泰太廚房

营业中

休息中

今次都唔係第一次去... 之前都去過好幾次...不過宜家就可能會少啲講真啲嘢食確係唔差錯, 仲可以係保持一定嘅水準, 廚師確係應記一功, 一間餐廳能令到客人, 食完之後, 都想返黎再食, 主要都係因為食物本身. 食材係咪新鮮, 味道係咪適宜, 還有時下興無味精. 我個人就覺得呢間餐廳, 都可以話係做到例如: 佢哋啲海鮮, 係隻船上面都仲係生猛; 好似啲生蝦咁, 即叫即整, 雖然係細隻啲, 但感覺都好似新鮮咁, 仲要係有時會賣晒, 咁咪唔會隔夜?!講到味道, 我每次去啲味道都好似無變 - 唔會太濃, 唔會太淡; 還有就算食完佢哋啲食物之後都唔會太過口喝, 應該啲味精都唔係好重, 都可以話幾原汁原味喇至於環境方面, 我去過咁多次, 都可以話係睇住佢哋進步, 由最初嘅斜路, 到現在有梯极; 至於後花園, 可見老闆確係用了唔少嘅心思, 希望凝做另一個環境跟一入去嘅感覺唔同. 呢間餐廳三個部分, 都可以比到客人唔同嘅感覺. 可惜嘅係, 只有少部分嘅地方有冷氣, 夏天嘅時候, 確係要訂枱先, 如果唔係, 唯有同其他客人爭風扇; 到冷天嘅時候, 在室外, 因為天氣寒冷, 又要跟其他人爭暖燈.

2008年5月11日，泰太廚房路過這裏，另一半想吃海鮮，因為食欲不大，所以只叫了：碳燒帶子、碳燒大頭蝦和蜆。由於材料都放在鋪外，看到是新鮮的，所以吃起來也就很鮮甜。特別是大頭蝦，很大只。至於價錢…雖然是大尾督，但都是市區餐廳的價錢啊。

I went to this restaurant by invite with my extended family of about 20 people & got to try out a few dishes.This restaurant is located in the countryside, so a car is needed. Otherwise, trying to catch the public transportation or a taxi will test your patience. Upon arriving at the restaurant, you're immediately given a holiday feel with the outdoor grill & thai dukduk. It's a small but cosy place & you can sit outside or remain indoors.The restaurant is probably family-run, so service is f

今日同車友大埔聚會於順便食飯去了一間泰太廚房..因門口可停車..我地幾部車..一行十多人..食物種類選擇不多..但出奇好食而且招呼都幾好..但唔知點解部份食品如咖哩蚧都無...生虾..一樣無所以叫了咖哩虾但真係古唔到咖哩出奇好味,跟住串燒,炒雜菜,沙拉,....十多人結帳真係每人唔使一百..底..但各網友下次去一定打家電話才去..唔係什麼都賣完..!

其實間野味道唔差,環境都好好,但係班o靚妹仔侍應令我唔會再去!班o靚妹十問九唔應,全部都盲,舉高手都見你唔到。淨係識成班圍埋玩/傾計,嘻嘻哈哈,推黎推去好開心o甘。大佬,請你返黎玩咩? 上菜時仲要一邊講笑/傾電話一邊上,寫個服字比佢!1) 上左個飯,我問佢係咩飯,佢見到面頭有幾隻蝦就答我係海鮮焗飯,跟住我話我係叫芋頭焗飯,佢走開左幾步,跟住大叫‘啊!係啊係啊,係芋頭焗飯掛。’2)好辛苦先叫到其中一個o靚妹加水,點知佢去左隔黎檯加。原本都算啦,諗住佢跟住會加我呢檯,點知佢加完隔黎檯就走。叫都叫唔住,我好大聲叫‘係呢邊叫加水!’佢先停底,然後同隔黎個o靚妹講,‘我唔想加水啊,你加啦!’你唔想做,都唔洗響個客面前講掛!3)見到佢地將d工作推黎推去,收空碟d小事,都推左好耐先有人黎!我真係以為我去左下三流酒吧!點解間野星期日食飯時間都得一半滿? 點解我走時過左食飯時間,都見到隔黎d泰菜仲係全滿?唔該,抄晒班o靚妹啦。比錢請返黎又唔做野又趕客!

19號同屋企人去左大美督行山,路經泰太廚房門口見到有架泰國麵檔車同泰國的士(督督),超吸引,勁攪笑,於是訂了晚上7點食飯,行完山超累,所以一坐低就立即睇下個餐牌有咩好食,但可能款式太多,樣樣都好想食,唔知叫咩好,後來有個男人(我諗係老闆)走個來問我地想叫d咩,洗唔洗介紹,我地唔客氣咁就話"最好啦"...最後佢介紹左我地食:1.明爐燒魷魚-明爐燒魚就食得多,燒魷魚都係第一次試,酸酸辣辣,好得意2.木魚(即鹽焗魚)-<必試>用鹽包住成條魚,食果時要扑開d焗鹽,有得玩有得食,條魚d鮮味同肉汁都鎖住晒,好正3.炭燒大肉蟹-好香,啖啖肉,好鮮甜其他已試好介紹有:炭燒串燒,炸豬手,生蝦,雜菜粉絲煲,人渣飲料(生果雜溝),但都溝得幾好飲,下次一定會同d朋友來再試.

話就話有live聽,不過我聽咗成晚都聽唔到佢地唱什麼囉!真係食到人口wer wer+服務差&大細超! 事關我隔離張檯有位wear黑超扮型&有BEN跑既情侶, 對佢地招呼不知有多好!! 搵個低CUP卒仔招呼我地..白飯係任吃, 不過一定係隔了n日既冷飯! 炒聖子都係凍冰冰! 燒豬手硬過石頭! '米走雞' 我吃到漂白水味囉! 依間泰國野真係very 唔掂! BAD LIST!!!!

平時去大尾篤食泰菜多數都食忠誠今次就揀左泰太廚房試試一行三人叫左:1.青木瓜沙律____木瓜有少少老,但味道好2.蝦糕炒飯____有新鮮蝦糕味,唔會好鹹,大蝦爽口,OKOK3.沙嗲____推介,有燒烤或炭0既香味,好食好食4.炒雜菜____冇特別,可以可以5.爐魚____烏頭魚太大條,肉不夠滑,一般一般總括而言,係一間above averge0既餐廳,值得一試

泰太廚房, 我己經去了三次,今次專登為佢寫個食評,當天是閒日的晚上, 我跟2名友人,專程收工趕入去大美督,雖然去到都九點啦, 客人不多, 環境寧靜,面對住個湖,舒服,最後我地坐係入面, 先拿上餐牌, e?今次有特價野喎,我地就選左個翅, 冬陰公湯,鐵板羊腩,泰式醃生蝦,炒雜菜,蛋網炒貴刁,一共六款,樣樣都好味,羊腩係睇到之前的食評先識叫的, 真係要食過先知, 原來係咁好食, 出面真係食唔到!遠d 入黎都抵番!我地3個人.....叫六樣野, 埋單410蚊.....個fd 都忍唔到話平....

係open rice見到呢間泰國菜, 好似幾好feel,同d野幾好味咁, 咪特登入黎食下...唔知係我食得比較少泰國菜, 或是根本無傳聞中咁好味啦, d食物水準一般,味道亦都怪怪地, 比起黎九龍城的泰國菜好味好多, 就連大尾督我食過既忠誠, 都好過佢好多...價錢都算ok既, 起碼食得泰菜, 都唔會預平希望佢真係可以好似佢講咁好味道, 咁有風味啦~

01/07/2007香港回歸十週年, 當然要慶祝一番啦! 朝早係電視睇到八一跳傘隊, 西部通車儀式, 大遊行.....好多好多... 每個人都去慶祝, 咁又點少得我呢?? 行吓行吓~~咦!!點解見到架泰國taxi嘅, 唔通我眼花定係我嘅去旅行狂熱症又發作!!通通都唔係, 係我去咗大美督(以前寫法係大尾篤, 而家統一改為大美督), 嗰度有間泰國餐廳叫做"泰太廚房", 佢門口有架泰國taxi做裝飾啫~~至於嘢食, 都ok啦~~我哋order咗泰式小食併盆, 冬陰功湯, 青咖喱燒羊扒, 雜菜粉絲煲, 炒蟶子仲有預定咗嘅燒乳豬半隻!! 我覺得最好味就係冬陰功湯同埋燒乳豬啦!好多嘢食, 好滿足, 好full~~http://www.thaithai.com.hk/

平時都無咩去大尾篤玩，今日去，先知原來有咁好味既餐廳係度！就係大尾篤既泰太廚房，同成班班ｆｄ係門口諗住會好貴，但見到出面好正！係門口已經見到架篤篤車係度，好有氣勢！好多人都走埋去影下相先捨得走，入到去原來仲有花園坐，勁好ｆｅｅｌ！不過最後揀左坐出面～因為可以對住個湖～好似去左芭提雅咁！真係好有泰國ｆｅｅｌ！又可以睇住師傅係度燒乳豬！１於試下！１坐低，待應擺低餐牌比我地就個個搶住睇～睇落～都唔係好貴咋ｗｏ！我地叫左個冬陰公湯，清炒雜菜，泰北炒羊腩，炸豬手，咖喱炒蟹，同埋出左去海鮮檔揀左１條烏頭用來鹽燒。特別想講係咖喱炒蟹．．ｄ汁勁好味．．待應話係特別加左椰青水同埋椰青肉．．令到咖喱味更香甜！原來呢度仲係白飯免費任裝．．唔洗哂左ｄ咁正既咖喱汁炒羊腩都要１試．．酸酸辣辣．．食上隱．．超正．．冬陰公湯．．好正宗．．同之前我去泰國玩個ｄ冬陰公湯差唔多１樣．．好入味．．鹽燒烏頭．．睇住師傅係出面燒．．由１頭生變熟．．不過擺低個陣．．見到好似ｌｏｏｎｇｌｏｏｎｇ地咁．．但跟住先知．．原來食鹽燒烏頭係食肉架咋．．１打開層皮．．勁香．．點埋ｄ酸辣汁．．ｇｏｏｄ！！好好味！食完之後睇下出面ｄ報紙．．原來全

我本身住住附近,見新開就去試下啦.....首先係門口架tuk tuk吸引左我,第二就係佢竟然有生蝦食...實在太好啦(因為其餘的都冇生蝦食).....水準雖然比唔上九龍城,不過係大美督來說,我覺得佢係no.1,價錢跟其他都差不多,起碼值回票價先,仲有泊車唔駛行過對面,所以我次次想出街食,都會去搵泰太.....

今日一家四口去食見今日落哂雨咁以為無咩人點知去到都係座無虛席好彩我地BOOK左位D位好闊落,地方都唔錯我地叫左木瓜沙律,冬陰公,咖哩牛腩,蝦醬炒飯同埋炸豬手份量都幾多,味道都唔錯,冬陰公隻蝦好大隻,好好肉,正咖喱牛腩好口岩撈飯食個炒飯味道好足,唔會臭又唔會太咸炸豬手係因為我地4個人食唔哂燒豬所以叫豬手炸到D皮脆脆地,又食到好有膠質一D都唔覺得佢肥,真係好好食價錢都OK

兩三個星期前,我睇完OPENRICE嘅食評滿懷希望咁先去試食,但失望而回. 我地2個叫左燒雞翼：味道同食感都勁似超市買嘅燒烤包雞翼蝦餅:外面係脆但裏面啲蝦肉冇啲蝦味唔掂蟹肉炒飯:飯冇蟹嘅鮮味,係原隻蟹上呀,但隻蟹係凍嘅,味道一啲都唔似係新鮮蟹唯一可以讚嘅係待應啲服務態度幾好.