波士冰室 (已結業)

好耐無食過茶記，一入到去即叫左個沙牛麵+熱奶茶，單點粉麵36+$10熱飲，好快手5分鐘上到枱，茶餐廳應有速度呢度每枱都有QR code，俾客人自行落單，但我scan左後發現個版面太大，睇唔到全個畫面，所以最尾都係搵左待應人手落單目測個menu都有好多選擇，特別係有好多下午茶選擇，所以感覺好似幾抵食講返個沙牛麵，醬未夠濃，麵ok，牛份量都夠，湯正常發揮，杯熱奶茶都好飲，正宗茶底有奶味整體來講食完都好滿足，開心

今晚收工，爸爸說不想煮飯，想懶一下，咁就近近地去附近呢間波士冰室食返個晚餐。之前間中都會來光顧，因為餐廳食物多種類，即炒粉麵、晚市客飯、晚市扒類、常餐等等都應有盡有。價錢又相宜，又抵食又大份，所以都係我們家庭的另一個飯堂。今晚又黎食了，睇完餐牌都心痕痕，好多款都想食，最後我們點了兩個晚市精選。點套餐仲有老火湯附送,今晚的湯是豬𦟌蘿蔔湯，又甜又足料，好正。爸爸點了一杯熱奶茶，奶茶茶香濃，又幼滑，令人讚不絕口。我點了一杯忌廉溝鮮奶，甜甜的鮮奶混和了忌廉，又香又好味。餐廳仲提供好多唔同既懷舊特飲，正。香煎BBQ豬扒拼特長豬肉腸，可跟飯/意粉/薯菜，而我就跟了薯菜。份量好足好大份，看到又香又好味既BBQ豬扒，啖啖肉，而且肉質好腍好好味，仲有濃濃既汁醬，吃起來又好味又多汁。好正。特長豬肉腸外皮好脆，中間啖啖肉，好好味呢。仲有超大份脆卜卜熱辣辣既薯角，好豐富好邪惡呀。另一款點了意式茄茸海鮮天使麵，好香好濃郁的蕃茄味，除了味道有蕃茄香外，仲會食到茄茸，真材實料的。海鮮都好多呀，有青口、魷魚、蜆，超級豐富，又足料又大份，仲要好好味，正。

在荃灣唔知食什麼既時候，就會諗起這間波士冰室，雖然是普通冰室茶餐廳，但小菜同碟頭飯是不錯的選擇。現在人流不算多，都仲卡位可以坐，坐位闊落，尚算光猛。【秘製馬來咖喱-咖喱牛肋條飯】咖喱不算太辣，味道容易入口。加上脆卜卜的吉列豬，真係好大塊，差不多有成隻手掌咁大，外皮鬆脆，入口軟淋，真是不錯。【華田沙冰】超大杯冰凍的阿華田帶點麥芽香，表面再加阿華田粉，每一啖都非常幼滑香濃，飲完令個人秒速降溫。【黑松露蝦球炒蛋】大大隻的蝦球，爽口彈牙，很鮮美，蝦炒出來有一種的鮮甜味，蛋炒得剛剛好，不會太熟，仲帶點濕潤，再加上黑松露，提升了鮮味。【粒粒花生醬西多士】厚厚一塊西多，內裡夾住粒粒花生醬，炸得剛剛好，金黃色的西多士，再配上糖漿和牛油真是一份邪惡甜點。

荃灣都有唔少冰室 餐廳 類型可以揀，經過呢邊又見到呢間未食過咁決定試下啦，環境都係算正常唔算太迫，有午餐又有常餐選擇不過最後選常餐。點了瑞士雞翼撈公仔麵，多士炒蛋，熱檸檬茶。55蚊。瑞士雞翼味道都有既，不過又唔覺得好入味。反而公仔麵份量太少了，食完都好似無咩點食咁。多士炒蛋味道還好，多士軟林林口感還好。熱檸檬茶味道正常，出面叫既熱檸檬茶都係呢個茶底味道，沒咩特別吧。總結黎講。。。呢個常餐份量好似少得濟，雖然55蚊但份量就。。。

吃点夜宵，随便找了家店。冷气够冷，盲点了几个东西，其中牛扒看似over cook，其实吃起来so nice!！ 很不错，吃上瘾。另外的沙爹面就是常规味道。焗面也不错。照例冻奶茶必点，满满冰。

位於荃灣沙咀道波士冰室與一般茶餐廳分別最大是寬敞。雖然晚餐時段，蠻多人近滿座，店員都安排二人坐四人檯，食得舒適，食完也不會被急趕走。晚市小菜多選擇，家常小菜外也有特色的加$10可加飯或$15 連湯今晚點了兩個中式小菜魚香茄子班球煲有鑊氣，香噴噴，好大兜，食極都食唔哂呢！班球新鮮，炸左都仲有班球魚肉味；茄子淋得嚟，外層紫色仍非常亮澤，過獻汁底味道也控制得很好，不會太濃味已蓋過茄子和班球的味道。海南雞半隻半隻機雞都幾大隻，擺放得整整齊齊，正宗海南雞的三種調味都齊備.雞當然是主角, 而飯和汁也是非常重要的。呢隻雞的皮比較薄，雞油脂肪不多，喜歡瘦雞一定喜歡。

間唔中都會想食下小炒，但又想坐得舒服又唔想坐室外吹親，依晚就簡左地點好方便係荃灣既波士冰室，座位闊落之餘乾淨企理，分別叫左是日晚餐既豆豉涼瓜炒牛肉同埋黑椒牛仔骨，份量絕對對得住價錢，一d都唔孤寒，牛肉多到食唔哂，仲炆得好淋，而且貌相都好好，驚喜之處係餐廳都能夠炒出鑊氣，出色！跟餐仲有老火湯，平時朝九晚六邊有時間煲湯，能夠飲到熱喇喇既湯已經幸福感滿滿！兩個人二百蚊埋單，非常超值！絕對值得一再encore!！

喺荃灣行街諗住食完飯先去睇戲，見到有間裝修幾有特色嘅茶餐廳就入咗去試吓🤪餐廳嘅晚市套餐同小食都有好多選擇，我叫咗個京蔥爆牛仔肉晚市套餐係會包埋例湯同餐飲嘅所以都幾掋食一送到嚟已經可以見到個餸份量好足夠，而且充滿住一種令人難以抗拒嘅辛辣香氣🥰師傅抄得好好，每一啖都能品味到牛肉嘅嫩滑同蔥嘅香辣，比人一種濃郁而平衡的味道😛京蔥爆牛仔肉嘅口感都令我難以忘懷，每一啖都可以感受到肉質嘅嚼勁🥰京蔥嘅脆爽質地為菜品增添咗一種令人愉嘅口感，令到成道菜有更多嘅層次感🤩如果你鐘意牛肉同蔥嘅組合，我強烈推薦你嚟試吓試京蔥爆牛仔肉🥩之後朋友叫咗個瑞士汁豬扒飯🐷塊扒個size都幾大，差唔多有成隻手掌咁✋🏻瑞士汁送餸真係一流，好食到想加飯🍚跟餐嗰個中湯入面都幾足料，就算出街食晚飯都可以飲到家嘅感覺🥳凍飲會用碎冰，更加冰凍啱曬夏天飲🤤如果大家經過呢頭可以去試吓呀地址：荃灣沙咀道328號328廣場地下G9-11號舖

打完風個日🌀🌀最想食就係茶餐廳！去咗荃新波士冰室有卡位座 開心😃仲有懷舊鐵閘做裝飾充滿港式味道哩度有不少新鮮港式包點我哋叫咗一個椰撻、一個酥皮蛋撻酥皮蛋撻好好食！（佢仲有牛油皮）做咗好多層 每層都好薄咬落好酥脆 充滿牛油味蛋漿亦好滑！而椰撻就係牛油皮都好脆好香椰絲軟綿綿唔會乾食撻配奶茶就最夾檸檳都係好地道口味正餐食咗吉列豬扒漩渦蛋包飯、馬來炒貴叼每碟份量都好大滑蛋想軟 豬扒好厚、脆卜卜 配咗日式燒汁送飯一流貴叼吵得夠鑊氣河粉唔會痴埋一齊加咗價呢香辣惹味幾似星洲炒米🔸馬來炒貴刁（$72）🔸吉列豬扒漩渦蛋包飯（$75）🔸酥皮蛋撻（$9）🔸椰撻（$9）🔸凍奶茶（跟餐）🔸凍檸檳（跟餐）

平時都會去波士冰室食野，今日落樓睇睇見到有新餐牌，決定要入去試試🛎 $68 海南雞飯餐幸運既我獲得左雞髀🍗！！！雞肉非常嫩滑多汁，睇到雞皮同雞肉中間個層啫喱狀嘅膠原蛋白，就知係新鮮雞🐥口感豐富而不油膩伴碟仲有開胃嘅醃蘿蔔～醬汁除左有泰式酸辣醬，仲有中式嘅薑蔥，實有一款啱口味👍🏻🛎 $83 水牛城原隻燒春雞見到晚市精選餐係新野又忍唔住要試下而水牛城醬一直都係我既最愛🥰有番茄醬、糖、醋、辣椒粉等等咁多種味道混合一齊，甜味和酸味好平衡⚖️同時，辣椒粉都為成個味道增添左一絲刺激🔥正！燒春雞亦都好大隻🙈火喉控制得好好，雞肉全熟而且嫩滑😝有得揀飯/薯菜/意粉，中意香口野既我就揀左薯菜薯角份量多而且大大件😋😋😋🛎 $70 紅燒豆腐勁耐冇食紅燒豆腐🙈因為真係好難自己煮到呢個口味豆腐質地軟嫩，口感滑溜🤤每啖都食到豆腐既鮮甜，同濃郁既醬汁完美融合伴碟仲有冬菇同菜心🥬係營養豐富既一道佳餚～🛎 跟餐 熱奶茶🛎 跟餐 餐湯🌐 環境/服務用qr code落單～快靚正呢到仲成日有新餐牌，次次黎都有新野揀冰室黎講已經好好地方大，多卡位好乾淨👍🏻👍🏻👍🏻

荃灣的「波士冰室」絶對是性價比高的街坊飯堂。吉列豬扒漩渦蛋包飯芝士汁~我們食過番尋味，超級大塊的吉列豬扒，外層酥脆，肉質非常鬆軟，肉扒厚度也有1吋！造型漂亮的漩渦蛋很香滑，覆蓋在超級量大的絲苗白米飯上，口福與視覺雙重享受！乒乓波黑糖奶茶和咖啡是今晚跟餐優惠特飲，口感很絲滑！跟餐老火例湯~味道濃密。水牛城原隻燒春雞配薯菜~ 燒春雞有一定的份量，蘸少許廚師自家製醬汁吃，別具風味，$90一個套餐是十分抵食！小菜：咖哩薯仔牛肋條煲~牛肋條多過薯仔，肉質炆得剛好，咖哩汁味香濃、略微辣，下飯一流！每道菜餚都能滿足愛吃肉食的客人，而且都有伴沙律菜，牛肋條煲則有青椒及洋葱，因此，我們沒有點蔬菜，份量已經很足夠，人均消費$85。

📍  波士冰室🗓️ 21 July 2023之前都有食過波士冰室嘅早餐，一向出品都係穩定同埋OK，我每次都係食沙嗲牛麵嘅早餐。今次第一次叫外賣同埋試呢款早餐，有意外驚喜。🍴 吉列魚柳 併雞肉腸、櫻花蝦炒滑蛋、牛油厚多士 $44不嬲呢度嘅牛油多士都係好脆，同埋牛油量好足，今次叫外賣買到返嚟都仍然係脆的。最令我驚喜係吉列魚柳比我想像中大塊，同埋食嘅時候仍然係脆嘅，質地亦都夠實淨，不過係偏鹹咗少少。其他嘅都係正常發揮，自己本身好鍾意食炸魚柳，之前就喺大快活食，而家又多一個選擇了。不過價錢的確係比其他地方貴。

最近中左烘焙麵包既毒😂😂，就試下開係荃灣多年既波士冰室，正門隔離就有現場烘焙麵包賣，內裏環境裝潢係行港式懷舊風格，座位之間都唔會太迫，坐得舒服，而店員都超nice🥰，食物方面見佢有個「十大必食」牌，選擇困難症可以依到簡🤣！-🤍 招牌鮮茄焗豬扒飯 $62👅好味指數：7/10熱辣辣🔥鮮茄味香濃！好夠味！飯底粒粒分明，有蛋絲👍🏻豬扒已經切開左一件件，好方便食，肉質偏軟腍，食完好飽肚。-🤍 粒粒花生醬西多士 $32(加半份吉列魚柳+$10) 👅好味指數：9/10西多士數一數二好食！😳唔怪得係「十大必食」榜入面🥹，炸到脹卜卜，外層邊皮香脆😍，內層有滿滿既榛子花生醬🥜，每啖都食到粒粒榛子花生🥜☺️，包體又軟熟，真係外脆內軟！🥰另外加左半份魚柳，味道正正常常，$10幾抵食👍🏻-🤍 手工酥皮蛋撻 $9👅好味指數：7/10外皮真係千層口感咁，好酥脆🥧！一咬就散哂，蛋好動L好嫩滑🥚，再濃啲蛋香味就更好了。-🤍 咖啡菠蘿包 $11👅好味指數：7/10咖啡味就唔係好岀，反而感覺比較甜啲，似焦糖味多啲，但都好食😋包體口感就偏厚實，但不是空心包🥰👍🏻，菠蘿包皮都係偏厚啲但都好脆，我幾中意依個偏厚口感，比較有咬口🤣-

天氣實在太熱，不想在家煮飯，於是便到附近的「波士冰室」吃個晚飯。餐廳在沙咀道，人流暢旺，晚餐時間幾近滿座。裝修一片懷舊風格，舊海報，鐵皮信箱及吊扇等，彷彿時光倒流至60年代。這裏用QR CODE 掃碼下單，方便快捷。我見中式小菜的選擇不少，點了兩個小菜嚐嚐。「豆腐火腩煲」，熱騰騰滾住上，火腩和豆腐份量不少，火腩肥瘦相間，肉汁豐富。炸豆腐炆得入味，盡收醬汁精華。「京都焗肉排」，大大塊肉排，份量亦充足，新鮮炸起，夠鑊氣。配上新鮮菠蘿及酸甜獻汁，特別開胃惹味，送飯一流。小菜跟「白飯 + 例湯」加 $15，飲品還有特價優惠。例湯是老火紅蘿蔔節瓜豬骨湯，家常風味，都不錯。「懷舊雪糕紅豆冰」，大熱天時，飯後來一杯雪糕紅豆冰，消暑解熱，清涼透心。這裏的小菜水準，令我喜出望外，性價比奇高，下次再來吃其他菜式。

今日同朋友到荃灣食飯，去到餐廳不需要等位就可以入座。我們叫了兩個晚市小菜，一個土魷蒸肉餅、一個咖哩薯仔牛肋條煲，一杯好立克沙冰，一杯雪糕紅豆冰。首先來的是咖哩薯仔牛肋條煲，咖哩味道很濃郁,份量十分充足，有大量牛肋條亦有牛筋在裹面，不像外面其他餐廳大部份是薯仔。後面來的是土魷蒸肉餅，肉餅的口感厚實，不乾燥。用來送飯一流，肉餅沒吃完，飯反而先吃完。好立克沙冰很大杯，好立克的味道也很重，夏天飲十分爽快，注意先要飲一點，不然融化後會滿瀉。整體而言，味道不錯，而且份量都多。