波記甜品 (已結業)

生果新鮮,椰汁西米做底好味,木桶豆腐花好滑,下次一定要再去幫襯,最近隔離開了間小曼谷,食完晚飯,就可直落去食甜品,正!正!正!

超唔掂!0的相同實物完全兩回事,味道又唔好椰汁河粉好多地方都有,但係呢間都算整得難食啦! 乾爭爭咁, 又無椰汁味!0個個咁0既唔知後波定二波,搵笨到暈,什果涼粉就什果涼粉啦,無啦啦又要放落個"花樽"度,個"花樽"令到我好難"but",重鬼死咁貴,我以後都唔會再去

本人向不滿本店食客致歉,本店已經致力改善服務及提高食物質素,多謝大家意見,歡迎各界評論.另一方面,本店在本月中將會耳目一新,請各位食客繼續支持及密切留意本店,無限感激~~~謝謝!!!^_^

今日同幾個朋友去小曼谷食完野唸住去搵間糖水店坐下, 入到去叫左幾樣野, 0係等緊野食其間有講有笑, 突然有個女人走過離叫我地唔好咁大聲, 之後全程黑口黑面, 我地走0個陣仲話"終於靜晒"...black list, 以後都唔去... 野食ok啦

晚上想吃糖水，路經此店，隨意入內，店內唯一略肥而矮的女侍應，背向門而面向出品部，正在與同事閒聊，只瞄了本人一眼，待我坐下之後，隨意地說了一句‘隨便坐’，之後便若無其事地繼續聊天，我呆了約一分鐘，還是沒有反應，心想，他們對工作如斯沒有熱誠，出品也好不多了，為了不想打擾他們的雅興，只好下堂求去是也！由於沒有嚐試其出品，味道和抵食給予中位數----3分，以示公允。亦由於如斯的工作態度，從而令本人望而卻步，下次還是當路人甲好了，無奈地給予喊面。

D榴槤布甸榴槤奶出奇地比其他大型甜品店更好味，其他食品都OK嫁，不過想食好的榴槤奶記得用正價，因為份量不同，30幾40蚊任你食果種就唔好飲喇，飲第二種啦，不過整體D食物都好OK，希望可以維到皮。

琴晚友人帶我去屯門食泰國嘢,我見對面有間甜品舖,仲要$38任食,貪小便宜心態下,即刻留肚啦,點知........呢間咁0既嘢雖然上過電視,但我真係唔知佢憑乜(邊位知0既,麻煩話聲我聽):1. 楊枝甘露: 稀到都無芒果味,得糖水味!成碗擺番喺度比佢!2. 香蕉奶: 我好肯定唔係用香蕉打出0黎,係用香蕉油....大佬,依家唔係整蛋糕呀!3. 紅豆豆花: 紅豆沙我都費事提啦,個豆花唔該唔好咁難食吖,話佢隔兩夜都應該講少咗佢4. 西米露: 雖然稀到好似椰水咁,但係比咁多種"極品"甜品襯托下,都叫做可以食得出係乜(好食就一定唔係0架啦)5. 榴槤XX: 唔記得個名,個賣相有0的綠色啫喱狀物體圍住咁. 如果齋講0的榴槤肉,都幾甜0既,但係嗰0的啫喱狀物,真係又要留番比店主佢自己食6. 司華力腸: 大家梗係以為小食唔會衰啦, 點知呢間嘢個廚師真係有料到0架,好地地條腸都比佢整到油"lum lum", 攞出0黎之前都索下0的油先吖真係唔明佢點開舖,呢間嘢係我食過0既所有甜品以來(包括街邊)之最最最難食,仲有人去食我諗係因為佢有飯食,仲要任食啦.不過我始終唔明0的人點解可以將0的咁0既嘢垃圾放入自己個口

杏仁霜涼粉（凍＄１６）──店員（竟然）問我要熱定凍，之後我問涼粉係咪應該要凍，店員笑笑說是．．．杏霜有蓮子雪耳。芝麻糊豆腐花（凍＄１６）──只得凍豆腐花，於是芝麻糊也要凍的。合桃露（熱＄１０）──最值回票價的一個。芒果涼粉（凍＄１９）──水果不甜，是吃甜品的敗筆。

早幾晚跟一個朋友去食甜品入到去侍應叫我地坐四人位坐左一陣, 叫左野食,之後有個女人叫我地去坐一張好細又唔舒服既二人枱最緊係佢冇問過我地同唔同意就幫我地搬左d 野過去明明見到隔離四人枱埋單, 都唔叫客人等陣, 直接搬我地d 野走, 我地叫左食物"喜霜飛"食落又唔係真係太好, 只有糖水味, 個容器令我地食得好麻煩之前都幫襯過幾次既, 估唔到今次食得唔係太happy 呀冇下次

多謝大家的寶貴意見,讚我們的產品及服務態度,我們會努力去保持,給我們的評語,我們會更進,多謝大家支持----我地會努力造多D新野的.....

地點雖然比較僻但係見到咁多fd都去左自己都忍不住裝潢不錯服務水準高有兩個勁好笑容既waiter搞到我食都食得開心d叫左桶細桶既豆腐花一個字掂!仲有個新出既冰極同咩咩咩蕉船底食呀!!!!!係食糖水既好去處拍車又方便最好笑既係有人幫你睇埋有冇人抄你牌

雖然地點有Ｄ偏辟，但係去到反而有Ｄ驚喜，畢竟屯門無乜有水準ＧＥ糖水鋪。我去個時人唔係話太多，靜靜地係一個幾舒服ge地方，然後我叫左個紅豆沙涼粉，我覺得好足料，好少地方有咁多料，多到我想叫佢比少Ｄ料我.....而我男朋友叫左個芝麻糊，好香，味道剛剛好，唔會太膩。而且裡面Ｄ員工都唔錯，我見個妹妹同弟弟不停咁笑笑口，唔會話黑口黑面。叫左佢地拎幾次野都無話唔耐煩，而且個妹妹介紹同解釋Ｄ甜品好談細，仲幾健談。最後，我買左個叫芒果撈ＧＥ外賣番屋企，發覺好多芒果而且好好食。總結我覺得好食過B仔涼粉好多，價錢都公道好多！

啱啱係對面o既泰國菜買外賣, 順便買個糖水, 叫左最普通o既楊枝甘露$22.-, 諗住加黑珍珠, 落單個姐姐問左廚房, 竟然要加$6-, 餐牌上雖然冇寫到加黑珍珠要幾多錢, 但加蓮子都係$4, 加蛋3.- 加湯丸$6.-, 點解黑珍珠要$6, 最後冇加到. 番到屋企, 一開, 大失所望, 個糖水好'希', 好似水咁, 好少芒果同柚肉, 味道就一般, 同大家樂個杯$13.-o既coolcool冰差唔多. 失望, 冇下次!

試過一次~真係好得~唔怪得雜誌都有推介~又有多新既甜品款喎~又抵食喎~可以試下喜霜飛丫或者個利賓納桂花果凍~真係一個字講得晒~掂~~~食甜品既必然之選~~~~

D 雞翼好好食呀, 有d 住家整既feel, 冇味精, 正~最緊要係附近有大量車位, 渣車去好方便, o係屯門真係冇乜d 咁o既糖水鋪喎~