泰式食

营业中

休息中

今日同老公難得出銅鑼灣食飯, 老公話好耐無食泰國，,所以就來泰式食，記得好幾年前食過，環境大同靚，上次來要等位，今次6點前就來到,没有太多人，我地擇左窗口位，風景都幾靚，望落去就係ｓｏｇｏ， 其實衣到都幾啱慶祝食。今次水準同上次一樣好食，食左三個餸加飲品真係好飽，差d食吳哂但係水準菜，最緊要係夠哂熱上菜快可能未係好多人，下次想食泰國菜都會再黎衣間。１）醃豬肉碎沙律(生菜包)~味道係好味既,好正宗(但如果多一點肥豬肉就更好，一定會超好味🤣， 肉質真係偏瘦。）２）👍泰式燒雞,我老公最愛, 亦都不負眾望, 雞新鮮肉質夠幼嫩.醬汁就同併盤一樣係普通泰式汁,如果有其他選擇就更好啦!３）泰式拼盤~(蝦餅,魚餅,素菜春卷)全部都好新鮮又夠熱(好味),不過分量吳算多,每款兩件４）龍眼冰~龍眼味濃烈, 偏甜😁(但我喜歡)

金百利廣場一到lunch或者晚餐時間都人山人海呢到既菜式包羅萬有 中日泰韓都應有盡有Fat9咁識食就緊係要去試下位於金百利既泰式食啦呢間泰國野既裝修係落左啲心機🥰相信去過泰國既冇搭過都一定見過tuk tuk 呢間餐廳一入門口就見到有架tuk tuk係到😆呢排去唔到旅行住 見到就當去左先啦🥴﹊﹊﹊﹊﹊﹊﹊﹊﹊﹊﹊﹊☞ dinner set 338$ 前菜:豬串燒 主菜:青咖喱豬肉 湯:椰子雞湯 蔬菜:蒜蓉炒西蘭花佢既串燒醬不得不讚 好好味 花生味好重 搶哂主角既風頭😚因為佢串燒啲豬肉既肉質都幾似食緊柴咁 成舊乾爭爭 所以個醬搶哂風頭😹個串燒唔點個醬既話係食唔到落口 又冇味 好彩有個醬🤭佢個青咖喱豬肉既豬肉好過串燒既肉好多 可能係煮法既問題😳講番個重點 佢個豬肉都唔係重點個重點係個青咖喱真係好出色 剩係個汁都可以撈十碗飯😋黎到呢到Fat9極推介大家叫呢個青咖喱 又唔話好辣 送飯一流🤤佢個椰子雞湯都比幾多雞我 但佢個椰子味就唔係話好出但都有味既只不過唔重味🥴拿 唔好睇佢好似細細碗咁 飲落去4個人都夠飲一人一碗 啲料都夠4個人食架😼而佢上面紅色個啲唔係辣油黎 大家可以放心以為湯落辣油咁kick

聽同事講‘泰式食’嘅下午茶又大份又好味又底，一直想搵機會試吓，今日冇帶飯就去食呢間啦！點知去到嘅時候五點尾就六點，下午茶已經完咗🥺🥺咁為有食佢嘅晚餐😳😳～～～泰式炒粉絲（配雞肉）～～～$88佢嘅晚餐都好食嘅，但係貴左D囉，一碟炒粉絲都要$88，唔包野飲仲要加一😤😤講返碟粉絲先，比例上粉絲同雞肉都差唔多，雞肉幾大件、有彈性！粉絲亦炒得色澤均勻，夠濃味！配菜都幾豐富🥕都係得1個鐘食飯，未能享受一餐好味嘅雞肉炒粉絲！🙂🙂P.S 下次我一定要食到你嘅‘下午茶’😆😆

中午來到銅鑼灣這間泰國餐廳覺得詑失望... 餐館裝修本身幾靚好特別，泰佛像仲有架篤篤打咭位。午市套餐揀飯粉及飲品，自助式拎餐湯沙律，炸蝦片小食。第一次點泰式海南雞飯， 雞件已經乾又鞋更發現好多骨，根本和切雞飯無疑! 向經理查詢了解，佢竟然話餐牌寫著泰式海南雞飯並冇“去骨”這兩字喎。你是覺得我們從未去過泰國嗎？例如港人喜愛嘅水門海南雞飯來說，全是雞肉已去骨的

🍴 泰滋味三寶 (明爐青檸烏頭+泰式燒豬頸肉+泰式生菜包) ($368) ⭐️⭐️⭐️⭐️ 烏頭整得好好食，賣相同樣吸引，辣辣地嘅汁加上青檸調味，魚肉入哂味，食落好開胃好吸引！豬頸肉份量幾多，燒得唔錯，配上秘製嘅辣汁都算幾夾，值得一試。生菜包嘅肉碎炒得唔算好油，我覺得生菜葉可以比多幾片，因為肉碎嘅份量其實多過生菜葉可以包到嘅。 🍴 泰式濕炒河粉 ($90) ⭐️⭐️💫 河粉整得太淋，上菜時黐埋一齊，配菜有點兒太多，整體感覺麻麻地。 🍴 芒果沙冰 ($38) ⭐️⭐️⭐️ 沙冰好大杯，味道正常，雖然飲得出唔係新鮮嘅芒果整出嚟，但幾解渴嘅。 .............................. 泰式食 地址📍: 銅鑼灣記利佐治街1號金百利廣場8樓 R3 總評分: 6.6/10 .............................. 味道😋: ⭐️⭐️⭐️ 環境👀: ⭐️⭐️⭐️💫 服務👨🏻‍🍳: ⭐️⭐️⭐️💫 衛生🧹: ⭐️⭐️⭐️💫 抵食💰: ⭐️⭐️⭐️

今日同左一個鍾意食泰國菜既frd食飯😙但我本身就麻麻泰國菜😂一入到餐廳真係好似置身曼谷咁🤣🇹🇭(沙哇滴卡～)呢間餐廳時不時會有Live band架，所以記得打去問清楚有冇😙❣️•🔸食物簡評(收取加一服務費）•💭皇宮大蝦蛋網炒貴刁 $108賣相真係好靚😋伴碟有辣椒粉、砂糖、青檸同花生碎，可以俾你自行調節口味👍粉就酸酸甜甜咁，味道就偏淡(可接受)🤫份量好足，兩個女仔食都食唔晒😂•💭泰式炆豬手 $98呢個真係認真麻麻🥶唔建議叫⋯本身見佢係Menu推薦先嗌😣肉係夠淋既，但就冇晒肉汁☹️豬手亦都唔夠入味，好淡🥺上菜嘅時候配左甜酸醬，但唔係好夾🥲•💭醃豬肉碎生菜包 $88勁好味！！！豬肉碎微辣，好香口，咸度亦適中👍豬肉碎都仲有肉汁🤩生菜都夠晒新鮮！😚夾埋一齊食個味蕾嘅調和超正😍•💭 新鮮椰青 $45椰子肉好嫩滑🤓椰子水新鮮清甜，食住泰國菜飲一流🤪值得再試啊❣️🤑•💭椰汁冰 $35冇得調節甜度🤭但係甜度恰到好處！！！(我食得偏淡)所以有驚喜❣️😂本身以為會甜到喊😗唔錯唔錯～😋•🔸IGable：📸📸📸•地方寬敞舒適，有成4000幾尺，仲有唔同特色嘅function room(圖6&7)🤫坐到呢啲位影相就正🤑有

地點位於金百利廣場8樓📍入到黎兩位泰國姐姐就好熱情咁招呼我地坐卡座服務態度好 值得表揚👍🏻同老公點咗份沙爹串燒 青咖哩牛肉 豬頸肉飯 同埋一杯珍多冰 個飯仲有冬蔭功湯送 正🌟意想不到嘅係呢間泰國菜口味普遍偏甜🍬青咖哩如果辣少少會更加好味 豬頸肉真系特別推介 薄薄地又唔會柴 入口即融嘅感覺❤️ 冬蔭功湯原本以為跟餐送嘅會一般般 竟然意外好飲 入面仲有好多雞肉 驚喜之選😻珍多冰系椰子味㗎 入面仲有綠色涼粉同芒果 不過就甜得滯 比較敗筆嘅就係串燒啦 得四串好唔抵食 最緊要肉質好柴 硬掘掘 沙爹醬完全同花生醬無區別 仲無咖哩醬好味 算係唯一中伏嘅嘢😢姐姐有禮貌 收走啲碗碟會問一聲 好有親切感🥰總結：值得下次返轉頭幫襯 不過唔會再食串燒

今次要介紹嘅係一間位於銅鑼灣既泰國餐廳🇹🇭事源有日趕時間搵嘢醫肚又唔想食茶記🥸就行去金百利果頭搵食 排隊搭電梯果陣見到餐廳招牌就膽粗粗走去試啦🍴餐廳裝潢唔走精緻路線，一入門口就見到一㗎嘟嘟車係到🚗 別有一番泰國風味，唔講真係以為自己去咗曼谷🤪海南雞飯賣相普通🤔但肉質嫩滑有雞味配上熱辣辣嘅薑黃飯啱啱好✨重點係佢俾嘅係雞髀位！🍗唔似得好多燒味舖同樣價錢可能俾埋啲頭頭尾尾🥺金邊粉炒得一啲都唔油🤩味道咸甜香口非常惹味😝側邊仲放咗辣椒碎、乾蒜粒、砂糖俾食客調節味道，口味重嘅朋友就唔驚唔夠喉啦😚套餐跟湯同嘢飲🥤個合掌瓜雪耳湯幾有住家feel 無味精🥣飲多都唔會覺得口渴。餐飲方面叫咗杯泰式奶茶，無咗港式奶茶嘅苦澀，入口幼滑😆但個人覺得味道太甜，小編都係偏愛茶味濃郁帶澀味嘅港式奶茶🤫平日會提供免費任添嘅蝦片同湯，大家食悶咗茶記不妨試下~🌟 泰式炒金邊粉 ($58)🌟 泰式海南雞(飯) ($60)🌟 泰式熱奶茶 (跟餐)另收加一服務費味道：🌕🌕🌕🌕🌑環境：🌕🌕🌕🌗🌑價錢：🌕🌕🌕🌕🌑

好耐無食泰國野，又無得去旅行，真係好懷念泰國午市套餐價格都算合理，平均5、60蚊，不過要加一。叫左泰式海南雞飯$60係雞髀！不過我覺得佢全部都係用雞髀，並不是全隻雞整。配油飯同最正既泰式酸辣汁，有呢個汁乜都好食無諗過有泰式奶茶，傻傻叫左普通熱奶茶，奶糖自落半自助係指出面自助拎湯同沙律，湯有兩款，冬陰公同中湯，我剩係試左中湯（佛手瓜紅蘿蔔豬骨湯），味道唔錯，飲到有少量味精，沙律攤開唔想試埋單連加一$66，銅鑼灣正常午餐價！可以再戰！

今日我放假特登去銅鑼灣約朋友食lunch，因為佢喺附近返工，所以好熟悉銅鑼灣區。佢就推介左我食呢間泰國餐廳，我哋點左兩個餐 ，另外沙律薯片以及湯水可以免費任裝。青咖喱豬扒飯豬扒好大塊好抵食，而且已經切埋，方便食用，青咖喱撈埋啲豬扒十分之滋味泰式濕炒河粉（雞肉）呢個河粉配料十足，有好多配菜，雞肉亦都大大嚿，唯一唔好嘅地方係河粉太「林」。飲品我會推薦泰式奶茶糖漿係自己落，甜度可以自己調校。總括嚟講，呢間泰國餐廳十分之抵食，食物質素亦都唔差。

lunch time同事請食飯，去左金百利中心8/F 食呢間泰式野（再encore）午餐set價錢算合理自己叫左個燒豬頸肉飯～豬頸肉燒得香脆，又唔會過乾，分量岩岩好夠我食；醬汁亦好有泰國地道既味道👍🏻👍🏻而同事個濕炒河粉偷食左一啖，好正🤘🏻大大碗又多配料，最緊要都幾多菜，下次決定要試！跟餐叫左杯熱泰奶，好好好好飲呀！比凍既更香醇順口，必試！☕️銅鑼灣金百利中心選擇確實好多，呢間餐廳價錢，味道，質素range都屬於合理範圍，推推推🎖

政府朝令夕改，使餐飲業經營非常艱苦。每晚六時後停止堂食，更令食肆員工流動基本停頓。我們不敢質然增聘新人，現職員工也不敢請辭，散工亦暫停上班。早幾個星期前，自己公司的泰式餐廳計劃開張，拜託業界友好找到了四名全泰籍地道廚師，完成試菜後，在最後關頭才決定因六點禁食令而延遲啟業。應允上班之泰籍廚師也不欲等待，去如黃鶴高飛另覓良巢了。泰籍廚師香港難找，故市場上是十分搶手的，薪金亦媲美中式廚師，大約兩萬中左右。他們族群有自己生活圈子，加上不諳英語，廣東話也只懂聽說，不懂閱讀及書寫中文。所以，若要聘請泰籍廚子，除非你懂泰文，否則從正常招聘渠道如勞工處、或求職網頁注定是失敗、徒勞無功的。這嘟嘟車是地道曼谷標誌，但銅鑼灣區寸金尺土，店家買回來，佔用了兩張檯位置，反而有點礙眼。舊嘟嘟車平宜，入口香港連運輸費用大概三萬元。許多泰式餐館也買一輛，放在門口招徠客人，成為拍攝焦點。可惜這兒店家忽略燈光及佈景的重要性，照片會顯得陰暗失真，建議加幾盞投射白光，背景掛上一幅曼谷景象海報尤佳。想再說明一下，許多泰國餐廳之室內設計師都習慣性以大芭蕉葉、竹支、及四面佛廟輪廓作為設計藍本，然後多加幾件大象及歡迎光臨合十之人象擺

約咗朋友去銅鑼灣食飯，對呢個地方嘅食肆已無乜印象，因為我係九龍人。抓爆頭就上open rice check 下有乜嘢食啦！揾到呢間嘢，兩個人點咗個套餐，三百幾蚊。冬蔭功湯無乜味又唔辣嘅，不過都有蝦嘅。四串沙嗲豬同雞（各兩串），沙嗲汁無乜味，好希。肉就好細份量，豬肉仲係薄切。辣炒海鮮又唔多辣，食完無乜印象係咩味，只記得個汁太多豆粉。炒通菜叫做ok。甜品兩嚿榚，一嚿無乜味，一嚿有啲芒果味。總括係成餐飯係唔好食！唯一好處係open rice 訂位有得送 Asia miles。

今日晚餐就去左呢間食，因為太耐冇食泰國菜了，叫左個二人套餐，另外再叫多左個粉絲。個青咖哩真心正👍🏻👍🏻仲有個烏頭魚都好好食，可以值得再食多次！另外杯龍眼冰都好好飲。

餐牌午市泰式食 埋單147午餐大幾55-68 +8蚊有特飲湯聽人講以前有得自己拎但依加變成一坐低就比你今日個湯係青紅蘿蔔加陳皮陳皮味好少唔搶蘿蔔味道口錯唔錯之後叫左個6號 香草胡椒肉碎個河間唔中會中會食到胡椒 幾辣口河粉味道適中 多菜少肉 辣味夠香口 河粉唔淋之後仲有個5號泰式抄魷魚米粉冇咩味 主要靠個魷魚同汁花生偏淋 我只係撈左辣粉 覺得可以辣少少而魷魚算係高水平 燒得好 有魷魚香味 食得出原本個種鮮味 只係好似圖咁 得5 6舊 唔夠菜成個米粉餐飲加左兩個特飲正常應有既水平 合理價錢值得一提係地方坐得好 好舒適 裝修又唔錯