泰太廚房

营业中

休息中

本來想食忠誠，但係太多人，唯有行過啲試吓呢間啦!一行四人，叫左三餸一湯個細冬陰功好正，夠酸夠辣，份量又足，我地每人都有兩碗，啲蝦好新鮮青咖哩雞唔太辣，啲雞好滑，而且仲有唔少茄子正一飯桶睇落細細盅，但個桶其實幾深，啲飯炒得夠乾身，好足料濕炒河粉呢個味道雖然普通啲，但個汁幾好味，而且好多菜本來仲叫左個薄餅，點知追極都冇，結果取消左成晚都冇人加個水

今晚係我奶奶既生日晚飯,本來我地一向食開都係隔離既忠誠泰菜,一向都覺ok,平,食得過...但有朋友極力推介我地嚟食泰太,所以就一試... 因怕撞正父親節,多人book位,我早5日前已book好位. 到了正日的今天,下午時泰太就打嚟confirm我今晚7點,我同佢講ok,冇問題,佢再問我,可唔可以早d,6點半,我話梗係唔得啦,我明明book左7點嘛,跟住佢就問我,咁8點9可唔可以比返張枱佢...我即刻"o"哂咀啦...同佢講,唔好玩啦,我嚟都未嚟,坐都未坐,又未知食咩,我點可以應成你8點9比返張枱你呀.?最後佢叫我盡量...吹脤... 去到,我同佢講我book左8位,跟住佢冇反應,等左陣,有人帶我地入去,首先帶我出花園,後尾又話都係叫我坐返入面... 到叫野喇...個老闆娘嚟,跟住我地問,呢度都好多飛蟻喎...佢一句又唔係咁好既態度同我地講,""係咁架喇,呢d鄉村地方"",好,我地算數... 跟住叫野食,我地叫完4個跟住諗緊再叫咩,佢唔介紹吓都算喇,仲同我地講,你諗吓先啦,跟住就走左... 我地叫左冬陰公湯(得個酸字,冇辣味),嚟到既時候仲唔幫我地整著個爐,叫佢比碗我地,

10月初到了這間食泰國菜,聽聞質素不錯,於是滿有期待去試,我地安排坐左出去花園,一坐低不停聽到狗吠聲非常噪吵,服務方面個個好似暑假工咁,有經驗果D又黑面,食物方面一打串燒雞串D肉腍到好霉,一D燒烤味都冇,咖哩炒蟹冇咖哩香味,D汁又杰撻撻仲杰過漿糊,隻蟹又唔新鮮.條燒青魚上枱時,D腥味腥到反胃,連最蒜蓉包佢都整到燶晒,食落去D蒜蓉香味都冇.

由於 一早訂左 木台 .所以一去到就有位我地一行7個人 ~ 金日尼系慶祝媽咪生日!<買左蛋糕 好采吾洗收切餅費>我地坐出面 . 哈哈 有個識噴水ge 風扇 好得意 ..一早book左半隻豬$250 . 齊人就上~尼到就聞左好香~ d 皮脆卜卜! 之后就叫左冬陰公湯 $128尼到冇火ge .就問個待應.原來個湯系即叫即煮 .. ;所以系夠熱~飲得出系足料ge 因為好多個d咩香矛 南薑個d 再尼咖哩蟹 $328 好大兜 ~好香! 點簿餅$18同 蒜容包$18 1流! 白飯仲任裝添!叫左椰菜苗 $68~媽咪好鐘意食呢個一打沙爹 雞 同豬 ~冇牛 .雞好味d^^ 香草肉碎 ~ 撈飯食一流~ 不過就spicy左d!最尾尼ge條 鹽焗烏頭$188好大條 好得意咖 d鹽包實哂成條魚食前要 界開d鹽先食到 .哈哈好鮮甜 好多汁! 好味叫拎蛋糕出尼個時 佢地仲幫我會開埋盒 插埋蠟燭出尼添^^

一心諗住食泰菜所以同友人入大尾篤踩單車,晚餐食泰菜當晚不算太多人,book定枱但遲左半個鐘去到都即刻有得坐有個侍應姐姐好靚好好人於是我地就睇menu叫菜朋友中有人不吃辣所以叫左:冬蔭功(小) $88青咖哩(雞) $78薄餅 $18泰式粉絲 $72泰式小食拼盤 $98青木瓜沙律 $68通菜 $68好食! 個人認為不算辣但友人仍然受不了,唯有狂吃白飯 (飯是free的)青咖哩撈飯同薄餅都好match冬蔭功比較酸,唔係個個接受到其他食物都好有水準臨尾可能多人,個waitor走黎問我地食完未= ="真掃興..所以叫多個甜品(西米糕)黎食..坐多陣就走了btw 下次想食泰菜會再來

為了隆重其事，早在一星期前致電訂位，而有關職員告之用餐時間為下午6時至8時。職員說因太多人訂座的關係，8點要交枱，當時認為兩小時的用餐時間其實都足夠，所以決定嘗試一下。附近幾間的泰式餐廳都試過，惟獨這間未試過。誰知換來受氣的一餐!受氣的原因不是因為食物的質素,而是侍應的態度!就算父親節前夕多人都不用趕客吧?!我們6點左右到達，ORDER完食物，期間未食完的碟侍應已多次想收!真係很無禮貌!7點未夠已經不停有催促我們走的意思!但最離譜是其中一個泰藉侍應竟然於7:15 我問佢有咩甜品之際，佢問我埋單未?!真係無名火起!我即刻問佢:「我幾時有話埋單?!」佢仲反駁話7點半要交枱!嘩~我真係未試過去一間餐廳咁受氣，一個鐘就趕客，仲要黑我地面!所以最後忍受不住去老闆娘度投訴該名侍應，雖然老闆娘道歉，不過要我介紹其他朋友或再來幫襯，真係很難!

今日同爸爸去預祝父親節一入到去見到D waiter 同waitress都好好笑容.氣氛好好, 好似真係去左泰國咁!本來book左戶外但係太熱, 臨時轉室內, 佢地都立即幫我搞.今日好滿好多人. 所以去之前都係book左先好d!頭盤叫左柚子沙律. 柚子用椰油撈過, 我覺得味道有d似嘔吐物.訂左半隻乳豬. 即叫即燒好快到. 皮好乳, 肉都好嫩. 一定要試! 見到每枱都有叫!爸爸好鍾意食魚. 所以叫左燒鯖魚. 十分推介! 味道好濃好甘香. 鍾意食魚都一定要叫!再叫左青咖喱, 撈飯一流!

The outside decor looked nice, kinda put me into a Thai resort setting but I still wanted to try the one on the other end of the street. My eyes then landed on some pictures of celebrities at the entrance and yes, I decided to step in. I admit I'm pretty shallow sometimes ; )So, after a 10 min wait, we were seated in the backyard. Noticed a lot of empty tables which were not cleared. Our server used a dish cloth to wipe our sauce-dipped, spotty tablecloth. Ehh, fine. So our veggies came, but w

近日於OPENRICE發現此餐廳好評甚高,於是相約友人一起來湊湊熱鬧....出發前先訂枱及半隻招牌燒乳豬;得悉狗隻可內進,即訂了戶外的枱(下午時還擔心因為下雨要取消呢~)7:30到達時,幸運地還有一個車位,泊好車就趕緊坐好點餐~一行三人點了冬陰公湯($88),紅咖哩牛肉($78),泰式串燒-豬肉及雞肉($78),薄餅($18),和預訂了的半隻燒乳豬($250),不用十分鐘已陸續上菜了!先喝冬陰公湯,眼看已見到數隻大蝦,用料頗足,味道酸多於辣,香料不會太重,不過不失!接著上場是燒乳豬,紅咖哩牛肉及薄餅,此時侍應順道過來替每人加飯,飯是免費任添,對於身為一個飯桶的我真是一件天大樂事!!不知是否先入為主還是期望太高,燒乳豬沒有想像中的美味....當然它仍是比坊間的優勝,但還不夠鬆化,皮肉分離,還要$250半隻實在有點貴,此時令人懷緬起法蘭度的燒乳豬.....紅咖哩牛肉的汁用來配飯跟薄餅都好吃,但沒有太大驚喜薄餅早已放涼,吃時感覺只能說是普通餅皮....最後泰式串燒-豬肉及雞肉上場,燒雞肉是整桌飯中最好吃的!夠滑夠香!燒豬也沒有燒得太乾,配沙嗲醬撈白飯一流!總括來說,個人認為這個價錢應該有更好

今晚一家人專程到此菜館試試.這裡有約六個車位, 但未到七時已經泊滿. 大美篤的假日很多車, 外邊露天停車場一早已是 double parking.今天一家人要了半隻乳豬, 雖是特色菜而且與中式燒豬不同, 但我又不太喜歡; 不過泰式乳豬醬都幾好味.另外點了沙律, 炒椰菜芯, 青咖哩. 這裡送白飯 (雖然是每次約半碗份量, 但都叫做任得你添); 青咖哩好好味, 故我們 encore 一個黃咖哩試試.btw, 我們坐室外, 環境不錯, 但有蚊, 點了蚊香作用都不大....

尋晚男朋友帶我去呢間泰國菜館, 我地都係第一次去, 星期日係會full booking, 要之前book定位.坐室外, 環璄唔錯, 但有蚊.諗住嗌餸, 生蝦沙律賣哂, 招牌咖哩今日冇...再叫多樣日本啤酒又話冇貨...其實我地係咪黎錯左呢(嗰時先7點咋).唔緊要, 我地最嗌左燒雞木瓜沙律, 冬蔭公湯, 椰汁咖喱牛肉, 馬拉盞通菜 同埋本地啤酒.首先竟然來碟通菜 =.=", 因為多人點, 所以廚房一炒炒4/5碟...好味, 不過感覺好怪囉, 上菜唔分次序!跟住來冬蔭公湯, 湯好濃, 蝦好大隻, 好味.再來椰汁咖喱牛肉, 椰香味濃, 送飯(免費)一流!但我地嗌的啤酒未到, 問個侍應, 隔左一陣先記得攞來, 仲要攞錯支泰國啤, 開埋倒落雙杯度. 咁算啦, 好小事啫.7點坐底7.10有野食, 之後我地發覺都d野食几大份, 我地應該食唔哂, 想取消個燒雞木瓜沙律, 叫侍應幫我取消. 佢話好幫我地取消.點知7.30就捧左碟沙律, 眼都突埋, 我地同佢講左取消, 佢話取消唔倒唔可以取消!!! 咁你無理由取消唔倒又唔同我地講聲. 最氣頂係佢既態度係好強硬, 好似我地錯咁唔可以取消!!! 佢似係客多d囉

星期六爸爸生日呀哥話大尾篤有間出名泰國菜食乳豬, 又一於試下之前都上過來OPENRICE睇過話記住要訂所以訂左半隻, 因為我地得5個人, 怕食唔哂但待應話係BB乳豬, 都係FOR 5-6個人到一入到去老細就好好禮貌SA WA DI CUP!! 幾多位真係好似去左泰國咁, 哈 不過原來佢係香港人黎坐室外, 剩係2張台, 好采留左台叫待應介紹野食, 佢介紹左試下馳名椰香咖喱蟹 : E隻咖喱同平時D咖喱唔同, 比較香滑D, 隻蟹的確好新鮮!! GOOD半隻乳豬 : 去到岩岩燒好有得食 , 皮好脆, 好似食緊薯片咁, D肉又不是好肥, 但我都小吃為妙 其他比呀哥清哂 GOOD!!生蝦 : 點海鮮汁一流!! 待應話即日入貨, 必定新鮮喎, 信佢一次的確新鮮!! GOOD!!馬拉盞炒椰菜苗: 好香好野味, 不過椰菜苗如果可以炒淋D就更好!!沙爹串燒雞豬各3串: 雞串燒好滑好香, 豬肉有小小"鞋" , 所以我剩係食哂D雞, 點沙爹汁還有另一種風味!!鹽燒烏頭 : 勁大條 , 廚師係出面炭爐炭燒, 炭燒比起出面其他店鋪既燒/ 焗的確爭好遠!! GOOD!!香酥餅 : 就咁食真係無咩味, 不過點左咖喱就

:我很喜愛泰國,泰國人,泰國歌,泰國菜,我通通都愛,以前我經常都去九龍城,因為貪果到多泰國菜,但自從我屋企附近開o左泰太廚房之後,我就少o左去九龍城,就算去都只係去買泰國食材或早上去供僧,因為暫時我未能找到一間泰國菜館,好得過泰太,果到D冬陰公,柚子沙律,菠蘿炒雞柳,仲有班泰國人整o既燒烤,都係我至愛,不單只是食物,仲有環境,餐館門外有一隻木船,木船裹放上海鮮,有一座泰國街頭外買檔,一輛泰國篤篤,還有木桌,木椅,搖搖椅,播放著泰文歌,好正,有時我思泰病發作,我都要去食0下o野,或去九龍城走一轉,解一解思念之苦.

同男友的公司同事由大圍踩單車去大埔大尾篤,選擇到大尾篤還車,因為可以唔駛再踩返去大埔火車站,而且肚有點餓,可以順道在大尾篤食聽聞咗都一段時間既"泰太廚房",由於事先沒有book枱,室內已full,唯有坐室外。order咗幾款不同既食物,有炒金邊粉 ~ 賣相比出面既其他泰國餐廳靚,味道也很好,好多蝦碌豬頸肉 ~ 我本身不嗜豬頸肉,但味道蠻不錯炒通菜 ~ 好味柚子沙律 ~ 比出面既其他泰國餐廳為辣,但嗜辣既我,覺得很開胃馳名咖哩大蝦 ~ 較多椰汁味,反而冇咩咖哩味,不過勁多汁,配"任食"既白飯一流菠蘿炒飯 ~ 沒特別沙嗲串燒 ~ 當晚沒有牛,只有豬、雞,肉質一流下次黎要試下馳名既即燒乳豬,好似好正咁!!

3年來只要入大尾篤食飯都只會選擇此餐廳環境一流食物一流服務態度一流每次去都必定要order的菠蘿腰果雞柳..超級好味..送飯一流(白飯任裝)哈哈今日帶埋松鼠女去..連佢都食埋一份..門口架dukduk可以任人影相..哈影完之後睇返好似去左thailand咁冬蔭公叫左小辣..味道剛剛好..本人不太食得辣..都可以接受第二最愛就係佢地個甜品有西米露的那個超棒!!!"不過唔記得叫咩名"..老闆每次都送我們這個甜品..正正正還有很多很多都好好味..不能盡錄xddd