泰巷 (將軍澳廣場) (已結業)

Deliveroo外賣，我叫左椰汁雞湯，豬頸肉煎蛋飯，雞肉炒河粉，香葉包雞，飛天通菜。非常不幸，其中椰汁雞湯飲到底先見到原隻曱甴仔，非常嘔心！！！望住隻曱甴，睇住佢啲腳，望住啲腳毛，我全家心理陰影面積已不懂計算！！！冷靜情緒過後立即打電話去餐廳反映，接聽之職員聽到後表現非常平靜，感覺似係非常常見，見慣不怪，亦看似非常純熟地表示下次黎我地餐廳送返個同等價值既湯比我，亦不慌不忙地說“記得30日內喎“，最後請大家如光顧此店時小心睇清楚食物！我已報食環，希望幫到呢間餐廳注重衛生。

今次叫左泰式肉丸湯河，飲奶茶，加配春卷。成個湯麵望落好足料呀，有豆卜、蘿蔔、通菜、大豆芽。主菜肉丸細細粒，口感都算彈牙。個湯雖然唔辣，但好濃味，食完會好口渴，想飲好多水。所以平時會飲埋個湯既我都唔飲了。河粉厚厚短短唔太滑，個人就唔太鍾意呢個口感啦。份量都多，食完就覺得好飽。加配既春卷值得一讚，佢應該係即叫即炸，影完靚相放左一陣先食仲好熱辣辣，脆卜卜，好好味。熱奶茶，茶底好重，然後果晚我眼光光訓唔好，好彩第二日唔洗返工。星期六係要加一服務費架。時間關係，餐廳唔多人，都幾岩傾計架。

因為平時一杯泰式奶茶都好貴呢間叫個餐加錢就有所以今次外賣就果斷揀咗佢😂😂😂之前返工lunch都會食佢嘅唔知叫咗個外賣便當叫咗雞翼變到唔知佢係咪唔夠雞翼所以俾多塊豬扒俾我😚😚有春卷串燒同一件魚餅又係滿足嘅一個午餐🥳🥳

平時都幾鐘意食泰國菜🇹🇭呢度嘅下午茶餐又足料又抵食所以weekend都好鐘意黎歎返個3點3🤤.🌟泰式香茅豬扒炒河 （$36）豬扒煎得好香 而且又夠腍炒河亦都炒得啱啱好夠乾身配埋芽菜、韭菜等等嘅調味料真係好惹味 🤓.🌟香茅豬扒蕃茄濃湯通粉 （$34）（追加 炒滑蛋&鮮油厚多士 +$5）豬扒同上面個道菜嘅豬扒大同少異蕃茄湯好夠味 超濃郁🍅而炒滑蛋份量都幾多 成個組合好似早餐咁🤣.呢度下午茶餐仲會跟一杯餐飲通常我都會飲奶茶 鐘意佢茶同奶嘅比例好只係30幾蚊就有呢個下午茶真係好抵食😋

晚市燒豬頸肉船河$52個湯底食落好似公仔面湯底但好在豬頸肉都係幾好食嘅同埋個蘿蔔真係好甜豆卜就無咩特別 又細舊份量都係無menu圖入面咁大份嘅但味道都算ok啦加3蚊嘅泰奶幾好飲 有驚喜奶滑 茶香

今天很想吃泰菜，到了將軍澳廣場，之前已吃過一次，已經知道很普通。點了個二人餐，內容都接受到，包括有半隻燒雞，海洋冬陰功湯，串燒等小食丶肉碎生菜包，兩杯飲品。額外叫了一份油飯。因為有想吃的燒雞。在這些區內的泰餐，如果硬要把它跟九龍城的比較，也對它不公平。雖然如此，但真係一般水準之下，春卷明顯有油＂益＂的味道，冬陰功湯一點也不夠熱，燒雞也炸得乾乾的丶真的沒有什麼合格，所以更沒有影低任何照片。可惜，吃了大概1小時後，我倆都到攪肚痛，真對此餐廳的衛生有保留！

兩日前行開將軍澳廣場，覺得有點肚餓，行到food court 個邊見到有間泰國餐廳，望望下午茶的餐牌，好似幾抵食咁，又唔使排隊，便入去試下，叫左個蕃茄濃湯香茅骨湯米粉$36，追加酸辣無骨鳳爪$12，上菜速度好有效率，但碗米粉一來到，嘩，香茅骨有3條，全肉無骨，但有一條是肥條，蕃茄湯面個有層油，米粉就好似福字米粉咁，以為泰國餐廳有金邊粉選，但沒有的，酸辣鳳爪就不過不失，正正常常，但原來呢間普通的餐廳，假日下午茶有加一服務費的，要留意啊！

這天在將軍澳邊走邊看，見到一間食物款式多樣的泰國菜，價錢合理，就內進試試。菜式選擇十分多，我們都糾結了一段時間才決定到下單。作為泰菜愛好者，見到有泰式奶茶供應就加了$3加配，杯子不大，可少冰但不可少甜。看顏色好像幾到位，原來味道都很到位，茶底香濃，跟泰國飲的味道相似，真懷念在泰國旅遊的時光啊！我點了香茅豬扒湯河($48)，配冬蔭公湯底，豬扒又分開擺放，份量好像幾足。湯底濃郁，酸酸辣辣又不會太極端，河粉吸收了湯底的精華十分開胃。河粉分量幾多，理想地煮得剛好不會太淋。同時，我喜歡他們放入了一點通菜，讓菜繼續吸收湯底的風味，特別惹味。香茅豬扒件數多，有骨無骨兩樣都有。豬扒肉質比想像中軟淋，容易咬開，還有淡淡的香茅味；不過豬扒是以炸的形式供應，所以會比較油膩，放在底的生菜也蓋滿了豬扒流出來的油，油光閃閃。餐廳使用即棄餐具，方便衛生。是次用餐幫我止了一點泰國癮，經過附近又想食泰菜可以來試試

Was looking for a place to have quick lunch and seen this place. I was thinking Thai restaurant steady option. We ordered hainanese chicken and beef ball flat noodle in broth. Very average choices, however their food flavors were just so awkward. Portions were tiny, especially the hainanese chicken. The lemon tea was the most strangest lemon tea I've ever had. Possibly other dishes could be good, but from what I experienced, I would not recommend this place to anyone.Service was extremely slow,

近呢幾年將軍澳開左好多商場,周圍唔少住宅大廈同商場,人口密自然多食店陸續揀係呢度開,今日就要介紹一間泰國美食店🏖傳統風味無骨豬手湯河 $56豬手炆得夠曬冧又入味,而且份量好多,肉質肥瘦適中,啱晒大人細路哥!湯底好濃郁，香葉金不換🥬🍋味道都幾重,泰國風味出曬o黎,本人覺得十分正啊!!香茅豬扒湯河 $48豬扒切開分碟上,唔驚啲湯浸到濕曬,香茅味夠濃,煎得又香口,湯底配埋嘅白蘿蔔都好好味,又甜又軟冧冧,整體黎講兩款河粉都夠曬水準! 小吃-香茅雞中翼 (2隻) +$12雞翼同樣出色,香茅味夠濃,醃料充足好味道!!泰式凍奶茶 +$3驚喜泰式凍飲!!平時飲開泰國奶茶都知係甜到漏,估唔到呢度唔會不止,而且奶夠滑,茶味仲好香醇,絕對值得一飲再飲呀!!🍽 泰巷 Grand Avenue Thai Café (將軍澳廣場) 📌 將軍澳唐德街1號將軍澳廣場1樓1021-1023號舖（港鐵將軍澳站 A2 出口, 步行約3分鐘）☎️ 34677899⏰ 星期一至日07:00 - 22:30

🌎泰巷 (將軍澳廣場) (將軍澳)好掛住泰國美食呀 食過泰式早餐先 所以去左泰巷 味道不過不失 ▫️魚丸湯河+多士有幾粒魚蛋 幾粒豆腐卜 河粉份量少 雖然份量少少地 但對我黎講啱啱好 至於豆腐卜 索曬湯汁 都幾好味 湯汁用左濃濃既香草味 我本人好鐘意呢隻味 但我朋友唔鐘意 ▫️香煎雞扒蕃茄通粉香煎雞扒食落肉質尚算嫩滑，蕃茄湯味道比較酸沒有蕃茄甜味，不建議選茄湯人均消費：$40環境衛生：7/10推介指數：5.7/10📍將軍澳唐德街1號將軍澳廣場1樓1021-1023號舖

23Sep2020(Wed)下午茶 ~ 行完山！想揾個地方歎杯冰凍嘢飲雖然已經五點幾！但佢仲有茶餐食去到6點太好啦！可能係平日！餐廳唔多人！坐得舒服👍🏻啲嘢食唔大碗！不過$38個餐都過得去

呢間泰巷之前食過幾次，食物質素唔錯，好多時都坐滿人。而家做緊全線外賣9折優惠，指定菜式有7折。仲同左Foodies & Goodies合作，買滿$200就可以揀一樣$30既急凍食品，超左就補返差額。不過店員解釋時太細聲，我地揀左個$58既壽喜燒汁豚肉，最後補左$28🙈招牌海南雞飯 $56海南雞飯可以揀白飯或油飯，色澤鮮黃，雞肉幾滑身。不過途中發生小插曲，返到屋企先知比漏左一份海南雞飯，結果又要再落樓拎😫傳統風味無骨豬手飯 $63豬皮軟滑Q彈，完全無臊味，滿滿骨膠原，無骨豬手份量亦不少，肉質腍而嫩滑，加埋半邊滷蛋，大量白飯，抵食又好味。傳統風味無骨豬手船河 $54胃口較細又唔想食飯，可以選擇船河，餸菜款式頗多，我揀左河粉、船河湯，湯底尚算濃郁，河粉掛湯幾入味。咖喱雞煲配白飯 $63黃咖喱味香濃惹味，少許辛口，雞件肉質嫩滑多汁。

有一段時間冇幫襯泰巷了，今日再來✌️依然咁抵食，50幾元就有個套餐，咖喱豬扒飯✨，豬扒好有味唔鞋，咖喱重香又多配菜。招牌無骨海南雞飯✨明明寫住冇骨㗎，唔知點解變咗有骨😔，不過都都係滑嘅

琴晚同朋友去將軍澳行下商場，夜晚食飯時間經過見到呢間泰國菜餐廳，做緊二人餐$298，於是入去試下首先叫咗個二人餐，有小食拼盤，呢個小食拼盤好鍾意！有好多唔同種類的小食，大部分真高水準，推介大家必試！海鮮冬蔭功湯，可接受唔算好辣，整體一般咖喱軟殼蟹同菠蘿炒飯菠蘿炒飯竟然冇菠蘿個殼😨😨另外加咗個芒果糯米飯，糯米飯可以，但芒果好酸餐廳最大缺點係有酒精飲品只有象啤，而且價錢都偏貴，整體不過不失。🤨🤨🤨