波士冰室

营业中

休息中

今日放假一早約了朋友去行山頂，出發之前當然要食個豐富的早餐，揀了附近灣仔波士冰室，冰室裝修有點懷舊feel，又乾淨。揀了波士推介吉列魚柳併雞肉腸、櫻花蝦炒滑蛋$42，另+$4 轉香草蒜蓉丹麥多士配葡式咖啡，炒蛋加櫻花蝦更加香，魚柳外脆內軟，夠香口，轉丹麥多士比普通多士更好味。另外香煎豬扒併雞肉腸、櫻花蝦炒滑蛋$40+$4轉牛油丹麥多士，豬扒很大塊，再加5轉熱鮮奶，朝早一杯熱鮮奶補下鈣先行山，鮮奶甜甜地飲完好滿足。珍珠帶子粒火腿通粉平炒滑蛋、香草蒜蓉多士$37 ，飲品加錢要了紅豆冰，好多紅豆，天氣熱真係透心涼😋本來想要自製自家製三網蛋白杏仁茶，可惜賣晒。

今日嚟到波士冰室簡簡單單食個茶記Lunch叫咗個常餐 配沙爹牛肉米粉 跟埋奶油豬同炒滑蛋 另外再加多兩隻瑞士雞翼沙爹牛肉米粉都有大概7-8片牛肉 呢度嘅沙爹有淡淡嘅花生醬味 啱曬我口味 米粉吸曬沙嗲醬嘅湯汁 好惹味 瑞士雞翼甜甜地又係岩哂我口味奶油豬新鮮干起 外面脆卜卜 裡面超鬆軟 加埋面頭嘅奶醬嘅甜味奶味 配搭真係冇得輸 而滑蛋都確實係幾滑 唔會overcooked男朋友就嗌咗一個Lunch Set 咖哩薯仔粒吉列魚柳飯 吉列魚柳份量十足 新鮮炸起脆卜卜 咖哩汁係港式咖哩 都算香濃好味 撈飯一流 跟餐凍飲加多三蚊 我哋搭配咗凍檸茶 茶底都算唔錯

今日係8月13日 約咗朋友去灣仔會展行美食展 差唔多時間行一陣先 先搵餐廳填胞個肚先 行行吓 見到有間餐廳幾有特色 入去試吓 餐廳名叫波士冰室 入到去 侍應我哋坐低一邊先 佢哋都好有禮貌 咁我就睇中左個茶餐 厚切餐肉蛋米粉 咁我叫蛋白杏仁茶 加佢哋呢度極力推介嘅瑞士汁雞翼 呢個瑞士雞翼咩入邊好入味 好好味另外我朋友叫咗個沙嗲鮮牛肉公仔麵 飲凍檸樂配炒蛋 仲有買個丹麥多士 另外我哋仲叫埋個芝士西多士 切開滿滿芝士 都係即叫即做 好正好好味如果鍾意食芝士嘅人可以啊叫呢個總括而言 茶餐廳來講呢間都好有特色同埋入邊啲嘢都好好味下次可以再試吓

話說今日公司要開大會，又要趕report，又要趕開會，所以諗住喺樓下茶餐廳搞掂～ 呢間係成日都幫襯其中一間茶餐廳～ 裝修有啲懷舊，用返以前嘅郵箱同埋鐵閘做裝飾。平時都會叫佢哋嘅快餐或者蛋包飯，今日有啲熱，所以淨係想食個麵。波士常餐沙嗲鮮牛肉公仔麵+炒滑蛋、丹麥多土/奶油脆脆豬 $56 送熱飲我就加$6 轉咗出前一丁 同加$15 要埋波士瑞士雞翼2隻，沙嗲牛肉係用鮮牛肉，所以肉質有啲咬口，沙嗲汁香濃有少少辣，撈埋落個面度啱啱好。炒蛋嫩滑，丹麥多士鬆脆（其實同食緊牛角包好似），加配左兩隻雞翼，勁入味，係香甜嘅瑞士汁。因為個胃唔係好舒服，今日飲凍檸水～ 上次你飲佢嘅奶茶都幾香滑的

今日經過灣仔見這間在福臨門旁的餐廳有很多卡位，而且裝修得不錯，有點懷舊風味，整齊明亮，便入去試一試。早餐有很多款式，見到有一個叫帶子火腿通粉，咁特別於是我便叫來試一試。這裏的火腿通粉與其他茶餐廳有所不同，平時的茶餐廳的火腿是幼幼火腿絲，這裏的火腿較為厚切，大大粒，份量不少。個湯底正正常常，不會太鹹，通粉亦做得恰到好處，不會過熟。👍🏻👍🏻雞蛋可以選炒蛋、煎蛋，太陽蛋，我選了煎蛋，賣相不錯。所有早餐配以這間餐廳的招牌多士：香草蓉多士，果然是招牌菜式，看濃濃香草味加以牛油，食完想再食多塊!🥰

今週未輕鬆，一早約了朋友行灣仔會展一年一度的書展，未出發行前，大家吃一吃下午餐先，行了一會，我們選了今次這間，見門口環境不錯，入到去裝修幾有特色，擇了卡位座，都寬倘，看了一會餐牌，我們叫了常餐 (B) 米粉香茅豬扒銀絲米粉米粉份量剛剛好，好爽口，豬扒不算細，好香香茅味，好霖同嫩滑，入口即溶炒滑蛋滑蛋都多，炒得好香蛋味，入口蛋味好濃香同特別好嫩滑滑身丹麥多士細細塊，有點厚度，烘得香多士味，脆口，好鬆化，一切已切開熱檸檬茶温度同甜度都剛剛好，鮮香檸檬味

中午經過「波士冰室」看見室內懷舊的裝置，感覺很有親切感，便進入冰室享用午飯。先吃點小食，鹹牛肉滑蛋三文治，鹹牛肉和滑蛋的鹹、香、滑、爽在脆多士吃，是滋味無比的享受。奶醬多士，是甜奶與花生醬和脆多士組合，也是甜、香、脆美味的由來。咖哩牛筋腩飯份量頗多，我們可以分享，牛筋腩夠腍滑，白飯淘了咖哩汁，份外好味道。餐飲改特飲，白白滑滑、質感柔滑的蛋白杏仁茶是我的至愛。家人從未嘗試過飲凍鴛鴦，年青人真的太年輕，今次見識到港式特飲，感到十分滿意。

工作再忙，都要食個靚早餐，先開始新的一天近近哋喺附近食，估唔到有驚喜睇下早餐有咩食先一人一個早餐蕃茄薯仔排骨螺絲粉，併炒蛋，丹麥多士上枱就聞到丹麥多士香味，咬落又酥又香。螺絲粉有咬口，湯底蕃茄味濃，排骨份量都唔少，夠淋。炒蛋滑溜。吉列魚柳 併雞肉腸 櫻花蝦炒蛋丹麥多士魚柳好大份，雖然外表濃濃地，但內裏肉質仍然滑溜溜。櫻花蝦有咬口。厚切餐肉蛋三文治/咸牛肉蛋三文治蛋份量多，厚切餐肉煎得好香。咸牛肉味道適中。最後再飲番杯凍咖啡，凍檸茶。透心涼的一朝。

今日早起，去左維園跑步，然後落嚟灣仔街市買餸。有人話要食早餐，之前幫襯過銅鑼灣嗰間「波士冰室」，印象唔錯，原來灣仔都有分店。餐廳以老香港情懷做主題，水泥牆身、懷舊信箱、復古綠色鐵閘、銀晃金屬壁扇，裝潢別出心裁，讓人有時光倒流之感。早餐供應至 11:30am，一共有 11 款，另外亦有三文治、厚多士等，選擇好豐富。早餐 E：吉列魚柳拼雞肉腸、櫻花蝦炒滑蛋、丹麥多士、凍檸茶 ($48)  魚柳炸得夠熱又夠脆，粉漿唔太厚，入口啖啖魚肉，美味。雞肉腸也很有口感，味道香甜。雞蛋炒得很嫩滑，櫻花蝦乾身脆口，鹹香味突出，而且份量都幾多。丹麥多士水準亦甚高，外脆內鬆軟，牛油跟麵粉香味十足，非常好吃。另外呢客早餐 F：西冷牛扒拼雞肉腸、櫻花蝦炒滑蛋、丹麥多士、凍鮮奶 ($50)  味道亦不俗，牛扒厚度適中，咬下軟嫩入味，充滿牛肉香，配上惹味嘅黑椒汁，啖啖滋味。早餐送熱飲，+$3 可轉配凍飲，+$4 轉樽庄鮮奶，+$6 更可以多配 1 片丹麥多士。加左份白豬仔餐肉滑蛋三文治 ($28)，麵包好鬆軟，餐肉勁厚切，而且煎得頗香口，滑蛋很嫩，夾住一齊食，好豐富，再嘆埋杯順滑且茶香回甘嘅凍奶茶 (+$23)，非常

今日同朋友到荃灣食飯，到達餐廳不需要等位就可以入座。我們叫了一份椒鹽豬扒餐，一份波士黃金蝦，一份乾炒牛河和兩杯特飲，懷榃雪糕紅豆冰和好立克沙冰。乾炒牛河的鑊氣夠足，而且不會過油。牛肉不會老，河粉不會糊成一團。椒鹽豬扒中的豬扒軟身，鹹度適中而且，而且椒鹽的香味俱全。黃金蝦有很香蛋黃味，加上外表炸得香脆可口，最後連我可以連蝦殼都直接吞噬。總括來說，味道不錯，坐得舒服。而且份量比我想像的多，尤其是兩杯飲品十分之巨型，朋友同我都食得很飽。

呢日同朋友去灣仔諗住行吓食吓，行行下開始肚餓，所以喺附近睇下有咩美食，睇到呢間餐廳幾吸引，就喺呢間叫波士冰室餐廳食野。餐廳裝修好有寬敞舒適～～等唔切，我地拿拿林叫咗3個午餐叫左兩個香脆雞翼韓式辣醬撈烏冬拼丹麥多士，全是彈牙且煙韌的烏冬加韓式辣醬非常匹配，每一隻雞翼啲皮咬落去都非常之脆。輪到歌丹麥多士喇，一咬落去一絲絲嘅麵包真係新鮮到不得了，加上濃濃嘅牛油香味，真係食多幾塊都食得落。我地3個全是無辣不歡 Happy with Spicy，真係啱晒我地口味喇，輪到個丹麥多士喇，一咬落去一絲絲嘅麵包真係新鮮到不得了，熱辛辣辛辣加上濃濃嘅牛油香味，真係食多幾塊都食得落咖喱薯仔粒雞扒飯，雞扒有手掌咁大塊，雞皮香脆，雞肉厚實，整得恰到好處，咖喱令雞扒更香；好多日式咖喱汁，送飯一流。整體嚟講真係冇得頂，唔似普通一般嘅茶餐廳，大家不妨去感受一下😊

近年越開越多冰室，很多都有特色，今天路過灣仔，便在這裏一試。厚切餐肉蛋麵出前一丁，餐凍鴛鴦$44。餐肉採取了火腿午餐肉，雖然沒有煎香，不過厚度都很有口感，加上出前一丁，非常有香港特色的公仔麵。咖喱牛筋腩飯加配餐凍鴛鴦$79。咖喱是屬於馬來西亞式，所以帶點椰汁的香氣，不會過辣，牛腩和牛筋的比例大約七比三，牛腩不會過淋，牛筋鬆軟可口。蘋果椰果雜果沙律$26這裏的沙律是即點即製的，所以要等上幾分鐘，無論蘋果、椰果和雜果，份量都很多。

係灣仔行到攰攰哋，想搵間餐廳食啲野休息下，👀到呢間「波士冰室」，頗有六七十年代嘅懷舊感覺幾特別，於是便入去試下！ 進入餐廳坐底，就見到一張用“波士日報”做背景嘅餐牌，真係好懷舊，除了下午茶餐外，還有常餐、特餐添，頗多選擇啊！# 香茅豬扒出前一丁公仔麵配炒滑蛋、丹麥多士。豬扒夠大塊肉質又夠淋，出前一丁公仔麵夠彈牙。# 沙嗲鮮牛肉米粉配炒滑蛋、丹麥多士。牛肉滑嫩、米粉爽口，比較濃味。😚# 另外還有脆脆丹麥多士、滑滑炒蛋、醃得入味嘅瑞士汁雞翼，並且加埋懷舊紅豆冰及蛋白杏仁茶，食完飽飽好滿足！

一行二人到灣仔購物完後順便吃個午餐才回家。 在 莊士敦道選了"波士冰室"，餐廳充滿懷舊風格。見到餐牌上有午餐套餐和小食，很多選擇。 點了常餐C ; 沙爹牛肉麵 $ 56(可改米粉)份量相當多，牛肉大大片的味道算是可以，米粉也爽口的。滑滑炒蛋配丹麥多士另一份午餐~金不換椰汁奶皇雞飯金不換炸得香脆，將汁與飯分開 盛載、飯量很多！醬汁與鷄肉都柔滑，味道十分好！餐飲~紅豆冰的紅稍硬但甜度適中。生磨杏仁蛋白茶~杏仁味香濃，蛋白質感滑滑的！喜歡杏仁茶的一定要試！

一天嘅開始，最開心就係可以食到豐富嘅早餐🧇🍳🍜返工前，見到呢間冰室以懷舊裝飾為題，好搶眼，而且坐滿哂客人～～ 原來食物走新派，令人好想試😋蕃茄薯仔排骨螺絲粉、炒滑蛋、多士港式早餐～香濃嘅蕃茄薯仔排骨湯底，酸酸甜甜好開胃。大大碗好足料。 炒蛋香滑又原汁原味。 仲有多士係選用丹麥多士，食落酥脆鬆軟，牛油味勁香😌吉列魚柳、雞肉腸、櫻桃蝦炒滑蛋、多士西式早餐～ 有好大塊，炸到金黃色嘅魚柳，咬落卡卡聲，超級脆口。滑蛋上面加咗紅色嘅櫻花🌸蝦，賣相吸引，令人食指大動🤤 冰室早餐，當然唔少得一杯港式奶茶，茶味香，奶順滑，好好飲