泰亭 (已結業)

無其他負評既人講到咁差囉😣我本身都鐘意食泰國野😌前兩日經過見到呢間泰亭，就入左去叫左個青咖喱雞飯同杯芒果沙冰🥭🧊，再加個蝦餅，個青咖喱味道真係唔錯😛好送得飯，仲食左兩碗添🍚🍚。講真個蝦餅都幾細，但係幾好食喎又😋仲有個沙冰就要單點無得跟餐，可能考慮下先叫，不過整體都唔錯😆服務方面呢就可能真係唔夠人手同埋午市忙左啲，等左一陣先有員工落單，不過個員工都幾有禮貌喎。

從來未試過食得咁唔開心，入餐廳 時候已經態度差，未嗌嘢食已經趕頭趕命咁，食到一半仲係咁催你驚死你過時， 餐廳內 環境又差，冇獨立自己冷氣，靠商場冷氣，一度食一度流汗， 水都想慳番， 六個人食飯，問佢攞水，只係畀兩杯， 座位又窄一定冇下次！😡😡😡😡😡😡😡😡😡😡😡😡😡😡

剛剛晚飯, 叫個蝦餅($48)一碟四 “粒”, 得水泡餅咁大. 碟咖哩炒老虎蝦($168), 得四舊蝦, 兩頭兩身, 個頭重要係吉嘅, 冇嘢食嘅. 豬頸肉($78)得十片八片薄片, 重要乾嘅. 有時做生意唔洗去到咁盡嘅, 咁好難有回頭客囉.

星期五晚間間食肆都要排隊，朋友好肚餓，見呢間有位就入咗去，點知...入面格局比想像中逼，亦好嘈，同朋友傾計有時唔係好聽到佢講咩。食泰國菜指定動作當然要食pad thai啦！一上碟，嗯... 賣相實在一般（所以冇影相放唔到上嚟）都唔緊要，一食入口，好濕...明顯炒得唔夠乾身。隻大蝦先最出事...我真係未食過咁霉嘅蝦...仲要有啲疑似係屎嘅一點點黑色黐住，放過我啦... 我寧願佢用急凍蝦仁...我哋仲叫咗個小食併盤，大部分都普通正常嘢，冇咩特別，唯獨是個單骨雞翼最「驚喜」。一食落口：哇！辣到好似玩緊懲罰遊戲咁，食咗一啖都要狂灌水...我同朋友都幾鍾意食泰國菜，無諗過泰國菜都可以伏到咁...呢個故事教訓我哋，幾肚餓都好，記住入餐廳前點都要OpenRice 下先！

喺荷里活廣場想食泰國菜，選擇唔多🧐見到「泰亭」假日都有提供set lunch，即管一試～·🍜燒豬頸肉冬蔭公湯金邊粉燒豬頸肉正正常常👌🏻個冬蔭公湯底微甜微辣，得好少好少好少冬蔭公味🙄唔係難食，但係如果你好似我咁，一心為想食冬蔭公而去，會幾失望下😅·🍲香茅豬扒清湯河粉個冬蔭公湯底咁淡，清湯都唔太大期望🙈不過不失清清地，有蒜有芫茜等配料嘅味道，河粉就好滑👍🏻個豬扒炸得over左（睇相你就知有幾黑📷）食落都幾乾下😶·

之前weekend去食, 本身都唔係諗住食依間, 想食嗰啲full晒又見佢只需等兩張檯先食,真係唔怪得佢比其他餐廳少人選擇幫襯! 服務差到!一入去, 比張號碼飛佢, 個阿姐已經西面話擺落個兜度就得,大佬我成日黎咩, 點q知啫之後坐低又問介唔介意我地坐埋一邊, 話驚後面檯個客坐得太近我地,我地話唔緊要, 佢又語氣差咁話"我緊要呀, 1.5米呀要"咩態度? 一早好聲好氣講咪得囉!到諗住搵人落單, 揮極手無人睇到, 見有個路過即刻嗌佢啦, 佢無反應行左去第二度把幾火行出去再嗌大聲d, 佢就唔好語氣話"我聽到呀"我咪即刻串佢都無望過黎又無反應, 點知你聽唔聽到呀!嗌左冬蔭公金邊粉同蟹肉炒飯, 野食一般啦, 服務態度就唔掂喇!唔會再幫襯! 比錢買道氣咩!

朋友想吃泰國菜，逼於無奈我也跟著去吃，幸好下午茶選擇也頗多，因為沒有吃午餐，所以點了飽一點的粉面吃。一向吃比較清淡的我選擇了手撕雞河粉，雞肉頗有咬口，不是超級滑但雞肉味突出，河粉的份量比想像中多很多，基本上跟午餐份量差不多最好就是湯底很清不會喝到口渴，蘿蔔很夠味也有咬口，其實再多兩顆會更好，哈哈！味道算及格，也算是抵吃。來這裡吃飯的另一個好處就是卡位很闊，可以舒適地坐著慢慢聊天！

|青檸烏頭^在四人餐中好抵食。只可以無飯🥺所以要另外再叫飯。但是青檸烏頭的肉感非常柔軟，而且相對是有明火提供烘熱食用。醬汁如果撈飯也是不錯選擇。因為有一個朋友不食豬肉，所以全部都以雞肉為準。海南雞都夠嫩。相對黎講晚餐時段不算要等位太多人。真的是泰国小姐姐或者阿姨的服务。|飛天通菜^醬汁還是比較入味的。

第一次去泰亭食下午茶，估唔到又幾好食喎。下午茶餐多數$48，有啲餐再平啲收$38，我地叫左兩個餐食，結果味道幾好，仲有飲品送，我地要熱茉莉花茶。宜家外賣自取仲有九折，如果叫下午茶外賣嘅話就平上加平喇。串燒(雞、豬各2)拼青木瓜沙律$48- 呢個餐自由度高，串燒4串可以自由揀雞肉或豬肉，然後拼青木瓜沙律或酸辣無骨鳳爪。沙律我要少辣，木瓜絲酸酸甜甜，仲有好多車厘茄、花生粒同蝦米乾，好惹味仲充滿泰式風味。串燒剛剛燒好，熱辣辣，沙嗲醬入面有花生碎好香，我鍾意食串燒雞肉多過豬肉，因為肉質偏滑。不過食完有少少口乾，要飲翻多啲水。迷你青咖喱雞肉飯$48- 青咖喱汁好香，有椰漿同好多香料味，送飯食一流！雪藏雞肉粒都唔錯，青咖哩唔係好辣，我地將全部汁都撈白飯食唒，正！

眨吓眼又嚟到假期嘅尾聲，本來安排好嘅 #新年團拜，都因為「細菌🦠先生」嘅降臨而一一取消👉🏻👈🏻 不過都好嘅... 就當比個機會自己好好休息，為 #小秘書 #初六啟市 作好準備💪🏻為咗減少感染，#小秘書 都唔敢走得太遠，就喺附近搵間餐廳填飽個肚就算。說好的「初六前一定唔會開電腦」... 但就係因為嗰份無聊嘅 #責任感，#大年初四 都搞到中午三點先開飯，好彩仲有 #LunchSet 啫😅 話哂都仲係 #新年，都要揀啲 #意頭菜，我哋叫咗個」秘製豬手飯」套餐，另右小食「蝦餅」兩件。#小秘書 有習慣喺等餐嘅時侯，都會去睇吓其他人對餐廳嘅評語... 哎呀😕似乎大家對「泰亭」嘅手勢同服務都唔多支持🧐 不過可能就因為無期望，見到份食物上枱嘅時候反而有啲 #喜出望外。#無骨豬手肉 配埋 #雞蛋，用 #芥蘭 做伴碟，仲有個 #湯，睇落好豐富咁😋 豬手肉連皮食，口感唔會油膩😋 而且 #師傅 將 #豬手 腌製得好入味，不過美中不足係個 #白飯 唔夠熱，搞到本來想 #一口豬手 送 #一口飯 嘅興致都冇晒🤨 反而 #蝦餅 就做得幾好，蝦肉爽口得嚟又唔會油膩，點埋啲 #酸甜醬 一齊食又真係幾夾喎😚 整體食物不過不

星期日同班朋友一齊食lunch，係商場好多時要等位好耐，㩒左兩張飛，最後尼間等得唔算耐，就試吓啦。午餐來講，都算多選擇，除咗有set，都有得散嗌。最後以符合經濟效益，我哋各人嗌咗set。我叫左豬扒冬蔭公金邊粉，豬扒燒得好靚，香得黎又juicy，但稍嫌個冬蔭公味道唔夠濃，偏酸唔夠辣。另一個朋友叫燒雞腿清湯米粉，燒雞腿是驚喜之作，大件又美味，皮脆肉juicy，另一位被陋單芒果蟹肉炒飯嘅朋友見勢都即刻轉態，叫左燒雞腿冬蔭公金邊粉，加埋可樂餐飲，食盡邪惡之最！😂至於另外兩位朋友，講求健康，叫咗雞絲清湯米粉，原本佢嘅湯都偏清的了，foodie如我，可免則免了，見到冇mood影相😂。啱健康人士之選😝

服務態度極差！之前食嘅時候只覺得員工是比較忙而沒有太多禮貌，今次去完以後都唔會再食！我上次寫食評已經唔知係幾多年前！今次嬲到一定要寫！下午兩點十五分左右，我入到呢間野月山入坐率只有10％，所以我就隨便坐了門口位置，員工都在傾計直到發現我坐底左，就叫我轉去第二個位，我表示我好快食完就會走，幾個員工對我呢個回答好不滿，即刻『妙嘴口嗡嗡』，一個企係收銀嘅員工一直篤住個mon冇望過我，大聲講 「有人坐你就要走架啦！ 」遇到啲咁嘅服務仲邊可能仲幫襯？！

兩個人突然抽起條筋，好想食泰國野。於是嚟呢間餐廳食晚飯。客人未算爆滿，6:15仍有好多空位。隨後叫左幾款菜。泰式爐燒魚味道唔錯，魚都相當大條，兩口子剛剛好。湯送飯一流。小食拼盤因為乜都想食，又想食泰式鳳爪過下口癮，所以揀左呢個，全部即是即炸，非常香脆。而等我最鍾意係個件蝦餅，啖啖肉，好彈牙。泰式炒河比我預期有獲氣，味道同我響泰國地道餐廳食過嘅Pha Thai一樣！！至於服務態度方面可能有幾位都係泰國人，一兩個係香港侍應，整體上職員們嘅工作氣氛都好融合，有講有笑，唔會黑口黑面，十叫九唔應。食客叫到，都會隨即了解。個人對佢地服務非常滿意。希望唔好進步。

上次一家大細去睇frozen 2 想食越南 / 泰國野 最終睇openrice 見到d相就揀左呢間啦食泰國野就最穩陣 好小好難會唔好食 可能我鐘意食啦 哈哈但竟然我二個小朋友都讚不絕口串燒 炒金邊粉好好食其實個蟹肉炒飯都好食 可惜唔夠熱 扣唔小分咸魚炒椰菜苗又係我每次去食既必選菜不過份量比較細 基本上每人夾幾轉就食哂最後食個芒果糯米飯結束這餐飯呢個就一般 唔係唔好味 只係太單調 相比之前去D2place 那間好食好多不過這餐都好滿足 樣樣都不錯 下次會再去

見到佢下午茶餐牌係寫到5:30完。我就5點20分行到佢門口，行到個門口個員工同我講已經轉左晚市，下午茶完左啦！我既理解係5點半前order都係下午茶如果5點半前已經係晚市 咁個餐牌就啦好寫下午茶5點半完啦！