波記甜品 (已結業)

店主很親切友善，服務態度很好，等好快就有甜品，生果新鮮，有自制取代涼粉更健康的狗仔粉由羅漢果/菊花煮成，很好吃😄😄餐廳佈置的環境很特別、精緻，與普通的糖水舖不同。交通便利，三聖站行幾分鐘就到，值得再來😋😋😋

屯門區既街坊甜品舖，除左一般中西甜品，仲有啲特色既，好似呢個咁👀👀芒槤戀 （唔記得幾錢）下層鮮榴槤肉，上層鮮芒果肉，再加上忌廉係面😍😍 芒果好甜，榴槤肉夠凍，仲要係啖啖肉😋😋 正過食榴槤pancake😆

在娘惹廚房吃過晚飯後，見糖水鋪不用排隊，便多嚐一碗糖水才回家。我們點了一個芒果滑豆花和一杯西瓜汁，個豆腐花都幾滑，個芒果醬比較似楊枝甘露，芒果味唔太濃，不過都幾香甜。

第一次留食評因爲呢間真係有啲過份同朋友打完波想食個糖水吹下水糖水好快上咗 一陣就食完一食完無五分鐘全程唔夠半個鐘老闆就黑面叫我地走？！大佬呀 食糖水唔係真係為咗個糖水嫁？你估你啲糖水好平好抵食？過分貼錢俾我都唔再去

其實我都試過堂食都係一般但係都算係好過佢隔離個間今次趕時間叫d一早就應該可以有嘅嘢 order 咗個甘菊粉仔 腰果糊 點知都等好耐。個位唔知係咪老板娘嘅女人態度爆差 想加單都俾佢啤 最後無加D嘢食只可以話好難食 甘菊粉整到有甜醬味又酸 腰果糊似水淡以無味 好難想像點解可以咁差強烈建議唔好係度食！

早知一早上下OPENRICE睇下先啦...終於見識到咩叫趕客..今日晚上大約10點同2位朋友去到間野食糖水,我叫左芒果涼粉,我2個FRIENDS都叫了椰汁西米露,食物唔算太差但比附近2間差很遠,不過見只得呢間唔洗等位就幫親了,好後悔!正當我們食緊的時候,個長頭髮阿姐竟冇啦啦將我個FIREND的椰汁西米露拿走,拿走完去第2張怡後先同我地講話要搬怡..個匙我個FRIEND當時仲拿住, 正當我個FRIEND想食下一匙時,冇啦啦先發現椰汁西米露已係第2張怡....怪不知附近2間的生意好個佢咁多啦..如果冇左格離間泰國菜照應..可能已間不在了

多年前，這裡曾辦過糖水甜品任食，被同學拉來吃了一次，但質量明顯不值再試，就因為在最受歡喜的泰菜旁，七、八年多之後仍然在此，但已經要有麵食等來支撐，不多說「有幸」再吃到這裡的糖水是因為請大比回家前買糖水，光顧開的休息，他自行來了這裡，我心一沉，芝麻糊果然甜到漏，滑得不自然，稀得很，還有甚麼好形容??

朋友叫左蛋白椰汁焗燕窩$50, 我就叫左個 雜果粉仔 $38 偷食左朋友個蛋白椰汁焗燕窩, 唔太甜, 反而可以帶出蛋白香同埋椰汁味, 不錯, 自己果個雜果粉仔都唔錯, 咩生果都有d , 夠足料, 而果個粉仔, 佢店鋪寫係全港首創ge 甘菊粉仔, 清熱, 排毒, 食落去陣味初頭有少少似咖啡味, 但再試真d, 有淡淡ge 菊花味, 配椰汁底, 不過因為 生果同椰汁本身冇咩加糖水, 個粉仔本身都係咁咩味, 所以整個都係偏淡, 唔係好岩自己ge 口味, 落單ge 姐姐有講有笑, 服務幾好 , 我地食完, 坐左陣, 不過因為出面有人等緊, 姐姐拿臨執野, 但係咁講唔好意思, 都好有禮貌

長頭髮疑似老板娘既人，太態極差，個晚12：15左右我地想去食梳夫厘，我地叫左3個梳夫厘，跟住疑似老板娘既人就衝出黎講：下次要乜梳乜梳既，叫我入左單先啦！(語氣極差）你趕住收工既，你不如話冇好過啦！咁都冇咁嬲~~我地俾錢架！絕對唔會再去食！差差差差差

一行人食完小曼谷意猶未盡,再去隔離波記食個甜品兼吹水.發現居然有心太軟,二話不說即時點了一個試下!由於製作需時,我點的心太軟是最遲到的!但等GA時間同品質不成正比......心太軟賣相做得出色!不過金玉其外,切開之時內裏的朱古力的流心效果其差.......只有極少量的朱古力流出,就好似關水喉最後O個幾滴水GA效果一樣,而且朱古力蛋糕比較硬身,算是做得較差GA心太軟.其他朋友點的朱古力冰則沒出現問題.還是選擇其他的甜品比較穩陣!

本身見佢出面都裝修幾好，就諗住入去試下.咁我地11個人，吾系好夠位坐滿啦，兩個人已經要逼埋一齊坐主席位。點知個阿姐好無禮貌叫我地坐埋第二邊,吾好阻住佢...逼到我地就黎死。OK我無所謂之後，坐坐下無啦啦叫人轉位，佢問到無問你行吾行。直接推你起身逼你坐。呢個都可以算!!佢黑臉幫你落單，又好黑面咁拋d野俾你食。最正就系佢話''吾知自己食咩牙，你自己慢慢睇包佢啦''成張單好大力咁拋落張枱..阿姐你駛吾駛咁牙.我地一直一肚氣咁食，終於等到食完啦。我已經費事再見到阿姐，叫我個fd幫我埋單。我就企系門口隔離張枱等嫁啦佢竟然可以專登走埋呢，成張椅咁撞落我隻腳到。道歉都吾講。我都已經避開你嫁啦。我依家黎食野嫁，吾系受你氣嫁。謂真，我真系好後悔去食呢間野!!!

有次跟朋友一齊去食糖....貪佢唔洗等位...入到去裝潢幾好...但係d野食偏貴....同埋份量少...我點了一個芒果椰汁河粉....幾大份...唔算差...芒金撈太多唔同的材料...搞到個味覺好亂....芒果西米露冇芒果味...得個顏色...本人建議...係有選擇的情況下....可以唔食就唔好食呢間...

尋晚朋友聚舊，邀約屯門小曼谷，飯後見隔離糖水鋪裝修幾有特色，一於試試！店內掛咗不少自家攝影作品，老板應該都系“龍友”！睇真D相都幾有意思...入正題: 見menu都幾搞鬼，有甚麼 芒珍小白、芒蓮戀，仲有個叫密密撈，話系新產品 wor! 新正頭，梗系o黎個意頭，就叫咗個密密撈；入面主菜叫 密玉凍 再加D自選配搭，我揀咗 紫米露+豆花+火龍+蘆薈+西瓜，o黎個大紅大紫先 ！個密玉凍，透透o地明，一入口 原來系蜂蜜Jelly，都幾特別 wor，加上配搭o既蘆薈，令到食完小曼谷之後當堂有一種好滋潤o既感覺，掂！

小弟本身唔係屯門人,但因為女朋友住o係果頭附近所以成日都幫襯佢地,我同女朋友最鍾意食果到果d榴槤食品,真係好唔錯,而且佢d生果汁都ok,因為女朋友唔太喜飲甜野,去過好多其他糖水鋪話明走糖水都係甜到死......不過假日我地就好少去啦.....可能人多啦d服務就同平日差好遠,有一次星期六夜晚同女朋友d朋友仔去,我地六個人要座四人枱都算,但好衰唔衰果個係出入位,d人去廁所又撞到我,出甜品d服務員又撞到我.....好辛苦lor........希望下次可以改善下啦.......呢d"淋場"ga場面真係幾得人驚

講真係屯門食甜品宵夜既舖頭唔算係好多,本人覺得呢間波記真係算唔錯,野食既價錢都算合理,唔係太貴,可接受範圍,當然再平d就好啦,呢間野既甜品都算幾好味,芒金撈又真係幾唔錯,我覺得大家都應該可以一試~~講下食野之餘都要講下服務態度,我之前都有去過呢間野2,3次既,服務都算係咁,今晚同d 朋友去食宵夜,人都算幾多,個阿姐既服務都幾nice,起碼多人之餘都會理我地有無位坐,唔會扮睇我地唔到,哈哈,我覺得我地食野都算煩,左諗又諗,個阿姐每次都算幾有禮貌回應我地,我地幾個人都分開點野6,7次,個阿姐都無黑面對著我地,都算唔錯啦~~總括黎講,食野,價錢,服務都可以接受,有機會既話,大家都去試下~~希望可以再多d款式就好啦~~