泰和堂涼茶店

营业中

休息中

如果唔係之前親愛的帶我來我真係唔會留意這裡是有賣甜品的今次帶周勤和油雞來試試他們看到懷舊的涼茶鋪裝修都面有疑惑後來我遞上menu, 他們才相信這裡有賣甜品的我叫了番薯糖水($11), 他們就要了芒果粉絲撈($16)其中一女店員很搞笑, 話說我們本身叫芒果西米撈因為我們唔肯定粉絲撈係咪好似河粉撈咁佢\聽到就熱心話依d係番薯粉好食的, 話\"不\"d俾我地試我地就轉做芒果粉絲撈, 叫她加點西米給我們(唔駛加錢XD) 講番個番薯糖水, 一如親愛的說, 超多番薯!! 滿載!!薑味不會太濃, 合我的胃口, 番薯更是我的至愛! 他們的芒果西米粉絲撈, 份量也不少, 絕對抵食可惜番薯粉較幼身, 比河粉無咁彈牙這些有人情味的鋪頭已經賣少見少雖然加價了$1, 我覺得比常常石磨坊和許\留山好!

宵夜後必到既糖水鋪!同埋佢d茶葉蛋真係幾正..每次都食兩隻= ="之前天氣凍..所以都係食佢d熱糖水多!夠味夠晒滋潤!款式又多wo!佢d感冒茶都幾堅架!加上又唔貴!老闆都幾nice!係呢度足夠成班fd吹水吹幾個鐘..mk難得一見既舊式糖水鋪p.s.次次黎佢都係播緊周杰倫d歌架!哈哈

自從轉工後，放工不方到旺角，很夕沒有來過食糊，是晚再次到訪當然例牌要芝麻糊。起初擔心太久沒來，質素會退步，幸好沒令我失望，不算幼滑，但稠濃度適中，又芝麻香，$10 已有如此質素，在旺角哪裡找呢？

當artist朋友問我戒唔戒色with her, 為了此朋友, 明明對偉仔的蛋蛋無興趣, 都順便會一會佢。此片一貫Ang Lee本色: 累贅。睇8點, 散場時竟然成11點! 麥記早收的關係又冇打底, 油麻地行到旺角連較好吃的篤篤下都冇! 於是決定下下火, 吃盅龜0膏。十一點多仲好多人下, 多數人都吃糖水, 我們就2個冰的龜0膏。此膏不苦, 也不像許留山咁魚膠, 是幾鬆散的, 吃落口舌頭有鞋口的感覺, 怎樣為之正宗就不得而知了。店鋪是涼茶舖中難得的舒適! 很多人叫一杯東東, 就走入來hea下打下psp, 吹吹水咁! 我都唔執輸, 跟朋友談下正經事, 唔經唔覺十二點多, 結果拿拿聲埋單都仲要駁的士返屋企...有冇效都係不得而知的, 因為我返到屋企解決了半大排吉百利......

上星期六和星期日, 吃過泰和堂涼茶館的甜品, 包括: 燩蛋& 燉奶. 燉奶真係一試難忘, 好耐冇食過咁滑o既蛋白燉鮮奶, 太好食了, 而且價值亦算平, 12 蚊咋!下次去旺角, 我都會去試多o的甜品!

行開旺角很多時都會幫襯, 雖是很不起眼的涼茶舖, 但是入面有好多甜品賣嫁.通常到叫糊類, 如芝麻糊, 合桃糊, 杏仁糊, 夠杰夠滑夠大碗, 真係有誠意之作, 而且最貴只賣$13, 超推介.另外它的鮮雜果撈都好得, 很多鮮果, $2x 一大碗, 夏天最佳之選.論質素真係好過好多有名甜品店.

我去既係大角咀新九龍廣場對面分店夜晚六點未有得食飯但又肚仔空空突然好想食粉果朋友仔話附近得佢有又入去試下賣相一般但勝在夠熱上檯後放左好耐仍然出晒大煙皮都算煙韌但較厚身不過潮州粉果唔係應該係咁架咩?我又幾鍾意wor餡料都係大路材料加埋少少豉油都幾野味牛肉球可以單叫一粒雖然唔多覺有馬蹄增加口感但都算有牛肉味又唔夠鹹啖啖肉都ok老闆好好人會主動問你加唔加豉油辣油雖然我地兩個人只係幫襯7蚊野但都叫我地坐低慢慢食另外見佢將龜苓膏汁入碗時賣相好似好得咁下次唔舒服可以試下一大盅都只係22蚊咋抵!!

三日一來這間涼茶館的我，本來也不想在同間食店寫過多o既食評，但昨晚試了新，超得，覺得一定要公諸同好，所以也要出食評。 話說昨晚來到，見到阿姐整緊一兜兜白色o既，好奇一間，她說是椰汁糕，於是便要了一碗，舀一匙入口，滑到自己溜入喉嚨裡，雖然滑但一都唔削，而且極富彈性，好似烚至剛熟o既蛋白咁，糕身充滿椰汁o既香味，面頭仲注滿鮮奶，令椰汁糕滑上加滑，比鮮奶燉蛋白更好味，本人強烈推介！！

來過咁多次，都未試過佢o的湯丸，諗落真係有點過意唔去，所以昨晚要了芝麻糊另加4粒湯丸。這兒認真特別，湯丸是另上的，芝麻糊依然香濃，湯丸浸得太耐了，外皮爛爛地，賣相不太靚，而且唔夠煙韌，唯獨芝麻餡極多，一咬即刻溢出來，好滿足！另外，佢o地o既燉奶也不錯的，滑溜兼茺滿奶香，個人認為熱食比凍食更加^.^

成日都食芝麻溝綠豆，都想轉o下口味，今次要了凍合桃糊，超杰，淡合，合桃味唔係好夠，總覺得有點似花生糊，可能熱食會好一點。

間唔中都會KEEP 住O黎食佢O既糖水。昨晚要了芝麻溝綠豆，雖然芝麻糊夠香滑，綠豆又起沙兼足料，但糖水好甜，仲係甜到漏O個種，好辛苦先可以食完。問番阿姐，佢O地都話會留意，希望下次不會再吃到一碗超甜O既糖水啦！

因為體質問題，由細到大都未食過龜苓膏。不過最近問過醫生，他說偶吃一次也未嘗不可。既然得醫生批准，冇理由唔食，於是在星期四，我終於都食到恨o左好耐o既龜苓膏。 端來時，藥味勁濃，十足我平時飲開o的苦茶，但可以落糖水，感覺就像是吃墨版豆腐花，挺得意。呢度o的龜苓膏食落真係好滑，十足有吃豆腐花之感，雖然很苦，若我可以常吃便好了。¯～¯

星期一晚，收工後到又來吃甜品，是晚都幾多人，而且空氣都幾焗。可能因為咁樣，唔想食熱o野，所以要了一個西瓜汁底鮮什果大菜撈和一碗凍綠豆沙。什果大菜撈好大堆頭，有士多啤梨、奇異果、芒果、西瓜、哈蜜瓜、蜜瓜…全部都好新鮮，但士多啤梨幾酸o下，而且西瓜唔夠甜，大菜糕中間有蛋花的，但頗甜，個西瓜汁好多冰，食o左小半已經凍到個口麻痺，同埋因為多冰，搞到個汁底勁淡；綠豆沙唔錯，好多豆，但海帶就冇乜，臭草也夠香，不過太杰，可能是因為凍食o既關係。

昨晚一心來食糖水潤一潤，叫了一碗杏仁糊。端來時單看賣相覺得沒有甚麼問題，不過當我一攪，問題便出來。碗杏仁糊超稀，好似湯咁，而且還有一舊舊白色的凝固物浮在面頭，嚇得我以為變了，但那些阿姨卻說是師傳今日煮稀了。我只好硬頭皮吃了一匙，發覺味道又好好喎，好香杏仁味，而且甜度適中，希望下次唔好咁稀啦，有損口感呀！

再來這兒吃它的上品芝麻糊，真係濃濃的芝麻香滲出，沒有石磨坊的那麼杰，吃落更滑和易入口，不會有漿住的感覺，另外還叫了一個燉蛋白，滑到不得了，甜味適中，無怪乎越夜越多人來這兒吃糖水，而不是飲涼茶和食龜苓膏啦！