泰壹泰 (已結業)

泰國菜@紅磡同成班同事出去食野真開心，人多又可以叫多好多款。今晚共十二款泰國菜。又抵又好食。明爐魚，超超超抵食，又大條。半隻泰雞，雞肉超滑仲有個個都鍾意既冬蔭功，味道剛好，又不太辣！好岩大家飲，正！泰式豬手，好腍，正！泰式生蝦好大隻！仲有我最愛既椰青。超大大個，又多水，椰肉仲好好食！.下次去紅館睇演唱會，有時間一定再黎食。

其實我真係好鍾意食泰國野👉🏼👈🏼成日試唔同既，都覺得泰壹泰係最好架😋由於成日幫襯既關係，所以好多野食已經試過晒，有幾樣係必試既😈燒原隻大頭蝦：$25隻其實佢燒既多野都好好食，因為唔係預先整定，即叫即燒，可能會等耐啲，加埋香港人真係太心急既關係，見過幾次有人係叫催老闆娘（泰國人），作為食客真係睇唔過眼😤咁趕，去食大家樂啦笨！講返隻蝦，又大又滿足，肉質結實，唔會梅林林，試過有幾次都話冇貨，相信係新鮮小批量咁買既😋可以放心食用。燒牛肉：（好似係$68-78）呢個真係好好味！牛肉唔會用鬆肉粉加工過，原汁原味，唔食得辣既人唔點佢個醬，都依然食到香香既蜜糖味😫 邊打邊流口水海鮮冬蔭功金邊粉：$38個湯係我飲過，比小曼谷出色既冬蔭功🙈顏色雖然淡，但係味道好濃，唔會淨酸唔辣，又唔會淨辣唔酸！海鮮配料有：魷魚，蝦，菇類，青口$38黎講，真係超晒班啦！每次去我都會自己食晒一碗😋馬拉盞炒芥蘭：$38佢個馬拉盞香口既程度，係一拎出黎已經可以聞到陣香味！唔炒通菜既原因，係因為炒芥蘭同馬拉盞真係好夾😋真係會忍唔住，食完一條又一條！青咖啡海鮮炒飯：（$48-58忘記了）唔好睇佢好和善，其實佢會辣到你飛起！佢係濕炒既

member of 4 eat thai late dinnerMango Juice, 新鮮打而且叫佢不要加糖水，清味，不似外面成日加D糖醬味。炒菜比較咸，不過好有鑊氣。咖哩汁，好水汪汪，一點也不杰，不過食起來很香。個油飯好食過隻雞，想點過齊油飯沒有。只能一次叫兩份。超好味，網皮炸春卷，我其實一個人可以食一份。有生菜包好似無甘熱氣。蝦餅，外樣不是討好，食下去都OK，不是彈口版，感覺上沒有放很多彭賬的東西。豬頸肉個辣汁超好味，又片得簿。即燒即上，正。Pad Thai, 比較濕底。不過味道不錯。總結： 味道不錯，價錢合理，4人叫左3杯野，甘多野又加一客garlic bread, 先＄405蚊。我覺得幾抵, 不過服務態度有待改善。

在紅磡區內眾多食肆中, 於旺區的街尾找到這家泰國餐廰, 茶餐廰格局, 街坊氣息得很先來一個前菜, 泰式豬肉生菜包, 生菜是很鮮很脆的, 不錯的豬肉碎夾雜洋蔥及蒜蔥等, 炒起來不錯,令人開胃多海鮮料的冬蔭公湯, 蝦雖沒什麼鮮味, 但不霉爛, 另有魷魚,青口等, 料多不過不可期望是好料最讚的一道菜, 真是燒得十分香, 牛有少許肥的, 似乎是肉眼部分之類, 肉質鬆軟沒渣, 整體是很美味的一般的金邊粉, 粉炒得不開, 有很多都黏一起, 結成一團團, 味道不夠濃, 不夠出色

今天中午，09/23/2012，我們朋友6人在此店吃午飯。每人點的都是35HKD的套餐。店主在給我的一位朋友上菜的時候，把我朋友的奶茶打翻，弄臟了我朋友的衣服。店主僅僅多贈一杯奶茶，連聲道歉都沒的！結賬的時候，我朋友問，他那餐可否贈送？此時店主大怒，要求原價收款，但是對弄臟衣服隻字不提！還大喊，不給錢就不可以走人！香港的規矩和內地不一樣的！沒有送餐的事情！我朋友當然不在乎這35HKD！原價照給！打翻奶茶賠一杯應該的！但是，弄髒人家衣服，隻字不提連道歉都沒有！這個就是香港的規矩麼？所謂香港人的質素？

諸位，久違了。 失之東隅補習後肚子「嘰嘰咕咕」地叫，心忖撐不到回家晚飯，遂在附近蹓躂蹓躂，看看有啥好吃的 。路過小店，瞥見牆上餐牌「海南雞飯」四個大字，正是我久違了的菜式，考慮一刻便推門進去。店面長長窄窄，談不上裝潢，地方整潔便是。五六張方桌加一張圓桌，密密麻麻地排滿了椅 (明明是四人桌，卻硬「塞」六把椅，桌椅之間幾乎不留一絲縫 )。是夜食客不多，我臉朝內坐，邊看電視邊用飯，坐得還算舒服。不作他選，就要海南雞飯 ($38)。(此店晚市不設套餐。午餐倒有三款──海南雞飯、阿華田豬脾飯或香茅豬扒飯，一律三十五元，送例湯和冷熱飲品，挺划算的 )口渴，另點了一杯泰式菠蘿冰，索價十八大洋 (午餐加六元便有 )，以特飲來說可以接受。說真的調得挺好喝，甜度恰到好處，菠蘿與青檸搭配清新。只是菠蘿切得零碎 (沒誇張，每片透薄如我小拇指甲 )，根本分不出是鮮貨還是罐頭貨！就算真用罐頭，寧量少也不要把塊頭弄得如此「寒酸」嘛……店員接著送上例湯──冬瓜雞湯。估摸是浸雞水加雞腳雞骨架子再加冬瓜「滾」成。湯色澄黃，浮著若干蔥花肉末，以及一塊「麻雀」般大小的冬瓜。雞味淡，油分倒撇得乾淨，該沒多下味精 (喝罷不渴 )

機缘巧合有機會黎到呢區，都成夜晚9點幾喇，周圍搵嘢食鬼死咁肚餓，見呢間泰國菜開晒燈，就撞左入黎喇~本來都係打算食飽個肚算喇，點知居然有驚喜喎簡單地道嘅一間餐廳，個餐牌都好簡單見佢餐牌有個叫「阿華田豬脾」，好奇想試吓，不過太夜，個姐姐話賣晒囉... 食泰菜梗係要有冬蔭公啦﹗不過都幾辣個豬肉有d鞋口，不過個咖哩汁好好味，配熱辣辣嘅蒜蓉飽就一絕啦﹗呢個咸魚炒芥蘭勁好食 ﹗雖然油口d，但炒得好爽口好夠味﹗呢個係等得最耐嘅，因為即叫即燒ma，都幾香口，不過肉質一般啦~呢個係逐隻叫嘅，3個人就燒3隻啦~ 正﹗有膏架﹗勁好味﹗3個人都食左幾多嘢，但估唔到食到勁飽都每人唔駛$100，真係名副其實「平、靚、正」﹗有機會一定會再去﹗

尼間係我地最愛的泰菜館, 山長水遠走過黎食....今次食到一肚氣....!!!!事緣: 家姐同個侍應點幾杯野飲,. 其中一杯,家姐指住張poster (菠蘿青檸冰),個侍應都confirm左兩次. 之後送黎青檸冰, 飲左少少無菠蘿味,就叫個侍應換左佢. ..個侍應過度黎,話吾換得. 我地都講,可吾可以加d菠蘿...但佢支吾以對, 講講下野仲扮傻行走左.....真係O曬咀. 呢d咩服務態度呀....家姐走去茶水部同老闆娘講, 點知老闆娘仲黑口黑面. 真係有咩老闆就有咩員工.無幾耐, 老闆娘行過黎話:你地叫咩嫁, (姐: 我地叫菠蘿青檸冰 + 指住張poster). 佢話:你地要講嫁,指住佢(poster)睇吾到嫁...(我心裡暗笑,尼個咩藉口. 難道個侍應吾識字!! ) 佢寫完d order之後,仲大大力飛張單去廁所位. Woo~咩態度呀.. 家姐嬲到震.. 野食方面, 其實都吾錯........菠蘿青檸冰好特別. 燒豬頸肉同d泰式酸辣醬好夾, 分量都幾多. 仲有媽咪最愛的蠔餅, 但今次蛋就少左好多...蒜蓉包好好食加蠔餅個 d蛋好好食. 坐位方面就有d逼.

為了往學校開家長會，必須在6pm便吃晚飯。在必嘉街上，有２間泰國菜館，泰壹泰向來是我地一家的首選，不過在週末，這裏會不時關門休息。因為時間尚早，所以店內只有一枱客。我為了趕時間，也只簡單地點了海南雞飯。飯未來先上一碗例湯，清清的有些肉碎和少量冬瓜。以前，阿仔問過我，點解碗湯咁清但又好好味，我話店主用浸過雞的水來煲湯，所以會有鮮甜味，其實我都係靠估，起碼飲完唔會口渴，不是味精湯。海南雞飯上枱後，發現是雞胸＋雞肶，我就冇阿仔咁好彩，次次都係有雞翼。點雞用的酸辣汁好好味，另一枱食店用哂全碟來撈飯，仲問伙記要多一碟汁。一路睇住電視送飯，未夠6:30pm便埋單，時間啱啱好。

泰式鹵水豬脾飯Very good !!!!終於係香港搵到間!!佢係同泰國食嘅味有d相似,但肉唔夠泰國個d咁林,(話曬人地煲好多個鐘）呢間夠多汁,豬嗰d皮好好味!!餸又多!!好夠撈飯食曬佢!之前係九龍城d泰國餐館食呢個飯同泰國差好遠,唔好食d汁又唔似!!

其實同朋友斷斷續續咁仲試0左幾間泰國0野，但大都好壞參半，冇乜衝動寫食評。以這間為終結係因為呢間係我食過咁多間裡面最---------------差!!!不過可能係希望越大，失望越大掛。事緣同朋友早兩日見OR這間店都好似過得去，在紅磡睇完戲後想去試試，誰不知入到去諗住叫0既海南雞反同鴨肉金邊粉都冇，大失所望下決定第日下午黎食LUNCH。老實講，可能三十零蚊我唔應該有咩要求，但要我特登出黎食D 咁0既菜式我真係接受唔到。先講個湯，我唔識分咩先叫味精湯但我估呢個係，因為好咸同飲完之後個口好唔舒服。再到個飯就..............首先，D 雞真係鞋到無朋友，再到個飯，一D 都唔香，真係好多茶餐廳都好過佢，係個汁叫到見特下人。同朋友勉強(無誇大)用D 汁送完個飯拿拿臨埋單走人。上OR見D 食評都唔係咁，唔知係我唔好彩定點，亦係呢個飯搞到我同我朋友決定放棄呢個泰國菜之旅(應該叫海南飯之旅)。總結黎講，七十蚊以內食到0既海南飯其實同係俾百幾二百食到0既唔差得遠，我諗大部份都係D 明星效應居多。下一站，台灣小食~~~~

豬頸肉沙律以為係有菜, 但係無雖然咁, 但係個味撈得好好食 !!!!鐵板蠔仔之前係九龍城食過好油同乾 但我都覺得好食可能我比較鍾意食蠔仔呢度整得仲好有D似蚵仔煎唔會好乾 ! 好易入口肉碎生菜包黎到果時見到, 以為份量好少但都幾飽最後兩個人食左3樣野叫左兩杯青檸冰($15@)埋單171下次叫多D人再黎過

今次係第二次，上次食都係我姑姐推介不過無上次咁好食半隻海南雞：整得太耐，過熟，有少少鞋豬頸肉：唔使點醬都好好味馬來盞炒雜菜：一般鐵板蠔仔餅：略咸(唔知係咪今日輸左錢ge關係)

其實哩間泰國野都幾近學校, 但3年黎都未試過今日適逢朋友想食泰國野, 就一於黎試下午餐A-E 每款$30, 有湯有野飲, 凍飲唔駛加錢不過d 餐都唔係好泰式, 可能lunch 既關係.好似黑淑牛柳粒o個d.有個叫豬脾阿華田, 個名咁搞野.我問個阿姐即係咩. 佢指住另張台7-8人就黎食完, 叫我望下佢地o個d...叉都叉到亂晒啦... 點睇呀阿姐...未叫野食都先黎一碗味精湯, 係咪已經認定我地係食套餐?朋友叫海南雞飯, d 雞幾滑, 冇骨, 辣醬亦都唔錯, 但冇試過酸醬另位朋友叫泰式豬扒飯, 朋友見到上面有條頭髮阿姐拎起左, 個手勢係想就咁拎走條頭髮好彩最後佢都醒水拎走左, 過左陣先再拎出黎, 雖然唔知有冇換過, 但眼不見為乾淨豬扒炸起都唔錯, 幾鬆化, 不過我咁岩試o個舊係肥膏黎. 又幾脆d 汁都ok, 甜甜地.我自己就試左豬脾阿華田.原本想試青咖喱, 但見到隔離台o個個咁稀. 就打消左個念頭哩d 汁正常好多, 起碼唔係水咁豬脾同普通肉冇乜分別, 冇豬味既都.朋友話d 汁有d 阿華田味, 但我就唔係好覺, 得個甜字似囉不過就食到d 南乳餅既味. 唔錯既個汁杯檸茶唔夠甜, 所以都冇需要

冬陰公---酸酸辣辣, 好香香茅味, 料又夠, 味道岩岩好馬拉盞炒通菜- 唔油,夠鑊氣.海南雞–雞肉幾嫩滑.d泰式辣雞醬都好正咖哩蝦..甜甜地都好好味,蒜蓉包- 好香、好正要親熱食炭燒豬頸肉又係好好味，豬頸肉唔肥好爽，加埋辣汁正未食完都要夾下一塊啦價錢亦都算合理啦