士冰室》。。。諗住快快趣求其食，見到隔離枱個吉列豬扒飯好靚仔，一於照跟‼️😬.📌咖喱吉列豬扒飯 $64 ～上枱大大塊吉列豬🐷扒同隻碟差唔多大，將白飯完全覆蓋。☝️外層脆皮厚薄均勻，豬扒切開肉汁爆出，最滾動竟然係厚切豬扒😱，口感即時提升。。。。豬扒外乾內潤，唔會食到成口油。🤤咖哩汁內有少量薯仔粒，咖哩味香而不辣，下飯1⃣️流。此午餐性價比極高，亦突顯廚師功力，超讚👍📌常餐A - 瑞士雞翼撈公仔麵、炒滑蛋、丹麥多士 $55 ～ 甜甜嘅瑞士汁撈公仔麵好夾，雞翼大隻入味。加啲辣椒醬🌶好正！👉丹麥厚多士香脆，超重牛油🧈香氣撲鼻🤩📌凍鴛鴦、凍奶茶🧋～ 茶底香濃順滑，茶、奶比例做🉐️不錯。🥳

波士冰室都已經食過幾次每次都係食佢嘅早餐食物味道好好，丹麥多士亦都係好岀色不過，今日第一次叫L餐煎豬扒早餐外賣一打開個盒見到塊豬扒好明顯俾人剪走左半塊我唔知道呢個係間餐廳一貫嘅做法定還是今日咁岩俾漏左剪走咗嗰半塊俾我總之，我食完個餐都係未飽嘅希望只係我今次唔好彩，餐廳俾漏咗半塊俾我如果唔係40幾蚊一個早餐得半塊豬扒、一條廚師腸加炒蛋真係會唔飽，同埋唔抵食同時，希望餐廳睇到呢個食評可以俾返個回覆俾我

食飽個肚先嚟開工是常識吧40幾蚊個早餐唔算好平…不過喺呢頭真係差唔多了我叫左呢個早餐!!!叫做有少少賣點咁啦個炒蛋聲稱加左櫻花蝦不過食落講真無咩加分唔會香左個蛋幾滑魚柳味道一般香脆嫩滑度都係正常水平不過真係好好好長長而薄比我前臂短少少架咋最好食係塊多士好香甜好想食多一塊腸仔都叫煎得幾香嘅沙嗲牛肉公仔都可以話係最安全嘅食物間間冰室嘅水準都唔會差得去邊呢度嘅穩穩陣陣味道ok麵質唔會過淋一般水平正常發揮

灣仔好多餐廳選擇，在對面的書局買完書，再到附近的寵物店增添狗狗日用品， 再行吓搵嘢食。下午茶時間坐低食個西多士先。與朋友兩人點一個常餐C 餐，沙嗲牛肉麵，配出前一丁， 炒蛋丹麥多士。最特別嘅地方是用丹麥多士不是用普通麵包， 好有牛油香。炒蛋很滑，不用走到佐敦食啦，有水準。今餐配兩隻瑞士汁雞翼$15，好抵食。味道不是很鹹，雞肉很嫩滑。另外叫一個下午茶餐花生醬多士$32裏面是粒粒花生醬，加$12配特色飲品懷舊紅豆冰。大滿足喔

星期日真係好少出去港島區，但有朋友相約去食lunch，佢又好想去行下之後食個飯，之後我特意帶他去冰室試下。見今日午餐都多選擇，幾款都好多食。【美國肥牛配瑞士汁葱油撈丁拼丹麥多士+煎蛋】鬆脆的丹麥多士，熱辣辣，牛油味勁香。瑞士汁葱油撈丁真係唔錯，麵條軟硬適中，肥牛勁多，葱油突出，再加上瑞士汁又不錯，醬汁帶點甜甜的，到最後我地再加多隻煎蛋放係上面，蛋黃流出來再撈，真係好罪惡又滿足既一餐。【咖喱薯仔粒吉列豬扒飯】咖喱不算太辣，味道容易入口。加上脆卜卜的吉列豬，真係好大塊，差不多有成隻手掌咁大，外皮鬆脆，入口軟淋，真是不錯。

好耐無嚟過食常餐，午飯時間好full，要排隊，等咗一陣就入得去，叫了兩個常餐C，沙嗲牛肉公仔麵配炒滑蛋丹麥多士，餐飲我見鮮奶同其他阿華田果D熱飲一樣價，我問幫我落order個男人，餐飲係咪都可以叫鮮奶，佢話可以，點知收返張單見加咗我們10蚊，我立即話原來要加錢，咁幫我轉第二樣，D職員覆返我話已經整咗，我覺得個男人唔係幾好囉，唔話俾我們聽鮮奶係要加錢，佢就咁答我可以叫，咁我都知一定可以叫，但要話俾人知係有條件地可以囉，佢咁答會誤導人以為不用加錢就可以，咁做法唔係幾好囉，食物方面，沙嗲唔夠香，炒蛋無味，但也算滑，成餐最好係個丹麥多士.

之前去過銅鑼灣嘅「波士冰室」，今日咁岩經過灣仔總店，我哋就誤打誤撞咁就去食咗份下午茶。灣仔總店和銅鑼灣嘅裝修、格局、面積等基本上差唔多，同樣主打懷舊風格。下午茶餐共有約十款選擇 ，基本上來來去去都係嗰啲薯條、三文治、炸雞翼嗰類野。不過令到我哋眼前一輛嘅就係呢一款「手打牛肉煎蛋漢堡伴薯條」$56以呢個價錢來講下午茶餐算係吾平，不過手打牛肉真材實料，送上時先至知道漢堡包比平時size略細，但材料卻不少，先輕輕篤爆雞蛋，令其蛋黃醬滲入漢堡包內，而手打牛肉就成吋厚，漢堡入口勁Juice，牛肉濃郁有靭性，質素可以媲美賣成舊水嘅美式漢堡包店。炸薯條夠粗、夠脆我喜歡!如果有飽肚嘅話可以揀「惹味黑椒汁海鮮螺絲粉」$50老實講道中我都係食唔晒因為份量真係凍，個黑椒汁真係做得好惹味，少少辣但未至於搶喉，螺絲粉掛汁，所以每一啖都食到黑椒嘅香味，但配料就麻麻，搵來搵佢都只係見到魷魚同三色椒。凍檸檬利賓納$12個人極力推薦「蛋白杏仁茶」 $12因為係自家手磨，所以杏仁味特別出、口感細滑加埋蛋白嘅Q彈感，甜度恰當，肯定是女人養顏必備。飽到晚餐都可以慳返。

今日跟朋友到灣仔逛街，見到有茶餐廳就想吃個下午茶，本人最喜歡西多士，當然是必食之選。點了兩份常餐，分別是：瑞士雞翼撈公仔麵以及香茅豬扒銀絲米粉，另外配炒滑蛋以及丹麥多士。瑞士雞翼是這間茶餐廳的招牌菜，質素確是不錯，雞肉嫩滑，不乾身，除了瑞士汁本身的甜味，還食到其他香料，亦有一點點似滷水感覺。香茅豬扒肉質軟熟，口感有少少似豬頸肉，口感彈牙。炒滑蛋賣相精美，堆成一個半圓球體頗可愛。至於丹麥多士水準高質，首先麵包質地軟熟，香口，而且牛油十足，味道似曲奇餅，加上麵包皮鬆脆軟熟，比起其他茶餐廳的多士更勝一籌。另外西多士內的花生醬非常充足，亦有粒粒花生碎增加口感，西多士炸得香口，亦沒有油抑味，好食！茶餐廳環境整潔乾淨，而且店員都非常有禮貌，跟朋友一邊飲飲食食一邊聊天，輕輕鬆鬆就渡過一個悠閒的下午。

見朋友前食番份早餐先，巴士站附近就有間冰室，入到去環境舒服，夠光猛，座位夠多 早餐就嗌咗份【吉列魚柳併雞肉腸、櫻花蝦炒滑蛋、丹麥多士 $45】要食咗丹麥多士先，又香又鬆脆(好想食多件)；吉列魚柳有成條魚咁大條，仲要外脆內軟棉棉，肉質夠滑；櫻花蝦炒滑蛋，重蛋香味，蛋夠滑；雞肉腸好味 再跟餐凍飲 【朱古力 +$3】朱古力好飲；再嗌多份【奶油多士 $18】多士脆口，醬料滿滿。早餐加多士都只係 $66，夠哂抵食又飽肚 波士冰室 - 灣仔灣仔莊士敦道35-45號利文樓地下A號舖

世界級⋯垃圾黎講、呢間都算世界級！做咗30幾年香港人，包你冇食過一間咁難食嘅茶餐廳唔好奇怪點解唔係食物相，通常相機食先⋯但因為食到中途，覺得好難食先至影低佢一嚟係丹麥多士同炒蛋個炒蛋碎濕濕咁，當你以炒蛋唔好食，之後嚟嘅沙嗲牛肉麵更加嚇你一跳冇沙嗲味，得果包味精湯粉吧味其實係咪唔記得咗落沙嗲牛肉「乸」到唔似肉，又無味，真係冇食過一舊咁難食嘅牛肉⋯跟住黎帶子芝士撈烏冬完全冇芝士味、好似白汁咁烏冬又淋到一 pat 野成餐最好食係丹麥多士！其實唔知點解呢啲餐廳會生存到

本身想去試間米線竟然無開呀行過兩條街搵食呢間冰室望過MENU都OK就衝左入去呀點左~常餐豬扒米粉個豬扒係好大塊真係平時既1.5倍咬落好淋我覺得OVER左少少味道OK既個米粉湯底唔會好淡又沾左少少肉汁幾好WOR仲要米粉份量幾多下(米粉質感似係即食米粉)跟餐有炒旦同丹麥多士炒旦都算滑既反而個丹麥多士好有驚喜係超級鬆化呀口感非常好~常餐瑞士雞翼撈麵朋友點既雞翼係好入味架係略嫌少左少少汁撈麵不過係可接受既(朋友都大讚個丹麥多士呀)