波記甜品 (已結業)

夜晚去食，之前都食過。冇話特別好唔好食， 係近我地幾個friend先去， 去到入去已經屈你坐去死位，但明明大把位。。。點解要咁做? ok， 算數。睇左陣餐牌想叫野， 個阿姐自動行開，但明明又係冇乜客，攪咩ar。。。之後再叫佢過黎，想叫芒果西米露，問佢呢個天時芒果掂唔掂，問左一句，個阿姐又自動行開左，又想點ar，最後求鬼其左個腸粉食算。比錢仲要受佢氣，呢間野可以執得。

從來都唔寫食評, 為左呢啖"氣", 今晚捱眼訓都要係呢度分享下我既經歷今晚同三個朋友打完波, 諗住黎波記食野傾下計. 記得波記之前有位靚姐都幾好態度, 野食都可以.去到見客人唔多, 想揀張闊d 既枱坐, 有個惡姐(唔係之前位靚姐)叫我地坐埋另一張枱. Okay! 明白人地要做生意, 留張大枱俾其他客.一坐低, 兩個朋友叫左腸粉燒賣, 第三個朋友未諗定, "em"左一聲, 惡姐面無表情, 二話不說走左入廚房. 一句簡單"慢慢諗, 轉頭再幫你寫"都無講......Okay! 等左好耐, 起碼五分鐘都唔埋黎再寫單, 我叫佢寫單, 我叫芒果飛雪, 佢好大聲好惡咁講一句"自己寫, 有紙係度, 我唔知你要食乜野配料"我成個人呆左, 估唔到食一個28元既綿綿冰係要受氣既!!!! 無耐地回敬一句, "我唔食啦....."惡姐又二話不說走左去第三個朋友之後繼續點單, 客氣地問一句"宜家呢個時節d芒果靚唔靚?" 相信大家都估到個結果都係一樣, 惡姐繼續黑面, 二話不說走左去......當時我只係諗呢間店都應該好好生意, 唔休做, 只怪自己要求佢提供食物.....第三個朋友都灰左, 結果同我一樣, 放棄點菜

若非友人帶我前來, 真不知道會否踏足此範圍。 小妹一向只懂屯門市廣場或華都一帶的食肆, 置樂、盈豐一帶從未到過。沿途見到附近開了不少特色糖水舖, 人流可不少呢! 這店叫波記, 聽說老闆是開車房的。 周六晚上十時當然旺場, 幸好人們吃完很快便離開, 所以不用久等。 地方不大, 多人時難免會迫夾, 大家將就下就是。裝修簡潔, 地下不會濕轆轆, 冷氣夠大, 又光猛, 成個人醒哂。 咖啡雪綿冰$28: 走到邊都會見到綿綿冰的蹤影, 包三款配料, 選了綠珍珠、紅豆和丸子。 冰底咖啡味很濃, 還吃到奶味, 像飲latte一樣, 可惜溶得快,要趕快吃完。珍珠和丸子都能做到煙韌, 紅豆就煮得不夠稔, 頗硬。 二波$38: 和佳記一樣都是大堆頭的糖水, 但份量可按人數多少而定。這個可供3-4人食用, 另有一波、三波和四波, 用料極為豐富, 多達十種, 有涼粉、西米、柚子、士多啤梨、奇異果、香蕉、哈密瓜、西瓜、火龍果、芒果、 淋上花奶伴吃, 很滿足。用的全是鮮果, 夠甜夠新鮮不會爛掉, 如果可以再凍些就更好。 熱鮮奶燉蛋$15: 有熱有凍可選, 本身對燉蛋一向不太好, 但這個加了鮮奶又出奇地好吃。蛋很滑溜

今日同几個朋友係隔籬泰菜等緊位時見到波記有新甜品出品仲要係依家最hit嘅台式刨冰添,咁食完飯即刻同朋友食完飯過黎試下啦,因本人好鐘意食架麻,我地一行5人,每人叫一個食,我食左香蕉味,朋友就試左朱古力同芒果.草莓味,嘩!好正好好味,入口即溶,仲可以揀3種配料(當中有4款係新鮮生果添)都係$28蚊,本人覺得幾掋囉唯一美中不足就係Ｄ冰份量少左Ｄ,希望下次黎會大份番少少啦待應姐姐態度都ok喎,見佢一個人做都好有禮藐,我地成班人問佢Ｄ問題都笑笑口答,下次一定再黎試下其它味先!

娘惹後轉戰波記，見有新產品綿綿冰，當然要一試﹗因為牛奶和咖啡冰都沒有，所以要了芒果，配芒果醬再加鮮芒果、QQ丸和海澡丸。兩種丸子都是很台灣的味道，鮮芒果就好香好甜，加上芒果冰底和芒果醬，超「芒果」呀~~太好味，唔記得影相﹗

食左 , 榴槤水晶撈 , 開頭佢上菜時 , 我仲以為中間那個係布丁之類 原來唔係 感覺好新鮮 , 好特別 , 個種質地唔識形容 ""中間那個疑似布丁既 , 係好似食緊榴槤咁既質地"""同埋feel到佢係用左好多榴槤去整 , 食到"溜溜地" , 再食一啖水晶撈 正呀

鮮奶燉蛋($15) - 奶味和蛋味平衡, 恰到好處, 好滑好香好味芒果粉仔($19) - 粉仔是用羅漢果、洋甘菊等製成的啫喱, 味道甘涼微甜, 帶herbs的香氣, 不過未必人人可以接受, 配合清甜的芒果肉和芒果汁, 清香爽口榴心中($28) - 以榴槤肉、紫米和西米製成, 榴槤非常香甜, 好此道者必喜, 紫米香軟, 與榴槤肉非常配合, 加上椰汁西米, 似是椰汁紫米的變奏, 美中不足的是份量較小

本打算吃完生日飯後再到糖百府享用生日甜品,誰知2位孖妹吃得太飽而打消念頭! 而這間甜品店剛好在隔壁, 那外帶回家繼續享用好了。大人的熱鮮奶燉蛋份量不多,連小型外賣碗也盛不滿,不過燉蛋真的滑溜,滑不溜口的感覺真的很棒,蛋裡帶有奶香,甜度ok,大人對其有所稱讚, 頻說:"食左甜品至圓滿嘛!"首次嘗試芒果河粉, 河粉外型跟真正河粉頗為相像,其實就是一條有椰汁味"布條" , 滑脫脫軟淋淋的感覺,真的有趣! 這碗河粉份量不少,吃到大半已飽得不能動!!所用芒果粒粒粒黃澄澄的,真的吸引!!芒果肉熟透香甜,加上少量花奶拌吃,大滿足!!! 這小店原來水準不俗,尤其那燉蛋更是精彩,有下次。

22號晚同朋友仔慶祝生日一行十幾人特登去波記食糖水 (因為得呢間有得坐係店入面,唔駛凍)嗢左個芝麻糊燩蛋加湯丸($18+6)諗住芝麻糊咁濃味一定會淹沒左燩蛋味點知~一食落口芝麻精ge香味果然遮住哂其他味,,但係當吞左ge時候 蛋味係喉嚨度湧番出黎 美中不足ge係--芝麻糊唔夠熱,,不過真係好香好滑 正!另外有朋友就嗢刨冰食,,不過太多用黎墊底ge碎冰,,不叫也罷服務方面 我覺得唔錯,,我地十幾條友入到去 都好主動咁招呼我地 仲俾折扣tim=]總括黎講 呢間糖水鋪都食得過!!!

之前都有好多朋友介紹，屯門有間食糖水不錯，而且旁邊有間超美味的泰國餐館，這晚終於幸運地黎到呢到食糖水。我同朋友都點左夏雪，而令一朋友就點左西瓜涼粉，再來多個咖哩小食撈。----先講夏雪，一來已經給它的買相吸引，所以立即同朋友拍起照來。生果好新鮮，士多啤梨好甜，果球豬古力雪糕拼埋d生果特別好食。好味道同朋友仲想點多球雪糕，但因怕肥關係最後都沒有另外，咖哩小食撈個咖哩汁好香，伴埋d豬皮魚旦魷魚十分開胃。----雖然係假期前席好多人等位，但店員很有禮貌，招呼都ok

好像已經不是第一次吃夏雪了，但每次吃完之後，很快便忘了它的味道，應該是太沒驚喜吧！朋友的榴槤甜品，應該能齒甲留香，有驚喜啊！

五月四日(星期日)同老公仔食完上海婆婆之後,專登黎呢度食甜品架!不過唔識路,仲唔記得o係兆麟站落車tim!...之後,搭番轉頭,又唔識路,周圍問人,問左個後生仔,佢睇到我地個樣好為食,就話"o我!為左搵野食呀".....haha!行左成15分鐘先到!同埋去到冇人!個老闆娘教問個仔仔做功課,但係都好有禮貌呢!我老公叫左榴槤水晶撈,佢話都係發記好味!不過呢度算唔錯,同埋幾特別!我叫左佢地個芒珍小白,幾好食呀!!豆腐花好滑!而且芒果係用呂宋芒,所以幾甜!底係麵包布丁,都唔錯,原來佢就係"為食救兵"合作整既!幾好!都有幾多特別既甜品呢,質素都唔錯!不過地方真係偏僻左d呢!

幾多款甜品choice價錢ok...料夠多..全部都係生果都不錯

9月26日假期和幾個朋友飲茶，然後到這間波記食點品，以前都有到過這間店，印象中不是差，所以再重回這店!最初個位靚小姐都好nick地幫我地take order，都ok,無乜問題，大家order了4個甜品，然候再叫多個小食，店內其實客人不多，只要小貓幾隻，包括我地在內不到10人，到我地食晒檯面的甜品時，有位"ah姐"就好像"好好"咁幫我地收晒起檯面的杯杯碟碟，一件不留，都算啦!我地見無乜人未傾下計啦，我個friend隻手就唔聽話，拿住個"牙簽筒"在玩，但一支牙簽都無晒過，只係發出d聲音姐，個場除左我地一檯，一個客都無! 個位亞姐跟住行過去我個friend到問都無問就在我個fd手上攞走"牙簽筒"，什麼態度呀!唔比人點得架d野，唔掂得唔好放晌檯啦! 個位亞姐要攞，都開聲問人呀，在人手上好像收杯咁收走，好無禮貌呀!趕客咁! 以後請都唔會再去! 又唔係好好食! 服務又無! 唔好以為一間細舖唔需要講招呼! 做食服務業就要明白什麼叫"服務態度"! 如果該位亞姐係老細之一，唔該檢討下啦!如果係員工更加再三考慮是否要去再陪訓呀!

昨日同朋友去波記食~~~點知無去兩個月左右~~~d野唔同晒~叫咗一杯菠蘿冰~同茶餐廳的無分別~菠蘿+汽水+冰塊仲用d好無taste 既杯~~~以前係好似刨冰咁~~~又好精美既杯~但價錢無變一樣係$17.以前都會叫~兩款甜品,e+只叫一杯,之後就算了~唉~好懷念之前既波記~雖然個名一樣但應該轉了手~所以唯有轉竇了~~p.s. 看了一些網評貨不對板~想說之前d野(未轉之前)係同相一樣絕無欺場~但......希望有所改善~~~~