泰國路邊街美食

营业中

休息中

疫情有排冇得飛，呢排食嘢都係以想去邊個國家旅行，而揀食咩好！所以今日就帶大家去小泰國～九龍城📍船河泰國招牌船河首先船河最緊要就係個湯，非常濃郁有香香嘅骨味，一睇個樣就好正宗，仲有九層塔～而粒肉丸亦都係好正宗嘅泰國肉丸！雖然份量唔多但係都好夠我回味！ 📍泰式豬手湯河本身想食豬手撈粗，但係天氣太熱就會想食啲湯粉，所以最後都係揀咗湯河泰國豬手切到細細片，唔使煩要撕開，又食得有儀態，真係以為自己去咗泰國😂

九龍城有泰國小鎮之稱所以今晚黎呢度搵食呢間泰菜連蔡生都黎過兩次就知有料到我哋兩個叫左四樣野船麵青咖哩豬配白飯併盤咸肉炒芥蘭仲有個椰青地方細細應該坐到十幾廿個人度服務態度尚可環境尚可食物嘅CP值超高有去咗泰國果種味道囉

去九龍城當然就係食泰國菜，第一次聽餐廳名嘅時候以為係路邊，仲係咁問朋友邊條路😂餐廳裝修簡單，衛生環境一般，如果有潔癖嘅朋友仔未必會鐘意，但勝在價錢唔貴船麵又夠大碗。餐廳裡面都係泰國人主理，仲有隻貓仔會周不時走出黎玩。船麵$35，好大碗，足料，味道都啱啱好，唔會太咸。生菜包份量都好多，食極都仲有，偏辣。另外點左一枝椰青水，好好飲，有啲似新鮮椰青個種清甜，但平過一個椰青，只係$18。

仲記得第一次嚟呢間泰國餐廳應該係差不多十年前，今日重返舊地，食物質素無變，價錢亦無好大幅道增加，繼續係一間又貼地又傳統嘅泰國餐館🇹🇭廚房同樓面由泰國人打理，老闆應該係香港人但能操一口唔錯嘅泰文😌裝修簡樸，卻令我諗番起係泰國旅行，同屋企人食過嘅路邊餐廳👨‍👩‍👧影相打卡就麻麻喇，但泰國風味就幾濃厚，話晒都屹立左喺九龍城咁多年。原本想試只有星期六日先提供嘅《魚肚羹》，可惜魚肚已經賣晒🙈，唯有食《泰式豬手飯》🐷一句講晒就係：「大件夾抵食！」賣相係泰式碟頭飯，豬手係少少咸同平時食嘅甜豬手唔同，肉炆到好淋身，外層嘅豬皮又彈牙又黏，充滿天然骨膠原！豬手嘅下面仲有菜心；白飯撈豬手汁食亦好回味😋隨飯附送嘅蘿蔔芫荽湯夠晒清甜解渴，只係面頭少不免有少許油膩，芫荽味都偏出，唔鍾意荽嘅朋友應該麻麻喇😛另外亦叫咗一杯龍眼冰，傳統嘅泰式龍眼冰真係好甜好甜🙈唔敢飲晒成杯，不過就食晒粒粒飽滿嘅龍眼肉😋

記得以前中學個陣經常尼食船麵 覺得佢地d船麵好正宗 點知今日係附近諗住尼食翻 真係不如當初 直情覺得唔好食到要寫食評 ！個船河完全唔係個隻湯 好淡 仲要肉係酸 食左一兩啖已經放棄左之後叫左個乾炒雞河外賣 諗住比多次機會 點知一樣淡味！ 勸大家真係唔好再幫襯。。。。雖然態度幾好 但食物質素好差。。。係九龍城全部泰國人做廚 點解水平可以咁差。。。

食泰國菜非九龍城莫屬~泰國路邊街美食~兩個人叫左三樣野，由於太夜去食，所以得反金邊粉，無哂其他粉不過都好有驚喜1. 泰式炒金邊粉 $45上菜快，送到黎已經好香，同泰國食既一樣，不過呢度點少得落佢既泰式調味料。 加左少少魚露辣椒汁🌶️令到個金邊粉更加開胃食，正！！2. 船河金邊粉 $35有好料係入面，最值得一提既係豬膶，口感好”林” 唔會老。同樣都要落調味料，辣辣地更加好食，落既份糧都係隨心，好滿意個麵3. 蒜蓉炒芥蘭 $50爽口既芥蘭，加上老闆既體貼將芥蘭剪成一半炒，容易入口

九龍城出名泰國餐廳，我就好少幫襯連鎖店，最鐘意揀d小店品嘗，一來支持小店，二來我覺得較地道！每次嚟到九龍城，必食依間鋪嘅豬雜湯河，先講湯頭，飲落唔會好勁味精，而係飲到好香濃嘅肉味，再講下d豬雜，洗得好乾淨，唔會有怪味，d豬雜好有咬口，最正係豬脷，好甘香又爽口，而且仲配有半邊鹵蛋，豬紅，豆卜又吸曬味，堅正！另外店鋪嘅辣椒魚露自己做，加落碗河粉到一齊食，即刻增添不少味美！再配返個椰青，直情覺得自己身處泰國！

是咁的，小妹一向好鍾意食泰國路邊攤o既粉麵，次次去親泰國都會食，又平又正，港幣十幾蚊就有交易啦！雖然香港都有好多泰國菜餐廳，但主流都係沙律，串燒，海鮮，炒粉麵飯為主，甚少以湯河為主，今日難得黎到九龍城（出名多地道泰國湯河餐廳），見到「路邊街」3個字仲唔心心眼咩 泰式豬雜河，用料十足又夠味，好豬o既朋友值得一試啊！泰式咸肉炒芥蘭又係必點之物，咸咸地好開胃，用黎送飯一流，當餸食就可能咸左少少啦！大滿足，一解思粉之苦

位於九龍城的泰國路邊街美食跟該區泰菜館比較，沒有氣派的裝潢，亦沒有格調的擺設... 感覺頗像一家吃魚蛋粉的小麵店；但多年來，整體食物水準未曾褪色，美味指數依然！「泰式鴨金邊粉」湯底有一種濃郁的甜味，喝得出是熬製長時間的成果；配上幼身具咬口的金邊粉、甘香的鴨肉及大量金蒜，濃惹討好外表極像星洲炒米的「黃咖哩蝦肉炒米」炒得極乾身，泰國米粉質感煙韌，其掛汁能力較廣東米粉更強，與蛋香怡人的炒蛋碎相緊抱，若再增強點點黃咖哩的味道，那就更完美了。「凍椰青」熟度剛好，內里又軟又滑的椰青肉，輕易就可挖出來吃，一個份量不少，二人分享就剛好了。

為食雷達讓我覺得在平日三點多，當九龍城大部分食店人影都冇隻之際，這小店望入去仍有兩三枱客，便放膽走入去一試。點了一碗船河卷卷粉及酸梅冰作late lunch。地不地道我不肯定，因我未曾在曼谷吃過這種卷卷湯粉，但配這兒的船河湯底，真是人間美味！先講餸料，有肉片，豬膶，小肉丸，炸豬皮，全都像在泰國吃到的貼近，較特色是那炸豬皮在浸軟後的口感竟然有着打邊爐中生根及竹笙吸滿湯汁又爽口的混合享受。再配搭脆嫩的通菜，芽菜及香葉，給你一種清爽的感覺。最重要是湯頭很鮮甜，濃郁但又清清的，一定要利用入口像腸粉的卷卷粉作飲管，啜飲大量的湯。這兒的船河湯底和曼谷的Nara 及 Provence也有得揮！加配顏色有點像利賓納或洛神花茶的酸梅冰也不錯，起碼不會太甜及有開胃作用，故喝完差點想叫多碟豬手飯吃，但理智制止了我，留待下次才吃。

我一向都很喜歡食泰國粉仔，係香港有好多泰國餐館，但要食返泰國嘅味道真係唔多，以前食過好多間好味嘅，到今時今日已好難再有，而呢間泰國路邊攤就一直保持到質素，價錢又唔算貴，合理。老闆同員工都係泰國人，老闆對員工嘅關心，真係好少地方見到。無乜客時，會叫員工早收工休息，員工攞重嘢，又會叫佢分開攞小心啲，睇到老闆咁好人，我食都食得開心啲。講返正題，地方同餐具都乾淨，粉嘅分量當然比泰國食嘅多，我喜歡一啖餸一啖粉，菜肉粉都多😋😋。我較喜歡船河，有多種口味豬雜河味道單一點至於飲品價錢不貴，建議都叫返杯潤潤口，較喜歡龍眼冰，不太甜清潤感(不過我唔記得係咪叫咗少甜😅)

一直對泰式美食存有好感，近來更突然迷上炒金邊粉的一抹酸甜，特別對胃口 除了平常在工作地點附近搜集金邊粉，在假日也不遺餘力覓食 此時必提泰菜食店雲集的九龍城，不管是街頭小食還是豐盛全餐的選擇比比皆是 要一次過嚐遍可謂天方夜譚，最後選址於友人推薦說炒金邊粉不錯的泰國路邊街美食 深知朋友比我嘴刁得多，即使取向不會盡然相同，但她稱讚有加的餐廳不會強差人意 泰式豬手不帶骨實在方便，滷至上色入味，鹹香有道不過火 豬皮油潤並略帶膠質黏感，只是瘦肉位就緊實而乾身一點，未及腍綿易化 份量不多，沾著醬汁同食較佳；如以白飯墊底，吸收鹹甜並重的滷汁想必順口 金黃酥脆的泰式煎蠔餅一定要趁熱享用，以免滲油增膩，也不怕會吸水減脆 蠔肉粒粒保有水分，本味猶存，略鹹但仍屬可接受範圍 無論蘸醬與否也夠香口，不過多一分辣，多點風味，以刺激減膩還是不錯的方法 泰式炒金邊粉成品條條分明乾爽，均勻上色添味之餘，維持適當煙韌度 炒蛋提香同時不算太油膩，質感豐富，加有花生碎添香，芽菜也夠爽，海鮮料則普普 金邊粉溫和得當的酸甜調味經可誘發食慾，沒有另加添上青檸汁亦夠香味 雖說食材方面也許未盡如意，但最重要那炒粉底的出品確是滿

很久沒往泰國路邊美食食美味泰式粉麵, 今天就約了朋友往午餐, 5人點了:泰式海南雞飯, 海南雞不過不失, 雞肉尚算滑但沒什麼味道祗可靠醬汁提味, 飯不是油飯是白飯泰式豬雜河 - 跟記憶中路邊街以前的豬雜河味道相距甚遠, 湯頭看似味濃, 但真實是湯頭很清淡泰式豬丸河 - 我以前的至愛, 但今次一食豬肉丸偏淋無肉味, 跟自己在凍肉舖買的迷你豬肉丸分別不大, 好失望泰式雞絲撈麵 - 撈麵幸保不失, 和以前一樣咁好味泰式炒河 - 一放下來大家都儍了眼, $45 的泰式炒河需然是比坊間的泰國店平, 但祗有坊間的一半份量. 衰啲講句, 每人都分唔到1啖, 大家可以想像係幾咁細碟, 因為呆一呆, 所以忘記了影相柚子沙律 - 細細碟的柚子沙律祗有柚子和蘋果絲, 收$45咁嘅材料和分量, 祗可以講係又貴又細又無配料囉這個午餐 5個人在沒叫任何飲品也不算吃得太飽下埋單 $550 多元祗想說路邊街美味不再, 我也應不會再來.

今日又去九龍城食泰國菜，如果想試勻九龍城嘅泰國菜館，我諗起碼要一個半月。今次到左城南道嘅泰國路邊街美食。呢度無裝修無啤酒無魚無蟹無獅蚶，但主打湯河和炒粉麵飯。叫左豬雜河比老爸，湯底係濃郁嘅鹵水味，粉用捲筒形嘅河粉，係傳統泰國食材。我就要左豬手湯粉，粉滑湯香甜，豬手煮得入味，肉地滑溜而個塊皮入口即溶……好正！泰式蠔餅，好大份，整個甫滿成個碟。蠔仔好鮮味，餅又炸得煙韌口感，配埋個醬，好食。最後叫多個少見嘅通菜，係灼嘅。灼完加左D鹵水汁好惹味好健康，菜葉好嫩。好食。最後個蠔食剩一半打包走，埋單竟然係$150真係曼谷價另外我覺得大部分泰國人做野都好好脾氣，抵讚

呢間野係我係泰國境外試過的比教正宗的泰國粉豬肉丸粉腸濃湯粉 - 濃湯不嬲都係我地最愛的湯底, 雖然唔係豬血湯, 但都收貨喇, 3x大洋! 無投訴紅色湯泰式雜河 - 紅就真係紅色, 加左辣椒粉同糖, 但都唔係個種味道, 我懷疑應該係湯底同個d紅色醬同泰國係有一大段距離泰色淨豬雜 - 濃湯, 入味! 唔錯唔錯! 埋單只係210大洋連3杯野飲, 抵抵抵!