泰原味

营业中

休息中

係門口等左一陣都冇人理，最後自己入去見人起身走就坐左落去。坐左幾個字都冇人黎執枱，叫左兩個職員先過黎執。去到坐低差唔多12點，職員一路執枱一路問我地係咪叫早餐，我答唔係，職員話咁唔急啦一陣先再幫你地落單，之後就行開左😂等佢執枱抺埋枱再落單再差唔多要20分鍾。叫左兩個即叫即炒既午餐，楊洲炒飯同乾炒牛河。乾炒牛河黎到都有啲煙出，但入面啲河粉係暖既，牛肉大概有8塊左右，可惜又硬又鞋。話即炒既楊洲炒飯黎到都只係微暖，味道偏淡。最後個例湯都要問左兩次職員先黎到。餐廳話係即叫即炒既午餐，個人認為就唔係啦😂

今次試食咗泰國滷水豬手飯，跟餐會配泰式醬汁，50蚊，豬手冇騷味，不過滷水味唔算太重，鹹度適中，點泰式醬汁配埋一齊食，少少辣地，更加滋味，不過如果豬手份量多少少就好啦 🙈

以個香草肉碎飯，我真係睇一次見，非常健康，9成（豆）？1成肉。好似一片香草都無😂😂但又會好咸好油😂😂簡單顛覆我所認知👍🏿👍🏿位於葵涌石籬商場二期2樓泰原味

夜晚經過見到唔使等位兩個人點咗兩個餐加個小食海南雞河粉海南雞份量都幾多，河粉食落幾煙韌，湯底好濃夠晒味！套餐加$20有六隻鳳爪鳳爪都幾新鮮，冇腥味。另一個餐叫咗欖菜四季豆炒肉碎呢個有少少油，不過都好夠鑊氣，好惹味，略嫌鹹咗少少🤏二人合共消費$116超飽😙

呢間泰原味仲係裝修果陣，起初覺得好興奮，因為一個小小商場竟然有泰國菜館進場，到佢正式開業之後，因為種種原因未有機會去試，卒之有朋友黎食野，我就提議去試下。星期日中午時間，人唔多，我地去到窗邊卡位坐，位置算闊落，拎張餐牌睇下，就開始覺得有d奇怪。。。點解d内容咁似茶餐廳菜式？泰式食物只佔大約1/3。。。sorry我掛住同朋友傾計，唔記得影晒d menu，大家真係去既再睇。唔緊要，既然大家都係為左食泰菜而黎，就係果1/3入面揀。朋友揀左菠蘿海鮮炒飯，濕炒豬肉河，我原本想食青咖哩雞/豬，但佢地竟然冇😱，連咁基本既菜式都冇，好灰😰。最後就揀左都好鍾意既冬蔭公湯，而佢地都只有一款同冬蔭公有關既菜，就係冬蔭海鮮蝦湯河。飲品方面，除左珍多冰，椰青，香茅梳打，竟然冇沙冰。。。而其他都係茶餐廳飲品。等左一陣，有湯到，以為係椰奶湯之類？點知係中湯😱。發生咩事？完全破壞晒左成個氣氛！😑但中湯飲落味道係ok既。飲品好快到，都係正常不過不失。主菜都等左成十幾分鐘先到，由滿懷希望，變直插谷底。朋友個菠蘿海鮮飯，冇用菠蘿上，考慮到成本問題，可以理解，但d飯望落好濕，d海鮮同菠蘿好细粒好碎，目測唔合格，朋友本身對味道

🥢炭燒豬頸肉燒得夠火喉，外脆內軟，食落好惹味😋豬頸肉肥肉唔多，啱晒唔想食太多肥肉嘅我☺️配埋個酸辣汁送飯更開胃！🥢泰式酸辣鳳爪鳳爪新鮮，冇騷味，辣度🌶剛剛好。🥢菠蘿海鮮炒飯飯炒得幾乾身，有兩粒青口、幾粒大蝦同魷魚🦑。海鮮都幾新鮮，特別係青口，口感剛剛好，一扯就甩殼，而且吾會咬吾郁！成個飯上面有啲腰果同肉鬆，撈埋一齊食更香口滿足。飲品方面揀咗椰青，菜式全部上齊椰青都未到，然後飲完想刮啲椰青肉嚟食，但開口太細，同埋開得吾靚，椰青內部有好多椰青嘅外殼跌咗入去，期待下次有所改善！整體而言，都幾鍾意呢間泰菜。對比剛開業時味道似茶餐廳質素，到後尾愈來愈好味，而依家都保持到食物質素，夠晒鑊氣同調味剛剛好！

今日嚟試泰式餐廳嘅港式早餐😝 泰式粉麵早餐比較抵食 可以揀三個配料嘅粉麵套餐嚟嘅沙嗲牛肉 五香肉丁 煙肉通粉三個餸可以叫兩個主食 都幾抵 唔係淨係沙嗲牛肉一款😮 而且份量都幾多㗎 主要要介紹佢嘅煙肉 並唔係似火腿一樣嘅假煙肉嚟㗎 層次分明一層肥膏一層瘦肉咁樣🥰 沙嗲牛肉 煙肉 太陽蛋米粉沙嗲牛肉味都幾好 太陽蛋仲有脆邊添 米粉份量好多 爭啲食唔晒呀😂五香肉丁 餐肉 太陽蛋金邊粉友人太心急已經食咗 所以影唔到未開始食嘅相比大家睇🥲 我試咗佢嘅金邊粉幾好食 食完覺得自己蠢咗應該唔好嗌米粉 要嗌金邊粉🙂 飲品熱檸水 熱奶茶多奶 兩杯都係正常茶餐廳嘅味道😗 賣相普通冇特別影相啦早餐來講算係價廉物美 真係好少地方仲有$30 三餸嘅粉麵套餐食呀🤪

之前新開左間泰式餐廳泰原味，附近好多食肆，但比較少泰式，佢位置比較入，不太起眼既位。下午茶時間食，啲野非常抵食。「札肉湯金邊粉」 $33佢湯底幾香既，唔會好重口味，份量好有驚喜，下午茶咁大碗，啲札肉有五片，正常札味既味。「四國金磚蒜蓉包」 $28唔記得影相，但呢個相對唔抵，因為得四條，而且尺寸唔大條，蒜蓉味好香，口感酥脆又香口。「泰式炒金邊粉 」$42金邊粉食到一半我先記得影相，價格抵食，份量多，但不出色，味道好淡，有啲蝦仁同炒蛋碎。「椰汁珍多冰 」$9「椰汁紅豆冰 」$6呢啲特飲加錢叫，$10都唔洗，好足料，味道好，紅豆綿密軟。整體而言性價比高，會再回頭。